影片
喺附近行完山 落山梗系第一时间揾野食啦行经街市 见到楼下个易拉架烤鱼既相 真系相当吸引就决定食呢间啦楼上环境同平时既熟食中心都冇咩大分别不过夜晚应该就得2间食肆开门喇点左麻辣鱼、蒜泥白肉及担担面鲜香麻辣鱼 - 冇咩骨 啖啖肉 麻同辣配合得啱啱好蒜泥白肉 - 葱蒜香味十足 猪肉肥瘦适中 非常惹味成都担担面 - 食物质素唔错 有机会都会再黎试下其他菜式先得
继续阅读
之前慕名去咗隔离间蓝带，今次试下佢嘅邻居上到去，两间舖分工都几好哈哈！因为会话：小菜呢边、海鲜果边本来想食碟头饭，但见到小菜又吸引，就拣咗羊腩煲加一个生炒骨等食时见到个餐牌原来呢间系主打辣嘅菜噢噢，我地拣错晒😧🙆不过！羊腩煲好味又炆得淋食完又无口干半份嘅份量都唔少，每人起码有三四件肉落单姨姨话送碟菜俾我地，仲问生菜啱唔啱，好好招呼，啲菜又新鲜生炒骨都好大份又好多菠萝
继续阅读
我自问超爱食辣，食过很多麻辣店，今次见有新食店，好奇心之下去试一试，我一直揾紧令到我感到辣而麻的辣酱，今次，我真的揾到了！老板好热情！没有老细款，可能他太热情，令我有种已被望记那种热情款待的感觉！我叫了三个小菜，毛血旺，鸡丝粉皮，蒜蓉豆角，全部都好足料！好大窝毛血旺！应该系我食川菜而来最多料的！价格系超级成正比！好抵食！麻得来辣，辣得来没有味精的味道！材料十足，今时今日你比2百几食咁多嘢，仲要加支啤酒，我觉得好难揾！食在人情加上食在味道！我支持有心做饮食的人！一定会再光顾！😋😋😋
继续阅读
已是第二次来光顾这里，今次顺便食生日饭同试埋上次没有吃的东西可惜两个人也试不了很多，只叫了五碟𩠌（凉拌苘笋丝、手拍青瓜、鱼香茄子、红烧猪蹄、韭菜鲜肉饺）今次仲见到好多地方都冇既“阳协成”呀，即刻d童年回忆涌晒上黎呀即刻叫返个马蹄爽啦笋丝，我看到是即叫即整的，入口超爽，我朋友好快就KO左好多手拍青瓜，卖飞佛，当然叫啦，酸度同辣度都啱晒我，一粒不留，赞！！到我朋友既至爱，猪蹄，既入味，又美颜呢碟系侍应推介我同朋友已经倾左一阵计先食，但入口时仍然系热既，劲的确如店员所讲，茄子好香口，好入味，而且淋身得黎亦都冇烂既感觉，如果带阿妈黎，佢一定好钟意。最后一道饺子，内涵丰富，皮唔会太厚，有醋点亦都开胃，味道清得黎亦都唔会太寡😋今次上菜速度比上次快了很多，值得一赞，而且饮品选择也比之前多了，可见是会不断求进的店舖💪。期待下次来试埋其他没吃到的小菜
继续阅读
放工晌香港岛想揾辣野食，误打误撞Search到公司附近呢间新开野，不过见唔到有评分，都有少少惊惊地，但晌香港食辣野选择真系唔多，费事食黎食去都系𠮶三两间辣野，就胆粗粗都试下啦。上到去8:30pm，听日红假唔驶返工咖㖞，但成个场无人既喂? 算啦....到左又无理由走，又饿，就坐低叫左几个𩠌，如下：1. 蒜泥白肉：去亲边度食辣野都一定叫既前菜。一食有惊喜㖞~! D source 比起其他主打巴蜀、川菜既餐厅更合我好味：猪肉质感唔会「鞋」、无醋味、唔会净系得蒜名或辣油味。又有片薄薄青瓜包住晒块猪肉，食落爽口又隔左少少油；青瓜薄片易入口，易放入口，唔似其他餐厅既蒜泥白肉系猪肉包住一条青瓜，好似要塞D野入个口咁；又或者系伴青瓜丝，幼到食左落口都Feel唔到，同埋D丝 fing 到D辣油周围都系。可惜唔知系咪少人流所以放得太耐，D 猪皮有少少干左...不过比起其他蒜泥白肉，真系好味到我临走想叫多个外卖。2. 水煮安格斯牛：一听「安格斯牛」即刻觉得系噱头顺势收贵D，但再望望价钱只系$148，比起其他水煮牛又唔系特别贵，而且D牛食落真系好淋同有牛味。其他水煮牛好多都系又韧又有渣，呢D牛就唔会㖞! 不过辣味就够喇，麻味好似争D，食唔到太麻辣既叫少辣应该顶得顺，要食好辣既就要叫加麻加辣了。3. 辣炒水晶宽粉：宽粉加埋D肉碎炒，食落味道似蚂蚁上树，但肉碎味道感觉好似唔系几夹宽粉，都系似夹返粉丝多D㖞。钟意蚂蚁上树可以试呢个，唔系特别钟意就叫其他野好D了。4. 家常炒椰菜：炒得好有风味，有D似我当年晌四川食既味道。不过佢比起四川更优胜既系佢炒得唔多油，抵赞~! 而且夹一大堆菜连埋D水煮牛肉食更加系有两种味道夹杂，更好味道㖞~!!总括来讲：味道比起霸王山庄有过之而无不及，而且仲平好多好多。对比起咏藜园就各有千秋，可能食得太多咏藜园，个人就觉得呢间仲有新鲜感。服务态度都好好，因为新开丫嘛~! 5月头先开档，希望一直Keep 到啦~! 而环境就... ... 街市熟食中心可以有咩Expectation? 有冷气干干净净无臭味无油烟味算系咁啦。
继续阅读