祥景茶餐廳 (已搬遷) 新店位置

我住係良景附近十幾年..平時都成日同FD落去食野但係我覺得以茶餐廳尼講..佢都算唔平..一個飯都要成三十幾蚊..仲要無野飲.(套餐除外)平時多數哎個雙拼面(餐腸蛋個D)..$17無野飲..試過哎個三絲炒面..唔得..D面仲好硬..咖哩牛腩都幾"UN"..尼間野勝在好有親切感..D待應好好人..不過入面好嘈..有時想靜下OR抖下都唔得..D麪包都OK既..好似7.5三包..野食都算乾淨..

一入到去好多人爆晒埸叫左個常餐食(沙爹牛肉米線+火腿奄列+餐包)同埋一杯熱朱力男友叫左個咖哩鮮雞飯d沙爹牛肉好濃好好味奄列有2隻旦重要有旦黃汁好好食餐包太甜比左男友食杯朱古力好足料唔係其他餐廳咁唔夠粉男友個咖哩雞係雞件有雞胸果d 同出面d咖哩雞完全唔同汁香而唔太辣咁岩我呢d唔食得辣既人總之一句茶餐廳有咁既質素真係難以相信@@係咁多^^v

小弟由細到大都住係良景，十幾廿年黎祥景可以話係第二個飯堂！首推佢D凍奶茶！唔知係我偏見太深定係唔識賞其他o個D，祥景D凍奶茶既質素係第二度搵唔到(包括大酒店同D高級餐廳)，味道到底係點真係唔係筆墨可以形容，但係我每次介紹朋友試佢地都話一流！而且水準好稳定，未試過有一次係差既！以前讀書時試過一日五杯....就如其他評家分享，而家係香港自己做埋麵包同蛋撻既茶餐廳已經好少，如果講埋質素既話可以話寥寥無幾，但係祥景就係其中之一！尤其係D蛋撻，新鮮出爐o個陣時D伙計就大聲講：「蛋達出爐！」真係好有Feel！之後就會見到有唔少人即刻要叫番一、兩個！至於其他食物同餐都有一定水準。另外要讚既係佢間中都會推出D新餐，最明顯既係D早餐同下午茶餐，以前得幾個揀，近幾年再加埋鮑片麵、厚多士等等。環境方面可以啦！早排閃電式翻新(差唔多可以話一夜之間)，近期再加埋部大電視。真係識做生意！以上都係小弟個人既睇法，會有D偏見(因為感情份好高)！希望大家見諒。

好多食友都讚澳洲牛奶公司o的炒蛋正, 但我覺得祥景o的炒蛋仲正, 佢o的腿蛋包o既蛋, 真係好有蛋香+ 蛋汁o架! 新鮮出爐勁正, 就算凍o左都好食!o的包新鮮出爐時係脆邊o架! 口感一流!其他心水推介: 雞尾、蛋tart、丹麥條、芝士火腿包

茶餐廳對我黎講最緊要的三個字"快,正,平"這間茶餐廳完全做到晒,十幾年都保持高水準,無論早,午,晚,下午茶(雖然茶餐廳大至上都係食果d野)都比其他餐廳的好味,其高效率真不得不叫人讚嘆,熟客仔還奉上靚茶一杯,真識得做街坊生意。

以前仲係住屯門時不時黎食早餐早餐有一份火腿蛋,牛油包加單料米同凍飲沙爹牛肉米係我必食之選米粉吸埋d 沙爹汁好味道另外有時唔想食蛋可以叫自選餐有兩個料加凍飲價錢同早餐差唔多所以我多數點呢個最鍾意都係叫沙爹牛加叉燒米或者通粉想起都想再食另外佢既蛋撻都好味道係曲奇皮既不過4蚊個就貴左少少行過值得一試

由細到大都食祥景大~~~~~新鮮出爐麵包蛋撻勁正!!朝早個個一個包一個奶茶坐係度好有feel~~~lunch時間最多人忙到死~~我覺得最好味係特餐同午餐~午餐係沙嗲牛肉麵+奄列+野飲特餐係雪菜肉絲米+奄列+野飲真係好好好味!!!雖然全部侍應都係男人~但個個都好有性格~唱晒歌d碟左搖右搖都唔會倒瀉d奶茶~~同埋呢度好講求速度~~環境可能差少少..始終都係茶餐廳但我覺得都乾淨!

呢度D沙爹牛肉麵真係好好味,雖然佢地沒有供應出前一丁,但只係用大光麵都已足夠，每次食的水準都沒有下降～～(你可以轉米粉/意粉/通心粉都可)因為麵身夠濕，但絕不會"淋pat pat",岩岩好, 而d沙爹牛肉汁仲係熱，出面好多舖頭都係涷架，同埋ｄ汁不會太辣，絕對不會”確喉”，所以你食的時候，會覺得牛肉同沙爹汁係溶合一齊，同埋呢個係沙爹牛肉麵餐,所以會配埋飲品同火腿庵列, 個庵列d蛋係好好味架!因為d蛋好滑,佢炒得未係全熟,但又不是生,係叫之間吧! 點解? 因為會有少少蛋汁漏出來, 用來夾佢跟餐的牛油方包, perfect~~~, 仲有其就其在佢唔會食到你成口油, 出面好多茶餐廳唔係炒到d蛋乾哂,就係食到成口油,好似d油唔駛錢咁~~ , 所以呢度比較少人叫煎蛋/太陽蛋, 我諗都係呢個原因掛!!!講到服務: 三個字“快、靚、正!”因為真好快, 但不會亂, 只要你坐低一落單,1-2分鐘食物同飲品已送到, 不信既, 星期日上午你可以試下。不過有好有唔好, 佢地咁快,你都唔好意思坐太耐, 有少少趕住走咁, 仲有佢d伙計講野真好好笑!!!!佢唔係只得沙爹牛肉麵好, 好多茶餐廳的食物佢整出來的平均水準真