皇室冰廳 (已結業)

最近好鍾意去唔同地方既茶記今日就比我發掘到呢間好有水準既焗飯價錢唔算貴同埋幾鍾意佢有呢個星期一至六餐牌我呢Ｄ選擇困難症既唔洗下下諗餐死不過因為今日好肚餓，所以點左個焗飯疫情之下相信大家都會好擔心餐具衛生問題呢到竟然好貼心咁有餐具專用既消毒濕紙巾椰香咖哩焗雞扒飯呢個焗飯都真係幾有水準淨係見到上面滿滿既芝士已經令人食指大動多到可以拉絲，極邪惡！雞扒好入味，而且咬落去好嫩唔會似一般茶記咁，一係焗到巢晒皮乾晒，一係未熟最驚喜係佢既薯仔入味程度滿分而且勁淋仲要入口有好香既薯味真係淨係食薯仔都好滿足炒底每一啖都有啖啖既蛋香，而且亦有微微既鑊氣，正飲品就叫左杯OREO特濃朱古力上面鋪左滿滿既OREO每一啖都食到而且朱古力非常之濃味飲完每一啖之後朱古力味都會係口腔到停留不散夠晒足料又靚料

今日去左長沙灣睇戲，之後搵要間餐廳醫肚。行行下見到呢間招牌好光猛，亦都好企理嘅舖頭，門口放左幾張餐牌，又幾抵食，就決定試下佢！坐低左好快就有侍應嚟量體溫，之後放低左張餐牌，我哋見都有小菜，常餐，晚餐，焗飯等等嘅選擇。我哋就叫左一個蝦仁炒蛋嘅晚餐，加左一碟白勺菜心同一個菠蘿芝士焗豬扒飯，餐飲都係要凍檸茶。好快就上左例湯先，飲落都好真材實料，仲有湯楂，唔錯。之後晚餐同焗飯一齊上，都好大份，見到都好足料，個蛋仲有啲蛋汁，蝦又香口，正。個豬扒飯呢就好厚身，食落唔粉，仲好好肉地，配埋個炒飯底真係無得輸。最後個白勺菜心好大份，雖然無蠔油，但食落都好新鮮，有菜本身嘅味道。如果嚟開呢頭都可以食下呢間冰廳架！

今日黎開長沙灣搵朋友，夜晚又唔知食咩，又唔想再食快餐外賣，咁就去左上次幫襯過果間茶餐廳叫個小菜繼續同朋友傾吓偈。我同朋友叫左2個餐- 蝦仁炒蛋 配飯 （另加19蚊叫多個菜芯）- 菠蘿蕃茄芝士焗豬扒飯［餐廳皇牌]- 2杯凍檸茶- 另送2個例湯平均每個餐$56-60，價錢合理。食物質素唔錯，小菜有家嘅味度。餐廳皇牌焗豬扒飯，豬扒大塊夠冧，飯乾爽，推薦大家去試下👍🏻餐廳環境光猛，餐廳整潔，坐得舒服。我係餐廳坐左一個鐘，都見到好多人買外賣，可見食物質素唔錯👍🏻

前幾日經過長沙灣，順道接爸爸收工，爸爸表示想食中菜，但兩人沒有理由去酒樓，所以找了間冰室食飯☺️落單後，店員很快送上例湯，味道像家的味道，感覺很足料，不是死鹹😋——————————🔹招牌椒鹽蒜香豬扒 $62這個椒鹽蒜香豬扒賣相很吸引，大概有八塊豬扒😍食起來好香乾蒜味，而且沒有甚麼肥膏，啖啖肉😋肉質亦很鬆軟，配飯食剛剛好～🔸涼瓜炆牛肉煲 $65爸爸平時很鍾意食涼瓜，但我就怕苦味不太食😆最後都叫了涼瓜炆牛肉煲。上菜時感覺很有鑊氣，涼瓜和牛肉的份量差不多，食肉獸的爸爸見到很開心🥳原來是用上豆豉煮，牛肉薄薄一片，食起來會特別入味，連苦瓜都食不出甘甘的味道😍🔹椰汁紅豆冰 $22這杯椰汁紅豆冰，跟我以往喝的不同，紅豆不是沉在底部🤨雖然沒有濃郁的椰香奶味，但味道很夠，還食到粒粒紅豆😚🔸忌廉焦糖特濃咖啡 $22  這裏的飲料都很大杯，咖啡味的確很濃郁，但不至於苦，配上甜甜的焦糖忌廉，超邪惡🤩🤩

長沙灣搵食攻略,冰室大巡禮我地今次晚市出去支持小店,去到長沙灣,食完仲可以去深水步行街店面細,受入座限制,只坐幾位客人,主力做外賣,咁我地張單仲要漏單,不過無所謂,冷氣夠涼,當吹冷氣又可以同阿姐吹下水,人情味就係咁簡單好在阿姐比左碗老火靚湯我地飲住先,之後就慢慢等個小炒上菜招牌蜜椒薯仔炒牛肉,是日晚餐E套餐 68蚊一份,另加3蚊凍飲佢杯檸茶真心好飲,茶味特濃,個茶底真心香味夠濃,亦唔會太甜,係近排飲過幾好既檸茶,茶色夠深每日精選套餐,A-E餐,我地今日係日式照燒汁茄子牛肉煲,係小菜黎既蜜椒薯仔係大件薯仔,牛肉片,黑椒醬,食入口先甜後辣,辣度輕微,炒得乾爽無油,水準唔錯,合格以上配埋個大碗白飯,幾分鐘就掃清曬碟茄子煲有少少似魚香茄子,只係換成牛肉,都係有肉碎同辣椒食配料,都係非常岩撈飯既小菜茄子吸曬醬汁既甜味香味,用鐵鍋上,食到尾都係夠熱,係油左D~,但勝在夠香口椰子老火湯,夠暖胃#皇室冰廳 #長沙灣美食 

本身想Lunch搏下食壽司X，但我哋實在太天真🙈，結果就梗係要轉場啦。行番去長沙灣內街有好多餐廳，其中「皇室冰廳」個招牌最閃，咁就食佢啦！餐廳好細間，坐位唔多，我哋啱啱過咗食晏高峰期，所以唔駛等位。店員好忙處理緊外賣訂單都有好好招呼我哋☺️。食物選擇都係茶記嗰啲，有幾款午市套餐，其中特餐就以蕃茄濃湯做招牌，好吸引🤤。我哋嗌咗一個特餐同一個焗飯Share食，食完都好飽飽🤰。🌟鎮店特餐：真．蕃茄濃湯特餐($56)🌟真．蕃茄濃湯烏冬🍜，烏冬就無乜特別，係超市買到嗰啲，不過我好鍾意食！精華所在係個蕃茄湯🍅，味道真係好濃郁啵。餐牌介紹湯底係每日用蕃茄新鮮製造，並唔係茄膏開水，食落果然無酸澀味，帶份蕃茄清甜。我哋將成碗湯飲哂。招牌牛乳炒滑蛋拼即叫即炸大塊吉烈豬扒，炒滑蛋的確幾香滑🥚；吉豬就十分有驚喜🐷。豬扒勁大塊，炸物要整得好食就係唔可以皮肉分離，呢度係完全示範，整得好好。吉列脆皮有少少乾，但肉質並無變鞋，而且只要點番沙律醬食就無問題啦😜。菠蘿芝士鮮茄焗雞扒飯($58)，焗飯係同事話要點的，我都食咗少少試下。估唔到焗飯都唔駛等太耐👍，份量同樣澎湃，有好多芝士同菠蘿粒，堆到勁高！飯底有稍為炒過，🐔雞扒

位於長沙灣既冰室，今日唔想食啲好飽嘅嘢，就想去茶餐廳食小小野算，去緊個陣就諗想食常餐😂不過都預咗夜晚會冇咖喇😖點知佢有😳連沙嗲牛肉麵都有，夜晚真係唔係度度都有得食常餐😝-🤍特餐 蕃茄濃湯+炸吉列豬扒+牛乳炒蛋 $56🤍菠蘿芝士鮮茄焗豬扒飯 $58+$12 oreo特濃阿華田 ✨OpenRice 訂位85折-🤍特餐⭐️⭐️⭐️蕃茄味幾鮮，配烏冬好正🥰烏冬好彈牙，吉豬入面有啲香葉，食個陣要整番岀黎先，好小人會咁醃，真係幾有心機🤣/🤍 菠蘿芝士鮮茄焗豬扒飯 ⭐️⭐️⭐️⭐️我會比較中意焗豬，食焗豬最怕豬扒好「鞋」好老😣佢既豬扒反而好嫩又腍😳一啲都唔老！幾好！-環境：5/10服務：8/10好味指數：6.5/10回頭率：6/10

做節期間同屋企人講起兒時趣事，就挑起條筋，同阿哥一齊嚟重遊夠地。嚟到元州街，拍拍照，懷緬一下之後，就隨意搵一間餐廳坐低醫肚。呢間皇室冰廳門面光鮮，店舖細細，價錢又唔貴，喺門外見到嘢食都合心意，於是就入嚟坐低叫嘢食。我就揀咗鎮店特餐，係蕃茄濃湯烏冬，吉列炸豬扒配牛乳炒滑蛋。番茄濃湯真係好真材實料，係用鮮番茄熬製而成，仲有好多蕃茄肉，所以我食到連湯都清埋。滑蛋大概九成熟，仍帶一點點嘅蛋汁，炒得非常滑。炸豬扒炸得脆口又冇帶半點油膩嘅感覺，證明佢炸嘢嘅火候控制得非常好。豬扒厚薄適中，肉質鮮嫩，沒太多肥膏，啱晒我食。阿哥就揀咗焗飯，佢話貪佢有芝士，咁又真係焗得幾靚，仲有菠蘿同埋濃厚嘅蕃茄汁，飯係炒蛋飯底，真係唔使要雞扒都已經好好食，當然加埋雞扒就更加一流啦！加$5仲有熱飲，坐得舒服，價錢唔貴，真係給我一個好美好嘅回憶啊！

今日去完公司開會後唔想咁早回家, 就係公司附近搵下有咩岩食,  見到哩間小店入去試試先。小店係小菜小炒既餐廳, 都係家常便飯, 叫左兩個晚餐小店好貼心, 有提供碗筷消毒紙比客人可以消毒餐具, 你疫情下令客人食得安心先上例湯, 例湯並唔係平時茶記既例湯, 飲到係屋企煲既味道, 無味精, 用料足韓式醬燒豬扒, 醬汁好惹味, 甜甜的, 配料洋蔥都爆到好香, 好好送飯黃金煎封黃立倉, 香脆外皮魚肉嫩肉多汁, 一D都唔會乾曾曾, 加埋熟豉油, 讚檸檬茶, 茶底好好, 唔會太過濃郁而鞋口一直堂食時, 小店店員未停過手, KEEP住有好多人叫外賣, 用心既小店值得一直支持

皇室冰廳 Royal Cafe地址：長沙灣元州街482-492號金碧閣地下14號舖我係好小煮飯, 一來放工唔定時, 又手藝唔好, 都唔會有時間去街市買材料。習慣一日3餐都係外邊解決, 方便又便宜。中式食餸架晚市餐, 由60多元起, $62 椒鹽豬扒飯, 包白飯, 一D都唔HEA WOR我自己因為重口味, 鹹香惹味架豬扒, 油爆香, 豬扒上椒鹽好惹味下飯, 配白飯就唔會顯得太濃味啦, 當然如果餐廳可以比可配菜就更健康啦。豬扒炸到收水, 要多花牙力咬開, 但勝在沒有用鬆肉粉, 鑊氣十足．食完再飲返杯凍檸檬茶先。一貫港式茶餐廳風格, 大件夾抵食, 忙碌都市人之選

今日去了長沙灣！兩個人去了"皇室冰室"食個小炒個做晚餐！我們點了晚餐套餐每日都不同！套餐有飯有飲品西檸雞汁酸酸甜甜，雞炸得脆脆！分量十分足夠！牛肉粉絲煲牛肉肉都幾香，粉絲汁好野味配飯好好味！內面的配菜有菠蘿，帶一點酸甜！😋😋😋我們加了$8點特飲椰汁紅豆冰椰奶好香，紅豆淋淋的。十分推介👍🏻👍🏻👍🏻👍🏻oreo 朱古力上面是oreo 下面是朱古力，朱古力配oreo 好夾！總結價錢抵食味道不錯

難得放假，就捉咗老公一齊去食下午茶，近近地就過對面茶記食佢嘅下午茶選擇都好啱我哋胃口乾炒牛河，份量就比平時午餐細少少，牛河炒得幾入味，牛肉都唔少，不過如果可以再淋一啲會更好吉列魚柳包，佢個賣相幾吸引，麵包好軟熟，而且個魚柳係即炸，熱辣辣幾好食，入邊仲有沙律醬，生菜，蕃茄，都幾足料試埋佢個招牌炸雞髀薯角，隻雞髀真係好大隻，味道較重，炸嘢就啱晒我哋兩個胃口，都係啱啱炸起，勁熱，配埋薯角食真係一流我鍾意老公嗰杯椰汁紅豆冰，椰汁味超重，唔會太甜啱啱好

又到晚飯時間，途經長沙灣元州街見到尼間光猛企理的茶餐廳，就入去試試一入舖店員已經殷勤招待，打開餐牌，選擇都很多，還有中有西有小菜，價錢相宜，抗疫期間，衛生清潔很重要，這裏有提供碗筷清潔濕紙巾，真係照顧周到今日突然好想食焗豬扒飯，就點了一客，只睇賣相已經合格，面層焗得微焦的芝士，內有菠蘿，蘑菇，蕃茄，豬扒太大塊設成條狀，方便食，飯是炒飯底，粒粒分明，將蕃茄汁撈飯一起吃， 十分美味，豬扒入口鬆軟，不會太硬也不會太淋，加上菠蘿的小清新，吃完一點也不感覺油膩另外朋友點了一個黑椒牛肉炒意粉，意粉炒得乾身，咬落煙韌，味道不太咸，牛肉炒得細滑有口感，加入洋蔥青椒起炒，食落更有層次感另外點了一杯特飲，雪山特龍朱古力，賣相吸引，面層忌廉很滑，香濃的朱古力加上細滑的忌廉，甜度適中，大人小朋友也十分喜歡

好耐冇食過小炒今日晚餐就食一下小炒店👍是日例湯粉葛老火靚湯，冇落味噌飲完唔會覺得口乾👍👍加$19有一碟清菜，岩曬要食得健康既我🤣🤣招牌椒蒜香豬扒椒蒜真係非常惹味😋😋每一片豬扒都充滿左乾蒜既香味，份量比想像既多啖啖肉沒有骨的😋小菜套餐跟一碗飯一個湯和一個熱飲。招牌蜜椒薯仔炒牛肉第一啖食薯仔有驚喜薯仔外面有一層類似蜜糖包住再加埋用黑椒碎黎炒甜甜地辣辣地十分開胃，炒牛肉炒得啱啱好唔會過老，送飯一流眨吓眼食晒成碗飯🤭🤭

幾經辛苦等到放寬限聚，終於可以出街食飯～想平平哋食下啲家庭小菜，就嚟到呢間皇室冰廳。佢星期一至六都有特價A-E餐，有小菜或者碟頭飯，由$59-68，有白飯同埋例湯仲連埋嘢飲，好鬼抵食！例湯係雞腳眉豆花生湯另外仲有一個晚飯小菜餐牌，款式會比較多，全部都係60幾蚊嘅套餐。我叫咗一個招牌椒鹽蒜香豬扒$62，不愧為佢嘅招牌菜，肉質比較鬆軟，但係又唔會淋啤啤冇晒口感，而且好入味～唔係一般茶餐廳嘅豬扒嘅水平！另一個餸叫咗招牌叉燒珍珠帶子炒滑蛋$65(冇叉燒改咗做蝦仁)，個炒蛋夠滑溜，火喉唔錯，保留左啲蛋汁夠Juicy!飲品方面叫咗兩杯特飲（加$8），Oreo特濃阿華田，呢杯真係必飲，極邪惡～另外一杯雪山特濃朱古力上面係一層cream，味道好似唂咕，係好甜的～