真心泰國菜館 (已結業)

夏天天氣悶熱，冇咩胃口，想食d濃味嘢，泰國菜正合心意。位於朗晴坊嘅呢間泰國菜館，晚市有d一人套餐，包嘢飲🍹、甜品🍮，經濟實惠。酸辣海鮮湯🥣酸酸辣辣好醒胃，仲有d香濃蒜味。海鮮有青口、大蝦🦐、魷魚🦑，海鮮雖然應該係雪藏貨，但肉質爽口，都有d鮮味。配料仲有蟹柳、秀珍菇，用料足。綠咖哩米線🍜呢個青咖喱米線夠晒惹味，米線滑滑，掛滿青咖哩汁，辣辣的夠開胃。雞扒🐔份量足，切開一件件，肉質嫩不硬，配料仲有豆角、茄子🍆，吸滿咖喱汁，好味。泰式咖喱海鮮配白飯🍛呢個係紅咖喱，有少少椰汁香🥥，不會好辣，加上爽口青椒絲，撈汁餸飯🍚一流。海鮮材料跟湯嘅一樣，都係有爽口蝦仁🦐、魷魚🦑、青口同埋蟹柳，但係呢個跟咖哩就比較濃味，各有食法。餐飲方面，我諗你都揀咗唔使補錢的，有椰汁冰🥥同埋青檸茶🍹，兩款都有誠意，配食辣野，感覺舒暢。最後甜品是椰汁大菜糕，口感同味道都食落幾清爽。

真心泰在我中學時期已經很有名，在旺角共有兩間分店。今次就過左黎朗晴坊分店。望上去天花就見到吊住一把把色彩鮮艷嘅紙傘裝飾。午市套餐都幾多選擇。泰式奶茶飲到茶味幾濃，而且比坊間無甘甜。 另一杯咸檸七，正常水平。香葉肉碎飯加蛋$59呢碟最有驚喜。肉碎分量很多，而且豆角亦切得夠碎，整啖放入口滋味又增加口感。泰式炒冬蔭公仔麵 $56單看顏色以為會唔夠味～麵質應該用左泰國mama 麵 食落真有冬蔭功感覺，炒得乾身夠味。酸辣脫骨鳳爪 $55鳳爪夠凍，咬落彈牙。不過辣的後勁都幾犀利泰式豬頸肉 $63份量幾足，豬頸肉質地彈牙!

見疫情緩和，與朋友到朗豪坊看場電影。完場就在毗鄰的朗晴坊找家飯店午餐。這家店裝修以木材為主調，有很多泰國裝飾品，也有供奉泰國佛像，泰國特色相當濃厚。重要的是地方整潔，冷氣足夠。烤豬頸肉 $63 豬頸肉烤至脆邊，肉汁仍保留，有彈性，份量也不少。泰式春卷 $46 春卷皮脆薄，以粉絲、木耳絲和紅蘿蔔絲等作餡料。泰式炒米粉 $55/set雞絲不會太乾，還有點雞香，米粉是濕炒的，不會太多油，與雞絲、花生碎、葱粒和短肥爆汁的芽菜混和一起，停不了口。芒果糯米飯 $68 芒果大大片，芒香撲鼻，厚厚的甜椰漿蓋著舔舔的紫糯米飯，賣相令人垂涎欲滴。下午茶的選擇也豐富。

嗌咗個晚市1人滋味套餐，不過唔記得影相📸生菜肉碎包白飯-配1杯飲品 $69味道正常，但又講唔上好好味，好彩我撈咗啲勁嘢落去，成件事即刻升華哂☺️真心醬好食😂串燒（牛、雞）即叫即燒，配搭上個應該係佢特制串燒醬，一流👍個醬佢加咗花生醬，仲有原粒花生粒喺醬入面添，真材實料😄食哂串燒，我問職員可唔可以比多碟串燒醬我撈飯食，因為我試咗個醬撈埋落個飯都好好味😂跟住店員亦表示無問題，比多咗碟醬我哋👏泰式經典甜品 - 芒果糯米飯芒果唔算好甜，但都叫可以。糯米飯都幾彈牙，好味😋

有時候 有些事 無論是好是壞 要親身體驗過 才知道的，一直昐望待疫情完結之後，首要可以先去既國家就係泰國，但現時搭飛機同出入境檢驗都未必咁方便，口癮難耐，又身處朗豪坊附近，得知啟晴坊入面有間泰餐，諗都唔諗就上去試下。由於早左收工，先去餐廳入面坐住等男友，不論餐廳門口,，餐廳員工，甚至內在環境佈置 都令人有一刻感覺自己身於泰國。▪️晚市一人滋味套餐▪️▪️泰式雞扒咖哩炒河(轉檬粉)雞扒煎至金黃色切件，加入芽菜、洋蔥、青椒同咖哩去炒，整體乾身又唔油膩，不錯👍🏻▪️喇沙雞絲米粉雞絲份量都頗為多，喇沙好濃郁，掛湯更佳，米粉沒有浸得太腍，算爽口。▪另加特飲：▪️龍眼冰：龍眼好夠味 又清甜▪️大樹菠蘿青檸梳打：大樹菠蘿味濃 配搭上青檸同梳打水 好fresh!▪️泰式串燒（牛肉，豬肉，雞肉，3選2）我地揀左雞肉同牛肉，每款各有3串雖然每串份量都好多，好大舊，但肉質夠嫰滑又充滿肉汁，配上醬汁，perfect match!最後仲有兩舊甜品似係椰汁🥥大菜榚▪️大菜榚天氣開始熱，總想食一些冰涼的甜點，呢件大菜榚形狀呈膠塊狀，一層帶著椰奶香味跟爽口的大菜一拍即合。一整晚感受到餐廳對傳統泰餐服務為上的堅持，重視食物質素和服務，

今天跟兩位朋友來吃泰國菜。餐廳外貼了入圍食店感覺很厲害，於是便跟朋友進去試試。餐廳環境裝修有特色，很有泰國風味。首先點了幾串串燒，分別有牛肉，雞肉，豬肉。串燒厚肉，有嚼勁。醬汁有泰國風味，點了醬汁後的串燒更加滋味。然後是燒豬頸肉，份量都挺多。豬頸肉切得比較薄，容易入口。外皮燒得金黃香脆剛剛好，肉質較乾。醬汁辣辣的，串燒點醬汁吃一流。再來是炒西蘭花蝦仁，西蘭花鮮甜美味，蝦仁彈牙爽脆，較入味。份量適中，兩三個人吃很足夠。大大條香蔥放在碟旁做陪襯，賣相漂亮。炒金邊粉甜甜酸酸很惹味。配料也足夠，有正宗泰國的風味。不過辣度如果可以多一點點會較好。最後有甜品。是椰汁大菜糕。細細件很精緻。香甜而不膩，滿口軟滑。好吃。結帳總共$400 ，三個人來說都算還可以。餐廳環境坐得舒服，很適合一班人來聚會。我們聊了一整晚，非常開心

真心泰國菜館由㕑師到服務員都是泰國人，餐廳的裝潢亦充滿泰國傳統風格，食物更有一番泰國大排檔的風味。青木瓜沙律青木瓜很新鮮爽脆，配料十足，有很多香口蝦米、花生、豆角、蕃茄....味道亦調得剛剛好，不會太辣、太甜或太酸。乾炒雞河很掛念在泰國夜市吃到的惹味泰式炒河。今晚在真心泰國菜館吃到的乾炒雞河，一樣是泰式那種寬寬的河粉，吃到一樣的風味，而且份量偏多，很抵吃。生菜肉碎包白飯微辣的肉碎，可以配生菜吃，也可以配飯吃。用上較瘦的肉碎，而且沒有用太多油和汁去炒，吃上去感覺清新不油膩。總括來說，真心泰國菜館有着泰式夜市大排檔的風味，價錢是中低價位，份量卻偏多，性價比很高！

很久沒有去旅行，很掛念泰國正宗泰國菜，於是今天便到了朗晴坊這家泰國餐廳吃飯，再一嚐正宗泰國滋味。這裏的裝修都充滿泰式風情。泰式炒貴刁由於是下午茶時段，價錢特惠，$42包一杯熱飲，炒貴刁色香味俱全，有大量芽菜，花生碎，幾隻大大隻的鮮蝦，豆干等等，醬汁微酸，夠惹味，貴刁炒得很濕潤，不是乾巴巴的那種。串燒我們選擇了雞及牛各三串。串燒很香口，沙嗲醬香濃惹味。兩款肉質素都不俗，我們較喜歡牛肉串，愛其厚切，肉汁豐富及吃下去質地有口感。冬蔭功我們二人選了細份量，仍然份量十足，一上枱，香氣撲鼻，酸酸辣辣，很吸引。喝一口，立即味蕾大爆發，非常醒胃，酸辣程度適中，不會死辣，湯中有三隻大蝦，非常新鮮，蝦頭蝦膏甘香軟滑，蝦肉爽口鮮甜。其他配料還有秀珍菇等。椰汁冰下午茶餐加$2便可享用，我們多加一杯，$29。大大一杯，creamy 椰汁，啖啖椰香，而透心涼，實在非常滿足。

Was actually quite surprised how many restaurants are located in this little building next to Langham Place. If you're having problems deciding on what to eat in the area but don't want to eat at overpriced restaurants inside the mall this is a good place to go!We were in the mood for some thai food, so we decided to check this out. The restaurant is quite small and comfy but looks a bit like an oversea thai/chinese restaurant. The restaurant seems to went a little too cliche with the deco.We or

同表姐同日不同地方，大家都在附近上堂，相約一齊食Lunch,下午1點在人流甚多的旺角搵食，真係有點怕怕。想起朗豪坊戲院旁的朗晴坊2/f既真心泰菜，我食過幾次，印象唔錯，就與表姐嚟呢度食吧！外面炎熱的天氣，我們坐低已感到超涼快，人唔多。我們叫了煎蛋香葉肉碎飯(依然好味)，另一個忘記甚麼泰式濕炒河(好味的，但、可惜配菜多過河粉)，兩杯凍咖啡少甜(啡味雖然唔夠濃，但、可以接受的)，兩老表吃了一頓開心又涼快的午餐，帶著滿足的心情各自返回訓練中心考試。

今天約了友人到朗豪坊逛街，逛得累了，便打算先到隔鄰朗晴坊二樓的泰國菜館午膳，然後才繼續。這食店富有泰國特色，裝修別緻。打開午餐的餐牌，選擇很多，發覺價錢頗大眾化，而且套餐還有飲品，加些錢還可選特飲，非常化算。～乾炒海鮮河河粉炒得乾爽，味道恰到好處。配料豐富，計有蝦仁、青口、蟹柳條、魷魚、雞蛋碎和青芥蘭，令味道變得更多層次。～泰式欖角肉碎炒飯賣相不太討好，但吃起來便有意外驚喜，令人不其然一口接一口。欖角加上肉碎，還有少許芹菜粒和烚熟了的雞蛋，鹹鹹甜甜味道，是夏日的好選擇。～泰式炸蝦餅蝦餅炸得恰到好處，外皮脆口。沾上配上的甜酸醬料，非常惹味。～泰式燒魷魚賣相不俗，燒魷魚🦑尚算肉厚，爽口味鮮。沾上微辣的醬汁來吃，更是醒胃。我們一邊吃，一邊喝青檸樂和青檸七喜，感覺滿足。

我諗依間真係泰國人開，因為我哋一路等食物一路聽到啲侍應溝通真係用泰文，餐廳亦滿有泰國特式嘅擺設。我諗應該叫兩個一人餐就最抵食㗎啦，我哋叫咗個泰式咖喱雞扒飯同冬陰功炒麵泰式咖喱係唔辣同好香咖喱味，略嫌汁少咗啲，加多啲要黎撈飯就正!雞扒燒得香口得黎，又有肉汁。冬陰功炒麵，平時飲冬陰功湯，但炒麵就第一次，炒麵吸收晒冬陰功湯，每一啖都有冬陰功味，非常惹味，愈食愈想食跟餐有野飲同甜品，但今次甜品送哂無得食，我哋叫咗椰汁同青檸樂

疫情之後好耐冇放工約朋友食飯喇😔 難得呢排疫情有好轉 今日收工之後相約友人去旺角，行到朗豪坊附近，記得有朋友推薦過朗晴坊有間泰國野好好食，就同朋友walk in去試試 ， 因我哋去到既時候都未夠7:00 ，好好彩 唔洗等位 😝第一次黎，裝修幾有泰國特色☺️ 我同朋友叫左個1人晚餐set - 豬頸肉炒公仔麵$69 ，仲送甜品+野飲 （凍飲加$2）真心勁抵 😝唔止價錢抵，炒公仔麵勁有鑊氣，豬頸肉份量多 （其實成碟都好大碟 又好食😋）極度推介 其實餐牌仲有好多1人套餐/ 2、3、4 set 都好抵 - 泰式串燒 （共六串）$93我地揀左牛&豬串燒 ， 都係好正！牛豬都好入味，肉質又好滑，建議熱辣辣食，配上沙嗲汁 一流呀 👍🏻 - 青咖哩 （雞） $108- 泰式煎薄餅 $65/3塊青咖哩帶有小小微辣，好嘢味， d雞又好滑煎薄餅厚薄適中，趁熱食，點埋青咖哩汁真係食唔停口呀雖然得三塊薄餅，但其實好大塊，剪開一半，我同朋友每人食三塊（半塊）已經好鬼飽 真心每樣野食都好好味，埋單都係三百幾蚊，每人都係百零蚊，仲要食到勁飽，超級抵食😋 下次約一大班朋友再黎食過，咁就可以再試多d唔同既野食 🥰

筆者介紹：人稱「肥佬B」，自2009年加入openrice，一直以openrice用作bookmark餐廳用途。踏入三十之年，心廣體胖嘅我quota遞減，故每逢可以出街食飯定必事前做足功課，以免浪費quota，希望透過寫食評同大家分享飲食心得和介紹我嘅口袋餐廳。作為新界仔嘅我，更與女友相約「每月港島一餐」，有興趣就即刻follow我啦！話左一連三篇泰菜食評，今日黎到第二篇旺角區，係朗豪坊睇完戲過黎食就啱啱好！當日食下午茶時段，食客不乏附近上班嘅Sales同化妝品姐姐，應該係朗豪坊員工飯堂之一！下午茶價錢超抵！一黎到唔好講野，整杯青檸梳打同泰式奶茶先！海南雞飯勁大個油飯，都幾香雞油味，雞肉質正常，點埋個酸辣汁會更好味！青咖哩米線女友話幾好味，青咖哩變湯底幾得意，bb辣，配料有豬頸肉、茄子、四季豆等，米線都算爽口！酸辣無骨鳳爪酸辣鳳爪係必食之一，仲要去埋骨！配料好足，有芫茜、蔥、紅蘿蔔、蕃茄、青瓜洋蔥等，鳳爪肉質爽脆，酸酸辣辣好惹味。西蘭花蝦球去泰過有時都會食到d偏中式嘅菜，就好似呢個西蘭花蝦球，好有鑊氣，蝦又大隻又彈牙，菜都係脆嫩！唔錯！如果你喜歡我的食評，請按推薦給予小弟少少鼓勵，謝謝

又到左晚飯時間，今日就同朋友去食泰國菜啦！原來宜家旺角都有好多樓上食店，呢間都唔例外。餐廳既裝修幾特別，滿有泰國風味，加上柔和既燈光，比我一種猶如置身別國的感覺。餐牌上選擇多，我當然叫泰國菜入面最出名既「冬陰公」啦！碗湯材料豐富，用左以濃烈既冬陰公湯底配上雞肶菇同大蝦🍤，加上適中既椰奶味，味道剛剛好！又點了兩碗泰式飯 - 「咖哩海鮮飯」同「馬拉盞通菜炒豬頸肉飯」，兩碟飯既醬汁的非常有味，夠哂送飯，食飽飽再玩