研香

营业中

休息中

入去環境係幾好既 坐得舒服既 試下佢個招牌豆腐花加合桃芝麻糊 先講豆腐花先黎到賣相已經好差 好似俾人食左兩啖咁 食落無咩開心果既味道 仲話自己招牌 真係搞唔掂 原價仲要68蚊真係搵鬼食 芝麻糊味道就正常發揮 但個賣相又係好鬼肉酸 圖文不符 不過加10蚊有3大粒湯丸 算係咁 希望貴公司改善下食物既賣相

晚餐食壽司郎大失望後諗住食研香定定驚之前開業時食過腰果露合桃露幾好食，今次食個‘招牌’開心果豆腐花原本滿懷期待有幾好食，點知希望越大失望越大，食到懷疑人生，滿肚怒火1. 一上枱望到有啲唔多對路，稀得好似水咁。一入口只有很淡薄的開心果味，更多的是水味2. 挖下去，有兩三粒開心果粉團仔3. 開心果味完全不足，一匙開心果豆腐花，豆味竟完全覆蓋晒開心果味4. 食多兩啖，有陣苦味從喉嚨底涌出，越食越苦，食多兩啖都頂唔順要結帳去買支茶沖下口

之前寶琳站附近有三間糖水舖， 近呢兩年有兩間執咗笠。 最近又新開咗兩間新嘅， 今日就去試下其中一間--研香。其實睇餐牌 甜品款式唔係特別多， 主打係佢自己磨嘅芝麻糊 腰果露 合桃露 杏仁茶。 其他款式仲有豆腐花 湯圓 梳乎厘 榴槤冰 龍眼冰芒果冰同埋 西米露。 而有啲出乎我預料之外嘅係，甜品舖竟然有咖啡奶茶飲。我今日就試咗芒果西米露， 芒果肉係剛剛熟程度 未算好甜 都有啲芒果味， 西米露係正常甜度，汁底應該加咗芒果肉去打 所以係奶黃色。有一樣好嘅係， 中式甜品係可以揀 甜度， 有正常，半甜或者代糖。唔知佢嘅老闆係咪舊時 聰嫂甜品嘅老闆， 因為佢做嘅水果冰 同中式糖水都好似舊時聰嫂嘅款式。

港式糖水店研香主打自家研磨糖水，除了招牌8小時慢磨芝麻糊、石磨開心果露等糖水外，還有梳乎厘、手沖咖啡等<招牌開心果豆腐花> $48聲稱露嚴選意大利西西里開心果，以特製石磨低溫研磨我期望似一般芝麻糊咁稠身，但成碗好稀🥲，入口偏淡，不重開心果堅果香味，或者因為豆味蓋過咗開心果露🙃，入面都有開心果碎嘅最不解係個豆腐花係碎嘅，味道亦同超市嘅盒裝豆花無疑，$48相對一般中式糖水貴，應該不會再食第二次.....🤢值得讚係可選半甜或全糖👍本身想試埋<開心果梳乎厘>，但係openrice食評見到失敗左「又扁又燶仲衰過McDonald嘅pancake」，所以無叫，歡迎大家試完比食評我😄

想食個疏乎厘都困難重重，首先，落單apps顯示售罄。問過職員又話有，幫我落單，不過要等30分鐘。好啦，照等，等左10分鐘，問個職員，佢話要自己落單？？ Fine, 再用個Apps落單，又等左30分鐘，一上檯，嚇親？呢堆倒塌左加泥膠色嘅野叫雜莓疏乎厘？無論係服務定食物都下不為例！

尖沙咀甜品名店研香剛剛喺將軍澳開咗分店，當然要嚟朝下聖。唔知係咪地點問題，九點幾去到，居然唔使等位，兩個人坐四人枱都得。研香最出名應該係開心果系甜品，但係可能比較晏去到，已經賣哂😭，退而求其次，唯有叫個少甜嘅合桃腰果露雙拼。要讚嘅係合桃露同腰果露都味道濃郁，一食就分得出，而且都幾杰身，唔會水汪汪，算幾高質。不過揀咗少甜，始終好似冇咁滋味，下次應該揀返正常甜度。同埋呢，我覺得唔揀雙拼比較好，就可以試真每隻味道。由於人唔多，坐到成十一點都未畀人趕，商場又未閂門，都算係另一個彩蛋🤣。

有次去尖沙咀經過研香門口，見到有開心果豆腐花，身為開心果迷當然即刻衝去試💨💨💨開心果味濃、唔死甜、豆腐花超級滑😍 其他芒果甜品、楊枝甘露、榴連甜品試過質素亦都唔錯🥳但身為將軍澳人，尖沙咀真係有d遠🥹🥹 研香終於開到寶琳！終於可以飯後過黎食！今次係寶琳分店當然食左開心果豆腐花、亦叫左楊枝甘露(my 2nd favourite)，質素都保持得好好！今次仲好想試梳乎厘，但原來12點至6點先會供應🥲 下次要weekend再過黎試下佢😛

本人非常鍾意呢啲養生糊，試過尖沙咀研香，一定係食佢香濃開心果糊同豆花！今次係寶琳開分店，一定都要試試佢既經典名物！不過唔好意思喇，開心果糊賣哂🫣🙁咁就叫左佢腰果糊加豆花（少甜）+芒果冰腰果露依然係咁細密，但唔知係咪因為加左豆花，溝稀左本來好好食既糊🥲睇圖都見到佢係豆花水太多太多，而且豆花碎哂，根本唔知自己食緊乜，有啲失望。芒果冰好食，非常濃郁，唔酸～仲有啲脆珠珠好好食🥰但要整體咁講，尖沙咀出品有保證啲，如果可以做返好出品控制會較佳，有進步空間～

早前見到研香有開心果梳乎厘，價錢$78都好抵食，但因為梳乎厘6點前先會供應，所以諗住趁新年放假去試下。當時手機落單顯示已售罄，再詢問店員時話有但要等8個字，我地都照等，終於8個字後出左梳乎厘，點知見到梳乎厘真係呆左一呆，可能因為漲唔起關係，所以出黎好細好細件，好似冇野落過肚咁，非常非常失望😣😣😣餐牌張相既梳乎厘好大件，估計係整失敗左，除非原本真係咁細件，但呢樣真係唔知道。等候期間食左蛋白杏仁茶，杏仁味道都濃郁，都算唔錯，但係都掩蓋唔到失望既心情，估計下次應該唔會再食了。

第一次咁嬲，人生第一次係OpenRice落食評! 我食左啲乜?? 比左$78食左兩塊又扁又燶仲衰過McDonald嘅pancake?! 說好了的梳乎厘呢?? 完全有違商品說明條例!其實碟pancake都等左好耐，到左之後更加發現佢所有梳乎厘都售馨，就知個廚師根本做唔到梳乎厘，但啲staff最後都冇建議我轉叫其他糖水依一點，我覺得佢地唔夠誠實。明明尖沙咀的質素唔錯，估唔到轉左地方黎到寶琳依間食可以令到我咁失望。希望下次可以繼續努力改進。

食過幾次啦呢間糖水有中式糖水亦都有西式嘅真材實料值得一試價錢相對一般中式糖水貴環境坐得舒服似cafe裝修風格比較有驚喜嘅係竟然有開心果豆腐花呢個都係佢地招牌之一鍾意食芝麻糊嘅朋友唔好錯過味道夠濃個人最鍾意食榴蓮款式甜品

招牌開心果豆腐花：開心果糊缺乏堅果香味，入口酸澀；豆腐花與超市售賣盒裝豆花並無二致。兩者配合，勉強能夠接受，但開心果糊單吃真的不好吃。另外開心果糊，以堅果糖水來說，比較稀。餐牌上沒有開心果糊的選擇，只能點開心果豆腐花，大概店家也知道自己開心果糊，接近難以下嚥，必需配上豆腐花，減輕其酸澀口感。餐牌上寫此甜品原價68，特價48。如果我付了68購買這碗甜品，應該會很生氣😂。有一說一，餐廳裝潢清新，座位寬敞。播放的多是輕鬆廣東話歌曲。適合打卡，或者閒聊休息。

開心果梳乎厘只有呢間有疏乎厘，轉程黎試，口感似蛋糕， 冇空氣鬆軟感， 偏偏的，但開心果醬濃郁。龍眼冰特飲 Longon Sorbet Drink淡味， 名副其實超多粒粒冰，沙冰只有面個d 稍有龍眼味， 麻麻。楊枝甘露Mango & Pomelo Sago芒果西米露口感綿密，唔會太稀， 西柚味唔太出， 正常。 熱 8小時慢磨芝麻糊 Sesame Dessert Soup+全甜芝麻糊幼滑 芝麻味香 唔錯👍🏻整體上價錢偏貴， 可能中式甜品會出色d。