影片
车迷城, 玩电单车无人不识!约咗个车友落车迷城湿平, 完事后行前少少坐底系神采厨房, 原本打算坐响门口煲支烟饮杯0茶吹吓水, 见到佢门口贴咗张羊腩煲通知.细锅$125, 大锅都唔洗两旧, $188!问友人有无兴趣, 仍话无所谓....再问问老板羊腩冧唔冧, 冧!Okay! 点个细锅试试先, 免中伏!(傻仔! 老板唔通答你羊腩煲韧咩!)首先, 我喜欢双冬多过支竹, 所以初步已经有好印象.老板亦无讲大话! 冧, 羊腩, 冬笋至冬菇, 全部都超冧.每件羊腩唔会切得太大件, 相信系羊腩唔韧主因.虽然望埋去，羊腩煲好似好细煲份量好似好少，但好奇怪，食极都重有.论味道，柴湾泉记无敌，论口感，神采厨房更佳！走去攞柴湾泉记嘅羊腩汁俾神采厨房煮羊腩煲就天下无敌啰....
继续阅读