盈苑海鮮酒家

营业中

休息中

❤️‍🔥❤️‍🔥竟然發掘到土瓜灣欣榮花園有一間優質酒樓，海鮮酒家必定點海鮮，真係好滿意👍酒樓環境大，圓枱座位寬闊，有電視。當晚酒樓廳房有人慶祝，好熱鬧。［晚市優惠］🐟清蒸沙巴虎斑（約一斤）68元（六選一）超嫩滑又抵食！［燉湯］🥣加拿大象拔蚌燉淮杞天時暑熱最好飲湯，潤喉清熱毒。燉淮杞湯頭超清甜而且表面冇油份滲出。象拔蚌好彈牙。🥢蒜蓉粉絲蒸元貝清蒸已經係最好味。蒜蓉鋪面令粉絲更鹹香。元貝好嫩身，入口即溶。🫶🏻打孖上🫶🏻上湯澳洲龍蝦伊麵+豉椒炒白貝上湯澳洲龍蝦伊麵份量超大，而且龍蝦多汁超爽口。豉椒炒白貝亦非常新鮮，肉質沒有渣。🥄綠豆沙而家香港都唔係好多間酒樓提供糖水，而且係熱烘烘煮得超綿滑！

最近同屋企人去咗間好抵食嘅酒樓環境寬敞坐得舒適呢度午市飲茶好旺場點心同炒粉麵飯都有優惠即叫即蒸熱辣辣味道有水準✨豉椒牛肉炒河無諗過$48 咁大碟．牛肉大片又軟腍超出預期✨香燒乳鴿 乳鴿炸得夠香脆．肉汁豐富✨瑤柱貴妃雞雞肉嫩滑．啖啖肉好肥美✨黑金流沙奶皇包 必食招牌奶皇包外層鬆軟．裡面金黃色奶皇✨點心孖寶 38.8 多款自由配搭．超抵食▫️桂林牛肉腸▫️豉汁煎釀茄子其他點心都足料有水準✨蟲草花棉花雞 ✨盈苑蝦餃皇✨蟹籽燒賣皇真心抵食好味

同屋企人慶祝母親節，去左土瓜灣食飯。不過因為特別日子，無得叫優惠menu, 不過唔緊要啦，下次再黎試😆優惠menu 六選一, 真係超級抵😍😍清蒸沙巴虎斑（約1斤）$68 北京片皮鴨$98 紅燒脆皮乳鴿$22.8 生劏大龍躉兩味$198 至尊燒鵝王$138（半隻）$238（隻）濃湯花膠雞煲 $48 我地叫左孖寶D ($508)窯雞賣晒，轉左做豉油雞。雞肉鮮嫩多汁，就算係雞胸都唔"鞋".醬汁醇厚，鹹香帶甜，雞皮彈牙。上湯龍蝦伊麵龍蝦肉質鮮甜彈牙，伊麵吸收了上湯的精華。紅燒脆皮乳鴿（$58)乳鴿酥脆，肉質鮮嫩。瑤柱海皇豆腐（$118)豆腐滑嫩，瑤柱的鮮味滲透其中，配以海鮮、菇及蔬菜，口感豐富有營養。

土瓜灣街坊食堂🤤衝住六選一優惠而來適合一家人晚餐食飯欣賞餐廳有多款海鮮選擇價錢抵食，家人食得開心🥳🌟六選一優惠優惠價，但份量不減我當然揀咗我最鍾意嘅蒸魚🤓好多客人揀咗片皮鴨觀察到員工忙碌製作中🤣-✨清蒸沙巴虎斑 $68食蒸魚，靈魂係豉油！唔知點解覺得酒樓嘅蒸魚豉油特別好食魚肉滑滑，啖啖肉-✨鮮南非鮑魚 $68/隻有得揀兩隻，十分友好好鍾意陳皮香氣✨蒜蓉粉絲蒸元貝 $38/隻同樣係兩隻起蒜蓉份量足夠撈埋索晒汁嘅粉絲，開心！✨薑蔥炒肉蟹 $198無想像中咁濃味有鑊氣，蟹肉鮮甜如果再重啲薑蔥香味就更好了✨薑汁酒炒芥蘭 $88第一次見薑汁酒嘅配搭好特別嘅味道帶點苦苦辣辣唔係人人都鍾意🤣

198就食到龍躉，98就食到一隻片皮鴨，真係好顛！！！首先，我哋叫咗個深海龍躉兩味🐟第一味係翡翠油泡龍躉球，而第二味係蒜子蒸龍躉頭腩🧄🐟龍躉頭腩肉質鮮嫩，蒜蓉嘅香味好突出，真係好正！🤤 198蚊就食到咁高質嘅龍躉，真係抵到笑呀！🤣然後，我哋叫咗京式片皮鴨🦆！片皮鴨嘅皮脆肉嫩，配上蔥、青瓜絲同甜麵醬，用薄餅包住一齊食，真係好滿足！😋 我哋仲叫咗二食 ，七彩炒鴨絲🌈！鴨絲炒得乾身，配料豐富，好惹味！👍🏻我哋仲叫咗個竹笙紅燒海皇翅🍜！翅針粗壯，湯底濃郁，配上竹笙，真係好滋補！😋 同埋叫咗個小食夫妻肺🫁！夫妻肺雖然係小食，但係份量都好多，味道辣辣地。最後，甜品就叫咗黑金流沙包！一切開，金黃色嘅流沙餡湧出嚟，真係好吸引！😍 味道香甜，好滿足！💖

好耐冇食過中餐，今日約咗朋友去土瓜灣附近，見到呢一間酒樓做緊優惠，六樣優惠菜式可以揀其中一樣，片皮鴨都只不過係$100左右。北京片皮鴨片皮鴨最緊要就係個鴨皮夠脆，然後包住嗰一塊皮夠薄。佢哋依兩樣嘢都做得好好，而且仲好貼心，皮同皮之間隔住一張紙，唔會黐埋一舊。上湯澳洲龍蝦伊麵配蒜蓉粉絲蒸元貝龍蝦伊麵好有驚喜，龍蝦份量好夠，而且蝦肉好鮮甜，而佢嘅上湯伊麵調味都啱啱好，唔會過鹹，仲有少少芝士味。豐料養生燉湯燉湯材料好多，有猴頭菇、肉等等，好似飲緊住家湯咁，飲完個胃好舒服。

盈苑海鮮酒家😋位於土瓜灣欣榮商場，呢度嘅環境好舒適，服務又好貼心，真係值得一試！👍首先要介紹嘅係佢哋嘅京式片皮鴨，呢道菜真係一絕！🦆鴨皮脆卜卜，肉質嫩滑，配埋薄餅同甜麵醬，真係一口接一口停唔到口！😋紅燒脆皮乳鴿亦都係必試之選！🕊乳鴿外皮香脆，內裡肉質鮮嫩多汁，每一口都充滿濃郁嘅香味，真係令人回味無窮！🤤黑椒金薯牛柳粒亦都好出色！🥩牛柳粒煮得啱啱好，配埋黑椒汁同金薯，味道層次豐富，食完真係好滿足！😋XO醬炒蚌片蝦球亦都唔可以錯過！🦐蚌片同蝦球都好新鮮，XO醬嘅香辣味道令整道菜更加惹味，真係一流！🔥最後要介紹嘅係金銀蛋肉崧泡浸時蔬，呢道菜真係好健康！🥬金銀蛋同肉崧嘅味道配合得天衣無縫，時蔬亦都煮得好嫩，食完真係好滿足！😋總括而言，盈苑海鮮酒家真係一間值得推薦嘅餐廳，無論係食物質素定服務態度都一流！👍

前排快閃完出街食嘅第一餐想食海鮮 🦞 揀咗喺土瓜灣嘅盈苑海鮮酒家🥢平日夜晚去都坐滿街坊呢～ 酒樓亦好有人情味咁會派糖水💕 我哋叫咗「打孖上」套餐($488)➿ 上湯澳洲龍蝦伊麵 ，鮮紅色嘅澳洲龍蝦賣相吸引😍 肉質偏實，都幾厚肉👍🏼 上湯嘅鹹香唔會蓋過龍蝦嘅鮮味，伊麵都唔會太散碎～➿ 蒜茸粉絲蒸元貝（4隻）元貝好肥美大隻，最緊要新鮮！面頭加咗幾多蒜蓉，粉絲盡吸精華😋另外散叫咗💁🏽‍♀️➿ 紅燒脆皮乳鴿($22.8/隻）的確做到脆皮嘅效果～ 肉厚，帶住手套食，啖啖肉，特別有風味！➿ 手撕走地雞($58)雞絲幾嫩滑～ 仲有唔少油炸花生🥜➿ 乾煸蝦干高麗菜銀絲煲($108)銀絲除咗充滿蝦香味，蒜味都幾重🧄🧄🧄 份量都唔少，啱多人share～

每個星期都同屋企人聚會，都係揀返佢地鍾意食嘅茶樓，今次就試左土瓜灣嘅盈苑海鮮酒家🫖。🍚瑤柱蛋白海皇炒飯 $118炒飯以瑤柱同埋蛋白為主料，米飯粒粒分明，瑤柱的鮮味讓整道菜升華😋。🦆京式片皮鴨 $98京式片皮鴨外皮酥脆，肉質鮮嫩，搭配薄餅同埋甜麵醬，係我最愛😍。🦆七彩炒鴨絲 $68炒鴨絲搭配各種時令蔬菜🥬，脆爽可口，清新不膩。🥩冰鎮咕嚕肉 $138咕嚕肉色澤誘人，酸甜適中🤩，肉質鮮嫩。冰鎮嘅手法使其口感更佳，特別適合夏季享用👍🏻。🐮黑椒金薯牛柳粒 $148牛柳粒搭配金薯🥔，黑椒醬香氣四溢，肉質鮮嫩，口感豐富🥳。🦑椒鹽大尾鮮魷 $148椒鹽魷魚外脆內嫩，鮮味十足，調味適中👍🏻。🌟優惠產品［6️⃣選1️⃣］1️⃣清蒸沙巴虎斑(約1斤)震撼價 $68 (原價$168)［六位以上可選二條］2️⃣北京片皮鴨(隻)震撼價 $98 (原價$198)3️⃣紅燒脆皮乳鴿(隻)震撼價 $22.8 (原價$58)［每位壹隻，2位起計］4️⃣生劏大龍躉兩味(翡翠油泡龍躉球 + 蒜子雲耳蒸龍躉頭腩)震撼價 $198 (原價$328)5️⃣至尊燒鵝王 震撼價 $138(半隻)$238(隻)［4-7位半隻；8位以上壹隻］6️⃣砵酒焗珍寶蠔 震撼價

行完山餓到「咕咕」聲，朋友帶路去土瓜灣**盈苑海鮮酒家**，意外發現這間環境乾淨、性價比爆燈的街坊酒樓！晚市「六選一」優惠：* 清蒸沙巴虎斑（約1斤）- 震撼價 $68 (原價$168)［六位以上可選二條］* 北京片皮鴨（隻）- 震撼價 $98 (原價$198)* 紅燒脆皮乳鴿（隻）- 震撼價 $22.8 (原價$58)［每位壹隻，2位起計］* 生劏大龍躉兩味［翡翠油泡龍躉球 + 蒜子雲耳蒸龍躉頭腩］震撼價 $198 (原價$328)* 至尊燒鵝王 - 震撼價 $138（半隻）$238（隻）［4-7位半隻；8位以上壹隻］* 濃湯花膠雞煲- 震撼價 $48 $98就歎到**北京片皮鴨**，鴨皮香脆，包皮軟熟夾住油脂剛好的鴨肉，連埋青瓜蔥花一啖放晒落口，鴨油香溢爆出，超滿足！加$68仲可以揀埋有兩食㗎必試**上湯龍蝦伊麵**（$388），原隻龍蝦肉厚彈牙，上湯鮮甜滲透伊麵；**砵酒珍寶蠔**（$188）酒香濃郁，蠔身肥美大隻；蠔身大過乒乓波，外層微脆內裡爆汁，砵酒醬甜中帶焦糖香，連墊底嘅洋葱都被搶食清光。 最後一碟**薑汁炒芥蘭**清爽收尾。食材新鮮到連魚缸游水的海產都睇得一清二楚！街坊

今次嚟到土瓜灣呢間優惠小菜酒家，全因聽到個土瓜灣街坊朋友分享，話呢到既小菜好抵食，仲有得食升級版酸菜魚，係龍躉肉既！ 可能因為係平日晚上，酒樓唔算好爆，不過全程服務唔錯，野食都真係幾抵食龍躉金湯酸菜魚呢道菜真係超正！湯底金黃濃郁，酸菜嘅味道又唔會搶走龍躉嘅鮮味，每一啖都好夠味，啖啖都有龍躉肉，肉質滑嫩😍陳皮骨呢個小菜一嚐就知用心良苦，陳皮香氣撲鼻，骨肉分離，肉質嫩滑，咬落去唔會太膩，配上啲白飯或者啤酒，絕對係絕配👍燒腩仔價錢真係平到無朋友，$68，燒腩仔外脆內嫩，皮薄肉多，油脂嘅比例掌握得剛好，完全唔會感覺油膩，係我最鍾意嘅一款！而且份量都唔少，真係好抵食！💖乳鴿最後呢個乳鴿係6選1優惠菜黎，$22.8一隻！外皮香脆，肉質鮮嫩，味道濃郁，仲有啲香料味，食完一隻根本唔夠！而且呢個價錢真係超值👏

今晚同屋企人殺入土瓜灣盈苑海鮮酒家，見門口掛住「震撼價」燈牌即刻衝入去！今期晚市有6款招牌菜勁減。🔥六選一優惠晒冷戰：▫️$68清蒸虎斑（原價$168）▫️$98片皮鴨（原價$198）▫️$22.8乳鴿（原價$58）▫️$198龍躉兩味 (原價$328)▫️$98砵酒蠔（原價$188）▫️$138至尊燒鵝王 (原價$598)媽咪一句「燒鵝熱辣辣先好食」即刻拍板——半隻至尊燒鵝王$138上枱，碟底仲有火仔keep住溫，皮脆到「咔」一聲，肉汁多到滴落熱碟吱吱響，半隻夠晒4-5人食，抵過深井出品！🐉海鮮控追加實錄：衝去魚缸見到龍蝦猛咁「拑」櫥窗，即刻order龍蝦上湯伊麵！伊麵索盡精華，龍蝦非常爽口。酥炸珍寶蠔咬落「咔嚓」爆漿，蠔肚肥嘟嘟仲juicy過生蠔～🥬怕熱氣加多個金銀蛋浸菜苗，菜心苗非常嫩，個湯好飲！❤️⚠️溫馨提示：• 燒鵝每日限量，建議周末7點前要入座• 乳鴿$22.8要齊頭數叫（2位叫2隻，如此類推）• 海鮮可以出魚缸揀

性價比不足，但坐得舒服因為唔太多人。係土瓜灣區嘅酒樓比較，價錢係貴。碟大份量少，不明白為何有咁多好評。晚餐只入坐四份一坐位，可能係星期四晚上，唔知五六日會唔會滿坐。

Visited Ying Garden Seafood Dining and had a really pleasant experience. The first thing that struck me was how exceptionally clean their fish tanks were! ✨🧼 It's honestly rare to see such well-maintained tanks in a traditional Chinese restaurant, and it really gives you confidence in the freshness and quality of their seafood.Fish with Pickled Mustard Greens (老壇酸菜魚) ($148)This popular Sichuan dish was executed well. The broth had a great balance of tangy and spicy flavours 🌶️, the fish slices we

土瓜灣盈苑海鮮酒家，絕對係街坊聚餐嘅好地方！人均一百五十蚊，就可以食到豐富又夠鑊氣嘅粵式佳餚，真係抵食夾大件。一入去，就感受到濃濃嘅街坊情懷，環境雖然唔係好新潮，但係好乾淨企理。今次一行人點咗京式片皮鴨，估唔到九十八蚊就有一隻，鴨皮烤到金黃香脆，鴨肉又嫩又多汁，配埋甜麵醬同青瓜絲，真係令人食指大動。瑤柱扒豆苗都好足料，豆苗新鮮爽脆，瑤柱鮮甜，鑊氣十足。XO醬炒蚌片蝦球，蚌片同蝦球都好彈牙，配埋XO醬，惹味到停唔到口。菠蘿咕嚕肉，酸酸甜甜，外脆內軟，真係食到舔舔脷！養顏花膠走地雞，熱辣辣上枱，雞肉嫩滑，花膠滋補，湯頭又鮮甜，冬天飲啱晒！盈苑啲嘢食唔單止夠鑊氣，份量又夠，一家大細都食得飽。而且交通都好方便，就係欣榮花園，附近有好多巴士站。總括嚟講，盈苑海鮮酒家真係性價比好高，啱晒一家人或者朋友聚餐。大家得閒可以去試下！