真‧章魚無雙 (已搬遷) 新店位置

今日同女朋友拍拖去葵芳掃街，點知比我見到間章魚小丸子好耐冇食過啦。今次試吓芝士章魚小丸子，第一次見可以拉絲嘅芝士好好玩丫🤣🤣食落去好有彈牙，新鮮嘅章魚😍😍😍

雙拼，明太子，蟹膏醬$41 (8粒)葵廣是一個有各式各樣小食的地方。章魚燒也是一個蠻受歡迎的小食有大大的章魚粒，有配各樣的醬，明太子，黑松露，蟹膏醬等為了要試兩個口味，叫了雙拼味道好好吃，蟹膏像韓國之前大熱的那個味道明太子就咸咸的，我個人口味不會吃太重價錢適合，醬料很多唯一的缺點不夠熱，章魚燒不脆😔這樣有點扣分好吃的要外脆內軟，粒粒分明所以這個章魚燒只是算是好食跟有點式色但不是我個人愛吃的。。。希望下次食有改善，或者會再試芝士系列

好耐冇食過真材實料又好味既章魚小丸子了~ 見到咁多味想試，今次就一次過滿足晒兩個願望先！！試左黑松露味同明太子味。真係不得了，個味好出，重點係每粒裡面都有完整既章魚仔，確係足料！收銀哥哥講野仲好盞鬼，香港人好需要呢d風趣加油

第一次來葵廣食墨魚丸，聽聞這間是最出口的所以一試。選擇了餐牌上👍的明太子墨魚丸。汁是有很多，感覺很膩，而且只有鹹的味道，口乾到不得了。。。也許今次選錯了，抑或是明太子本身就只有咸味? 😂😂

下雨天同朋友去葵涌廣場shopping,我最鍾意喺呢度掃街,行行下見到呢間賣章魚小丸子嘅鋪頭超多人排隊,搞到我忍唔住又排埋一份好想試下係咪咁味,因為周圍都係shopping嘅人,搞到排隊時人撞人好迫我睇左一陣menu,好多選擇!!我揀咗蜜糖芥末章魚燒!!好彩排隊畀錢唔係用咗好長時間,同埋佢哋都整得好快,等咗一陣間就有得拎,小丸子g左沙律醬,同埋加咗海藻粉&同好多木魚絲,賣相真係引死人,小丸子係咁出煙,熱辣辣香噴噴,就算咁熱我都忍唔住一啖咁咬落去,真係超級好味!小丸子入面嘅章魚好大粒,同埋蜜糖加芥辣呢個配搭好正,我一粒接一粒咁食,話咁快食哂!!好味嘅程度令到我返到屋企都仲好回味,下次我再去葵涌廣場一定一定會再嚟呢度食小丸子!!

之前試過佢既原味，今次試埋佢個明太子章魚燒，木魚絲份量依然重手唔手軟，熱辣辣好好食，明太子多左一份口感，都唔錯章魚肉都唔少，每次食呢間都好開心，不過暫時都係鍾意原味多d~~~

呢間主力賣八爪魚丸，味道選擇都多，叫左個原味試，味道好好，雖然要等一陣，但好足料，熱辣辣，裏面八爪魚肉都多，而且比好多木魚絲，下次會試埋佢其他口味，例如明太子~~

繼續葵廣系列。朋友喜歡吃章魚燒。我其實也很喜歡，但剛從大阪回來，還試了超過5間的小丸子，真的有點擔心香港的質素會有落差很大之感。但share食都係幾粒姐，就陪她一戰吧！-款式都幾多，十款有9款都是特別款。所謂特別款，就是topping/ sauce不同而已，下面的小丸子本體是相同的。我們選了明太子章魚燒。章魚丸本身比較實在，粉多餡料並不多，很普通；特別之處想必就是醬汁，一食之下就是現成明太子醬(淡味版)。作為喜歡明太子醬既人泥講都唔錯既，但個人還是覺得這樣的配搭不及原味好食。-傳統做法傳統配搭，有時候，是有它的原因。

朋友知道我喜歡吃章魚燒，介紹了這間真.章魚無雙店給我，這位於葵涌廣場的小店專門賣章魚燒，有六粒及八粒選擇，超級多款口味，款款都很吸引，價格由$27 至$39。另外，還有一款特色章魚燒，超激章魚燒，賣點是大過8cm，砲彈尺寸，有六款口味選擇，賣$26。這次先試試原味，大阪風章魚燒（原味）六粒裝$27。現場新鮮制作，等了約十分鐘就有熱騰騰的章魚燒，剛燒好的章魚燒外皮還帶點脆，表面塗了燒汁，灑上了海藻粉及沙律醬，大量木魚片放在旁邊，賣相令人即時流口水，一咬開發現內有一隻 Mini Octopus 迷利八爪魚，比相坊間的八爪魚粒更嫩滑，有多層次的口感，已經愛上了這間章魚燒店，下次要再試試其他口味。

章魚燒係日本經常食。但係香港其實好少都冇邊間係做得出色。聽講好多人討論呢一間嘅黑松露章魚燒～黑松露本身係貴價野，但係放喺章魚燒又好似幾吸引緊係要試試你地都見到好多黑松露，真心正，d醬真係無敵，下次一定會試埋其他章魚燒

葵芳已經變曬美食街咁喇🙈層層都係野食真係多到好難揀食咩野...之前都有食過依間章魚燒今日星期日都唔算多人排隊之前真係排得好誇張要等起碼10分鐘但今日唔洗店員仲會講埋比你知等5分鐘就得喇我今次揀左芝士味真係拉到絲！燒汁好足夠唔會淡口！木魚片又夠多👍🏻值得一讚佢既賣點係有真章魚每一粒都有2-3小粒不過今次食就無之前咁好食林左好多 唔夠亭身可能做耐左個水準無keep到以前初初開咁不過我覺得都值得一食口味好多好特別唔係度度都有芝士章魚燒$26 -6粒款款不同價錢

都有好一排無黎葵涌廣場行街，點知呢度已經變晒，開左好多小食店，花多眼亂，太多野食反而唔知食乜好，最後黎到呢間食章魚小丸子，有咁多唔同口味，就食呢間啦。黑松露章魚燒 $38:價錢唔平，但係粒章魚燒就大大粒，咬開裏面仲有原隻細八爪魚，爽爽的。味道我就唔係好食到黑松露個種獨特既味道，我都無expert太多，但係黑色類似蟹籽再加上沙律醬又好好味喎。如果章魚燒既外面可以燒得脆少少，應該會再加分。睇番menu，原來我食個款係最貴既，我只叫左6粒，都勁飽！係等緊食物既時候，聽到好多人都order 明太子，下次再黎就試下先。

之前食過啲章魚小丸子，大多數都比較多粉漿，有啲直情連章魚都冇一粒。今次呢間性價比算高，每一粒小丸子都有章魚，章魚亦非常有咬感。今次我選擇左原味，有我鍾意嘅木魚，小丸子上面灑上木魚同沙律醬，成個combination非常配搭。因為佢係即叫即整，所以勁熱辣辣，我都比好高嘅評價。

睇介紹見這間章魚燒好吸引，但結果又中伏了。這份量.....心知不妙，33蚊的價錢有6粒略貴，而且章魚燒比一般少，我希望味道能取勝。明太子混合沙津，看似千島醬，但卻沒有明太子味，明白明太子是咸的但我認為做成醬應加以調味，降低咸度。另加上咸咸汁，2種醬料只有咸味，好像食鹽般，侵蝕自己腎臟。幸好有許多木魚碎能中和味道，但木魚太多，吃下去除了咸就只有木魚味。口味非常軟腍，一咬便整個爛了，內裏只是粉醬沒有章魚燒應該有的配料，只有一隻章魚，章魚沒有鮮味欠爽口。總括來說，如果想生腎病就來吧，這是我吃過最差的章魚燒。另一提，太古城中心的apita foodcourt的章魚燒店來自日本東京，價格親民，做到外脆內軟，極推薦！明太子章魚燒6粒 (33蚊)

🐙📸#tagnshare葵涌篇……………………💰蜜糖芥末拼原味章魚燒 $37/8粒🤤 嚟左好多人潮聖既葵廣章魚燒🐙umm .. 真係成隻🐙係真驚喜既..不過入面就無咩其他饀料😅 高妹比較喜歡原味加勁多沙律醬!🙋🏻高妹小編……………………👇🏻地址👇🏻真‧章魚無雙 (葵芳)葵芳葵富路7號葵涌廣場2樓C07B號舖