影片
港铁荃湾站 A3 出口, 步行约10分钟
继续阅读
电话号码
24172370
营业时间
今日营业
08:00 - 15:00
星期一至六
08:00 - 15:00
星期日
全日休息
以上资料只供参考，请与餐厅确认详情
今日系附近做野，揾到呢间烧味店姐姐好热情叫大家坐几多人食，同一层都有三四间选择佢呢间都几多人下，一于试下有烧味有蒸𩠌（鱼、肉饼、排骨）（张相好似无乜人XD 其实好多）拣左烧鸭烧肉饭 $48（好多菜😍）油鸡几香 有啲玫瑰酒味？可乐+$8汤自己毕 （随便添）老板娘仲问够唔够菜，我添左次🤭重点黎！埋卖只收我 $50我话仲有可乐㖞，佢话无所谓🤣🤣🫰🏻
继续阅读
趁星期六，同老婆晌荃湾搞银行嘢，之后就打算行一转「元荃古道」，咁都要食咗晏先。老婆曾有段时间晌「福来村」呢边做兼职，所以，今次佢话事，带我嚟到「香车街街市」揾食，上到平台层有好多餐厅，不过日头做生意嘅唔多，得间卖车仔面、茶记，以及打算试吓嘅「祥记烧腊饭店」。 环境一眼睇晒，够地道嘅真真正正大牌档风，折枱胶椅，嚟亲大多数都喺晌附近嘅街坊或打工仔。依家天气凉快都OK，如果夏天嚟真喺搞唔掂。嚟到梗喺零服务，自己招呼自己，有啲熟客直情自己过去装汤、装饭。 虽然话零服务，但啲阿姐都好醒目，见我哋两个，就俾杯热水我哋浸筷子，而且，佢哋都几好礼貌。 店名喺烧腊饭店，但我哋就打算试佢哋蒸𩠌。不过，无论烧味饭，抑或蒸𩠌饭，都喺卖$44，非常经济，送例汤，虽然都喺大路嘢，如青红萝卜煲猪骨之类，但胜在老火，仲喺任饮添。 如果唔喺老婆晌度，就一定叫梅菜扣肉，哈哈！咁佢晌度就减低啲邪恶度改要咗咸鱼蒸肉饼啦，而佢就拣榨菜蒸黄花鱼，店家好大方，仲送多碟灼菜心，两个人真喺食到饱饱。白灼菜心灼菜心唔喺话有咩特别，但唔喺得几炷，喺一整碟，绝对喺诚意嚟，咸鱼蒸肉饼 $44有时食煲仔饭，啲咸鱼少得可怜，但眼前呢碟就真喺俾足料。件咸鱼好香，咸香味渗落啲肉饼度，更加正，而且，啲肉饼打得松化，肥肉又唔多，连老婆都话OK，因为佢好怕肥肉，喺肥肉筛查专员。 榨菜蒸黄花鱼 $44虽然墙上嘅餐牌喺写豉汁蒸，但原来佢哋好随意，所以你唔好谂住泥鯭会喺果皮蒸，鲩鱼会喺梅菜蒸。但点都好，榨菜蒸一样惹味，最紧要喺条黄花够晒鲜甜，肉质非常之滑，喺楼下街市相熟档口嘅新鲜货，而且，咁大条，真喺帮衬佢哋好过自己整啦。「祥记」呢一类老店，真喺为基层服务，大件夹好食，虽然只喺卖几款嘢，唔会似茶记包罗万有，但每样𩠌菜都有诚意，富人情味，值得再撑。
继续阅读
荃湾香车街市，楼上天台都有多间食肆，今日就来到这间烧腊饭店食午餐。要了个蒸仓鱼套餐，例汤任装，例汤有红萝卜、莲藕、猪骨及粟米等都不错。仓鱼可能蒸待耐了点，鱼肉比较鞋，豉油味道调较得都比较好。蒸𩠌套餐及烧味套餐$39，都算抵食，不过现在的天气炎热，餐厅虽然搭建了帐篷，虽然有多部的大风扇，但仍然食到一身的汗，大热天都是少来为妙。
继续阅读
香车行行市，上二楼，有一间祥记烧味饭店，烧味是老板自己烧的。烧肉最正，烧腩肉，皮脆，常常是一层薄薄的肥，一层肉，吃落肥美咁香义烧也好味，很少会鞋的，常常松软甜美！！你可以叫烧味饭，単或两种烧味饭也是$37,也可选择蒸鱼，有鲩鱼，乌头，黄花，石班仔，仓鱼等，也有蒸肉饼，若你选蒸𩠌，可加一款烧味，只需加$8, 白饭不够可添，也有潮洲粥可吃，有一大煲汤仼装，菜也是仼取！！咁健康咁平靓正的午餐，能在那儿找到呢！！
继续阅读
其实好想写呢间咁好味又抵食的小店好耐, 可惜一直等到现在! 因在附近工作, 所以已成为"熟客"!旧街市的档口, 是没冷气, 夏天有点热, 不过OK的! 干净有大风扇!全店2个选择, 蒸𩠌及烧味! 不过味道很好!我多拣蒸鱼, 够新鲜; 有时蒸𩠌卖光, 或老板娘没时间准备, 就吃祥哥自己烧的烧味, 我觉得好食过好多名店的! 好有水准, 仲要够大碟, 老板不吝啬的, 好多𩠌!还有, 米饭/粥, 汤水, 青菜食任吃的! 在呢个百物腾贵的时代, 一个有𩠌, 有汤, 有菜, 有大碗饭, $27!> 蒸𩠌: 多款时冷蒸鱼(e.g. 鮠鱼, 仓鱼, 黄花, 乌头, 大眼), 蒸肉饼, 蒸排骨等> 烧味: 讲得出都有...烧肉和叉烧最最欢迎, 好快卖哂!>老火汤: 真没味精, 饮了2大碗也一直不口干, 可能加埋烧骨, 格外香甜, 有时老板娘加冬菇!> 时菜: 新鲜, 甜, 因为就系下面街市买上来, 任食, 大大碟, 好啱!>汽水啤酒: 当然另计, 不过吃烧味, 加支$6大可乐, 真系享受!老板/老板娘都很有人情味, 来多几次, 已经熟了, 有次忘了带银包, 没问题, 下次付, 当然我是有信用的客人呀!希望大家支持下小店, 我不想再去大商场吃租的餐厅了!
继续阅读