皇茶 (已結業)

之前見有介紹過呢間皇茶既芝士奶蓋，一直想試一次，咁啱今日經過，天氣又熱，決定買杯消下暑！芝士奶蓋桂花烏龍茶(凍) $27 --皇茶主打芝士奶蓋，亦有水果茶、抹茶、奶茶之類選擇，仲有幾款小食。芝士奶蓋標榜用真芝士制成，飲落的確有很香濃、鹹鹹地的芝士味！奶蓋亦很厚身，沒有偷工減料。烏龍茶味香淳，先是一啖芝士，讓口中充滿住芝士味，再配一啖烏龍茶混合，芝味再加茶味，1個價錢2種享受！下次經過會再試埋其他茶類！

啲人之前話喜茶開到落香港😂其實唔係～佢叫皇茶😓聽聞佢啲奶蓋都好飲😍🔥皇芝士奶蓋玉露茶后 hkd29 💰店員話呢款茶比較甜，易入口🤤諗都唔諗叫左杯～個人覺得同喜茶比，我係中意喜茶多啲。皇茶呢邊啲奶蓋冇喜茶咁多咁厚🤔而且飲落有小小益力多既味？😂喜茶係真係芝士濃香～唔會飲兩飲就得番啲茶🤔不過皇茶都好飲既，奶蓋可以多番小小，茶真係如佢所講，比較甜，好易入口，冇左茶既苦澀味👍🏿掛住喜茶既飲住皇茶先啦～

香港既飲品店愈開愈多，無論係小店定大型連鎖店都係香港開，但你會唔會飲黎飲去都係果幾間？因為飲開廢事轉，但有時都要試下新野，皇茶都幾受歡迎咁，同友人一人一杯皇芝士奶蓋金鳳茶王$28超人氣的芝士奶蓋！好濃厚既芝士奶蓋！45度飲入口，上層是芝士，下層是烏龍茶。芝士本身好飽肚，但因為配上烏龍茶就可以解滯！$28同區算平，性價比高。皇芝士奶蓋Oreo朱古力 $31大受小朋友歡迎!朱古力上再加一層芝士奶蓋，口感好豐富，超有滿足感，仲好飽肚添！

位於旺角的皇茶，是一間主打芝士奶蓋的小店。皇芝士奶蓋OREO宇治抹茶$33超級鮮雜果四季春$32皇芝士奶蓋OREO宇治抹茶$33芝士奶蓋以新西蘭Anchor奶製品製做，並非方間用芝士粉製造，更為稠綿膩口，奶滑香甜，令人回味。最愛抹茶類的飲品，雖然服務員哥哥推介咀朱古力，但抹茶控還是決意選抹茶。抹茶甘苦比例剛好，不太濃不太苦，奶香滑溜，順口香甜，很好喝呢。...皇茶                     旺角廣華街1號仁安大廈22地舖

喺旺角新開左皇茶😳，行入槍街附近就見到。少有的有位坐，又有wifi，其實抵過去咖啡店等人。在店員推下試左超級鮮雜果四季春 ($32)，用的是新鮮生果，有百香果西瓜芒果蘋果青檸桔，加上四季春的味道，同生果是天作之合，不偽甜，好清新！而男朋友就試皇芝士奶蓋青霧 ($27) 芝士是真・芝士，好rich的，口感特別，咸咸地😍而奶蓋用上Anchor的牛奶製品製成，不是坊間常見見的奶精，真係飲到份認真。加上老闆不停同客人傾計，教人點飲得有層次，又聽下不同意見，比心機做出來的飲品，絕對感受得到❤️

奶蓋茶並唔係特別新既飲品，相信好多喜愛台式飲品既朋友都試過。如果你好鍾意奶蓋飲品，就一定會鍾意皇茶既芝士奶蓋系列。芝士奶蓋綠茶，7分甜，$25。芝士奶蓋非常厚，芝士味好香。唔洗用飲筒，最好打開蓋斜著飲，咁就可以同時品嚐濃郁豐厚既芝士奶蓋同綠茶味。一啖茶，兩種口感。不得不稱讚呢度既芝士奶蓋，打得好香滑。如果你覺得芝士奶蓋多喝兩口會膩，就記得將個杯打斜d，飲返茶黎中和。讚讚

旺角登打士街新開左間非常高質既台式飲品店！主打係芝士奶蓋！😍 有15 款配搭任君選擇🙋🏻 店子裝潢仲要幾舒適，有幾個座位，行街行到攰去坐下飲番杯抖下都幾爽呀！.我揀左皇芝士奶蓋oreo朱古力 $31 同埋超級鮮雜果四季春 $36， 宜家買第二杯半價添！👏🏻 先講奶蓋Oreo朱，據知店主堅持同原舊芝士打製成，誠意之作，果然係芝士味濃郁同埋相當香滑，加上大量oreo脆，朱古力底又做得好，估吾到會咁好飲！係味覺既享受呀😍 一飲就愛上！💕.而果杯水果茶呢，入面既水果係店員每朝切塊，確保佢既新鮮，配合比較少見到既四季春茶，茶味甘香，比綠茶更為出色，相比平時飲到既水果茶，呢個絕對有驚喜👍🏼 飲品大大杯，抵飲！ .另外，順便食埋單骨雞中翼 $23 同埋爆香雞軟骨$23，兩者都有原味同辣味選擇，宜家買飲品加$20 就食到，個人非常中意食佢地既辣味雞翼，麻辣口味，個醬汁係自家製，食到舔舔脷👅💦好想encore !

朋友介紹下來到旺角衣間茶店. 朋友話依度嘅芝士奶蓋好特別我就叫咗杯芝士奶蓋青霧， 芝士味好濃好香。飲依杯野原來要有技巧、一定要飲咗啲芝士先然後飲下面啲茶。夜晚食完飯我介紹啲朋友再嚟飲。今次叫個鮮雜果四季春。同出面好唔同，出面成日用濃縮果汁或色素，但係呢度就用新鮮生果，好佩服。我連青檸皮都食埋！好好飲 😋同老細傾計知道佢哋仲研究緊幾款新飲品同小食，好期待再來試新產品。其實我揀餐廳例如咖啡,我會楝有心做嘅餐廳. 這間值得推介！

如果鐘意芝士，皇芝士茶必定要試。芝士蓋夠香滑，茶味夠濃，店面裝修精緻，老闆們好有heart 做，我已經多次幫襯，水凖保持得好好，呢排無時間去，下次出去要再嘆番杯先！