真‧章魚無雙 (已結業)

行經尖沙咀見到有章魚燒，呢間專賣章魚燒，有成14種唔同嘅口味！當日遇上既小小肥仔店員，好有禮貌又nice。見佢收order之後就好努力即叫即整，真正用章魚，每一粒入面都有2-3粒章魚仔，真材實料。我叫左佢既top 1 大阪風章魚燒，top 2 明太子章魚燒。2款都好味！大阪風用傳統既章魚燒醬，配好多海苔粉，好突出地好香海苔味。明太子就有豐富既沙律醬同明太子十分咸香又creamy。企一陣都見好多人叫唔同既口味，見到聞到都好吸引。掃街下次唔好錯過呢間！唔同味既章魚燒，逐樣再試😋

今日同朋友係尖沙咀行完街, 有d 口痕, 經過真‧章魚無雙聞到好香, 就去左買左章魚燒食小店差唔多有14款口味選擇, 包括唔少新口味選, 將唔同配料配搭經典嘅章魚燒, 仲可以變雙拼, 分別有6粒同8粒選擇, 由點餐到取餐, 全程大概5分鐘櫻花蝦章魚燒章魚燒即叫即燒, 超級大粒足料, 店員燒到外脆內滑, 粉漿做到好輕簿, 一咬開就見到超大粒既章魚🐙, 章魚煙靭有咬口, 面頭仲有大量木魚絲,同櫻花蝦, 醬汁平均覆蓋喺章魚燒上, 每淡都食到櫻花蝦嘅鮮味, 邪惡得嚟又好惹味

餐廳：真‧章魚無雙地點：尖沙咀厚福街菜式：小食餐牌：14款章魚燒口味，價錢分別有6粒同8粒，加$2可以雙拼。叫左雙拼8粒，分別係明太子同櫻花蝦口味，$44。店員好快就整好。首先章魚燒整得外脆內滑而有大大粒煙韌章魚粒，真材實料！醬汁豐富。明太子味少少辣，面頭灑上豐富紫菜粉。櫻花蝦味真係有超多櫻花蝦，可以加添口感，個醬汁都辣辣地，好惹味。章魚燒用紙盒上，伴有竹簽，面頭再加上豐富木魚花。呢個小食都唔錯。

以前成日去葵芳行街，都會經過呢間章魚燒專門店👅好鍾意呢度有各式各樣嘅配搭，今日出開尖沙咀，原來都有分店，多咗小朋友自然會鐘意食街頭小食，一於帶佢去試下🤤出開去厚福街食飯，食埋先上去晚餐啦，過下口癮，小丸子選擇多不勝數，今次選擇蒜香牛油粟米，超級多粟米，味道香濃，蒜蓉香氣撲鼻，牛油份量都唔少嘅，入面嘅章魚，口感煙煙靭靭，質感一流，小丸子又皮薄餡靚✨阿仔好鐘意食，食到舐舐脷，下次已經話要嘗試芝士章魚燒，今次真係大件事，次次去葵芳同尖沙咀都阿仔記得呢間章丸燒專門店💯💯

平時去開葵涌廣場一定必去食既章魚無雙，今日路過尖沙嘴厚福街，想不到開到黎呢度，雖然店鋪位置算隱蔽，但都俾我搵到，哈哈。其實好容易搵，喺厚福街直行到尾，見到文具店轉入去就係了。今日想一改傳統，想試啲特別啲既味道，所以同朋友一齊揀左個「櫻花蝦」拼「激蔥」章魚燒（每款4粒），晚飯前口痕既選擇❤️❤️「激蔥章魚燒」真係無改錯名，真係超級多蔥，本身都好鍾意蔥，好啱我，咬開裡面都係經典有章魚粒既章魚燒，加埋激蔥既點綴就口感變得更豐富！「櫻花蝦章魚燒」都真材實料，材料貴但都佈滿滿滿的櫻花蝦，每一口章魚燒都有櫻花蝦的鮮味，除了口感還有鮮味！創新都不失傳統必備既木魚花，最愛！

個人最鐘意既章魚小丸子店，第一間諗到既一定係真章魚無雙。不過通常係去葵廣掃街先會食到，其他分店又唔近我。今次佢終於開係尖沙咀，仲要係好多野食齊集既厚福街，真係方便好多，收工都可以去食!平時都數都係叫明太子口味或者係大阪風，今次都想試D新野，叫左櫻花蝦。呢到出食物都幾快，5-10分鐘就有。櫻花蝦鋪曬係面，好多料! 表面再加埋個汁，有少少辣辣地，似明太子醬既base，配埋粒粒櫻花蝦，口感又更上一層樓! 咬開係熱辣辣，仲有粒粒章魚，十分足料，呢款相信都係我第時會encore既款式！

📸 真·章魚無雙厚福街一向出名多野食今次就黎到後街試試呢間章魚燒😛😛細細間但都幾多口味可以揀黑松露 明太子 蟹膏口味都有得揀架🥢 櫻花蝦口味6粒 $36 8粒$42如果心大心細想試多隻味可以+$2轉雙拼 （❌芝士/蒜香牛油粟米）章魚燒🐙外面燒至微微香脆入面就軟綿綿 仲有大大粒彈牙章魚粒口感double up📍 尖沙咀厚福街7A號地下D號舖分店:葵涌廣場旺角中心西九龍中心觀塘裕民坊西灣河太安樓天水圍新北江商場#尖沙咀美食 #章魚燒 #街頭小食

尖沙咀大大粒章魚燒最近見到好多章魚小丸子洗版，搞到心思思又想試，同朋友尖沙咀行街見到呢間係大熱章魚小丸子店望望餐牌居然有種十幾款口味🤣選擇困難症既我又見臨一考驗，招牌黑松露章魚燒，另外亦有蟹膏、明太子，櫻花蝦都好多人買最後試咗蟹籽同蟹膏雙併，每粒章魚小丸子裡面會有一隻完整的迷你八爪魚，十分足料，亦增加了口感醬汁都會滿滿地覆蓋著章魚燒，食落味道及層次感都很豐富！即刻又買番幾粒食下，小店即叫即整，保證熱辣辣脆卜卜，落完單之等左10-15分鐘左右。期間都好多朋友仔買泥食📍真‧章魚無雙尖沙咀厚福街7A號地下D號舖

平時去掃街，又點會少得食章魚燒！真·章魚無雙呢排喺尖沙嘴開多間分店，依然係咁足料好食😋 櫻花蝦章魚燒櫻花蝦舖滿喺章魚燒嘅面，每粒章魚燒一定會食到櫻花蝦嘅味道，口感外脆內軟，大大隻章魚喺入面絕對係足料‼️明太子章魚燒明太子章魚燒係章魚無雙嘅人氣top2️⃣，一定係實至名歸！明太子好香濃，配埋紫菜碎舖喺上面，完全係和風嘅味道👅章魚無雙所有章魚燒都係即叫即做㗎～熱辣辣咁食真係好惹味😍係必定回頭嘅章魚燒店🐙

每次去葵廣都會排隊,食章魚小丸子. 真係超級誇張，排半個鐘買章魚小丸子之後再要等一個鐘先有得食. 發揮出香港人真係好鍾意排隊嘅精神. 不過行行吓街俾我竟然見到喺厚福街嘅後街,竟然見到一個好熟悉嘅名字.😍😍😍重點係咩呀？重點係唔使排隊呀。👍👍👍同葵廣分店一樣. 燒芝士,蟹膏, 蜜糖芥末醬.原味任君選擇.我自己就揀咗燒芝士，佢個味道同葵廣一樣咁好食即使冇人排隊，但係都係即叫即整.希望唔好俾咁多人發現到仲可以繼續唔使排隊，食到優質嘅章魚小丸子

成日去葵廣都好鍾意食小丸子今日反正要等朋友就去尖沙咀食吓小丸子先原來我食過好多唔同嘅舖頭都未食過呢間呢間又係有超多味道揀選擇困難症嘅我揀咗好耐😂😂因為推介嘅TOP 1,2,3都好吸引而其他味道又好正咁所以我就貪心少少，試吓雙拼揀左TOP 1嘅大阪風章魚燒同沙律蛋章魚燒🧡大阪風章魚燒有好多木魚喺上面，紫菜粉都好多嚟到嘅時候熱辣辣好大粒食落去有啲大阪燒嘅感覺最重要係入面粒章魚好大粒超級好味🤤🤤🤤🧡沙律蛋章魚燒又係有超多嘅沙律蛋直情同普通沙律蛋一樣而佢又同章魚燒出奇地夾冷熱交融好特別最開心係食晒啲章魚燒都仲有好多沙律蛋可以食如果鍾意食沙律蛋嘅朋友一定要試吓😚😚😚

大隻仔今次覓食嘅店舖就係💥 真。章魚無雙 💥大隻仔今次介紹呢間餐廳，相信好多人都食過，即叫即整嘅章魚燒，熱辣辣好好食，今日同朋友行過尖沙咀厚福街見到有「真。章魚無雙」，又未到食晚飯時間，咁岩2個人都鍾情櫻花蝦口味，一人一盒6粒份量岩岩好。⋯⋯⋯⋯⋯⋯⋯⋯⋯⋯⋯⋯⋯⋯⋯5⭐️ 超班3⭐️ 一般/正常1⭐️ 差味道 ⭐️⭐️⭐️⭐️⭐️抵食 ⭐️⭐️⭐️⭐️服務 ⭐️⭐️⭐️⭐️環境 ⭐️⭐️⭐️⭐️⋯⋯⋯⋯⋯⋯⋯⋯⋯⋯⋯⋯⋯⋯⋯⋯🔥 櫻花蝦章魚燒 $36 / 6粒「真。章魚無雙」最吸引顧客光顧原因之一就係每一粒章魚小丸子都係即叫即整夠晒熱辣辣，而且醬汁夠多，包滿每粒章魚小丸子，非常滋味。大隻仔最鍾意就係櫻花蝦口味，每粒章魚小丸子內都有一大粒章魚肉，外層燒到少少脆，配上千島汁、辣汁、七味粉、帶少少辣，再鋪上滿滿嘅櫻花蝦，多到遮住晒章魚小丸子，再加上木魚絲，多重口感，好好食。

真‧章魚無雙 (尖沙咀)📍 尖沙咀厚福街7A號地下D號舖原來厚福街又有真.章魚無雙今日就行咗去巷仔Typo對住🐙見到開咗間 👀 明太子章魚燒點咗個人氣Number two 😂俾咗勁多明太子，啲木魚絲郁吓郁吓咁粒粒都大大粒，有好多章魚🤗不過我就鍾意食脆身啲嘅章魚燒本體🤣😅#真章魚無雙 #章魚小丸子 #章魚燒 #takoyaki #octopusballs #japanesefood #尖沙咀美食 #尖沙咀

喺尖沙咀厚福街街尾開咗間《真。章魚無雙》章魚小丸子可謂大人細路至愛呢間舖頭即點即整， 熱辣辣，脆卜卜仲有齊14款口味畀你揀，花多眼亂今次試咗個雙拼【 大阪風章魚燒 x 蟹膏章魚燒】拼加兩蚊即叫即整，點完之後大約等十分鐘熱辣辣嘅章魚燒終於送上粒粒脹卜卜 大大粒 好足料Number 1.0大阪風 淋上滿滿的大阪燒醬汁上面有滿滿的海苔粉加上沙律醬， 甜甜酸酸，係小朋友嘅至愛而蟹膏章魚燒 味道絕對遠超外形帶有鹹香 非常鮮味每粒小丸子裏面都有大大粒的章魚粒好食到舐舐脷

Lunch time 見到外賣平台 免運 又好耐冇食章魚燒 超掛住 然後因為佢嗰真字 所以叫左 叫左大阪口味 $59 x 8 應該係原味 一打開見賣相好足料好多木魚片?唔知係咪咁寫 同埋啲紫菜碎超吸引 點知一咬落去 佢係用水魷魚？超奇怪 仲要勁大層粉 乜唔係擺菜啊粟米啊 總之就有啲料係入邊啦應該 真係好難食 食到嗰啲麵粉味 本身個人都好敏感 對食物個味道 然後上咗嚟OpenRice先知道有咁多間分店 好失望 其實做咗件事同做好件事係兩回事 🤦🏻‍♀️