皇室宴會廳

营业中

休息中

黎到充滿奇幻感覺嘅迪士尼，奇幻得來都好現實😅 因為大部份餐廳都係8:00閂，6:00入餐廳已經全院滿座，但門口既職員只會掃完你個安心出行就全部人放入，一行八人想搵一張枱都要企喺其他食客面前企住咁等好耐⋯食客有壓力，小編都好有壓力😅😅最後搵到個戶外位坐左1分鐘諗緊食乜嘢嘅時候，職員就突然衝黎同我地戶外既客講話陣間要放煙花呢度7:00要閂，叫你到時入返去室內。what?!但放煙花八點喎⋯anyway, 小編食嘢通常30分鐘內完成，所以應該唔受影響。 但惡夢開始啦，出去排隊買一個餐都要搞成半粒鐘，最後得返<20分鐘settle down 食嘢。因為要趕住交個場俾返佢哋，戶外冇乜燈光所以影唔到所有嘅食物⋯ 【 尊貴雜扒套餐】 $195當然大家都已經有心理準備主題樂園嘅食物質素唔會話去到好好，平心而論個賣相係靚嘅（太趕無影相🥲）有牛扒，雞扒，香腸，煙肉及炸蝦，但作為一個尊貴嘅雜扒餐，排咗30分鐘先至領取到嘅呢個餐，竟然食落去係凍㗎⋯⋯呢下扣好多分⋯【 鮑魚海鮮炒飯套餐 】 $160好似福建炒飯，飯是淋pat pat的⋯【 兒童套餐 】 $105內容其實係香煎雞扒飯配蘑菇汁配粟米，低脂芝

《皇室宴會廳》‣ Pizza set🍕 (~$140)米奇外型既pizza 外表幾得意，中間臉部幾好食，餅底唔會好乾好硬，而且材料勁多令pizza好高身，口感食落幾豐富；可惜耳仔部分材料唔算多，餅底反而就好硬🥺‣ 黑松露素肉丸意粉🍝 (~$140) 黑松露份量勁多，令意粉都幾香口，素肉丸雖然大大粒，不過冇咩味道，整體呢份都係普普通通～💭C͟o͟n͟c͟l͟u͟s͟i͟o͟n͟整體感覺食物賣相唔錯，用黎打卡真係幾吸睛👍🏻但味道屬於普普通通，未搵到啲好值得推介既食物😛

皇室宴會廳🍲人蔘燉雞湯套餐 配白飯及精選小食 $180非常豐富的套餐：人參雞湯、白飯、卡邦尼年糕、泡菜蔘雞湯好喝！能夠喝到人參味，雞偏細，所以雞肉算是嫩滑的，雞肚内有好多糯米飯🍚吸滿蔘湯的精華，味道很好！ 泡菜新鮮爽脆，偏辣不酸。卡邦尼年糕煙靭可口，好食！ 🥩精選雜扒套餐 $190包含了豬扒、牛扒、培根🥓、肉腸、炸蝦🍤、雜菜、薯條非常豐富的一個餐，牛扒和豬扒都算多汁，沒有雪藏味，煙肉香脆，肉腸多汁。整體而言兩個套餐的份量都算大，女孩子的話可以share，以上套餐全部免費跟汽水 +$5轉加大 ，玩了大半天又餓又熱，能夠在這裏拍到這兩個套餐，我認為性價比算不錯！ 星期日的迪士尼很多人，我們大概12:30左右到餐廳用膳，等了大概15分鐘才有位～但是相比其他餐廳，這個輪候時間已經算短了。

入得黎迪士尼食野就預左貴，所以都係揀自己想食既，幾中意皇室宴會廳因為有唔同既選擇，不過週末經常爆滿，搵位超混亂，所以成日都唔敢黎食，今日難得閑日黎，終於可以大把位揀，一定食呢間。燒烤部 - 尊貴雜扒套餐 $195 （會員9折$175）今次食左呢個，呢個既前身應該係牛扒餐，記得以前牛扒餐份量感覺上唔係好多，男士未必飽，自從佢轉左做雜扒餐都未食過，依家試下啦。賣相都ok 大份，好多肉，有雞扒、牛扒、煙肉、香腸、吉列蝦、同埋薯菜。個汁應該似係蘑菇汁。整體味道其實一般，好食既係雞肉，因為落左香草去煮，另外隻吉列蝦都好脆好正。其他都正正常常無咩特別，不過咁大份都ok。未必會再食因為偏貴左啲，除非有買一送一就抵食。燒烤部餐牌：

同朋友萬聖節黎迪士尼玩， 我自從小學就冇黎過😂😂紅日好似好多餐廳都冇開 搵到呢間好似大份又抵食 餓暈嘅我哋就衝咗過去要先出去拎咗餐然後再去收銀機畀錢， 會員卡有折 * 以下套餐全部免費跟汽水 +$5轉加大 🌟烤雞套餐(半隻) $160一行過個已經見到好多人食呢個套餐 見到隻雞炸得好靚同埋好大份 我哋梗係唔執輸隻雞好滑同埋多汁 皮脆 而且又大隻 薯條都係熱辣辣 👍 🌟人蔘燉雞湯套餐 配白飯及精選小食 $180見到前面嗰間人一人一個呢個餐 所以我哋都叫咗有 人參雞湯 白飯 卡邦尼年糕 泡菜 人蔘雞湯偏苦好重人參味 隻雞係細隻肉都嫩滑 而且雞入面包咗好多糯米飯 我朋友勁鍾意食我哋最後面入面啲人參仔都食埋😂泡菜係好新鮮 冇嗰啲擺咗好耐嘅酸味， 卡邦尼年糕味道正常好食！ 🌟鮑魚海鮮炒飯套餐 $160基本上就係福建炒飯 面頭畀你兩隻罐頭鮑魚 但係喺迪士尼入面嚟講都算好好因為佢個飯係勁大份 我哋四個人食😂 飽肚之選 味道同出面茶樓嘅一樣 總括嚟講係迪士尼入面呢間餐廳算幾抵食😯🌟👍 下次去都會再食~ 另外仲見到好多人叫焗豬扒飯~

嚟過迪士尼樂園咁多次，平時都係去火箭餐廳食嘢，今次想試吓唔同嘅嘢！俾佢張相嘅烤雞薯條吸引到，所以就去試吓佢！其實嚟到係有啲失望，因為並唔係我所想嘅脆皮嗰種烤雞，係橙色啲皮一啲都唔脆嘅雞，但味道還好，有BBQ汁，落咗汁會好味啲！不過都幾大份，所以都算抵食驚喜位就係呢一個焗豬扒飯！本人唔食豬，但好鍾意食飯，叫比仔仔食，咁大個飯，佢實食唔哂，所以我就幫佢食啲飯個茄汁底好正，酸酸甜甜，好開胃！又有芝士，又夠哂熱如果下次再嚟，我唔會再食個烤雞，會去試吓佢個人蔘雞

#chuchu食在迪士尼📍 皇室宴會廳🐷作為迪士尼嘅fans點可以唔介紹下！入得黎迪士尼食嘢就預咗會唔平，不過其實之前食落都唔會話好差，純粹係貴少少！呢間係旋轉木馬對面以前都幾好食，不過今次去又有少少差左！—————————————————————❣️韓式炸雞便當套餐 $150 有炸雞、炒粉絲（冷食）、飯、西瓜咁，賣相唔差嘅，炸雞就得5舊，不過都夠味炸得幾脆！粉絲都幾好食，純粹入口嗰下有小小奇怪，因為🐷食開係熱嘅炒粉絲😂西瓜就幾好食，好甜夠沙！包埋飲品～.❣️ 鮑魚海鮮炒飯套餐 $160個樣有啲似福建炒飯，面頭有2粒罐頭鮑魚，都幾大粒嘅，同埋都唔難咬！好多好多汁，啲料都幾足，有啲雞肉呀、菇呀，不過好多汁，🐷唔係好鐘意，不過幾好食的！炒飯真係見到有啲蛋絲似係炒過的！.❣️兒童套餐 $105唔記得咗影相🥺香煎雞扒飯配蘑菇汁，有啲粟米、蘋果同個芝士蛋糕咁，以前呢個好吸引，今日好失望，如果個雞扒皮都冇左，似烚雞胸多啲，見到都唔開胃🌝粟米就幾好食！—————————————————————不專業評分👅好味指數: 6/10 💰性價比: 5/10👍🏻推薦: 6/10 ——————————————————

第一次喺主題樂園🎡🎠可以用咁超值嘅價錢食一餐飽嘅！其實主要都係因為我哋有金卡，生日月份可以喺指定餐廳使用優惠‼️因為係同朋友慶祝生日🎂，我就做定功課，結果指定餐廳入面，「皇室宴會廳」✨好評比較多，所以就揀咗依間。結果都真係冇令我失望，餐廳入面其實有好多唔同嘅菜式，我哋揀咗「燒烤部」嘅雜扒套餐。因為我哋有金卡同埋係生日月份嘅關係，$195就可以有兩個餐！原價係真係偏貴，但係買一送一因為就即刻令性價比高咗好多！餐廳食物質素正常，同出邊一般茶記差唔多🌈，分量都啱啱好。如果有優惠的話不妨試吓，喺園區入面，喺迪士尼嘅氛圍入面進餐🌟，都真係一個好好嘅體驗！

好友搶到由旅發局舉辦「賞你遊」活動參加「星光大道及迪士尼樂園」旅行團每人交$190團費就可以去迪士樂園玩半日佢仲包咗一份價值$130元的晚餐比我地係指定餐廳用超過$130的食物付差價就可以了朋友話係指定餐廳裏面 皇室宴會廳係最多好評所以去皇室宴會廳醫肚Menu個環境唔錯呀有D雀仔會黎揾食不過都係望兩下就走人可能迪士尼d雀仔跟得公主多d manner學得好好焗豬扒飯套餐+ 汽水 $145我果陣好似爲箍牙 剛拔了2顆牙齒很有自知之明的點了個容易吃的焗豬扒飯套餐（衹能看朋友吃烤鷄） 主題樂園是游客的地方嘛自然對食物沒有太大期望結果食到豬扒都大件、焗飯味道OK、份量又足真係開心烤雞套餐（半隻）+ 汽水 $150朋友果半隻烤雞都幾大隻，有大量薯條，有蔬菜伴碟朋友話隻雞燒得皮脆肉嫩 正呢個餐份量係幾大（薯條都可以食飽你）論抵食應該烤雞套餐贏咗！

入到黎樂園玩， 因為冇食早餐， 又要頂到去夜晚8點幾既煙花， 點都要搵個地方填飽果肚， 本身諗住食下d 小食就ok, 但係計計下好似食個正餐仲抵d. 咁岩玩完迷奇幻想曲就去隔離既餐廳食， 一人叫左一份加左份garlic bread. 女朋友叫左韓式炸雞便當， 有炸雞， 炒粉絲， 西瓜咁我自己就叫左穩陣之選， 焗豬， 兩份野食都係普普通通啦，焗豬豬排好大塊， 汁唔會過油過甜， 又夠熱， 其實唔差既， 不過一個餐賣成150 就好難話抵食架啦。

嚟迪士尼玩，多多少少都會口乾肚餓皇家宴會廳呢度多選擇，價錢又比其他園內餐廳嚟得要合理建議去kiday/klook買二合一/三合一餐劵，會抵食啲㗎！今晚9點先有煙花匯演，餐廳收8點大概7點左右，我哋齊齊入去搵位餐廳裡面好滿，要等一段時間先有得坐我叫咗韓式炸雞便當套餐餸菜如圖，另跟餐有細可樂粉絲略嫌有啲痴埋一齊炸雞普通味道配咗韓式辣醬食粉絲同炸雞，先達到理想效果飯面落咗飯素，都幾開胃最後仲有西瓜做飯後果唔算出色，總叫ok但食嘢都幾有壓力，每枱都有人望住等坐埋嚟坐耐少少都唔好意思

早前買左一日門票，預定左今日入場，咁啱遇著3號風球，好多室外設施都無開，不過唔緊要啦，慢慢食下野再去唔同室內園區玩下啦。之前入黎都有係呢間餐廳食過野，每次見到拉麵都會忍唔住食拉麵，適逢今日日本餐廳無開，就試下其他餐。入面除左多左迪士尼嘅裝修之外，其實都無咩特別，都有啲似大學啲飯堂咁，有幾款唔同類型餐飲，日式/燒烤/韓式。首先簡定左食咩之後，等職員整完自己攞餐之後，再推去收銀比錢。今次我地試左四樣嘢：精選雜扒套餐：係小朋友都食到嘅牛扒，一開始見佢全熟都怕會唔會好韌，結果入口又ok喎烤雞套餐：不過不失焗豬扒飯套餐：論味道黎講都係大X活好食啲人參雞湯套餐：味道都可以，雞入面包住糯米，除左雞腿位，其他位都鞋左啲

搶到由旅發局舉辦「賞你遊」活動，參加了一個「青馬觀景、迪士尼樂園半日遊」的旅行團，只需團費每人$190就可以入迪士樂園半日和一頓價值$140元的晚餐，在指定幾間餐廳享用。我們選擇了在皇室宴會廳 。位置：在幻想世界區，旋律木馬的對面。環境：有室內和室外座位，不過天氣熱，大家都不會坐室外了。室內座位分開左右兩邊，中庭是圓形舞台，用來點餐和付款，裝潢是滿有高級宴會的氣氛，但食物明顯不是了，服務：提供多國文化的食物，有日式、韓式或印度式等，先拿車去點選食物，後付款。晚市：🥢韓式🐔炸雞便當 + 檸檬茶🧃 $150這是朋友點選，份量頗多，有白飯、炸雞、冷麵和西瓜🍉。我沒有吃過，但朋友評價都不錯，但吃不完白飯。🍴烤雞🐔套餐（半隻）+ Coke Zero🥤 $150雖然烤雞是半隻，但頗大隻，有蘑菇汁可點，配料有大量薯條🍟、豆角和🍅蕃茄仔，全部都可口，特別是雞燒得皮脆內嫩🥰，是醬汁有點鹹，其他都好吃，一個人都吃不完，下次可以點這個餐二人分享會剛好！

講真入嚟迪士尼樂園玩都預咗嘢食係又貴又唔好食嘅，不過呢今次終於比我發現到有個冇咁伏冇咁難食嘅餐haha今次喺皇室宴會廳買咗個人蔘雞湯餐，個餐跟碗白飯，一碟仔泡菜（辣辣哋酸酸哋又唔難食喎！），同一碟仔忌廉汁煙肉蘑菇年糕（呢個就普普通通白汁年糕，都唔差嘅）～重點係隻人蔘雞真係成隻春雞嚟～都煮得幾稔，係雞胸有少少鞋，雞入面仲有啲糯米飯咁～當然唔係話好好食但喺樂園入面都算幾好嫁喇🙊

係廸士尼樂園食野，大家都唔會對食物太高要求，獨市生意，食物唔錯就算好好啦～焗豬扒飯 $145芝士味好重，豬扒淋到唔覺食緊豬，飯有炒底，都叫做ok既～兒童餐 $105雞扒，粟米，白飯，芝士蛋糕，蘋果。不過不失，都係算ok既～