神戶屋日韓放題

营业中

休息中

今次同姊妹淘覓食，想搵一間可以食日式及韓式料理，發現呢間神戶屋日韓放題。座位寬濶，唔會坐到太陝窄。訂枱可以要求坐卡位添。一坐埋位就安排小小前菜及醬汁。個人喜歡配有小膠兜壽司豉油及獨立包裝Wasabi，同熟食調味料分開可以減少生同熟食物交叉感染。我喜歡呢個小窩心安排。嚟到食放題，當然唔少得刺身拼盤，多款式，特別推介係甜蝦刺身及希靈魚刺身仲有生蠔同大大啖海膽，肉質鮮嫩及有厚度，食落有口感。飲品方面，自助嘅，有兩個大雪櫃，超多選擇，有日、韓同大家一路飲開本地品牌飲品，坦白講冇乜放題地方有可口可樂/忌廉/雪碧同維他陽光系列。人係貪心，食其他菜式之餘亦鍾意飲本地薑系列。我特別推介Lotte Mango drink，啱曬芒果控嘅朋友熟食方面，真係要推薦辣味三文魚骨、夠juicy一口炸芝士、炸鮮奶，夠濃郁牛舌唔會太薄，醃製味道啱啱好，炒蜆d蜆肉大隻之餘、重點冇沙㗎！芝士焗蠔d芝士焗到有少少焦，食過返層味。另一推介韓式人蔘雞湯，冇味精，堅有淡淡人蔘味。壽司方面，有拖羅軍艦，唔係所有放題有得食㗎。不得不提嘅係一口番薯細細粒，精緻得嚟又唔會食大個胃⋯⋯餐廳職員亦好有禮貌好體貼，定期埋枱換碟最後要食番個芝士

朋友提議去食放題🥢神戶屋日韓放題🥢一黎就送個新鮮大盤嘅魚生，咩都有，個人最喜歡💕就係螺片肉🐚同蝦刺生🍤！其次係牛舌-好入味，夠厚有口感！壽司🍣都不錯👍🏻大家一致都覺得個炸鮮奶係好好好鬼好味！唔like鮮奶嘅我都敵不過大家嘅讚賞而一試！又真係出乎預料地脆脆又香口！還有係芝左焗蠔、同埋芝士部隊鍋都好不錯，細細煲食到飽飽都唔會話因食唔晒而浪費！飲品種類繁多，仲有荔枝酒啊！同場都有啤酒🍻架！而雪糕櫃好吸引，一上到去就即睇到向門口，忍唔住入去時已偷瞄左個櫃及㨂好左食飽後食咩😆！（女人永遠都係未食正餐就睇定甜點食咩）改不掉的壞習慣！

成班朋友聚餐，大家都諗唔到食乜嘢，咁就一於食放題啦～之前食過呢間都唔錯就一於book定呢一間。刺身當然就係放題必叫㗎啦，一上枱大家都非常驚喜，分量十足，賣相靚仔而且相當新鮮。另外仲有生蠔同埋海膽，未影相已經俾人食咗幾隻。海膽真係必食，creamy鮮甜又唔腥!配爽脆嘅青瓜真係好夾。我記得我只係點左一份嘅炒蜆，上枱大家都再嘩～一聲，因為超級大碟！朋友話：「仲正過出邊大排檔嗰啲喎，呢度超過一斤蜆啊！」其實由侍應拎住由廚房出嚟嘅時候，大家已經話好吸引，因為出晒煙好夠鑊氣。味道果然不負眾望，蜆肉新鮮又入晒味，醬汁香濃惹味！飲埋罐韓國啤酒真係夾到爆！日式芝麻雞翼，外脆內juicy，食得出即叫即炸！馬拉盞通菜，上邊除咗有炸蒜頭之外竟然仲有蝦皮，落足料！夠晒香口，我自己一個食晒一碟自私食🤣另外天婦羅都唔錯，都係即叫即炸，皮又剛剛好唔會太厚。甜品方面任食嘅有維記雪米糍同埋雪條～另外原來仲有更加高質素嘅韓國雪條喺門口，走嘅時候一人有一條！結果大家都捧住個肚走🤣呢間放題食物質素高份量足，選擇又夠多！朋友聚餐適合不過。

朋友提議全女班來個小聚會，她們說想試試日韓放題，所以提早一星期就訂好位了，因為訂座有更多優惠呢！這間位於旺角兆萬中心的神戶主打日式和韓式料理，所以裝潢方面都加入了韓風小清新的元素🌱食物方面選擇都很多種類，飲品選擇也算多，酒精類的也有，自助式任君選擇！通知店員人齊，首先來的是我最愛的剌身拼盤！😍每樣都好新鮮，尤其當中的三文魚腩，超讚！再來有訂座優惠，我們選了海膽刺身和生蠔，海膽大大件，但是我的有一點點苦😓期間限定鍋我們選了韓式芝士部隊鍋配辛辣麵，好高卡，但有朋友陪吃感覺是良好的！😹熟食方面我們點了燒牛舌、烤羊架、芝士焗蠔、芝士帶子和燒鯖魚，除了羊架偏肥之外，其他都還可以!炒蜆味道OK可惜比較多沙!鐵板一口牛，牛肉比較零碎！炸芝士年糕很好吃又煙韌！長條型的是韓式炸鮮奶，好吃得欲罷不能！我們encore了兩轉！日式一口小番薯🍠一如以往的好吃臨走看到豐富的自助雪櫃，可是我們都已經飽得吃不下了！

放題、火鍋、韓燒、自助餐等都係香港人的聚會首選🥩🍖🍣🍦。雖然暴飲暴食唔係太健康，不過可以食到撐大肚皮，確實係老中青抵食之選。兆萬中心呢間日韓式放題餐廳，平日晚上成人的價錢百幾二百蚊。雖則價錢中規中矩，放題竟有超過200款野食、15款甜品、40款飲品，光是刺身和壽司已經多過60款，仲有天婦羅、炸物、串燒、鐵板爐端燒、韓國料理，以及多款火鍋料理這裡的和牛壽喜鍋以濃湯為湯底，而火鍋配料亦有接近50款食物可以選擇，連外面比較少既多春魚、青口、海硯等都有。羊架既羊羶味十足，配上甜芥末及香草，整體提升不少，羊肉軟嫩，肉汁豐富。仲有好多甜品選擇，為晚餐畫上完滿句號🍮

之前同女朋友都係呢度食過，今次再一次選擇呢度係因為覺得平靚正！而今次試到新嘢之餘又有驚喜嘅，有新味炒豬頸肉，同荔枝味汽酒。刺身拼盤一如既往，上枱大家已經覺得高質素。三文魚明顯睇落已經肥美，大蝦刺身爽身肉甜。但今次同朋友一齊食，帶子同甜蝦都好似相對大隻咗，而且肉質都係一樣咁鮮甜，真係估佢唔到！即炸天婦羅，芝麻雞翼，一口芝士同雞軟骨呢啲真係無得輸，熱辣辣香噴噴，尤其是一口芝士外脆加埋入邊個種溶的心，如果唔係驚生痱滋都食多兩粒小炒類嘅鑊氣又有所提升，好似什菇同牛肉粒都甚有風味。炒蜆就細粒咗啲，如果有花甲就更加好。座位環境格局就無乜轉變，上菜快又唔會漏單，俾咗錢之後坐多陣吹吓水又唔會特意趕你走，今次飯局都食得幾開心！

今天同一班姊妹約左去食旺角兆萬中心既神戶屋日韓放題。約左七點，到左唔駛等，即刻入得，值得加分。環境都唔錯，柔和燈光，大自然背景，心情為之一振。食物選擇頗多，由部隊火鍋、刺身、壽司、生蠔、人蔘雞湯、小食至拉麵......琳琅滿目、目不暇給！第一碟上菜是刺身，賣相一流，肉質鮮嫩，一件不留，回味無窮。飲品選擇也不少，右上角的茘枝烏龍茶值得推介，因味道濃郁而不甜膩，不是外面容易選購到的，另有酒精飲料供應。萬眾期待的芝士部隊火鍋終於出場了！比較的骰，啱哂我地四個少女淺嚐的心態。嚴選辛辣麵做湯底，食完呢個火鍋，感覺好像置身韓國一般。食物都算上得快，不消一句鐘，全部食物都食清光。最後食甜品，想食心太軟但太飽，最後都無點，之後改食雪條，揀左牛奶公司朱古力雪條，充滿兒時回憶。全程任食兩個鐘，無人在外等，無催我地走，埋單每人消費不用三百，性價比極高。一定會再試！後會有期！

選擇一間放題除了食物質素要好之餘，食物的種類、上菜的速度、服務態度等也是非常重要，今次來到旺角兆萬中心的8樓神戶屋食放題，不知道有沒有驚喜呢？訂座的話入座每人可以任選海膽、生蠔或特選雪糕🍦，生蠔大小適中，不會有沙石，也沒有腥臭味，可以一試作為日本菜的愛好者，刺身和壽司是必吃和重點的食物，兩者的選擇都非常多，光是蝦刺身已經有甜蝦、生蝦和赤蝦可以選擇，還有我最愛的象拔蚌刺身，爽口不過，很新鮮。壽司以火炙岩鹽燒三文魚腩壽司為我的首選，火炙令三文魚有陣陣炭炸味，燒香味陪隨著少少鹹的岩鹽以及不油膩的三文魚腩，十分香口😻，雖然很邪惡，但都忍不住要多吃兩件燒魷魚🦑也是熱門食物之一，燒汁蓋在魷魚鬚上，經燒煮後香濃美味，魷魚不會太韌，一咬即斷，必食之一芝麻雞翼芝麻不多，但是雞翼十分香脆，肉汁亦鎖在皮下，夠哂juicy。沖繩蝦卷亦係令一個好食之選，脆炸外層包著鮮蝦，啖啖滋味徘徊在口中，是吃上癮的感覺甜品種類繁多，朱古力慕絲是我的至愛，特濃朱古力幕絲上有朱古力碎粉和金箔，好看又好食。迷你朱古力心太軟也是不錯的選擇，熱辣辣新鮮出爐，是朱古力愛好者的恩物，不過就沒有流心，但味道也是不錯的

今天收工後我和好姐妹去了食放題，上咗OpenRice search，見到旺角都有好幾間都幾多like, 今日我地就揀咗神戶屋。神戶居地方唔算好大，但店員都有禮貌。佢地都解釋得好詳細，價錢，嘢食。。。連廁所响邊都講埋。由於最近好多魚生都有蟲，所以我地都冇叫，只叫了蝦類和鮑片， 北寄貝嗰類。想提一提，佢地嘅wasabi, 超攻鼻，好堅！熟食方面，除了一般日式料理，佢地都有少少係韓式料理， 例如炸雞，一口芝士。。。炸物， 係我地叫得最多。。。例如炸榴連，炸雪榚，雞翼，蟹棒，佢地嘅炸物，炸粉都落得好薄。飲品櫃也有不少選擇，有紙包飲品，汽水，茶等，但就冇啤酒！甜品方面，就唔算好多，雪榚係牛奶公司，韓國雪條就每位限定一支！

今日係好姊妹生日，收工後我們去左食放題，坊間咁多放題，邊間好？上OpenRice 睇，見到有幾間都幾多like，今日我就揀左神戶屋。地點都幾方便，喺旺角、油麻地站出都係行5分鐘左右。神戶居地方唔算好大，但店員都好年輕又有禮貌。我地坐底左，佢地都解釋得好詳細，價錢、嘢食。。。連廁所喺邊都講埋。刺身，尚算新鮮，由於最近好多魚生有蟲嘅新聞，所以我地都冇乜叫，只叫了蝦類和鮑片， 北寄貝嗰類。熟食，叫咗牛柳粒、栗米、炒蜆等。。。估唔到都有少少韓式料理， 例如炸雞，一口芝士。炸物， 我地係叫得最多。。。例如炸榴槤、炸雪榚、雞翼、蟹棒，真係數之不盡！佢地嘅炸物，炸粉都做得好薄，又夠味，唔錯！食物質素方面，總括來講都有80分嘅。甜品方面，就唔算好多，都係牛奶公司，韓國雪條嗰d，相反，飲品就幾多選擇！

馬來西亞4個朋友黎香港飲宴🥂話想食日本野兼聚聚🍴最後揀左呢間👇食品種類都好多👍你睇飲品都咁多款😍😍無得頂而家預先訂枱有一人一客海膽或生蠔韓國雪條一條（掛住食唔記得影😂）第一輪既刺身會放得特別靚💕可能知道而家個個都相機食先😂刺身好新鮮😋我食左勁多蝦蝦蝦hahaha呢個就係送既生蠔鮮味，海膽還好😆叫返啲沙律菜平衡下心理懶健康😆味調得幾好架，係食哂既😎其實叫左好多野食，呢個牛柳粒就真係推下好味😋😋👍好多精緻小甜品😉以我經驗多數好睇唔好食呢度嗰啲又唔係喎😂唔會太甜又多款，讚💕💕總括黎講，我係會再幫襯😊😊5個人1150埋單任食著實抵食

餐廳：神戶屋日韓放題 (旺角)地址：旺角西洋菜街1號兆萬中心8樓西洋菜街同登打士街一帶一向係旺角嘅黃金地帶，無論係咩年紀嘅人都會經過嗰頭行街食飯買嘢。兆萬中心係旺角嘅地標，嗰度有好多嘅格仔鋪、模型店、護膚化妝品店、服裝店等，而7樓開始就有唔少嘅火鍋同放題餐廳，無論係本地人或者遊客都會嚟呢到覓食。今次去到兆萬8樓嘅神戶屋日韓放題，6:30入座連埋加一都係$230一個人，即刻介紹一下嗰到嘅好野食比大家先~一開始先來一個和牛火鍋，細細煲唔會好飽肚，放題可以食埋火鍋，有幾塊和牛片之餘亦都有唔少蔬菜，有啲健康野食墊下肚，為成餐放題打響頭陣~而全晚嘅重點就落咗係刺身拼盤上，雖然我哋三個人一齊去食嘢，但係唔好睇小我哋嘅食量，第一輪叫嘅刺身就已經有差唔多五至七人嘅份量，用料非常新鮮，尤其係帶子同三文魚，非常鮮甜嫩滑，而且食落口係凍冰冰，都比較安心，畢竟外面有某啲刺身食落口嘅時候係暖嘅，都咪唔係話唔嚇親人。神戶屋嘅炸物同燒物都非常吸引，本人大愛呢到嘅炸雞軟骨，加上七味粉之後十分香辣，而且炸得好脆，亦都唔會得層皮喺面，而係實實在在有大大舊雞軟骨喺入面~二百幾蚊就可以有超過二百種嘅食物選擇，如果夠大食嘅你每

以後唔會再幫襯依間放題，分享9樣野比大家知：（1）漏單情況嚴重，揀左10樣野，先來得個3，4樣野，之後無補返比我地之後漏左既野食；（2）我地比order紙侍應，有3，4個都視而不見無拎，我地要叫左好多聲先有人過來拎紙；（3）來到既熱食全部係“凍”，冷麵係無味兼難食；（4）刺身一d都唔新鮮兼有好大陣雪藏味；（5）成枱食晒d碟，侍應見到完全無人執枱；（6）我地揀左打邊爐，d邊爐野食到都仲要等多半小時個爐先到！（7）我地本身想飲啤酒，成餐飯個2個鐘都無人refill(8)$2xx完全唔值，又受氣，野又難食，坐又坐得逼；（9）正常一間餐廳唔會見到殺蟲水，係reception位置見到擺左幾支殺蟲水，衞生意式惡劣！我第一次食就遇到咁既情況...無下次！

Let’s get more food, shall we?For those of you who loves Japanese all you can eat, you’ll love this place. Located at the center of Mongkok , this restaurant serves high-quality all-you-can-eat Japanese cuisine. So let’s get to it. Being to many Japanese all you can eat restaurant, I can say that this place is one of the most delicious one.Let’s talk about the sashimi. Choices are pretty wide range, but the quality is definitely there. The quality of sashimi served here stays consistent.We also

收工收得好夜嘅我 平時都好難約朋友食飯 今日就book定餐廳準備九點半同同事收工去食 入到去都仲有好多人入到去見到menu 真心嚇一嚇 之前去嘅放題都只係得5, 6張紙可以揀 呢度係十幾張 睇到眼花花 仲要一個價錢可以食曬 刺身 炸物 邊爐 一早訂定檯仲有特別嘅湯底可以揀添 今次同同事就揀咗壽喜燒 本身諗住要畫飛揀 邊爐嘅嘢食 點知嚟到入面已經好足料 靚靚肥牛 菜 雞蛋都係曬入面 淨係食佢都已經夠曬另外超欣賞佢嘅讚物竟然有炸鮮奶 絕對係我嘅至愛忍唔住叫咗幾轉 最開心嘅係佢其實超新鮮 明顯係啱啱炸完 外面脆卜卜 入面滑捋捋 超正最後要提一提佢個心太軟蛋糕 其實佢個心就唔係做到流心嘅效果 但係唔知點解食咗咁多鹹嘅嘢之後 一食佢就覺得好正 同埋佢個蛋糕係熱辣辣嘅 而且朱古力味都好濃 所以感覺都好好