石磨坊 (已結業)

早排同老婆行旺角晚上想玩甜品本來去左neway city 隔離間石磨坊但入到去想叫燉蛋白無熱得涷跟住叫芝麻糊又係無熱得涷...... o念極都唔明點解唔識整番熱佢於是想過大良八記食番碗熱野但去到發現已經執左= = 兜左一大個圈後o念起尼邊都有間石磨坊就過左去初時都驚尼邊都一樣又無晒熱野，落單後發現尼邊正常d冷熱都有。是次order:熱奶皇燉蛋白、熱芝麻糊、紅豆桂花榚熱奶皇燉蛋白奶皇不太香甜，燉蛋白未算太滑，只屬合格之作。可能己經夜深，放了較久的關係。熱芝麻糊芝麻味濃，糖水質地不太杰，因此口感較滑，比滿記的好。但我同老婆略嫌佢未夠甜。紅豆桂花榚桂花榚味道清香，配合碟邊芒果汁和中間紅豆蓉有兩種不同風味，感覺新鮮。

同FD行完街來食糖水向來對芋頭製的食物都甚喜愛睇到有芋泥涼粉,個樣又唔差,當然不放過啦!送到來時即刻開餐(因為午飯仲未食呢!)初初食真係幾好味,芋泥口感好黏,好實在涼粉有涼粉味,加埋刨冰真係勁透心涼!但食未到一半已經有D滯..又有D凍!最後放棄了,食唔哂..下次SHARE食,應該會更滋味^^

去neway city 旁的分店夜晚11點左右去食糖水,見佢好多人排隊諗住應該幾好食啦等左半個鐘..一坐低見對面位姐姐既芝麻糊只係食左2啖冇食過咁滯就埋頭nds 心諗佢真係浪費由於一向喜愛芝麻系列的食品,所以都order左芝麻糊+年糕莆吃第一口.,即刻明白對面位nds姐姐點解冇郁過碗野芝麻糊冇芝麻味好淡完全唔覺自己食緊芝麻糊難食!!年糕又係麻麻地..冇乜味另外,朋友嗌左合桃糊加芝麻湯圓又一難食之作係 首嚐合桃糊香氣四溢味道農郁甜度適中每一啖都充滿合桃香好彩,,人生第一碗合桃糊唔係石磨坊食..否則對此人間美食失去好感冇合桃味過淡芝麻湯圓超級甜食佢d芝麻湯圓不如買利川一係用湯圓皮包糖做餡塞落口一樣味service 可能因為太多人唔得閒招呼咁多客

16/3/2008 晚星期日上完堂搭紅van去旺角轉車經過~見到間好多人都話好食的甜品店~應誠左細佬買糖水~就試下山長水遠買番屋企~要左一碗腰果糊($19)~一碗合桃糊($17)~一客雪白甜如筒($24)腰果糊~食到腰果味~不過口感好似怪怪地~好似食cream咁~唔係好識形容~唔係難食gar...好溜好滯咁啦合桃糊~甜左d~仲有稠得有d過份囉~好似落左生粉咁~不過幾香合桃味,都係好溜好滯雪白甜如筒~椰青汁皮包住唔甜的紅豆蓉~ 再加芝麻同花奶,個皮落左好多魚膠粉囉~ 無甜味~無椰汁味~紅豆蓉得豆味~好沙~ 個樣都幾得意~食落就唔係好得囉~環境麻麻~暗暗沉沉~坐都唔見得好舒服外賣每樣食品再加多一蚊~

每次都必吃的芋泥涼粉，真是百吃不厭。一個兩份，作為餐後甜品足夠有餘，飽肚的。踏入第７年，看到他們有點改進。碗是鋼的，用以保溫，而碟也加了公仔圖案。不過我看來看去也認不到公仔是什麼甜點？哈！

係ＭＫ等朋友，等得耐就去呢度食住等一個人，要左刨冰，西瓜味，ＳＩＺＥ照舊咁大，一個人係冇可能食得哂，好彩食左冇耐朋友就到，陪我一齊食哂佢，西瓜唔可能要求好清甜，至少唔係罐頭野就好好，刨冰，冇特別，一樣係咁，我最鍾意底下既涼粉，真係ＤＵＮ反匀成件事，冇咁凍丫嘛服務，係呢度最多人講既話題，唔叫好好又唔叫好差，只係講野冇咩尾音有Ｄ趕客既感覺，又或者佢根本唔志在你果幾十蚊生意

奶黃蛋白燉鮮奶~奶黃味道很好,燉奶好滑,不錯不錯芒果刨冰~外型幾特別,不過味道就普通...

D 店員大部分係小妹妹,冇乜人生經驗,對客黑面,講嘢冇尾音,多謝都冇句,冇禮貌-_-" 老細快D 教下女喇,咁做間直趕客...入正題,D 芝麻糊幾好,亦唔太貴,不過多返D芝麻味會好小小law ^^

石磨坊有數間分店, 但我只會到這家, 總認為正店會是最好的. 最愛這裡的芝麻糊, 芝麻香得不行, 而且磨得細滑, 甜度適中, 吃後卻不會滿口酸呢.

同朋友行完市就去試下...佢\地多報紙都報導過~咁我地叫左一個熱既, 幾個凍既甜品~唔~ 我覺得好一般~

依間d甜品不錯,如果到旺角行街,要試一試!

這間久違了的糖水店，竟讓我有機會再次光顧，事緣大年初一拜年後，硬拉了男友郅旺角一逛，行到咁上下，糖水癮大發，泰和堂要年初二先開，只得石磨坊可去，故拚著極期待的心來到總店吃碗芝麻糊。驟眼看那碗呈灰黑色的芝麻糊，賣相討好，可惜味道始終不能回復昔日水準，米漿過多，芝麻香味嚴重不足，而且偏甜，應該再冇下次！

行過呢間舖頭,便入內幫襯甜品!首先係一個叫雪白甜如筒的甜品卷,椰子味的皮包住紅豆,味道不錯!很喜歡紅豆蓉煮得很好! 另外再來了一個芒果黑糯米芝麻卷,味道都唔錯,不過唔夠硬,雪凍d更好味!

七人尼食糖水叫左椰芒西米露+ 朱古力"登"奶+ 楊枝金露+ 唔知咩咩我自己就試左椰芒西米露+ 朱古力"登"奶朱古力"登"奶都幾濃朱古力味但係就好似唔夠香...始終個人覺得"登"奶應該要香d 滑d不過椰芒西米露就真係幾好佢入面唔單上有椰汁+芒果+西米露仲要有刨冰的~~~個感覺好好~~冰凍的感覺非常爽而且d芒果又夠甜~~正呀!!!之前食過佢的齋刨冰完全唔得好似食冰咁....仲要硬到爆果隻...想點呀.....

都係食芝麻糊+合桃糊, 都ok ,唔係太甜,但朋友叫了粟子糊,試了一口, 唔好食, 冇乜味~~