真心一隻雞

营业中

休息中

好小寫食秤但不吐不快Lunch 同事話試下叫左雞肉湯麵 附2兜泡菜麵量係正常偏小，你開係銅鑼灣 收我90我明算數，雞亦算多，但雞既Quality驚為天人，冇味，單純浸熟勁鞋口，真係可以同白烚雞胸比湯入面配菜極小，蔥都唔多塊，但講真個湯底亦唔覺得有味，只係一碗清淡小小既雲吞麵湯底，然後佢可能知個餐小伏，湯最底有2舊切到好似蘿蔔既薯仔咁樣收我90蚊咁真係難怪格黎檔面同對面間日餐係排隊買外賣排隊walkin 你呢間野午市入座都冇1半

試試銅鑼灣登龍街超好服務韓式燒肉 全程都有韓國Oppa跟枱幫你燒埋 呢間網上都好多人講 主打韓國好出名嘅雞湯一隻雞 吸引我去試吓.今次試吓燒肉餐 最平$498-$798 視乎你食咩肉類叫任何燒烤套餐都會送佢哋招牌半隻雞湯去親韓國旅行都好多人鍾意食🥰而且佢啲雞髀勁滑 👌🏻雞胸就一般味道係清清地嘅雞湯 少少蔥香辣椒如果鍾意清湯嘅朋友 唔使坐飛機 會係唔錯選擇.但重點會係佢哋燒肉 服務超好今次叫咗LA牛小排套餐 勁大份 係成條連骨咁上仲有豬腩肉 豬頸肉Oops會先煮泡菜 芽菜之後煎豬腩肉 油脂會比泡菜吸晒勁邪惡燒好嘅時候亦都會放喺鐵板上面幫你保溫.除此之外 全部小食都係可以無限任添無論係泡菜定係BB腸仔我都好鍾意成個套餐份量都幾多 難怪夜晚會排隊.整體無論嘢食定係服務都唔錯適合平時鍾意去韓國旅行嘅朋友.#hkfunfoodrecord窮遊香港#hkfunfoodrecord_銅鑼灣.#真心一隻雞 (銅鑼灣) @jinsim_kchicken地址：銅鑼灣登龍街28號永光中心地舖..#hkfoodie #foodiehk #hkfoodblogger #hkblogger #hkfoodies

每次路過親登龍街都好想試呢間餐廳今日終於趁佢有promotion就去先唔講價錢 —— 我叫咗牛小排+半隻雞湯飯牛小排分量好多，味道不錯，但同朋友一致認為就係平時supermarket都有得賣個隻韓式牛肋骨醬（黑色樽蓋個隻😂）半隻雞湯飯 —— 唔知係咪跟set，所以即使佢寫有飯，成碗野一粒米都冇😂而且啲雞非常之老，係非常非常之老，老火湯啲湯渣都冇咁老🙂‍↕️湯底就係好普通既雞精+蒜蓉水既味，偏咸🙂優點就係啲小菜任添，而且味道不錯；店員都好好禮貌；放係位都任飲既麥茶都不錯。問題係成餐飯食咗600幾蚊兩位…坦白說如果係為一隻雞而黎，我反而覺得同區另一間過江龍好食得多🤡

全港僅此一家！超级嫩滑的鸡肉搭配秘制蘸料（红辣椒酱+占婆酱+芥末+蔬菜真的 #谁吃谁迷糊 LA排骨套餐份量好大每一块牛肋排都非常标致用生菜🥬和各种小菜包着吃 #谁懂这一口的好吃程度啊 发明土豆脊骨汤的人是天才吧土豆绵密入味脊骨更是一啃一个不吱声 #吃不够根本吃不够

真心唔好食😂其實預咗係比冰鮮雞去煮嘅，但係冇諗過會係比一隻霉咗嘅冰鮮雞我，飲頭啖湯已經係嘩左出聲，佢居然比滾水加蒜蓉就叫做湯底，我估可能係為咗癖啲冰鮮味掛，第一下印象已經好後悔入咗去，然後啲雞肉係霉嘅，排骨餃似係惠康百佳嗰啲貨仔，然後刀削麵就不過不失啦，埋單差唔多五舊水，呢間真係試過就算😂

刚开的时候就来这边吃，清炖鸡火锅超级好吃，加上菜，马铃薯和粉丝非常美味！排骨饺子也非常推荐，在火锅可以吃之前品尝一下排骨饺子非常不错，皮薄馅大十分美味。小菜和配料也都很美味，强烈推荐！

餐廳環餐廳位於銅鑼灣，裝潢簡單整潔。店內的樓面和廚房都由韓國人親自主理，讓人對食物的正宗度充滿期待。真心一隻雞(S)雞肉的份量非常足夠，每一塊都很大件，肉質嫩滑多汁，完全不會乾柴。湯底清甜，帶有濃郁的雞肉香氣，喝起來非常暖胃。醬汁的調味恰到好處，微辣中帶有酸酸甜甜的風味，醬汁椰菜新鮮爽脆，與雞肉一起食用，不僅增添了口感，還能解膩。刀削麵的口感類似烏冬，Q彈有嚼勁，而且非常吸汁。吸收了雞湯的精華後，麵條充滿了濃郁的雞肉香氣，吃起來非常滿足。 最後用雞湯的精華煮成的蔬菜粥，加入了韓國芝麻油，香氣撲鼻。粥的口感綿密，帶有淡淡的芝麻香和雞湯的鮮甜，為這頓飯畫上完美的句號。 博主親食價: 人均$2xx

嘩！唔錯👍好好味！嗌咗一隻雞同餃子！雞湯嘅湯底濃郁，蒜蓉味都好濃！一定要試下排骨餃子！！可以一試！冇其他人講得咁難食😂😂😂服務態度都好好👍大部分都係韓國人！老闆好nice😍😍🫶🏻

銅鑼灣新開韓國餐廳，主打韓式雞湯料理。以餐廳門面嚟講望落去好有韓式燒烤既感覺，雖然有BBQ，但原來冇得自己燒烤嘅。另外，hotpot 同bbq價錢上睇嚟進擊，所以都無考慮過。。由於見到網上評論雞既料理比較差。所以同朋友都點咗豬肉。餐牌上嘅選擇吾多，留意番dinner meal 離不開都同一個款本身想食，韓式拌飯，或者飯卷竟然冇不過見到隔籬枱有點hotpot 賣相麻麻😂希望下次經過個餐牌會吸引啲啦！期待進步😊整體嚟講，不如食hungry kxxxxn? HAHAHA

玩咗大半日，真心攰到一個點😅 好需要食返啲嘢補充身體，保持正能量😎 天氣咁凍，好想飲個熱湯暖吓肚🔥 我哋誤打誤撞嚟到「 #真心一隻雞 」 ，一間位於 #登龍街 嘅 #過江龍 #韓國餐廳，試吓新派嘅 #韓食 🐣星期日嘅晚上八點，餐廳裡裡外外都人頭湧湧，湊熱鬧嘅感覺令人特別期待☺️ 韓式湯麵/飯配雞🐤熱辣辣嘅 #韓式鍋麵 加咗 #韭菜 同 #辣椒粉 喺面，配上斬件嘅白雞半隻，雖然明知唔係鮮雞肉，不過味道同材料都幾豐富🤤 搞到我哋都忍唔住encore多一個飯餐，一於吃個飽🤤🤤豬肉配豆腐辣湯飯🐽呢個係我每次入韓國餐廳必叫嘅食物😉 香辣嘅湯底，撈埋啲豆腐一齊入口，燙熱嘅口感簡直係一流☺️ 而豬肉片對我嚟講只係附加材料，味道還可以😗雖然呢餐都只係一啲普普通通嘅菜式，不過我都幾享受餐廳呢片韓式氣氛，非常溫暖🔥 而且餐廳嘅服務員大多數係外籍人士，突然有種去咗韓遊嘅感覺！如果只係食麵餐或者飯餐嘅話，喺銅鑼灣嚟講價錢都算係貼地，大家有機會可以嚟試吓！📍 真心一隻雞（銅鑼灣）登龍街28號永光中心地舖

從來未試過喺呢度寫食評 但今次真心忍唔住。 今日喺呢間野叫左2個餐，個雞湯飯入面只有幾粒雞碎，好在個湯仲叫熱。但個辣炒豬肉飯超唔掂，個湯同飯只係微暖，個飯仲要好硬.....以每個$88嘅價錢真心接受唔到！

見新開嚟試吓，點止中大伏🤮🤮嗌咗一個燒肉套餐，出邊餐牌見到係生肉點知上到嚟係幾舊熟咗嘅豬肉（睇到都覺得奇怪）簡直係欺騙消費者！lolll諗住可能好食啦，點知超難食🤮🤮🤮啲肉超級鞋～完全食唔落俾572食幾塊熟左嘅豬肉🤮食左幾塊即刻走🥱好難食！！🤮🤮🤮真係未試過食燒肉係上熟肉😂😂😂真係第一次見lol真係難食到第一次比差評送俾我食都唔唔食

2個人食$4xx個套餐，0性價比，唔明點解抵食...隻雞應該係BB雞，超細隻，又鞋，又無味。湯底好鹹，無咩雞味。菜得幾條，仲要莫名會有啲沙律菜，究竟係for生食定落鍋。雖然前菜泡菜、芽菜係可以添加，個鍋仲有幾舊年糕同4小片薯仔，但真係唔係好夠2個人食飽....加錢買個刀削麵，但原來係半個烏冬...唯一覺得稱讚嘅，係佢個醬汁。p.s. 個人認為如果真係想提供牙線棒比客人，應該要獨立包裝，唔應該直接暴露空氣當中，仲要求其攞個兜裝住就算。

同老婆兩個人去食晏。一人叫咗一個「半隻雞湯刀削麵」。上菜時，睇個樣好似好好。但係食落就知中伏。每一嚿雞，無論係雞背定雞胸，包括雞髀位，都好鬼死鞋。而且冇雞味。嚴格上嚟講，係冇乜味。個湯底完全冇特別，出品有如連鎖式快餐店，無心機煮，得少少鹹。其他配菜都唔見得出色。豆乾正正常常。鹹鹹地冇乜特別味。碟醃豬肉一萬個鞋。乾過美珍香塊豬肉乾。唯一碟泡菜叫食得落肚。老婆婆問我係咪新鮮泡菜，我食咗好耐，都評論唔出佢係咪新鮮醃製。不過泡菜算係OK，應該唔係罐頭貨。

無大量宣傳但依然很有人氣的餐廳！本人真係超級鍾意食韓國一隻雞所以每次去韓國都一定會吃的~（孔陵一隻雞, 陳元祖一隻雞 等等）呢間不論味道還是氣氛上都跟韓國很接近~店員大部分都是韓國人(泡菜都好好食！！！叫左三人分量一隻雞 $428