神戶屋日韓放題

营业中

休息中

今日去咗旺角通常搵放題食我都會去兆萬中心，今日就試咗呢間神戶屋嘅日式放題，好彩我早嚟，6:00已經到步到，七點嘅時候已經坐滿人，環境佈置到色彩繽紛見到有好多海賊王作為裝飾呢度有好多唔同嘅選擇，仲有雞煲食添一坐低當然要叫大量嘅刺身我食放題都係最想可以瘋狂地食刺身這個刺身拼盤包括了海膽，珍寶帶子，蟹柳，鮑片，三文魚，甜蝦，螺肉，生蠔， 赤🦐，這裏的海膽很新鮮，入口鮮甜，一啲都唔腥，很甘香。甜蝦也不錯，甜蝦蝦肉細緻品嚐，慢慢食會帶出甜味，三文魚也很厚身，食入口魚油甘香，越食越好味，食才很新鮮。最大驚喜嘅係壽喜燒職員一放低枱面，牛肉仲係鮮紅色，排得非常靚，牛肉食落夠牛味，配埋甜甜地嘅湯，味道更加出眾，入面仲有好多配菜其實火鍋湯底都有幾款，例如有牛肉豚肉等等，唔夠食仲可以用QR code叫其他嘅配料有菜，有菇，有牛柏葉燒物有很多選擇，有燒菠蘿、燒牛舌、燒羊假，燒菠蘿香甜又多汁，好好食。燒羊架入口，肉質細嫩，滿口油脂甘香，並不腥，值得一讚。日本番薯細細粒，一口一啖，番薯軟糯又甜，真係好好味。蒜蓉粉絲蒸扇貝，扇貝同樣以蒜蓉辣椒調味，有超多蒜蓉，重口味啱晒我，粉絲吸收晒啲精華，食入口好好味，扇貝肉鮮甜

好正又唔貴！仲可以任飲任食三個鐘！好耐冇食過放題！今日就同朋友去旺角兆萬中心試吓依個神戶屋日韓放題，貪佢可以只係收百零蚊二百蚊一位就可以任飲任食三個鐘！我哋唔洗食到趕頭趕命！仲可以除咗食刺身壽司炸物一般日式放題野外，仲可以食埋火鍋添！餐廳上菜速度好快！我地一開始梗係食刺身先啦叫咗好多款式！我地最鐘意係生蠔和有頭赤蝦 餐廳仲會主動送上前菜同醬汁可以一邊食一邊再睇下有咩其他野食叫我地叫咗日本和牛壽喜燒 好多和牛呀😍😍和牛真係靚野！ 唔係普通貨色既肥牛片我地食完和牛後就再叫咗一啲菜和日本年糕打下邊爐！餐廳既炸物都好出色！新鮮熱辣，即叫即整我推介炸蝦🍤俾大家最重要一提就係呢度既雪糕雪條都係任食嫁好多款式既韓式雪糕雪條揀，大人細路見到都會心心眼

好耐無約朋友仔食放題，今日放肆一下去食個放題，揀左呢個幾多好評既日韓放題。入到去好多動漫既擺設🤭🤭個放題都有唔同類型既食物，有刺身、壽司、炸物、日式料理等等。真係好耐無食放題，仲記得以前係用紙仔落單，而家用手機落單真係方便好多。飲品類型都有唔少，有汽水、啤酒、茶類，任君選擇。一黎到就整返個刺身拼盤，各款刺身都有，d蝦都大大隻，刺身厚度岩岩好。 仲有個打邊爐，肥牛壽喜鍋，有得烚下烚下都幾開心。仲叫左d熟食，例如牛舌、羊架、燒蝦等等，味道都唔錯。壽司就細細件，咁可以試多啲唔同既款式。仲甜品時間，叫左個榴彈炸彈，好香既榴連味，yummy😆食得落仲可以去拎雪條食😁😁但已經好飽無食到…滿足既一餐

Vivian已經n年冇黎過兆萬食野，屎忽痕想挑戰下，係openrice見到好似唔錯就幫襯下啦，出乎意料地唔伏，仲要幾抵食Menu有海量食物可以揀即刻叫個刺身食睇下伏唔伏先排得好靚，廚房好有心機🥹仲要整左個乾冰噴煙🥹好正，講返d刺身又真係唔差喎，最鐘意蝦，食左咁多刺身，即刻叫個火鍋暖下肚先～叫左日本和牛壽喜燒，最癲係仲可以叫埋配料打邊爐😳全部任點任食，好抵呀🥹之後叫左個粉絲蒸帶子，超級推薦食呢個，同大排檔一樣咁好食嘅水準，本身想叫多碟，但係太飽野飲任飲～最後食埋雪糕收尾，每人一杯only，完美～（仲要係movenpick😍)真心推呢間，少見到火鍋任食之餘，仲要有日式放題，水準仲要唔錯，最後埋單加一每人$314，其他火鍋放題都差唔多價錢，比較之下呢間好抵食

今日同朋友去旺角行街睇戲,每次我哋睇完戲都係搵啲嘢食下,近排經常都會幫襯旺角一間日式放題,因為性價比又高,食物質素又好,好值得喺度推介一下。神戶屋日韓放題,地址喺兆萬中心8樓,餐廳地方唔算太大,全部都係卡位坐得幾舒適,裝修得好整潔,好適合一班朋友喺度食飯傾計。坐低即刻出去揀返罐嘢飲,無論汽水,茶,啤酒都係任飲，好多放題都冇啤酒，但係呢一間有最適合我呢啲鍾意飲啤酒嘅人一嚟到即刻點返個刺身拼盤,刺身拼盤有三文魚,油甘魚,北寄貝,甜蝦,生蠔,帶子, 三文魚好肥美入口味道鮮甜,有少少油脂食落去特別香。帶子厚切食落去有口感味道鮮甜,生蠔嘅size雖然唔算大,好新鮮有海水味試咗幾樣刺身非常好味,好有水準，最重要係全部嘢都非常新鮮，夠晒凍另外必食嘅推介就係粉絲蒸帶子,帶子size都算大隻,粉絲吸收咗鮮味蒜蓉嘅香味,食落去味道好有層次,粉絲又香又滑 ,真係好正。另一款有驚喜嘅熟食鐵板紐西蘭羊架,羊架嘅size都好大隻燒到啱啱好,肉質仲係好嫩滑,加上邊位有少少焦香,食落去嫩滑多汁味道又香。炸物方面我鐘意食榴槤炸彈,炸芝士,炸鮮奶,全部都炸到金黃色外脆內熱,香口惹味。清酒煮蜆,蜆嘅分量好多而且好鮮甜,有啲

中午心血來潮想食個放題，見到呢間裝修幾好門口個牌寫179起，入到去話要289都算，坐低叫野食除左頭輪刺身上得快少少(有頭赤蝦叫左又冇黎)，上網見話有羊架黎到又冇得叫，上左頭兩碟餸，中午冇乜人都可以坐左成個鐘都冇上過野，本身都冇乜款野食款式可以選擇，食物質素又差，泡菜就成棵梅菜咁，睇見都唔想放入口，叫人蔘雞湯好似飲粟米滾水湯咁，枱上面d碟唔叫真係冇人會埋黎收，兩個人食中午加埋六百蚊，食完唔知食左乜，忟到一肚氣，嬲到坐左一個鐘多啲就走左，請我都唔再黎！

某日心血來潮，好想食下放題。跟住上網睇下旺角區有D咩好選擇，見到神戶屋呢一間好似都幾多人推介，就同女朋友book 左夜晚時間黎食。黎到既時侯，當時好似冇乜人咁，個心離左一離，心諗唔通今次中伏？好在，原來係因為時間尚早既關係，我地叫完野食大概半個鐘頭到，個場已經滿得7788.講下D 食物，根據以往既經驗，放題一開始一定係先食生野，然黎先食熟既。如果唔係，食左熟野再食返生野，會覺得個味道好腥咁。神戶屋既刺身選擇都算幾多下，特別係蝦既刺身，足足有4-5款。當D 刺身拎到上黎既時侯，完全係久違既感覺，精緻既擺盤，襯托住顏色鮮艷既刺身，未食都開始想流口水。賣相睇落唔錯，不過係唔係真材實料就真係要食落先知。一食，果然冇令我失望，刺身都係新鮮既，特別係三文魚，真係好有滿足既感覺。同埋比起其他一般既放題，呢到既刺身蝦都真係幾有驚喜，大家真係可以不妨黎試試。好啦，食完刺身之後，就點返D 熟野。呢到食放題有個好處，就係可以一個鍋一個鍋咁點，好似打邊爐咁。我地點左個壽喜燒鍋，味道黎講不過不失啦，但係冬天黎講，食返D 熱野暖下個胃都幾唔錯。係食緊個鍋既同時，仲點左D 串燒同炸物。個人幾中意個牛舌，燒到岩岩好，

平時兆萬入邊係放題嘅集中地，今次去咗慶祝生日，搵咗間有超級多好評嘅放題，起碼會有質素保證。放題刺身款式超級多，有三文魚帶子甜蝦帆立貝背等等，美食應有盡有，刺身肥美新鮮，最令人驚喜嘅係呢間放題竟然有無限生蠔任食，仲要大大隻好鮮甜。值得推介嘅係佢係有得俾你打邊爐又可以食放題一次過滿足晒兩個願望。個壽喜燒我哋要咗個牛肉鍋仲可以無限添加日本肥牛，啱晒食肉獸。除咗刺身之外，又有好多唔同嘅炸物小食，好似有雞軟骨、炒金菇、黃金蝦，各種小食都係新鮮出爐，10分美味。食得放題之餘當然佢啲飲品同雪糕甜品都係任食的，雪糕仲要有好多特別嘅韓國牌子唔係度度都有，飲飽食醉之後仲可以食返幾支雪條真係一流享受。價錢方面仲要唔貴勝在選擇多質素唔錯，10分推介。

兆萬一向多日式放題，最近冇乜心水，朋友推介呢間神戶屋俾我，試一試佢嘅晚餐放題。首先餐廳套餐會送雞煲或者壽喜燒，我哋選咗後者，壽喜燒湯底濃郁，有少少甜味，都唔錯。至於放題嘅重頭戲刺身，亦都不負所望。每款刺身識落都好新鮮甜美，而且每件都大大件，特別係三文魚，食落仲有油香添。新鮮生蠔都好大件，唔會太腥，讚！海膽好香，唔係霉嗰啲。壽司都好有心機整，細細件，少食多滋味，可以就住個人份量逐次點。燒雞軟骨同炒通菜都好唔錯，估唔到熟食都一樣有驚喜。總括嚟講呢個價錢食到高質素嘅食物，性價比十分之高，值得推介。

同幾個friend係旺角行完街，即興想食放題見佢招牌裝修都好似ok，咁就一於試下啦。諗住佢收得三百幾蚊再加一 質素都唔會差啩服務員質素都好嘅，食物都嚟得好快。但食物質素真係非常差，所有野乜都冇味。清酒煮蜆直頭殼都冇埋 非常貼心 荒死唔知係急凍。

以前食高好多間兆萬中心嘅放題都好中伏，怕左唔敢再食，直到朋友約我食神戶屋，比我發現到原來兆萬都有好質素嘅日式放題。一坐低，店員就拎調味碟比我地，唔洗自己出去拎。飲品櫃嘅飲品任君選擇，仲有好少見嘅果汁，唔使成日飲嚟飲去都係汽水同茶。而且某幾款啤酒都可以任飲。甜品好食，十分精緻。刺身拼盤10分吸睛，刺身非常新鮮美味，沒有雪藏味，三文魚十分肥美，生蠔好鬼大隻，而且仲有海膽！套餐送嘅壽喜燒鍋，一啲都唔輸蝕，湯底濃郁，非常惹味。另外呢度嘅談食都好出色，例如一口椒鹽炸豆腐，豆腐外脆內滑；炒通菜都好惹味，10分出色！

訂位在八點入座後，到了九點仍然不能入座。如果不能預估入座率得話，不應該開放大量位置給人預訂，入座後能夠下訂的食物屈指可數。基本上只能吃少數食物和刺身，體驗非常差。

呢日我地黎到旺角兆萬呢間神戶屋食放題，好彩朋友有事先book 定枱，因為都真係幾full 下呢度既放題有好多唔同既選擇，佢同平時既日式放題有啲唔同，因為佢仲可以揀食雞煲再換個湯底打邊爐！真係好誇張，咁啱我又想食雞煲同刺身想左好耐，所以真係一次過滿足哂我兩個願望！我地一黎就梗係叫左刺身先，佢既刺身真係好肥美，同埋一啲都唔薄，種類仲有好多添，三文魚係我既至愛，佢既蟹棒都好有蟹味！帶子都好有鮮味，樣樣刺身都十分之唔錯！生蠔仲要好易入口，唔會話好腥！食刺身既同時都可以叫雞煲，壽喜燒或暫部隊鍋，由於太想食雞煲既關係我地都係叫左雞煲，佢既雞份量唔多，兩個人食岩岩好可以過下口癮，啲雞勁多麻辣味！如果想打邊爐佢都有唔少邊爐配料可以qr code落單！另外值得一讚既係店員一入座就提左我地幾次燒物炸物要早啲落單，因為要預20分鐘，而我地落完單之後都等左唔駛20分鐘就到左，炸物水準相當唔錯！全部都熱辣即炸！下次要帶屋企人黎試下！

1. 大頭蝦同炸生蠔（售罄）2. 7:30落佐order，8:10都未送上台。3. 魚生同燒烤唔新鮮，無辦法食落去。已經Blacklist！ Never come again.

以前讀書出開旺角食野，唔係揀創興就係兆萬，今日路過兆萬好想再入去食，見好多人推薦呢間神戶屋放題，一於就入去試下！環境算唔錯，好比心機去裝飾，仲有我最中意既海賊王我地肚餓到一坐低就係咁叫野食，手機落單勁方便唔洗等人黎收紙仔。食物叫完無幾耐好快就上枱前菜、炸物、燒物、刺身樣樣齊，最正係呢到有粉絲扇貝唔係好多放題有得食，仲要落得勁足蒜，超級正呀不得不讚呢個和牛壽喜燒，淨係放上枱個下見到排得咁靚都令人食欲大增和牛無拎普通肥牛扮，食落真係好重牛肉味，而且煲左好耐都無變到靭，配上甜甜地湯底，一流中意既朋友仲可以一嚐呢到人參雞湯同拉麵，人參湯好清甜，估唔到食個放題都咁多款式野食，有驚喜放題食到最後當然唔少得甜品啦呢到雪條款式同樣好多，差啲睇到揀唔落手添呀。呢到又夠平野食款式又多，性價比勁高！