影片
相关文章
今日一去到话要蟹籽小丸子6粒，职员覆我芝士6粒，我话唔系，系蟹籽6粒，之后比单我，我都冇望收到之后打开，见到冇蟹籽，以为漏咗，我过去问，想问系咪漏咗落蟹籽？佢好愕然，我唔系要芝士咩，我话唔系，我系要蟹籽，佢另外个同事话帮你整个，我话好，咁我就企系佢舖门前，之后突然听到同事与同事之间用普通话喺度讲话我冇落错系佢讲错，𠮶刻我就知道佢系话紧我，我就同佢讲我冇讲错，系你自己落错，跟住佢哋讲笑㗎咋。第一我从来都唔觉得好笑，第二你系讲人坏话嘅你都等个客走咗先啦。到我拎嘢嘅时候，佢仲同我讲话下次你落咗单之后可以望一望张单，首先唔理我有冇望张单啦。我同佢讲我已经同你讲两次系蟹籽。如果你话系讲一次之后落错我都算喇，但我讲2次。。。仲要态度系屈个客讲错，仲要系个客面前讲，真系好搞笑！平时经过口痕都会买下 sorry今次之后唔会再帮衬！！
继续阅读
已多次光顾这间店，味道不错。虽然size 缩水…本人仍可接受，继续帮衬。但今次下单后，远看发现他们刚制作好的章鱼烧十分焦㶶，不太合适食用。已即时向男职员提示不要太焦㶶的章鱼烧。但回家后打开盒，发现真的不行了。酱汁遮盖了本身烧㶶的章鱼烧，顾客即使即时打开，亦难以即时发现。虽然不是最烧㶶的章鱼烧，但较以往质素差，不太适合食用。这显然职员没有以顾客为先，烧焦了/焦㶶的章鱼烧，其实本应弃掉。。为何仍然售卖给顾客？*相片中的章鱼烧已是较为不焦㶶的….其他章鱼烧出现㶶味…致癌….建议职员注意食物品质，确保有质素才给顾客。
继续阅读
经过新北江，发现地下开咗章鱼无双，唔使突登去葵广又唔使排好耐队，真系好正 。🔺明太子必点！超多木鱼，明太子酱都好多，外脆内软，粒粒都好足料，又热辣辣 ！好开胃，好好味！🔺蜜糖芥末呢个配搭酱料都好好味，甜甜地少少辣，上面超多木鱼同紫菜粉，蜜糖芥末沙律酱都满满舖喺面，每啖都好满足，好惹味！好岩我呢啲食酱怪😂
继续阅读
天水围呢间章鱼烧舖头都开咗一段时间，但系有好几次都夹唔到时间食唔到，今次咁啱见到佢开咗门就去买吓啦。之前帮衬过佢其他分店都唔错，所以今次都继续食佢嘅明太子章鱼烧。佢哋嘅章鱼烧系即整嘅，所以都等咗差唔多10分钟先有。佢哋嘅明太子酱都留得几足，每一啖都食到明太子酱嘅味道，加上章鱼烧系即整嘅，所以食落去个皮好脆同埋个心好热。佢嘅章鱼烧唔会好粉状，而且每粒都有两三粒章鱼粒，感觉都几足了！其实呢一区都冇乜章鱼烧嘅选择，所以只要keep住水准都应该继续有Market
继续阅读
叫咗蜜糖芥末同黑松露味。超级推介蜜糖芥末，好开胃。酱料同木鱼都俾得好多，入面嘅章鱼都几大粒添。黑松露味其实几浓欲，入口有啲震惊，如果本身好爱黑松露嘅人应该会好爱！
继续阅读
您可能会有兴趣的...