石磨坊 (已結業)

同友人於MONG KOK dinner 之後，去左石磨坊食糖水﹗我地一行三人叫左個木瓜糖水、燉奶、芝麻合桃糊同埋芝麻芒果黑糯米卷﹗唔錯架wor…個芝麻芒果黑糯米卷幾特別囉，不過如果食得好飽就唔好再叫le個…

食佢果個蜜瓜刨冰, d冰好似山咁高,但其實料就真係唔係好多,加埋蜜瓜係有d 藥水味,怪怪地....太大件喇,食唔哂成個.

d 糖水款式幾特別, 一般糖水有, 特色糖水都唔少.

旺角甜品首選，尤以糊類明顯的出色。種類不算十分多，但自創的甜品也甚佳，質素和選擇也足夠滿足大家。誠意推介。

最近食左個栗子芝麻糊，真的一流，夠味，個人十分喜歡

佢d 糊雖然係好傑同好滑,不過就欠左"香"喇....我叫既合桃糊理應係要因合桃香架嘛,不過我食完呢個糊既感覺只係"好杰"同"好滑",但找不到合桃既香味~而且因為個糊加得太多米漿入去,仲令我食完個糊之後覺得有d漏添~希望店主不要在老是加米漿,糊既原材料先係最重要呀!

天氣轉凍好想食番碗熱糖水,令我想起石磨坊,去到見到人山人海以為要等好來,點知轉頭個亞姐就話有位,入到去叫芝麻楜,好香,好好食.至於水準我就覺得幾好,無嘜點變,不過坐位就真係迫D!走的時候我重打包了一碗番屋企比亞媽食.

本來已下定決心不再來的。 但在星期日，跟姐行完街，她說想吃糖水，問我係咪有跟糖水舖整o的糊好出色，我告訴她以前是，現在已不是了，叫她不要去，我帶她去另一間更好味的糖水店。怎知姐死也要試一下，還說不試不信。在拿她沒輒下，惟有帶她來，她叫了一碗芝麻糊，我也要了杏仁糊。吃了一匙，姐已不想吃，她說漿到個口都唔想繼續食，又說太甜兼冇芝麻香味，我那碗杏仁糊就比較好少少，起碼冇咁糊口，而且杏仁味都極濃，但太奶。姐吃了細半碗便喊要走，我也沒好氣的反串她︰現在信嗎？我自己也從此對石磨坊死心，很希望她能回復昔日o既水準啊~~~

好耐都無去食過，上星期諗住去睇下有乜新野，不過無乜驚喜。未去過又想去試下既朋友，就要有心理準備喇，一坐低叫左野就要唔停咁食哂為止，如果唔係果度位姐姐一見你停手，佢唔會理你個碗係唔係仲有野係度，就會即刻問你仲有無其他野要ｏｒｄｅｒ，無既話唔該你埋單，因為門口有好多人等緊。其實去佢度食野，都係想欣賞下ｄ食物既味道姐，如果要人客好似牛牡丹咁，根本食左ｄ咩都可能唔係幾知啦，駛鬼去佢果度食？

我去過兩次第一次係下午茶時間去, 無咩人叫桂花同心糕+ 竽蓉涼粉第一次食桂花同心糕, 覺得好好食,桂花味好重, 跟入面0既紅豆蓉味道好夾,芒果亦好食竽蓉涼粉份量好多, 兩個人食都好飽~竽蓉有咬頭, 好好咬~~~第二次去, 係晚上9點幾10點, 多人到不得了, 好鬼逼~ 好鬼唔好坐~呢次都係叫桂花同心糕+ 木瓜雪耳糖水不過呢次食桂花同心糕, 好似無咩桂花味,同埋d芒果好大舊, 係蓋過哂桂花味~木瓜雪耳糖水不過不失~ 唔係好食, 亦唔係唔好, 普通~

芒果河粉---> 不敢恭維芒果卷---> 唔好食

我跟網友識食的見差不多，同樣認為那個芒果河粉名大於實，芒果還芒果，河粉還河粉，那些河粉又沒什麼芒果汁，什麼味道也沒有！！另外那個黑糯米芒果卷非常甜，沒味道，買相也不甚好！說真的我只覺得吃那些糊是ok的，其他...... 還是算了吧

第一次是我表妹帶我去的，試了他的芒果冰沙，好好味，不過食的時候真的要十分小心，加上他的芝麻卷，都好好味，可是價錢就不是太平，我想，．．，我會糧頭先去食一之。

食過佢啲糊，一般而已

又是下午菜時段．．．這次是我專程帶著友人到這裏裡的，算是慕名而來吧！叫了腰果糊和芝麻卷，友人還對那個乜乜冰（我記性不好嘛）有興趣。雖然那個乜乜冰賣相不錯，但實在太大了，不敢恭維。雖然如此，腰果糊和芝麻卷已經令友人讚口不絕，我想是因為夠特別吧，友人說在美國很難得有糖水店，還說糖水店是香港的特色云云．．．無論如何，我也覺得生活在香港蠻有口福的。好好珍惜吧！