影片
📍屯门 《祝祝川粤美食》 #嫩滑海南鸡外卖 招牌海南鸡嘅街坊小店，平时夜晚都围住好多人买外卖，望到价钱都好平，买返几盒小食加𩠌都唔错😋✨泰味嫩滑海南鸡-半只 $𝟔𝟐 泰味嫩滑海南鸡🐔，卖相好吸引，师傅刀工都斩得齐整，鸡皮有光泽油润呈鲜黄色，不过香港实在太多流派既海南鸡，都唔敢讲佢正唔正宗，总之好味就得啦🤣 其次，鸡肉肉质好嫩滑，有肉汁，而且肥瘦适中，鸡皮渗著油香。伴菜方面有酸甜腌萝卜🥕，几开胃，附上酱料有两款，葱油同泰式酸甜酱，比较中意点泰式酸甜酱食，酸酸甜甜同鸡肉好夹👍🏼 ✨麻辣鸡肾 $𝟑𝟐 麻辣食落都几辣，而且好惹味，感觉用料天然，唔系重味精嘅麻辣，食完唔会好口渴💦 鸡肾切得够薄够细，口感爽脆，而且份量好惊人，夜晚做𩠌要分两日先食得哂🤣 ✨卤水鸡翼 $𝟐𝟎 鸡翼好入味，卤水味香浓，有少少瑞士汁既甜味，而且热辣辣，加购价𝟐𝟎蚊就有𝟔只，晚餐加𩠌真心一流🤩 味道：𝟖/𝟏𝟎 性价比： 𝟖/𝟏𝟎
继续阅读
呢间街坊小店听人讲话几抵食，又几大份～佢哋出名嘅系海南鸡，而且仲有2款鸡拣，不过今次我就买咗小食～～佢哋小食都几多选择！食完之后觉得唔错㖞！有质素！～😁花雕醉猪手 $35/份有花雕酒香，不过唔算入味～～猪手都唔系软腍个种～呢款系有咬口嘅猪仔手冷盘，$35一份都都几抵食呀！～😜卤水大肠 $28/份卤水大肠好入味！ 而且分量够多，仲几大份，$28咋！好抵！！
继续阅读
外卖泰味嫩滑鸡二人套餐＄108包（1）泰味嫩滑鸡半只（2）蚝油生菜（3）小食一款（1）半只海南鸡鸡肉份量十足，肉质鲜嫩，唔鞋，啖啖肉，有鸡味。配合前菜酸萝卜好开胃。（2）蚝油生菜🥬，我同店员讲走蚝油。生菜好新鲜爽脆。（3）小食有好几款选择，钟意麻辣的有麻辣鸡脚/鸡肾/溏心皮蛋。钟意卤水的就有鸡翼/大肠。另外冷盘有花雕醉猪手，还有其他凉拌选择。老公唔食辣拣卤水鸡翼，佢话鸡翼好肥美又入味唔会喊，好钟意，送饭一流。另外白饭一盒，超大盒，两个人食唔晒😆。以为呢个二人餐唔够食要加送，结果食到大家都好饱又满足。
继续阅读
呢间外卖餐厅的食物都几多元化，亦都岩晒钟意食鸡的我。点了半只无骨海南鸡有去骨的服务真好，去完骨之后，店家切出来的鸡都好完整。鸡肉的份量很多，肥美嫩滑，又有鸡味，食落啖啖肉，加𩠌一流。卤水鸡翼卤水味香浓，鸡翼够入味。加赚价20蚊有6只，真的好过自己煮。麻辣鸡肾呢个必推，鸡肾得少店铺有得卖。鸡肾份量不少，食落爽口有嚼劲，店家的调味带麻香味，但又不会太辣，加上大量的芫荽，作为小食真的很开胃，一口接一口停不了。今餐经济又好食，屯门人下次加𩠌又有一个好选择。
继续阅读
到屯门富健花园探朋友，附近龙门居有好多小食舖，发现一家专门做川菜及惹味嘅鸡闻到好香喷喷嘅鸡味，顺道买外卖回家品尝。买了几碗轻量招牌鸡饭有海南鸡饭、沙姜鸡饭、卤水鸡翼饭。打开饭盒已经闻到鸡香味道加配埋姜蓉同秘制酱汁令鸡嘅味道更提鲜美，配白饭一流。鸡皮香嫩，肉质好嫩滑，肥美嘅鸡且啖啖肉，好惹味；配料有白萝卜条，脆卜卜又酸酸甜甜，更开胃。卤水鸡翼，闻到浓郁卤水汁，而且好入味。祝祝川粤美食📍屯门龙门路45号富健花园地下80号舖
继续阅读
您可能会有兴趣的...