神

营业中

休息中

同日本啲拉麵店一樣，喺門口用自助機點餐比完錢就會出飯劵，入店內比店員坐定定就有得食喇！店內嘅自助吧只要嗌咗嘢食就可以享用，包括沙律、白飯、羅宋湯、青檸水任飲！調味料款式超過10款以上，性價比都幾高！☄️牛柳300g（$128）牛柳食落有咬口得嚟又唔會太靭，食落去醃料味道唔會好濃，唔會蓋過哂牛嘅味道，整體表現個人覺得對得起價錢！☄️安格斯牛400g（$198）對比起牛柳，安格斯牛就真係有少少令人失望。牛嘅肉質比較硬，食落有啲靭同帶有少少騷。餐廳舖面雖然細，不過除咗嘢飲得水同青檸水兩樣之外，自助吧嘅嘢款式都算多。白飯仲有飯素比大家揀，羅宋湯都落足料，隨手一羹都係滿滿嘅牛腩，算係幾有驚喜。

#神 #sorriso_大埔區 #sorriso_元朗區-有次食厭左學校啲野食就出左去大埔食，見到呢間火山石扒店有咁平午市套餐，就入左去食，仲要任飲任食足料羅宋湯、沙律、珍珠米，仲有青檸水，但要留意返係星期一至五12:00-17:30供應，個湯真係勁好飲，post完story唔止一個fd讚佢啲湯🥩【牛小排件200g】 午市限定$58 (9.3/10)我覺得佢啲湯真係好好飲，雖然就唔係傳統羅宋湯，但我更加鍾意呢個湯🥴，入面有超多牛肉、紅蘿蔔，我食兩次都飲兩三碗，因為真係好好飲，沙律有粟米、車厘茄同埋椰菜，只係我唔鍾意食車厘茄所以先冇拎到， 粟米同椰菜我配麻醬食都唔錯我講返塊牛先，好多人會一上塊牛就會即刻切哂佢，咁樣其實係會令到塊牛過熟唔好食，我食一塊先會切一塊嘅份量放落塊石整熟，牛小排咬落去一啲都唔韌，食落去食爽口同入味，汁方面我加左少少鹽同埋牛扒汁已經好夠味，佢有好多隻汁，我覺得牛油扒汁同塊牛唔夾🥩【哥士牛排180g】 $78 (8.2/10)呢塊牛比起牛小排多脂肪，所以比較難切，肉質偏厚實，記得唔好順住啲紋嚟切，真係會韌，兩塊扒我覺得牛小排好食啲#sorriso_太和 #sorris

地址－大埔太和路15號地下店舖名稱—神環境／設施－石版燒特色－白飯醬汁小食任食人均價格－100評分－9/10大埔（神）石版燒，佢最著名嘅就係門口嗰部日本販賣機，因為全程落單就好似喺日本入銀仔，禁飛仔，坐低嘅地方唔算闊落，當你坐低嘅時候你就可以去準備一啲小食啦，煩啊，飯裏面仲有一啲醬汁，沙律等配菜，我每一次都飲佢嗰個羅宋湯，因為佢嘅羅宋湯裏面真係有放好個牛腩，非常好味非常入味，一定要試，當然主角就係石版牛，當你切落去嘅時候佢本身裏面大概係得三成熟左右，石版好嘅行五成剛剛好送飯一流，每一次我都起碼食三碗白飯

我已經幫襯了他超過一年,平均一個月去一次, 牛扒很新鮮好味, 任食沙律任飲 超級好味 牛腩羅宋湯, 檸檬水食都好好飲. 非常值得去. 價錢只是大概九十至一百多元 一塊 石燒牛扒, 任食沙律,飯, 牛腩羅宋湯, 凍檸檬水

📍神 🗺️太和有段時間好興既石頭燒牛扒，好耐無食了，發現呢間都幾平！唔好意思唔記得影meun, 因為入完錢買飛店員就催我入去，影左我食個餐，牛小排(切件)$58有200g仲包任飲任食，可能係頭尾切出黎但一d都唔差，真心推薦呀，但只限午餐有呢個牛小排特價！！！🧃任飲既只有水&青檸汁🥣 湯係羅宋湯，非常足料，入面連牛都有好多亦大件🍚白飯任裝 有飯素提供🥗 有椰菜絲(?) 粟米粒 車厘茄🥩牛小排有驚喜！都唔係好細件，生熟自己決定✌🏻不過最後塊石唔夠熱，生得濟有d un (店舖可以提供換石，只係我懶得換)$58無加一真係抵到爛，大家快d去試下！

俾88 蚊食幾片牛肉乾打開個外賣盒，真係嚇左跳可能堂食會好d 嘅，自己可以控制但即使係外賣，都唔會係咁嘅質數卦個羅宋湯正常出名食牛，但d牛肉質素咁差，overcook 哂真係冇下次希望可以改善

兩個人去食晚飯，係神門口研究左部機一陣，有個店員走左出黎好fdly咁介紹返(因為未食過🤣)，最後叫左一個牛柳300g($135)同咖喱鍋燒烏冬($68)。付款後店員安排入座，依到係半自助形式，主菜未上之前可以出去拎湯/飯/飲品/沙律/醬汁。牛柳黎到發現好大塊！因為友人唔係非常鍾意食肉，早知叫細一個size，食到好飽~另外咖喱鍋燒烏冬亦都有牛，同羅宋湯嗰個牛係一樣的。最後特別鍾意佢個羅宋湯好足料，有滿滿既肉同蔬菜！見到門口貼住有lunch set 牛小排$58，咁平下次要再戰！提一提座位都係兩個兩個咁坐，多人去食傾偈可能有啲唔方便。

之前黎「神」，都係食哥士牛扒（$85），今次見到有新推出既牛小排🥩（$58），平咗成$27，當然要試下啦。牛小排餐總共有五嚿牛肉，雖然食落去無哥士牛扒咁重牛味🐂，但都有d肉味，絕對過到口癮，份量大份，男仔都唔驚食唔飽。每人都可以決定自己想要既生熟度，全由自己控制，如果鐵板唔熱，仲有牛扒未燒完，可以叫職員幫你換過塊鐵板。座位面前有黑胡椒同埋鹽俾你調味，出面仲有牛油🧈，芥末，柚子醬，胡麻醬等調味料俾你任添，總有一款醬岩你心水❤️。呢個餐除左牛肉🥩外，仲包埋出面既沙津吧🥗，可以自製沙律，包括車厘茄🍅、粟米🌽同埋椰菜絲，任添凍既檸檬水🍋，白飯🍚任裝唔嬲，記得加飯素。最重點係，呢度既羅宋湯🍲非常足料好飲，味道好濃，湯渣有大量蔬菜🥬同埋牛肉🐂，我成日黎都飲兩三碗。呢間係我私心認為暫時最好食同埋性價比最高既鐵板牛扒👍，除了牛肉質素高質外，羅宋湯好飲，仲可以任添沙律🥗，白飯🍚，檸檬水🍋，每次食完後，都要捧腹離開，十分滿足😋。

一人的快樂想食燒扒，自私食午餐黎食，又唔洗等門口用自助機買牛扒價錢包左湯，飯，沙律＄58,冇野講了羅宋湯，好大舊肉都蕃茄味香濃，料足唔係hea你肉質唔係靚，但唔係梅，不過＄58，佢贏

一家人點了幾客安格斯和牛柳，肉質香濃可口，小女兒不小心切時把牛柳掉在地上，店員超貼心的補回一塊，極其窩心，無論食物質素和服務都超好，羅宋湯肉多味濃，真正值得一試。

假日約了友人到大埔食晚飯，想食牛，但又想平平地，友人推介是神-石燒牛扒，早幾年去過類似的店，自助方便單拖去食冇老尷系列同幾抵食。自動販賣機，購票後再入座，牛扒價錢已包括沙律吧。餐廳面積不大，簡約設計木系主調，每個位的木架上提供了不同的調味料及紙巾。待中的同時順便去沙律吧拎野食，有飲品、沙律、椰菜、熱湯及白飯任食。牛柳(180G)，$95。建議食法係食幾多切幾多，張牛柳切成細件在熱力石頭上自行烹調，生熟度自己話事，石燒牛柳，大件又厚肉，牛肉味濃，肉質尚算鮮嫩，幾好味呢。羅宋湯，好足料呢。沙律，食下菜健康點。青檸水，爽呀。食物味道不俗，都幾抵食，服務幾好呢。

平時有時都會行遠啲去下太和個邊搵食，今次就發現到呢間幾特別既餐廳想介紹比太家試下😎😎😎（5分為滿分：🌕）味道：🌕🌕🌕🌖🌑哥士牛排 God Steak 180g ($85)/牛柳180g($95)呢間餐廳都幾特別，係原塊牛排放係火山石上面上菜，之後你可以自己切開細細粒後，用鐵板既溫度整到想要既生熟程度🤪🤪牛肉當然唔會話係最高級，但都幾重牛味同juicy，不過食得唔夠快的話，最後個啲就會到熟曬，建議準備定個碗裝起啲差唔多熟左既肉再慢慢食🤣🤣🤣🤣最特別係佢有個自助區，比大家自己拎羅宋湯，沙律，飯同野飲😎😎羅宋湯真心好足料，味道都好濃郁，每一勺都有好多蔬菜/甚至乎有大大舊好稔既牛肉，我都飲左2碗😛飯就用珍珠米，撈埋啲肉一齊食好快就食完一碗🤣🤣神石鍋牛肉烏冬 羅宋湯($68)唔想淨係食肉就叫左個烏冬試下，呢個一上枱賣相都幾吸引，個石鍋燒到滋滋聲，用既係羅宋湯湯底，牛肉上枱時未係熟曬，到食個刻就會岩岩好唔會老，烏冬都係煙韌個款，有咬口又掛到湯汁🥰🥰價錢：🌕🌕🌕🌕🌘牛排同烏冬單價本身都唔係特別貴，但仲要包埋羅宋湯，沙律，飯同青檸水，咁既價錢就覺得真係幾抵🤣🤣🤣女仔食180g既份量都好夠，男仔唔夠飽可

買左$88牛柳餐白飯係珍珠米,好好食,配埋撈飯汁,食完唔會滯沙律菜，易入口，有很多醬汁選擇，好食羅宋湯，足料多牛肉，趁熱飲味最好味，暖左無咁好味牛柳，唔韌，啖啖肉，不錯青檸水，味道平平枱較細，人多吃得較逼任食沙律/飯/湯/青檸水/凍水，連牛柳$88，好食又飽肚

今日黎到大埔試左一間性價比高，係用石燒的牛。而且佢係半自助式所以更加吸引🤤🤤哥士牛扒 180g $78哥士牛扒指牛的頸部好嫩滑，唔會太韌吧台有好多醬料自行選擇大家可以試不同味道既配搭😎餐廳有自助吧，可以仼食沙律，飯和湯飯黎講可以加配紫菜和拌飯醬超級送飯，可以食多幾碗😜自助吧亦有羅宋湯，勁足料味道很濃，而且最底有很多牛肉粒可以食😍

有汤啊，调料都是自助的。牛肉挺新鲜的，自己烧。米饭还任吃。味道挺不错的。就100多块一份牛肉比较便宜啊有机会还会去帮衬挺好的，真的挺好食材都挺好，味道挺新鲜赞。