影片
招牌菜
去左圆方睇完unknown 后,谂住黎开九龙站先揾下有无好嘢食,见到周围啲嘢唔系贵到死就系快食店,行左一轮都无乜新发现,想离开个时,听老公话,系附近八文楼个度有好多好出名既食店.于是就去睇下有无惊喜发现.行到去个时见到呢间"祥兴贤食馆”都几干净企离就走左入去. 一坐低,个后生仔就好有笑容咁攞住张manu过黎.我地谂左好耐(因为样样都想食,佢地有长通粉,意粉,同肠粉,饭....)但系后生仔都无黑face 同催我地落单(上次去同一区另一间肠粉店,又慢,又黑face ,永远都唔想再去啰) 我谂我地都睇左有15-20分钟,佢地都好有礼咁等我地啰.到我地要落单既时候, 后生仔既态度都好好, 好细心听我地落单,无唔耐烦(好耐都无见呢啲服务态度了) ,我地要左个肉酱长通粉 set + 咖喱饭set +牛肉肠,都好似系$ 75左右,超抵食餐汤我地都点左菜汤和忌廉汤.啲菜汤好有菜味,好明显系无落零味精的同埋个chef 好细心地切得好细,仲有醒胃作用.蘑菇忌廉汤口感十分香滑和creamy ,唔会好似一般茶餐厅啲水水的.牛肉肠粉本身己落左二个set ,但又好想试个肠粉，所以叫左个牛肉肠． 佢地即拉即取，见到己流口水,肠粉皮超薄，超滑，食落绝对唔会一pat pat，啲牛肉好够味，好厚，唔鞋，好香，我觉得好食过服务态度超差个间好多倍啰．主菜:本来系肉酱意粉，我改左长通粉．上黎个时仲见到出烟的，好热辣辣．吃了第一啖（见到个餐己垂涎三尺，所以唔记得影相，下次再去先影啦），好creamy 同啖啖肉味，sauce 啱啱好，唔会太酸或太咸，啲长通粉唔会太念，值得推介．好味老公食，咖喱鸡饭佢地啲咖喱鸡唔会太spicy ,啱晒香港人口味．有埋薯仔，啲鸡同薯仔充满了咖喱汁，好好味（我偷食左我老公一旧鸡，好味）一个好得意但又好好味既combination ．
继续阅读
呢日同老公行开渡船角，见到系印度厨房隔离开左间新既即叫即整&# 33144;粉粥店，就谂住入去试下，一试之下就知自己今日行运，无选错地方。先黎一个最平凡既叉烧肠,等约5分钟,即时制作,绝不马虎.一入口,不由得惊喜于它的滑不溜口，簿皮，而且材料配搭新鲜, 唔会咁易穿，非常之滑溜…最特别在于它的自制酱汁,少少甜,少少咸..好味到震..仲要唔使等好耐…即叫即做…简直一流水准..一流咁既服务,食完不由自主地再加一个及第粥和炸两..一样无失望...超水准既食物,仲要只系＄１３. 老公叫了一个火腿烟肉长通粉..谂住30蚊连汤唔会有乜惊喜啦.点知,一入口,老公即话..哇,简直系高级西餐厅既水准,平民咁既价钱..先讲啲长通粉,有咬感..唔会太谂..加上上等烟肉和蘑菇粒,火腿粒,材料新鲜.个汤系什菜汤，材料新鲜和丰富,一句讲晒:又平又抵又好食，值得推介是日消费：＄４7／二个人
继续阅读