禮賓閣餐廳

营业中

休息中

【灣仔區】【禮賓閣餐廳】第一次接觸呢間餐廳係喺牛頭角玉蓮臺，嗰陣覺得佢個名好好笑。明明係茶記，好似禮待貴賓咁。之後又食過佢哋喺勵德邨嘅分店，嗰間就喺山頭接近獨市生意，不過最近都執咗。本身都想寫吓嗰間，但係喺我食咗佢哋幾次之後，就聽到話執笠，咁就算喇。而家寫呢間就喺銅鑼灣聖保祿醫院對面，裏面都幾大，不過我去兩次，兩次都好似冇乜人食咁。第一次我其實係肚餓住咁等食飯，所以就食少少嘢。就咁叫咗「蛋牛治」同「熱奶茶」，睇餐牌都唔知 $43 係點計出嚟嘅，不過味道算正常，價錢就合理啦。第二次就正經啲，叫咗個 $50 嘅「常餐A」，有「香煎豬扒撈麵」配「炒蛋」同「多士」，餐飲我揀咗「熱杏仁霜」，熱飲唔使加錢。個煎豬扒幾有茶記風味，不過不失。炒蛋同多士都擺得入口，okay。撈麵唔係印式，有啲乾，杏霜就正常茶記水準咁囉。。。（地址：銅鑼灣銅鑼灣道3-17號國泰大廈地下1-2號舖）#1amfoodie #foodie #hkfoodie #thatfoodiething #hkfood #food #instafood #yummy #foodlover #delicious #foodies #tast

落單嗰陣趷人要講快啲肉絲炒麵 成個麵底淋嘅 一條脆嘅麵都無 啲汁好似鼻涕咁咖喱海鮮炒飯幾好食 飯乾身 足料 有好多魷魚雞髀沙律無特別 雞皮唔夠脆 沙律分量好迷你結論 唔會再黎 怕左

惡相待客短頭髮惡姐落單 話只准自己叫自己野食，唔準幫人叫 我話唔齊覆單咪唔亂，佢話唔得！嘩茶餐廳 幫人叫餐都唔得，好大官威呀！新年流流 佢訓導主任式趕客 事事唔得掂 仲衰過的士拒客

早上去聖保祿醫院之前，先吃過早餐，附近最近又順路就係呢間。早餐 B：沙嗲牛肉麵、火腿煎蛋、牛油多士、熱奶茶（$38）沙嗲味一般，牛肉唔韌，公仔麵普遍，火腿煎蛋無得轉其他，味道正常，牛油多士唔熱唔脆，熱奶茶茶味淡少滑。只為食飽無咩要求，OK的。上菜快，坐位多，收費合理。

早上8:00，和阿女吃個早餐。 經過這間茶餐廳不下100次，卻從來沒有幫襯，今天終於有機會了。這個時候客人並不多，可能是星期六的關係吧。一進去姐姐很友善告訴我，一邊冷氣比較強，一邊比較弱，問小朋友怕不怕冷？最後坐了弱冷氣那一邊。地方很清潔，原來樓面及廚房都是全女班。叫了港式早餐，火腿通粉，跟厚多士，及一個蛋牛治烘底，加杯凍飲。火腿通粉很標準。份量也足夠。多士及三文治，都是即叫即整，熱辣辣。凍奶茶普通啦，當然不能和另外大坑的一檔比較。大約$40一位，很標準。姐姐很友善。她說夜晚有雞煲。可惜天氣已經越來越熱，遲啲啦，會再來的。

選擇這間茶餐廳有点兒因為它的名字叫【禮賓閣】，這令我聯擊上【禮賓府】的呢！哈哈！看過餐牌後，還是選擇了兩個餸，兩個中湯跟碗白飯。第一個餸：嘟嘟通莱煲，一上桌前是熱騰騰的，還有（熱）的聲音呢。通菜很鲜而鹹度剛好；而第二個餸是菠蘿咕嚕魚塊：魚塊先走油後再下煲，肉質美味，吃下去有点滿足的感覺噢。另外要了兩碗中湯，承為八元一碗，不錯。下次有机会再試其他餸。

吃了一個早餐，沙嗲牛肉米粉，加多士火腿煎蛋。整體來說沒有什麼特別，也不算難吃。就真的普普通通。環境衛生方面，表面上看不出問題，跟一般茶餐廳無異。至於服務員態度，也沒有什麼期望。你不會特別要去這間餐廳，可能逛街時很肚餓，又路過這間餐廳才會去的。

都係食個早餐 無乜要求沙爹牛麵正正常常牛肉都ok唔鞋奶茶偏茶味重 有啲似咖啡不過少左冰都好多冰！牛油多士就唔係好大塊大大pat牛油 要自己刮走少少煎蛋不過不失啦 燶邊係幾好食習慣掉埋落湯一次過食40蚊樓下食得飽就多偶爾邪惡一下

行過見到個晚市餐牌好似還可以就走入去叫外賣,一入去見到全間餐廳沒人都覺得有點問題,但都照叫了蒸蒼魚外賣,收了59元。收銀員還交代要等一會才有,咁我以為是新鮮蒸就當然唔介意等,等了十分鐘後拿了外賣回家就發覺有問題,首先在茶餐廳我也不期待會有新鮮魚吃,但明顯已經蒸了三四次,肉都“梅”了；其次可能跟在我身後又有人叫蒸魚外賣,佢居然只給了魚的上半給我,肉已經品質差,還吃兩口已經食完,未試過叫個外賣可以咁生氣,如果有人經過發覺餐廳空空的便知道是事出有因的。

喺銅鑼灣行完工展會，又無訂位唔知去邊度食，最後入咗禮賓閣餐廳。見到午餐牌，有個沙疆雞飯，應該不錯吧！沙薑雞同飯分開上，沙薑雞都算幾嫩滑，份量亦都好多，沙薑味都幾濃，$54包埋一杯飲品，喺銅鑼灣算係好抵食嘅選擇

Order 左鹹牛肉蛋三文治外賣啊姐落錯單落咗蛋三文治$25，（但收左雙併$34）拎到返公司發現咁就打去餐廳，啊姐好悔氣話：「換過囉，都錯左，你開心就得啦，」佢做錯但講到好似我R佢著數咁？打工仔咁得閒返去換咩？好地地點解要咁講野再講多兩講，佢大大力掉低個電話筒，出色啊佢！傑出倒米員工非常無奈….外賣落錯單仲用咁既態度對客人，永遠唔會再幫襯禮賓閣！

喺聖保祿醫院附近搵間餐廳求其食個早餐頂下肚先，估唔到食到咁新奇既野老實講真係第一次食雪菜肉絲米粉會食到未醃過既菜，不如叫青菜肉絲米粉啦。完全係無味，唯一好處係佢真係青菜嚟，但就好似你平時食到小白菜咁既味。究竟點解可以咁難食?

自從幾年前被「開飯」話我的食評（其實在我的角度只是飲食報告，我未有資格"評論" 人家食店）有問題之後，就很少再寫，今次真是忍唔到。因某些原因搬去銅鑼灣住一段短時間，今早去這餐廳食個早餐，坐下要了一份麥皮早餐，一份炸魚早餐，之後就取餐具，發現第一隻匙羹有污漬，再取第二隻都一樣有污漬（見相片），在現時疫情期間，衛生環境竟這樣差，真是無言。講番食物方面，炸魚算是香脆，但那太陽蛋竟然是凍的，其餘食物的質素都一般。

我一直以為，好食既茶餐廳態度差；難食既茶餐廳態度好，是一個定律。茶餐廳早餐來來去去都是火腿通粉火腿煎蛋，加上一杯熱奶茶，對我來說已經Good enough to begin my day。而呢一間餐廳竟然可以令無要求既我覺得咁灰，簡直係神乎奇技。先由食物說起，火腿米線，未熟的；煎蛋，有殼。可以食的只有火腿絲同多士，都好，可以減肥。再說服務，老實說憑我多年食澳牛及九記的經驗，我對茶餐廳的服務態度真係完全無要求。這餐廳的侍應會因為太多人買外賣，對收銀大喝一聲：唔好接單，叫佢地企晒係度先！呢一刻我終於明白，所謂天外有天人外有人，澳牛之所以迎來黃昏只因有餐廳在服務上超越了他。總括來說，能遇上在食物質素及態度都如此奇葩的餐廳，我只能默然過隔離M記買多個窮人餐，至少人地準時又好食。

#breakfastforlunch, #cheapest, #causewaybayI used to come here a lot.. until my wife pointed it out that the hygiene wasn't that good, she asked me not to bring our kids here... so i stopped.I liked here because when I bring my kids, I could order a set and add a few more bucks for a sandwich... then I could make sure both my kid and I got fed...after years, I came back again... they are consistent on their hygiene. so glad that they do provide you hot water at the table.. kinda expecting thar w