影片
晌呢头返工，唔太喜欢去奥海城d商场食o野(贵夹唔饱)，所以都钟意去大角咀寻幽探秘。几次行过中汇街都经过过呢间o野，个招牌，个环境，都好「内地」feel，其实系几老旧(laogao)，食碟头饭食到厌想饮下茶，又嫌一丁友成四十蚊餐\太贵，所以某日终于胆粗粗行o左入去......好，开茶，食o野，入到o黎两点几钟，望望价钱，哗! 究竟呢度系咪香港? 盅头饭8蚊，煲仔饭12蚊，点心一律5蚊，肠粉都一样系5蚊，乜o野事? 做乜咁鬼死平?如是者就叫o左下列o既o野，排骨饭一盅，牛肠一碟，干蒸牛肉一笼，d o野质素就普普通通，但以呢个价钱就系超超超超值!埋单连埋3蚊茶钱....奥卖葛...only $21!!!要讲负面的话，o野食系其次，Well，系环境o既问题。不过其实呢度都几环保，冷气好少开，亦肯定唔多用清洁剂，因为d风扇唔多见有洗，事头婆见边度冇人就会熄灯，系蓝天行动付诸实行表表者。总结，价钱优势抛离环境因素，抵食!
继续阅读