快樂蜂 (亞皆老街)

营业中

休息中

無意中睇到網上jollibee有辣雞食， 鍾意食辣嘅人又真係唔會放棄去試~ 約女朋友揾日放工後喺旺角相聚~ 決定一齊去試一下 疫情期間同其他舖頭一樣~ 入門口要量體溫~ 咁我梗係冇發燒喇 ~未熱情到咁樣， 老馮地梗係由我去買兼送上檯啦~ 辣雞同普通雞個餐係一樣嘅基~就好似kxc咁自己配搭； 外表睇起上嚟呢辣雞就乾啲 ~食落口佢都係乾啲﹐ 而且相對比較屬於微辣級別~ 普普通通， 都係佢嘅原味雞好食; 另外買咗個紫薯批試一試， 我唔係好like去食批，呢間我就ok喎~ 紫薯批我覺得真係唔錯~ 好啦~下次都係食返原味雞加紫薯批

位於旺角的快樂蜂，位置就腳好方便，而家佢哋分店咁多，唔洗去中環都可以食到呢度既職員多數請外藉人士樂脆雞-雖然沒那麽kfc那麼油，不知道當天旺角分店是否人太多，炸雞的油用了很多次，所以這裹的炸雞有點油益味，沒有其他分店食到既好吃。肉醬意粉-第一次食快樂蜂既意粉，聽人講都幾好味，呢度出品既意粉醬除了茄汁外並加了芝士粒及腸仔粒，幾惹味，相反呢個味道就比炸雞好，因為當日炸雞失準，意粉值得下次再試呢度既薯條無咁油，而味道就比較淡啲。

唔知幾時拎到兩張jollibee既coupon，又行開旺角，就黎食左呢間老伯伯炸雞同麥叔叔薯條既混合體！入面落單姐姐都係外藉姐姐，要英文溝通！因為我地唔係好肚餓，純粹想黎試佢啲雞，就只係叫左一桶雞$90！見到佢餐牌一人餐大概40蚊，價錢都ok!講番舊雞，佢配左啲好稀既汁俾我，我唔係好食得出佢咩味，所以冇繼續點汁！一桶雞有6隻，3件脾3件胸，全部熱辣辣，個炸皮我覺得有少少蛋黃味，啲雞肉肉質都幾嫩滑！

路過快樂蜂好多次，覺得隻蜜蜂好得意，就一直想食返次，對上个次係食炸雞，都幾好食，然後發現有个特別的漢堡扒飯喎，唔知點解好想試下同kfc有咩分別，就點左黎食下。原來同kfc最大分別就係好多醬了，夠juicy,另外唔係用膠裝的，係用紙个喎，雙層紙裝飯，所以唔會好快串底，點呢个餐記得快啲食勒。支持佢用紙，夠環保。另外間餐廳的氣氛幾好，大多數都係外國人，最多係外傭食呢間餐廳，聽講因為佢係菲律賓好受歡迎个喎，連店員大部分都係講母語英文的。想學英文要黎食下勒。

看完戲，心血來潮很想吃雞，就來到了這裏！食個快餐。呢度啲雞新鮮即炸，所以落單之後大概都要等15分鐘，先可以拎到。我喜歡這裏的炸雞皮薄多汁，外皮炸得香脆，但雞肉仍保持嫩滑。比其他連續快餐店出色！而且這裏的薯條亦好好食，雖然唔係粗薯條，但係條條都長度適中！不過唯一缺點是炸雞醬比較失色，所以我多數不點醬來吃！值得一讚是這裏的跟餐飲品可以選冰檸檬茶，只需要加$2.5。雖然這裏的餐不算多選擇，但係如果以食雞來講，這裏的雞真的是最好食的。

大家好，大家可以叫我阿占，小弟鍾意周圍搵野食，無論係平野、貴野、普通野、乜Q野我都啱，希望將自己嘅飲食經驗分享俾大家知小弟第一次在openrice 分享，要分享嘅第一間店係Jollibee，你冇聽錯....sorry....係冇睇錯，我咁大個仔都係第一次試呢間快餐店...唔好笑我間野在香港都好多分店，但冇一間近我住嘅天水圍，所以我揀左旺角店，貪佢交通方便，行幾十級樓梯上一樓，見到門面。感覺好靚仔下Order左個C1配細薯條🍟飲野要百事，之後求其搵個位坐，12點幾都唔算多人，尚算多位兩件雞，睇落心諗喂！會唔會好乾呀？我不禁有疑問喇但咬落去....OK喎，皮脆有聲，肉質唔乾有汁睇到呢張相大家放心啦有其他野配嘅，好似係薯蓉飯之類，我揀左薯條，第一樣，熱嘅！合格，薯條一定要係熱 如果薯條唔熱呢咁真係要退貨其實味道咪普通薯條味囉我就想講下呢個汁，佢呢就擺落個雞籃度，應該係點雞嘅，我試過係類似KFC磨菇飯個汁，但再稀啲同淡啲，我就麻麻喇，所以擺喺度做裝飾個百事....夠凍但....唔夠汽！大家都知汽水唔夠氣係好大穫嘅一件事有待改善四十蚊呢，我覺得還好，合理嘅，炸雞合格之上，薯條passed，係個汽

由菲律賓黎到香港開店既Jollibee炸雞llibee炸雞店已經開好多年.前幾日經過再去食下, 叫左2個2件雞既set, 一個配薯條一個配薯蓉.炸雞雖然又脆又熱又Juicy, 但可惜佢無辣味揀, 呢點比KFC可能差小小.薯條係幼薯, 正正常常, 都香脆; 但薯蓉則好似比BB食既份量超級細個, 我諗男士們食完應該唔會夠飽.

呢一個炸雞真係超好食脆又夠哂脆 而且個雞入面好嫩滑而且仲有好多肉汁所以我哋開party一定會叫呢一間餐廳而且佢個套餐亦都唔算好貴所以我哋成日都會食 真係食極都唔厭超級正

《旺角好食連鎖炸雞店》去到旺角想食炸雞，而Jollibee又好就腳，加上早前係tg放題發生個陣佢有放人入黎避一避，值得支持下🔻整體評分：🌕🌕🌕🌕🌗炸雞皮名薄而且好脆，雞髀亦大大隻兼啖啖肉，味道唔會太咸或太淡味，點埋佢獨有嘅醬汁份外滋味；薯條同意粉屬正常水準，夠晒飽肚呀另外講講環境，快養店黎講呢到坐得算係舒服，而且店員收野都收得快，一個餐都係三幾蚊，真係平靚正呀📍 快樂蜂 (旺角)地址：旺角亞皆老街16號旺角商業大廈1樓

Jollibee聽得多，但其實我一次都沒有食過。遇上網上有優惠劵發售，一個套餐比平時要平得多，就買來試下這個菲律賓的名產！搭𨋢上二樓，門口見到這個招牌Jollibee吉祥物就知道到了。套餐包括兩件炸雞、肉醬意粉和汽水。我到收銀處兌換優惠劵，店員為我的套餐打包好作外賣。這個肉醬意粉表面有些半溶的芝士，食的時候我把它撈起來。想不到，看似不太多的芝士味道也很濃，有少許香腸粒，番茄汁則偏甜不酸，但整個組合又幾好味我也喜歡他們的意粉不會煮得很淋，保留點質感。接著就是最期待的炸雞了。兩件炸雞size都幾大，一胸一槌，旁邊還有一盒肉汁。炸雞顏色靚仔，沒有炸得太耐。咬下炸雞，嘩，好脆！雖然我買外賣，由下單到食都隔了一段時間，炸雞外皮仍然很香脆，完全沒有出現淋或者濕的情況。雞肉算是嫩滑，還會有少許肉汁流出，加上香脆的外皮好邪惡喜歡的話沾上肉汁又有另有風味呢。香港主要賣炸雞的快餐店很少，難免會把這店跟另一店比較。的確，Jollibee的炸雞肉質較滑較juicy，外皮較脆也不會跟雞肉分離。口味來說，另一店的炸雞口味和花款較多，這店只有較單一的炸雞口味。不過，如果一間店賣的是質素有保證單一食品，也會吸引到一定

快樂蜂聽個名就好得意，唔知食左會吾會好快樂呢？聽講哩間店系菲律賓進駐入來香港噶，最出名就系炸雞薯條啦，甘我當然點距地最出名噶來食啦！炸雞香脆多汁，非常香口，加埋距配搭噶沙律醬，更加好味啦，薯條系厚切噶，特別合我心意，熱辣辣，同炸雞一樣甘好食，果然食完之後好快樂！

雖然知道係好邪惡 ，但係我有陣時都忍唔住會想食下炸雞。除咗基本嘅KFC之外，前鐘喺中環返工果時如果時間許可，我都會鍾意去買JOLIBEE食。一路以前未食過JOLIBEE嘅時候，只係知道依間係好多姐姐幫襯嘅菲律賓快餐店，完全唔知道有幾好食。直至到有位同事介紹左我之後，就鼓起勇氣，正式入咗去買咗第一次，點知一試就返唔到轉頭，佢哋嘅炸雞，唔單止新鮮熱辣炸起，而且非常之大件，我估可能係落咗牛油去炸，好香，而且永遠保證一咬落去非常多汁肉嫩，雖然品辣但醃得好入味。相反如果KFC，如果係食原味嘅話，就會比較冇乜味。如果唔夠嘅話，仲可以點埋佢哋個蝦汁米粉食，但比較可惜嘅就係，只係中環總店有佢哋個米粉食，其他分店都冇。雖然而家喺九龍嗰邊返工就比較少機會可以食到啦，但終於佢地九龍都有分店，今日就忍唔住買左外賣食。佢地個價錢係比KFC貴些少，但係值得嘅希望。佢哋可以再開多幾分行，同埋每一間分店都有米粉食啦！！

之前聽好多朋友講Jolibee比其他大型連鎖炸雞店質素好，炸雞更出色今日經過旺角就上樓試試。今次唔係好肚餓，所以叫咗兩件雞套餐，一件係雞鎚，一件好似係雞胸，佢另有蘑菇汁可以點黎食，都算係多一個選擇，多一番滋味😂佢個醬汁同炸雞都幾夾，而且味道都唔錯，調味OK! 而雞件幾嫩滑，食落真係有肉汁，唔會乾巴巴，味道真係有所不同連鎖炸雞店黎講真係值得一試，雖然兩件炸雞唔係太飽肚，但價錢比韓式炸雞平！另外套餐可以選擇飯/薯條/薯蓉，我就揀咗薯條同加兩蚊飲檸檬茶，薯條就真係一般夏天飲檸檬茶就真係幾正我另外加$6叫多咗個香芒蜜桃批，細細個幾好，味道幾清新又熱辣辣，幾抵食

叫咗個夏威夷堡餐加個炸雞 炸雞冇想像中咁好食 而薯條係凍嘅 拎去叫佢換咗包新嘅 返嚟食左上而幾條係新鮮炸嘅 而下面嗰啲全部都係凍嘅 應該將個盒舊嘅上面溝幾條新嘅上去 食咗幾條就冇食啦所以！！ 下次一定唔會再幫襯

Jollibee既炸雞無得頂我試過介紹人地黎食食完就讚不絕口首先，佢既炸雞好大件得黎都仲可以炸得好juicy一咬落去，脆口，肉汁多到流出黎簡直一流kfx既炸雞都有肉汁不過外面唔脆口而且jollibee佢既炸雞係會配一隻好特別既醬汁唔識形容似d咩但係配落炸雞到係完美無瑕佢唔係辣醬/甜醬/酸甜醬總之個隻味唔知有咩食物可以形容到（我認大家食過就會知我講緊咩）🤣🤣🤣🤣🤣佢既餐配薯條以前有得加錢要芝士味shake shake，不過佢停左lu佢既芝士shake shake係用好似芝士波個隻芝士粉好濃好好食至於汽水就無野評價因爲佢真係只係汽水一杯🤣