影片
其实知道呢间舖，不过一直未有去试。今日，我妈话要嚟呢度买外卖，是但啦，佢ok就得。食物种类都几多。价钱就十分超值，廿几蚊一个两𩠌饭，而且仲几好味，去边度揾？长者同学生仲有特价，问你服未？！另外，老板娘好有耐心咁招呼我阿妈「婆婆唔要咁多饭系咪？咁多饭够唔够？⋯咁呢？⋯咁呢？⋯咁样呢？⋯」「婆婆钟意瓜，比多啲婆婆啦」，其实已经好多，多到有啲食唔晒。𠮶刻有啲感动，相比不远处嘅连锁大集团快餐店，边有可能会有呢啲招呼。唔系贪小便宜，而系感觉到呢间舖有heart。依家咁嘅生活环境，租贵人工又唔平，但有咁嘅食物质素同服务，的确唔容易。祝有好生意，同埋多谢关照老人家！
继续阅读
通常都系帮衬开超级市场嘅三𩠌饭好少喺街市买嘢食，但今日因为工作经过美林村发现街市入面竟然有一间专卖三𩠌饭嘅食店。工作咗成日只系想求其填饱个肚就算，所以买咗个三𩠌饭食，本来都以为平平无奇，内里却是充满惊喜。今日叫咗蕃茄炒蛋、咕噜肉同猪手加多少少菜，食完之后俾我嘅感觉喺「家的味道」，都真系几好味 😋。蕃茄炒蛋汁同蛋嘅份量啱啱好唔会太过水同淋，猪手整得都好入味，咕噜肉酸甜度适中。呢个饭令我食得好满意，估唔到街市入面嘅三𩠌饭都几出色，绝对唔可以睇少。平民化的价钱食到家的味道，充满惊喜。下次再经过都会帮衬
继续阅读
街市新开嘅外卖饭店👍🏻好奇心驱使下试咗一次！疫情下嘅香港，收入同埋心态大受影响，而系有良心小店推出又平又好食嘅外卖饭盒，实在系香港人嘅福音☺️讲真30几蚊，一个饭一个汤，本身对食物唔算好大期望😅点知返到屋企一放落口，就发现大有惊喜😜😜😜鸡翼同埋咕噜肉都非常入味，而唔系靠调味料喺外层加味；大厨果然有两手👍🏻👍🏻食物品质远超期望。另外不得不提汤品，足料、够味、冇味精，好似屋企煮嘅一样，直头想落番去问佢可唔可以要多碗😭😭😭总括而言，性价比超高，住喺大围站附近嘅街坊绝对值得一试。
继续阅读
夏天热辣辣，真系唔会想系屋企煮饭啰所以最啱就系去买啦！大围新开咗一间三𩠌饭嘅外卖店，日日都新鲜款式，而且中午同夜晚卖嘅又唔一样㖞，绝对有充足嘅新鲜感嘞！大家估下呢个两𩠌饭连汤几钱？加埋都唔洗$40呀！但系佢哋嘅汤就日日唔同，而且仲无味精，系佢哋每日自己煲㗎，所以味道唔会好咸，反而仲好足料！今次就拣咗咖喱薯仔排骨拼猪手莲藕，咖喱准非精正，唔会系煮到水果款，而排骨都好淋！至于猪手略嫌唔算好淋，不过就好入味啦！其实个饭咁大盒都只系30几蚊，抵啦！
继续阅读