祥香園餐廳

营业中

休息中

星期六下晝四點半左右黎食，已經賣晒叉燒酥，非常可惜。員工說師父已經收咗工，第二日請早。一場黎到，當然要食返個tea先走。我喺QR code落單，叫咗個$57茶餐。瑞士雞脾撈麵個雞脾好一般，冇話好入味。撈麵另外用碗仔上，熱辣辣，啲汁食落都似係瑞士汁咁上下。仲送咗幾棵沙律菜。火腿奄列好普通，個牛角包太古怪，放棄無食，個包可以加錢轉多士。檸啡呢個係靈魂，消暑、清爽！服務有個哥哥仔好勤力掃地，食食下要縮腳，地道香港style！

【極差用餐體驗】價錢唔係藉口，食物服務雙重失望！今晚專登去筲箕灣祥香園食晚餐，叫咗兩份鐵板牛扒，結果完全中伏！ **食物方面**：牛扒肉質又韌又乾，醬汁淡而無味，連最基本嘅熱度都唔夠，上枱時鐵板「咋咋聲」都冇，似翻熱多過即製。 **服務態度**：最離譜係伙記嘅反應！反映問題時，有個女店員竟然寸返：「幾十蚊你想點啊？呢個價錢就係咁㗎啦！」 → 請問而家係顧客要求高，定係餐廳自己放棄質素？平就等於難食都理直氣壯？ 以後寧願畀多少少錢食其他餐廳，至少唔會受氣。 唔介意平價，但介意敷衍同態度差！永不回頭！

今次試咗之前响西環嘅著名懷舊冰室祥香園，現在分店遍怖香港九龍。適逢最近仲要同香港本地老字號的均香餅家Crossover推出嘅菠蘿油，排隊名店邊個末聽過，一定要嚟試試。💥 期間限定特製菠蘿油菠蘿油不嬲都好邪惡，今次仲要加埋黑芝麻餡〔仲有開心果餡〕，一啖咬落去有多重口感，個皮脆得嚟仲要滲出淡淡嘅芝麻同牛油香，真係忍唔住要食晒成個，同老字號crossover果然有驚喜！ 開心果醬都好濃郁！*🔥 焗咖喱牛坑腩飯* 嫌焗豬扒飯有啲悶，今次有茶記罕見嘅焗咖喱牛坑腩飯！牛坑腩既腍又香，咖喱面層焗到微焦，加埋蛋香炒飯底簡直係天衣無縫～ *🥩 鐵板紐西蘭肉眼扒* 鐵板熱辣辣上枱滋滋聲，塊扒都好高質，熟肉質粉嫩juicy，自己淋黑椒汁儀式感十足～

細細個係西環已經幫襯，最愛蓮蓉雞尾包估唔到而家係筲箕灣可以食到而家仲有好多選擇，有all day breakfast, 鐵板餐。。。西多士好好味，雞髀熱辣辣，正香蔥豬扒蛋包飯好好味要多啲執所幫襯，最後都外賣咗兩個蓮蓉雞尾包

食物品質非常唔錯😋開多咗分店同時希望keep到👍🏻呢間茶記最近新開，見排哂長龍一於試試佢🤪首先要讚嘅係早餐時間去到12點都有得嗌，有符合返現今香港人嘅作息時間去作調整👍🏻 唔似得連鎖快餐店 （麥XX、大快X之類) 仲係好墨守成規，11點就截單食物方面，試咗佢幾款嘢：雙拼三文治 （蛋、牛) - 合格蛋夠滑身、牛肉配料份量恰當，一樣咁簡單嘅食物，今時今日做得正正常常已經好難得。反而我會諗，越簡單嘅食物係咪要用心去整？(本人係好怕食到扒爐炒蛋)熱奶茶 - 合格茶味香濃、淡奶中和咗茶澀味，茶奶平衡恰當沙嗲牛肉麵 （雜菜湯底) - 出色👍🏻少有嘅餐廳可以轉雜菜湯底，以蕃茄湯做主調，然後入邊有西芹、蘿蔔、洋蔥等配料，每一舊都炆到腍晒，可以一解港式早餐嘅油膩感牛肉數量非常之足夠，有接近7-8塊。除咗份量合格，亦都夠晒入味，我近期食過最好食嘅沙嗲牛肉之一環境、伙記方面環境都算乾淨企理，唔會話坐到好迫。伙記方面就有傳統茶記情懷「大聲但唔代表冇禮貌」😂，同埋埋單走人嗰陣會刻意同每個客講「多謝晒，下次再嚟啊」👍🏻總評香港餐廳倒閉潮，到底真係環境差咗，定係啲餐廳唔記得咗做好出品，或者忽略咗一啲好基本嘅嘢，而導

我都好耐無寫食評，唔係因為我唔出街食，直至昨天我食咗呢間祥香園，令我直得推介下。昨日我哋叫咗個好抵嘅早餐，好巨型嘅熱狗，味道都唔錯，媽咪仲食咗大半隻。另外叫咗梅菜蒸肉餅飯及番茄牛肉炒蛋飯，肉餅好好味，啲肉唔會醃到淋無肉味。食到途中，爸爸話想飲我少少熱檸檬水，我話攞個杯，點知有個忙碌中嘅伙記聽到我哋講嘢，仲有禮貌地同爸爸講係咪要個杯？我哋差唔多食完，嘩！個禮貌伙記比咗杯熱水我爸爸，真係好溫暖嘅服務。