影片
日日收工搭车都经过青山道见到呢间新开咗不久的私房菜，今日终于约咗班同事去试吓，长沙湾呢区越来越多新餐厅，绝对系一个揾食的地方一行五人，好夜先嚟到好在唔使等位首先来一个平时好少食嘅焗鱼肠，用鸡蛋去焗，一啲都唔腥臭，不过味道就唔系我喜欢的了，冇乜太大味道天气冻梗系要食返腊味煲仔饭，不过卖相就麻麻哋，好少𩠌，但系味道就不错，腊肉爽口弹牙再来一个田鸡煲仔饭，香喷喷，食得出田鸡是新鲜生㓥的这个就是厨师极力推介，猪膶蚬煲，真系未食过第一次，味道几好，猪膶同显的鲜味夹埋一齐好新颖，都几特别值得一试，只是啲砚使得不太干净有小沙最后来一个羊腩煲，268,不过份量就比较少，每人得两旧真系唔够喉，其实味道是不错的，真是羊腩，不过比出边来说分量真系少了一点不太抵食
继续阅读
第一次食完野行过比佢香味吸引左，心谂下次要试下系咪真系咁好食！今次三个人谂食咩嘅时候，第一时间谂到皇家宝！呢间野系食小菜...门口写住星级私房海鲜菜添～好似好劲咁...价钱中价位，开到凌晨三点入面唔大，有时两三个人可能都要搭枱...本来叫普通炒蚬，但店员话猪膶炒蚬香啲好味啲...同埋平时唔食猪润嘅人都食到！因为猪润系碎粒上！黎到食落真系香啲同埋出边好少咁样炒！呢个香煎豪饼都系冇得输！非常香口入味...但系正常好热气😂最后叫咗个龙趸炒饭，啲鱼炒到啱啱好!个饭都系好好食...我平时钟意食面多都食咗两碗～Ps:同埋不得不提！店员服务超好...未食完蚬但店员见到只碟有一半蚬壳都即刻帮我地换碟!同埋个炒饭一到马上用另一个碗帮我地装饭！平时呢啲服务都系去饮宴先有...所以一定要赞
继续阅读
由于第一次写食评所以！食左3次才决定写食评！第一次见舖面真心系唔会吸引到我入去试呢间’小型酒楼‘，由于新开既关系，最后我都去左一试。结果食店开3个月我就食足左3次，3次食都系不同既小菜，也有令人回味的菜。而我个人最推就系「佢既招牌菜：猪润抄鲜蚬」个人觉得用心煮岀食材既美味亦因为第一次食既菜色，所以比我感觉创新而新鲜。加上坐得舒适，真正感受到中菜的特色。楼面都好识做，一叫即做所以价钱都合理及值得。开心晚饭，热热闹闹而且老板好好人，用心经营，食岀人情味特别赞赏：菜单手字真系好靓
继续阅读
以前见到间舖里面黑忟忟，望到都唔敢入去食…… 见到装修好，好光猛，好干净，又有优惠，于是入去试下!$10个菜真系无花无假，系平时正价份量! 炸豆腐冻左都唔淋，好食! 啫啫龙趸头腩系坚龙趸，无鱼目混珠! 火喉够又唔咸! 正! 土鱿肉饼煲仔饭，饭焦刚刚好，系个豉油教得麻麻……
继续阅读
一家人去食晚饭，路过见到新开冇几耐，但系又几多人，所以就决定一试！见到餐牌之后，发现好多野食都系深水埗区比较难揾到嘅，就好似鱼翅捞饭同煲仔饭 （冇错！系夏天都有供应煲仔饭！）！ 一家人去食，试左唔少菜式，老板推介嘅脆皮龙江鸡外皮香脆，肉质超嫩，老板话系用新鲜鸡整六个钟烹调出来嘅！而鱼翅捞饭更加系不得不提，用料丰富！鱼翅、花胶丝、冬菇丝等等，十分之有香味！价钱仲要超抵，300蚊唔洗就有成8至9碗左右。 芝麻虾新鲜弹牙，酱汁不肥腻，高水准！！而凉瓜焖仓鱼就偏咸左D，老板话下次可以落单时叫淡D！另外，而家仲做紧特价菜，10蚊就有一碟指定小菜，真系好抵食！环境算几卫生，服务态度几好，值得一试！
继续阅读