影片
恭喜阿头升职我哋一行十几个人，平时已经成日食利记所以今次拣呢间去庆祝😏印象中啲食物都几好食可能因为成日都食利记嘅关系，食得多鱼翅，食下粉丝都OK🤣其实之前都嚟过，我印象中食过两次，今次第三次，但系今日就觉得啲食物麻麻哋首先讲吓个叉烧包，我就觉得冇乜特别，不过有个嘴刁同事话个叉烧包有浸唔属于叉烧包嘅味道，怪怪地🤫另外我就觉得旧猪脚个汁其实好好味，但系猪脚还猪脚，汁还汁，只猪脚系冇味道嘅连咸味都冇😱因为亚头升职嘅关系，我地有几个同事叫咗灌汤饺贺一贺佢😙唔知系咪因为好耐冇食，觉得都冇想像中咁特点，入边啲馅太碎，我完全食唔出系啲乜，不过个汤够热OK嘅其他嘢都不过不失，春卷同蛋挞都仍然keep到👍🏻不过话说回来，佢哋啲点心就麻麻，但系啲小菜系几好食👍🏻
继续阅读
今日约埋同事两个人一齐去附近嘅茶楼食饭，去咗一间中午时间，可以餐选择中午set嘅茶楼， 中午时间去到非常少人，等了一两分钟就已经可以入座， 两个人亦可以被分配到四人座位， 我哋各自叫了一个瓜粒海皇泡饭， 同一个菠萝京都骨饭， 等了10至15分左右， 店员将两个餐送到我们的眼前， 一个餐基本上系包括一个配菜，一个主菜，一碗饭，同一个甜品，啲菜食落好新鲜，不过量就较少。另外京都骨够多汁， 同饭一齐食非常之好食。 不过到了一点左右就开始多人，同比较嘈一些。 所以如果人多，提早book位会比较好。 今次嘅午餐，我同同事都食得非常之满意，好满足咁离开。
继续阅读
间唔中都会同同事饮茶，今日就去左皇潮汇。与附近酒楼比较，呢间唔大，一眼望晒，但坐得舒服，服务和食物质素都令人满意。春卷好香脆，同事可能怕热气，无同我争，我一个人食左半碟。叉烧肠，我麻麻地钟意食肠粉，但有人话唔食肠粉就唔系饮茶，呢句话真系令人印象深刻。我知呢度蛋挞都好好食，但我通常饮茶唔会食蛋挞，因为实在有太多其他选择，要留肚食其他野。鱼汤浸菜苗，如果唔系白菜会更好。我地仲叫左叉烧餐饱&小龙包，叉烧餐饱好味好软熟，下次黎一次会再叫。
继续阅读
同同事去饮茶, 4个人我们叫左一些点心, 另外叫左一份士多啤梨骨配星州炒米, 点心都系叉烧包, 叉烧都好JUICY, 唔会好肥, 好味, 叉烧肠粉, 都几滑身呀, 叉烧都唔肥, 好味, 虾饺OK, 还有XO酱肠粉, 份量好大份呀, 辣辣地好惹味. 仲有韮黄及蛋丝的, 还有芝麻, 好味呀.士多啤梨骨都好大碟, 系红色架, 士多啤梨够甜, 咁样煮反而排骨唔会好漏添, 好多青椒, 仲有士多啤梨, 好味, 啖啖肉, 又唔肥, 好香甜的感觉. 星州炒米劲大碟, 炒得干身又唔会好辣, 都几足料的, 虾, 红及青椒丝, 芝麻, 鸡蛋丝, 叉烧, 菜等. 我们都食唔晒, 要打包走.
继续阅读
母亲节当天1:30左右，一行四人，到埗刚刚有位，都算好彩，这里地方不算大，我相信可能较多人选择了楼上同集团地方较大的皇廷酒家，不过这里坐得都算舒适，—家人可以舒舒服服，在不太嘈吵的环境下闲谈，是最好不过的了。以上为餐牌香煎萝卜糕 $22，煎得香口，萝卜丝亦算多，有口感，不会太咸。春风得意肠 $29，分为三层，第—层肠粉皮有米味，不会过于弹牙而失去肠粉原有的口感，第二层脆脆的，内里藏着虾胶，不错之选。水晶虾蛟皇$29，蛟皮晶莹剔透，虾肉爽滑鲜美，热辣辣新鲜出炉，更感美味。蟹籽烧卖皇$24，鲜美的虾胶混和了肥瘦适中的猪肉，不过不失。流沙奶皇包$22，包皮尚算松软，内里奶皇不够咸蛋皇沙的口感和独特的香味，好彩不会太甜。潮州蒸粉果$22，外表晶莹通透，饀料有花生，沙葛，虾米粒和少量肉碎，因为用上适量的沙葛粒，增强了清爽的口感，不像其他的酒楼用了太多的肉碎而又欠缺了沙葛粒的调合。这个点心算是惊喜之作。芋茸海鲜盒$29，内里除了有芋头蓉之外，还有虾粒…，都几特别。潮式蚝仔泡饭$88一窝，上汤配上了丝瓜粒，潮式必用的冬菜粒和主角蚝仔，蚝仔都算多和鲜甜。茗茶每位$10，前菜$8，共消费$339。
继续阅读