其实知道呢度系因为前辈约果度食饭，话有猫玩。上网睇评论又褒贬不一，揾日自己去食先试下。环境大把相大概知道会系点。地板真系比我想像中滑好多。马步唔稳真系好易PK。不过都勉强顶得住。作为麻甩佬，我系几满意。最后一个星期内去左三次。第一次试食前辈介绍嘅烧肉切鸡饭。本人甚少食烧肉，因为怕肥又好多时都好咸同干身。碟野一埋黎，哇！洗唔洗咁多肉呀！双拼$44老细俾埋鸡髀我咁好运？食烧肉，皮好似好多人讲真系好脆吓，肉系非常juicy。呢舖大剂，真系停唔到口。鸡同其它报告一样，真系好滑。芽菜好啱我胃口，特登叫佢比多啲。个汤就...淡啲啰！不过我就唔介意。好似某黑心餐厅回应我嘅劣评话斋，唔好咁难招呼，唔系剩系可以去5星嘅餐厅咯。
可惜猫猫喱埋左，无缘。。。。第二次其实隔唔够2日，今次同前辈黎，都唔知系佢好彩定我黑仔。今次见到店长喇！我地两个都系爱猫之人，点都要过吓手瘾架喇。佢都好钟意同啲客打招呼。餐厅咁嘅环境真系麻甩佬去居多，但店长行过大家面上都会好自然咁流露出铁汉柔情嘅笑容（其实个画面都几另类，留比大家联想下）我因为真系担心食烧肉停唔到口，结果点切鸡饭。点知前辈知我怕肥但钟意食，就自己叫个油鸡饭再加个烧肉例牌引诱我。。。唉！咁就食多左半碟例牌。叫双拼都冇食咁多肉.....老板又系俾我地两个鸡髀，真系唔怕蚀咩？遗憾系今次烧肉唔脆。前辈临走仲寸老板一野话皮唔脆失败添。第三次又系隔2日去。因为抵食夹大件。星期日又得闲。屋企附近$56烧味少三份一。我搭车来回都返黎。而且真系好食啲而且提供足够蛋白质。不过今次冇咁好彩，得半只鸡髀加啲鸡胸同鸡翼。不过仲想点？三次去两次半有鸡髀赚晒啦！去开深水埗买埋野，真系必须回头。…查看更多
可惜猫猫喱埋左，无缘。。。。第二次其实隔唔够2日，今次同前辈黎，都唔知系佢好彩定我黑仔。今次见到店长喇！我地两个都系爱猫之人，点都要过吓手瘾架喇。佢都好钟意同啲客打招呼。餐厅咁嘅环境真系麻甩佬去居多，但店长行过大家面上都会好自然咁流露出铁汉柔情嘅笑容（其实个画面都几另类，留比大家联想下）我因为真系担心食烧肉停唔到口，结果点切鸡饭。点知前辈知我怕肥但钟意食，就自己叫个油鸡饭再加个烧肉例牌引诱我。。。唉！咁就食多左半碟例牌。叫双拼都冇食咁多肉.....老板又系俾我地两个鸡髀，真系唔怕蚀咩？遗憾系今次烧肉唔脆。前辈临走仲寸老板一野话皮唔脆失败添。第三次又系隔2日去。因为抵食夹大件。星期日又得闲。屋企附近$56烧味少三份一。我搭车来回都返黎。而且真系好食啲而且提供足够蛋白质。不过今次冇咁好彩，得半只鸡髀加啲鸡胸同鸡翼。不过仲想点？三次去两次半有鸡髀赚晒啦！去开深水埗买埋野，真系必须回头。…查看更多
