真味鮮廚

营业中

休息中

今天鬱悶都極，於是 去食個海鮮蒸鍋沖喜一下。叫咗長腳蟹套餐、貴妃蚌，肥牛双寶，班頭腩，红棗糕，諗住食完海鮮食埋個鮮甜海鮮粥底就可以停平衡返一日嘅鬱悶。 今次粥底稀傑剛剛好，但陣味好怪~~極酸。 硬著頭皮試一口，😱 酸到爆炸! 即時叫經理過嚟，佢當時嘅反應係:「 啊！唔好意思喎，壞咗唔好食啦咁你兩個茶錢啦!」 我當時呆左， 食粥底蒸鍋食唔到粥底，等於咩呀?等於冇食過。黐線，壞咗畀人食!😡過咗幾分鐘佢調查完返嚟報告，話個鍋消毒完冇清洗乾淨，所以啲粥唔食得唔好意思。😥好恐怖 ，希望 唔會肚痾就好了! 好餓,好似乜都無食過。😣

不是第一吃食真味鮮廚，但上兩次都係打邊爐， 今次試下蒸汽海鮮先。位於坑口尼間分店每次來都好多人，今日也不例外，侍應個個忙到一頭煙，我地唯有lala聲落單， 落左單一陣，個侍應埋來落米南瓜少少水落個蒸汽鍋底先, 等陣蒸海鮮d精華就會滴落個粥裡面增加鮮味。d鋪檯既紙上面有指示每種食材需要蒸幾耐，全自助，上左d材料，可以開蒸啦。首先係手切肥牛，少少脂肪花紋，蒸完， 食得，因為沒有點醬料，完全食到原始的牛肉鮮味，淡淡的，還不錯。我地原本想點貴妃蚌，但無，唯有叫左沙白，但係d沙白唔係好新鮮，好多蒸完都仲未開口， 怕食壞肚，無開口的全部唔食蒜蓉帶子，好大隻，按指示蒸做4分鐘，但係有d太大，無係好熟，所以要蒸多陣，只要帶子新鮮，配蒜蓉蒸一定唔得輸。開邊龍蝦， 都幾大隻，幾乎擺唔曬落個蒸爐，蒸4到5分鐘就食得，正到最後就係食個海鮮精華粥，好甜海鮮味，南瓜好淋，真係好好味，可惜唔記得影相

今晚同幾位好朋友揀左尼海港旗下坑口哩間【真味鮮廚】食海鮮蒸鍋…呀!!! …星期六6點都未夠…都好多街坊同我地一樣選擇食個early dinner!!...已經好熱鬧full晒咁耶!!...特別令人感到氣氛高漲…見到入口大魚缸入面各款生猛海鮮…好期待啊!!!老友負責點菜…我地就去外面混吓醬先!!!…一般打邊爐有o既醬料、豉油、蔥、蒜之類都有齊…先在此一提!!...個沙爹醬好香好好味啊~~~~~整體都係白蒸…鮮味就最緊要呢!!...亦有一D加上些許配料好似粉絲蒜茸…咁首推檯檯都吾少得會order就係…阿拉斯加長腳蟹 …我地五人選約4斤重的…蟹身肉地厚鮮甜味十足!!...真讚唷!! …蟹蓋o既膏我地就將佢刮晒落去蒸鍋下面既粥底度!!...令成個粥鮮上加鮮!!第二推介就係三款丸…分別係手打蝦丸、黑蒜豚肉丸、黑松露墨魚丸蒜茸粉絲蒸貴妃蚌、海蝦、沙白蜆、蝴蝶蜆…都在水準內…唯D蜆有丁點吐沙未夠!! 食時小心睇真D…碟黑豚肉…放幾片厚大炸菜…感覺有D無厘頭…而且幾咸吓…個肉質地好”林”但都吾多食得出係豚肉…麻麻地啫!!而生蠔失敗在放好多蒜茸…味道上實在吾多搭配!!...白蒸應該仲好…放蒜會浪費左蠔

今日早上同媽媽去飲早茶，一直都知道真味食物好食，相比起其他地方好。。大概10點到，門口都係人山人海，好多人排隊。由於搭枱可以快啲，甘就揀搭枱啦，一張大圓枱有5組二人枱，其實感覺真係有點奇怪😅因爲搭得太多。劃野食時間👇🏻早茶既點心紙鮮蝦菜苗餃：呢個好好食，每次都必點，夠熱又多菜苗，吾會太濃味，好食鮑汁鳳爪：今次食好差，又淋又爛又咸，重點一啲都吾熱，連暖都無！差👎🏻叉燒包：無乜好特別，都好食既，入面吾係全肥膏，有瘦肉鹹魚肉餅飯：幾好食，肉餅薄薄一片，鹹魚都好食既，吾腥吾會勁鹹。啲飯一粒粒，吾太硬，岩岩好😊2個人食4籠已經好飽，不過坐既環境就麻麻，食物水準都參差。可能假期後人手不足啦，平日食應該好啲既。

真味鮮廚，佢最特別嘅地方，亦係最有噱頭嘅地方，就係佢每一款嘅食物都有標明蒸煮嘅時間，只要你按照佢嘅時間蒸，D食物真係好美味，咁當然佢嘅食物都非常之新鮮呀。真味鮮廚嘅食物真係同店名一樣，食物新鮮，真材實料，味道一流！我第一個食嘅係蒜蓉蒸元貝，味道鮮美，肉質嫩滑，好好味😋😋另外，我哋叫咗龍躉頭腩，我原本以為會冇乜味道，點知出乎我意料之外，食落都非常之鮮甜，我再點D混醬，味道真係好正👍👍最後，我哋叫埋甜品，湯圓紅豆沙同埋法式燉蛋，都係＄12碗，好抵食。我哋有6個大人同3個小朋友，一共食咗＄1000，價錢合理，值得推介😋😋😋

坑口既飲茶好去處真味鮮廚點心款款新鮮整起 吾似有d酒樓將d買吾曬既野翻整又翻炸古法馬拉糕有點焦糖的味道，不太甜密度高但又非常鬆軟！要趁熱食！五香咸水角食得出係新鮮炸起 好香脆餡料又吾會過咸！好食！五香芋絲長春卷好特別既一款點心酥脆的外皮 加上入面的芋頭非常粉口感很有趣中山甜薄撐花生粉，椰絲，芝麻用蛋製的麵粉皮包住 甜甜的流沙奶黃包是真的會流心奶皇餡還帶有咸蛋黃的香炸芋丸類似炸湯圓 入面係芋蓉 外面脆但入面非常煙un！XO醬蘿蔔糕吾太油，而且xo醬味夠！真係款款點心都新鮮～飲茶好地方

飲茶我真係幾推薦真味鮮廚！ 平得黎又好食 只係成日都要排好耐隊翡翠筍蝦餃皇超足料 每隻都有兩隻蝦 肥豬膏一定有 但吾多 皮又係超煙un蟹籽燒賣皇又係正 超有料 有蝦有菇有豬肉仲好多好飽滿既蝦！讚喔調味吾會好咸 正ah養顏紅棗糕必必必叫！水準一直好好 紅棗味超濃 又超煙un 每次我都要自包一籠香煎芋絲餅熱氣死我喇～但好脆好好味芋頭好新鮮櫻花蝦煎薄撐之前無留意 貪得意叫黎試下 又吾錯啵仲有個鮑汁鳳爪又係正 入口即溶 又吾會係淋到爛曬坑口依間真味鮮廚d野食都非常新鮮，平日下午茶時段真係好抵食

今日同三五老友聚一聚，之前多數係放題，今次試下海鮮蒸氣鍋，食物質素與價錢相對合理，第一次試海鮮蒸氣鍋，感覺不錯!但由於係第一次去，不知如何烹調，但酒樓雖大，沒有侍應生主動到來協助，都感到幾無助……每次都要我哋呼喚他們才前來協助，這點有待改善!

宵夜火鍋時段，一坐低個女部長就比左幾張點菜紙，其中有正價同宵夜特價，我地寫左正價嗰張，啱啱入單吾夠一分鐘就發現有張宵夜特價，然後即刻叫住個女部長。由於我地點的東西在特價紙也有，所以並非取消，只要要她們改特價價錢。我們有禮貌地問，但個女部長就好串咁話返我地：我比左張特價紙你，點解你吾填，係都要填正價嗰張....！阿姐，我好有禮貌咁叫你改，但係你態度超差。吾知仲以為你先係客人個老闆，手下入錯紙要比你話！吾知真味的管理層會吾會睇，但係態度真係超差！

和朋友两个人吃了六百多块，其中有一份是蔬菜拼盘，里面的蔬菜很不新鲜，有一些生菜已经烂掉，白菜全是白菜帮，玉米颗粒不饱满，像是老玉米，吃起来更是难吃。总之蔬菜太差劲，让人很不爽

中秋後和家人晚飯點了3隻椒鹽斑馬尿蝦，來了一看就知是死蝦做的，殼下的蝦肉已發霉，肉已開始水化，變得濕濕散散，還已變黑，不是潔白的。立刻叫職員反映，當忙中有錯，要求更換，息事寧人。十五分鐘後再上碟，都係死蝦，沒有改善，太過份了。直頭當客人傻的！

黎過飲茶好多次, 感覺唔錯~佢一向大排長龍, 咁啱早咗黎到 (約 6半) 唔使等位, 所以晚飯順理成章就食佢喇~ 😆入到黎, 發現都吾少人早食晚飯, 全場已約半滿了, 蒸氣鍋 更全被訂下, 無 walk in 位呢~鮮松茸荷葉蒸走地雞 好味呀! 雖然等咗 35分鐘有多先黎... (其他餸就黎食完...) 好在味道唔錯~ 🤓皮超厚 (好在我唔食皮的 😂) 好在雞有質感得黎蒸得剛好 肉仲係滑滑的~味調得剛好, 都唔油膩~拔絲咕嚕黑豚肉 易咬得黎夠瘦, 我鐘意呀! 平時食啲咕嚕乜乜乜 我最怕咬落去一堆肥膏呀大佬!!! 甜酸汁調得剛好, 唔使食飯 淨食佢都得呀!!! 鮮竹豆漿浸菜遠都幾好呀~菜芯甜甜嫩, 店家批走曬啲粗糙外部, 肯用心思 食落無渣, 讚呀!!!

今天在坑口吃飯，選了一家平民的小菜餐館，進去才發現大部分的人在這裡都是打邊爐。這里大抬比較多，適合一家大細或者是大夥兒用餐。我們共有七人，幾經討論最後點了七個菜：白玉冬瓜盅拔絲咕嚕黑豚肉例牌叉燒豉椒炒白蜆翡翠炒龍躉球果皮蒸龍躉頭腩新鮮竹豆漿菜遠首先上場的是冬瓜盅，大熱天時吃碗東瓜肉消消暑吧。然後是咕嚕肉，炸粉太多肉很小，吃下去感覺是吃炸粉多於豬肉。至於炒蜆，也許現在不是白蜆的當造季節的時候? 碟裡殼多蜆肉少而且有點霉，醬汁很傑身沒太多豆椒味，味道還可以。整頓飯最愛就是叉燒，肥瘦比例剛剛好，用汁送飯一流，而且大大碟。翡翠炒龍躉球的分量很大，每一塊魚肉都很厚身而且數量頗多，味道一般。果皮蒸龍躉頭腩我不太喜歡，腥味重，果皮一點都闢不到魚腥味，吃了一塊就不吃了。新鮮竹豆漿菜遠沒有特別。總括來說這家餐廳好壞參半，計量的話是抵吃的，連甜品也只是$897，平均$130 一個人，可以吃到肉，海鮮幾味，和一個冬瓜盅，非常平民化，難怪閒日晚上堆滿人，而且越夜越多。食物味道還可以，不是非常好吃，要一吃猛回頭那種，但也不是難吃到不可接受，計質的話就麻麻地吧。

一直都以為這間食店是餐廳，今日才知是大集團其中一間食店分支。今天晚上因為玩得晚一點，所以想在將軍澳食夜宵，但發覺原來將軍澳夜宵的選擇很少，所以選擇到坑口，因為那邊有幾間街鋪，收工時間比較夜。最後選擇這間店，這間食店大部分人都選擇打邊爐，但佢唔係任食的，我和朋友只想填一填肚子，所以都沒有想打邊爐的意欲。我地選擇小菜，但發覺小菜的款式真是很少，大部分都是海鮮、貴價菜，小菜價錢都唔算便宜，我地選擇了酸甜黑臀肉，因為胃口大開，所以想吃些刺激性的食物，再加兩個白飯，應該點都夠（其實係因為菜式唔合心意）。這碟肉送來時，坦白講，真係好失望，很細呀！68蚊一碟的菜餚，好像只是一個人吃，好彩我地只想填飽肚子，如果真係很肚餓，可能三個都唔夠飽。講回食物方面，醬汁不過不失，那些肉其實根本食唔出有咩口感，因為根本沒有肉味，只有酸甜味，配菜都算多，那就一半肉一半菜，平均點都好。那些待應忙於收拾，我們點了白飯很久都未送到，最後追左三次先到，不過我都明白，清楚是返晚更必做的事情，所以不會計較，不過老實說我唔會再去。因為佢地的菜式太名貴。好似動不動就幾百元。都唔算係小廚囉😛

第一次黎呢度飲茶要自己搵位，有點混亂。人手不太夠，地方比較細。但係點心卻令我十分驚訝！好好食，特別係包點。奶黃包，叉燒包有別於其他酒樓，雖然size比較細，但味道卻有上品特別係叉燒包！