影片
相关文章
呢排肠胃麻麻地，谂住早餐食清淡D整返碗粥。平时都会间唔中黎深水埗街市熟食中心呢度食野，讲真果度以前已经好难去，而家D电梯仲要修理极都未修理好。朝早7点几要穿过拆货落货嘅街市菜贩同鸡贩摊档喺湿滑嘅地面前进……但当你穿过重重困难，就会见到几只猫（X） 错，系到左有好多好嘢食嘅熟食中心。祺记同维记应该系同一个事头婆（戴眼镜个靓女），以前都系去食维记嘅猪润通粉早餐。猪润系出名菜式。今次食斋猪润粥，特别要求加姜，事头婆好大方咁应承仲几次大声提醒厨房，成件事好似食左姜嘅感觉一样，好warm。个粥底好棉，闻到米香同粥特有嘅咸香。食落口又鲜又甜，有D姜丝嘅汁沟埋特别醒胃。今次碗粥猪润份量都多，平时食猪润通比较少呢XD 喺粥嘅热度入面熟得啱啱好，鲜嫩弹牙又冇血水，亦有猪润特有嘅沙嘅口感。加左姜又可以劈咁D腥味同吊到个鲜味出黎。平民嘅地方总系揾到瑰宝。呢碗粥摆喺D 高级地方一定贵好几倍。其他食品价钱都系平民，不过今次主要系养胃为主，怕食得太饱或油腻就冇试了。
继续阅读
今次嚟到深水埗熟食店祺记餐厅，今次我叫左一个黑椒猪扒饭食加杯冻柠茶，我看见黑椒猪扒饭很有惊喜因为佢将啲猪扒切开很细心😍猪扒唔厚很容易食很好味...但重点黑椒汁好似我细个屋村快餐店食𠮶啲黑椒汁有怀旧味道很难找到所以今次我很满意😋👍🏻
继续阅读
今晚屋企打边炉，所以去咗北河街街市买𩠌😀买𩠌之前食个午餐就去咗不河街嘅熟食市场食🤤因为有啲感冒就想食粥，叫咗个炸俩加个皮蛋牛肉🤧阿姐写完个价钱之后😧左，两样加埋都系$29平时食个lunch真系好贵😭因为物价上涨得好犀利😭炸两只系$10，我谂出边都唔系咁易食到啦🤯不过虽然平但系味道依然不错
继续阅读
食不到光荣结业的信兴茶楼，结果来了对面的街市，一尝地道之味。街市，有人欢喜，也有人感到讨厌。无他的，湿湿的又污秽，不过几时都话食好嘢系要有代价的。冬天时，点上一碗热辣辣的猪润鱼片粥，鱼片刚熟，也没有草腥味，适量地加入姜葱吊味，香香之外又恰到好处。猪润薄切，不失咬感，不硬，粥底又绵滑，热度够，收十九蚊真心抵食！后加的炒米粉，获气十足，十分有惊喜的小店！希望这类小店能继续在小社区，提供更多平民美食比大众市民。
继续阅读
星期六迟左少少起身......又要去黄金买新电话的accessories.....搞到大约成点钟先可以食野........由于星期五晚餐食得太多....所以想食D粥水清下肠胃~响openrice 揾左一阵, 想试下D未试既地方~ 结果我地两个拣左北河街熟食市场的祺记~两个人叫左:1) 炸两: 唉上台时已经系微冻的.....而且D炸鬼淋哂......2) 萝卜糕: 呢个超唔掂.....超重沾米粉味.....又唔太够料......都系自家制既好好多 3)猪红碎牛粥: 女友的猪红碎牛粥: 佢话冇乜特别~4)炒米粉: 呢个系最掂的~~!!!!! D米粉炒得唔会变碎哂~ 而且又多牙菜~~~赞~~!!!!5)粉肠猪红粥: 我的粥~ OK 啦~!正当有D饱既时候, 本来想饮我每日一杯的咖啡~ 但外表豪迈，但倾落异常亲切的姐姐知道我有些少感冒后,，推介我饮呢杯: 6)柠乐煲姜: 呢个真系超得~~! 姜片应该"拍"过之后先放落入面一齐煲, 所以超重姜味~ 夸张D讲，我冇乜机会饮到水准咁高既柠乐煲姜~~! 超赞~~!!!!
继续阅读