祥興咖啡室

营业中

休息中

素聞祥興伙記態度欠佳，諗住俾次機會佢地，與家人去食早餐，引証一下事實。我們自行找了座位，坐了一會，即使禮貌揮手繼而友善揚聲，侍應們擺出嘅態度就係佢哋好忙，見唔到亦聽唔到。就係此際，藝人鄭丹瑞獨自入了祥興，不用出一粒聲，幾個侍應立刻簇擁上前招呼佢，為佢安排座位。剛剛其中一個十分冷冰冰兼黑面的侍應，立時露出笑容，呼藝人為「旦哥」，並問他要什麼食物，而藝人鄭先生的食物亦立時送到。當時全場食客見到這個情況，都睇在眼內，很多食客都是有修養，大家只是無奈互望，冷笑作罷，箇中感受難以用筆墨去形容。藝人和我們這些平民食客都係比相同嘅金錢，何以服務有這樣大的差別？至於食物方面，菠蘿包尚算不錯，然而奶茶的質素卻十分一般，跑馬地連鎖咖啡店再行上小小的茶餐廳，那裏的奶茶好味專業得多。我們剛剛開始進食早餐，就見到鄭丹瑞埋單了，可憐很多食客比藝人鄭先生早入來的，早餐仍未有着落。

唔似一般打手，食過一餐半餐免費餐就好評，係新搬來街坊，周不時都會幫襯，侍應們每次做到自己唔耐煩就會搵客人岀氣，雖然香港人消費者都係好鬼死麻煩😂，但過們都係客，唔使服務態度特別好，亦都唔需要對客人呼呼喝喝，舉手辨睇唔到，行出去搵佢地就嫌你阻住晒～成間餐廳係一個裝修（懷舊）係好少少，嘢食又唔係特別好食，一個普通菠蘿包都要$12，多士凍冰冰查兩Pat牛油又拎出嚟，仲衰過大家樂。真係唔好幫襯。雖然未至於係一間black 店，但無謂俾錢買難受😣

今日下午去到一間非常特別既冰室,舉手叫侍應冇人有反應,叫左招牌麵竟然得兩塊餐肉同兩隻雞蛋,叫雞翼麵又變左雪菜肉絲米,唔知點解會有咁多人排隊等位,奇怪！貴價茶餐廳

好難食！其實好多舊街坊都已經好少嚟，我今日又忍唔住比多次機會佢，結果都喺失望！簡單些，點了一份咖央多，這是我第一次食到一份完全沒有味道的咖央多！奶茶，味道真的是祥興獨有，味道很古怪，完全沒有茶味，像在喝奶精！蛋撻，經常賣哂，只因其實每20分鐘只做10幾20件，今日我等，終於吃到了，嘩，十分震驚，竟然是完全沒有蛋味的蛋撻，很鬆散，真心覺得難食！很懷念以前的祥興，可惜轉手和裝修後，食物質素實在差距太大了！很可惜！

今早本人在跑馬地馳名歷史茶餐廳祥興，在匆忙離去時意外地遺下iPhone X手機在於半個鐘後才發現, 急忙趕回茶餐廳找手機，幸好員工已把我手機收起，在與員工確認取回手機；本人一向感覺到這茶餐室客人及員工品格高尚，員工服務態度良好，確實很值得表揚，非常感謝！

呢間本來係舊式茶記，裝修前從未去過裝修後行懷舊風，但爭咁啲野咁今日難得有位，又難得抓住早餐的尾巴就會一會佢個早餐見到鮮茄濃湯，唔使諗，就係佢！但係揀餸又係用腦嘅時間見到招牌咪試下，點知……係有鮮茄但好重茄膏味係咪我太一廂情願至於招牌蛋牛，一餅野。個蛋太乾，浸咗落湯都救唔返。牛，究竟係咩呢？鹹牛肉咁質地碎濕濕，但無乜味。(睇返有人評蛋牛菠蘿包話個蛋全熟咗，唔通呢個做法就係特色？😰)食返平時茶記早餐係穩陣之選明明同一樣嘅，但屋企煮同出街食，硬係唔同，硬係要俾錢人賺🙈咖啡都好飲，仲有煎蛋配多士無得輸但係我滿心期待嘅通粉😭😭我個good day就俾呢個bad breakfast破壞咗係咪有特別餐牌而我無發掘到？成日都有人等位個喎。聽聞仲係跑馬地屹立咗好多好多年

一間貴價既茶餐廳，貴唔緊要，食物材料好普通！我個人覺得唔值！好多人排隊，但個個差不多都係都係去食個環境，唔係去食個食物水準！雖然環境係好懷舊，都值得去打下卡，但你唔好期望就算只叫一杯野飲都收得你平！好普通既一個牛油波蘿包加個凍奶茶，收費已係可以係第二度食到一碟飯！可能仲有找！老牌唔係唔好，但老牌應該要保留水準，服務態度，價格成正比！但無奈...我完全覺得中伏！無下次！唔會為左個環境而死跟人排隊！波蘿油好多地方都好食！

今日係附近放lunch都已經成4點鐘，所以決定搵個tea食下～見到呢間祥興咖啡室本身唔打算入嚟，因為見到好多負評，但係又見到佢有酥皮蛋撻，所以決定入嚟試試佢！門口都好附人等位，不過一位就唔洗等，所以我即刻入得^^黎到即刻叫左蛋撻同凍奶茶，點知！！！！！佢話冇哂蛋撻，真係失望左。。我就改嗌蛋牛菠蘿包個菠蘿包其實幾好食 外脆內軟但係我成個包咬 覺得蛋牛個味唔係好出，於是我就食左個包 再食蛋牛，發現原來係蛋牛出事蛋係十成熟 但又冇蛋香，牛肉都冇咩牛味。我再問左其他侍應仲有冇蛋撻 佢地都係話冇哂點知，突然個姐姐行過黎問 你係咪要蛋撻呀！我即刻雙眼發光 有一件比我呀佢 個蛋撻黎到我即刻試 仲係熱辣辣 好香蛋味 啲蛋又滑 而且酥皮好脆好味呀真係 呢餐即刻開心哂如果真係要話個蛋撻有咩唔好 就係有少少太甜啦我覺得 不過可能係因為我平時食嘢都係要少甜既凍奶茶都係要左少甜 我覺得呢道既少甜就好岩我口味 奶同茶個比例幾好 滿足！

每個星期都有幾日去食個下午茶飲杯紅豆冰但係每次啲侍應都話無紅豆冰叫飲其他(既然成日都無得賣都唔知擺個餐牌出嚟做咩？)，咁好啦為咗個菠蘿包同蛋撻咁飲杯凍奶茶啦但係杯茶又無茶味又過甜好似飲緊杯好甜嘅奶水咁

又到3:15，time for tea😆今日陪女朋友去左跑馬道一間地道茶餐廳。聽聞好多明星名人都會來消費，一入去，又真系見到好多簽名。餐廳系傳統設計風格，令人好懷念小時候去既食野地方。餓了，即刻叫左杯熱奶茶同菠蘿包，女朋友就點左脆脆豬同凍檸茶。奶茶好掂，香氣撲鼻，未落糖先試一試，好滑，落左4更糖，搞匀再飲，個茶膽真系好得，d奶好香滑，茶同奶即比例可能要用perfect 來形容，調配得天衣無縫，出面飲果d完全無得比。其實我成日都周街買野飲，珍珠奶茶飲得最多，但會再去買即就系得幾間，依家又多左一間。仲可以坐低慢慢嘆，再加埋新鮮出爐既菠蘿包，this is life 😂😋😊😆

起碼隔個禮拜11-12點都嚟食早+午餐, 每次入門口都同個伙記講几位然後等佢指/話你知坐邊。今日如常啦, 入門口講聲1位, 件伙記企係到"入去啦, 自己揾位!! 妖!!"

我從來都覺得茶餐廳無需要令你賓至如歸 但係起碼俾你感覺是正常服務 唔係你得罪佢全家 嗰度嘅侍應全部講嘢冇尾音 服務態度極差 我覺得佐敦牛奶公司佢哋只不過係有系統並唔係態度惡劣 依間茶餐廳冇禮貌嘅程度我諗真係全港之冠

因有親戚入院，這兩天都在附近的祥興食早餐，但受無禮的對待。昨天早上，妹妹點了個米粉餐，結果來了公仔麵，告知侍應，換來黑口黑面，拿了碗麵在我們面前大力掉進桶裏發洩。今天早上我點了個麵餐，送來的卻是米粉。於是我要求更換，侍應聽後應了一下，然後當冇事發生。過了一會再提出要求，那個侍應向他人大聲地講：「佢話吾要米粉喎！」我立即更正，不是我不要，是你落錯單，我講得很清楚，（因昨天已試過）。怎料她仲回敬一句：「知你講得好大聲啦！」我已沒好氣跟她理論，這𥚃的服務態度，一句講晒「不知所謂」這𥚃的食物質素其實不錯，但老闆請著這班伙記，簡直替他「倒米」。

去跑馬地做野，最難係諗食乜，一來跑馬地好鬼細，二來果頭係真。住宅區無乜舖頭，重點係果邊d野真係唔平最後選左呢間祥興咖啡室，他舖面應該重新裝修過，靚左好多坐底之後叫左呢個蛋牛飯食落真係無咩特別，蛋太乾，鼓油汁太少，唔係好夠撈飯不過他勝在地點好，裝修又靚，價錢係跑馬地來講叫平，下次應該唔會叫呢個飯😂😂

去養和探完病去食，入到去見到set餐有個雙扒餐（豬同鷄），再叫多個招牌麵餐，先講過扒餐，d飯太軟痴埋一pat pat雞扒用粉炸唔好食，豬扒炸可以接受（覺得煎豬扒好食好多），麵餐食完唔覺得係招牌野，野食普通價錢中上，熱奶茶唔滑有少少澀有代進步