皇室冰廳 (已結業)

尋日開完一晚通宵，真係好攰，不過都好想食返個早餐之後先返屋企瞓覺！於是就喺附近搵咗呢一間皇室冰廳！好好咁嘆番個早餐先！一見到個餐牌就比呢個豬扒公仔麵吸引咗，呢一個餐有一碗雞扒公仔麵，兩隻太陽蛋，多士同埋飲品！30幾蚊來講真係好抵食！至於，呢一個嘅雞扒真係好大塊，而且煎得好香口！同埋豬扒嘅口感亦都好林！外皮就脆卜又！同埋真係超級多汁！好正！同埋呢一度嘅多士亦都好好食！我自己食早餐都好鍾意食多士，呢一度嘅多士牛油嘅味道好香！而且係厚切嘅麵包！外脆內軟咁樣❤️

今日屋企人去咗街，於是就同左細妹落樓下搵餐廳一齊撐枱腳🤣我哋兩個都比較隨意，於是就行吓行吓見到呢一間皇室冰廳，放學去嘅款式好多，重點嘅係好抵食！入到去嘅時候就已經感受到有香港特色嘅感覺，而且呢度嘅菜式選擇種類都好多！叫咗呢一個魚香茄子煲！魚香茄子煲嘅份量好多，呢度嘅魚香味道好強烈，而且茄子亦都煮得好林！非常入味！另外就係呢一道菠蘿咕嚕肉！一碟好食嘅菠蘿咕嚕肉真係會令人流晒口水！呢一度嘅醬汁，令到配料亦都非常吸引好食！連啲洋蔥亦都非常入味！而且呢度嘅咕嚕肉亦都做得好出色，大大件，但係依然可以保持入口好林嘅豬肉！

正所謂一日之計在於晨，食個早餐好提神。早餐真係每一日一定要食嘅嘢啦，平時我自己都會自己整早餐，不過今日有朋友介紹咗我去呢一間喺公司附近嘅皇室冰廳，於是就走咗過去試吓啦✌🏻✌🏻一定要試嘅就係呢一度招牌嘅真蕃茄濃湯特餐！見到好多人推介，所以我自己都忍唔住要食！呢一度嘅蕃茄通粉真係非常出色，鍾意食蕃茄嘅一定會好鍾意，滿滿嘅蕃茄肉，再加埋成個湯底都係蕃茄嘅味道！熱辣辣嘅蕃茄湯真係好開胃！而且再加埋太陽蛋，多士！就係一餐非常完美嘅早餐啦！整體來講，呢一個特餐嘅性價比好高，下次都可以試吓其他款式！

有時出街食得太多，都會好想食下一啲中菜！於是就今日去咗呢一間喺長沙灣附近嘅皇室冰廳！呢一間餐廳之前一直都有聽朋友介紹過，話係冰廳入面算係好高質好高水準，所以就走咗去試吓！晚餐嘅時段梗係要叫我自己最鍾意食嘅兩個餸啦，就係呢個菠蘿咕嚕肉同埋椒鹽豬扒！！呢度嘅菠蘿咕嚕肉醬汁好好，酸酸甜甜，好開胃！而且咕嚕肉嘅份量亦都好多，重點嘅係咕嚕肉炸得外皮好香口，但係入面依然可以保持到好林嘅豬肉！係幾出色嘅！另外就係非常香口嘅椒鹽豬扒，上面嘅椒鹽用嚟送飯一流！而且呢度嘅豬扒亦都做得好林，同埋好入味！

本身我自己都係一個習慣咗食早餐嘅人，而且最鍾意嘅就係食香港風味嘅傳統早餐，於是今日就同同事過咗嚟呢一間皇室冰廳度食早餐啦！之前都聽過呢個同事話呢度嘅早餐好食，今日一試，果然係好高質👍🏻呢一度嘅火腿蛋三文治都係好有驚喜嘅好食，我好鍾意呢一度嘅炒蛋，呢度嘅炒蛋真係炒到好香，而且依然可以保持好滑！再加埋一塊火腿，就係一個好好食嘅三文治啦！另外，當然唔少得要試吓嘅就係呢度招牌真蕃茄湯通粉！鍾意食蕃茄湯底嘅人一定會好鍾意，呢度嘅蕃茄真係好香好足料！而且連埋啲通粉一齊食，真係成個湯都比我飲晒啦！

早幾日做嘢好攰，所以早咗瞓覺，第二朝瞓到自然醒嘅時間都仲係好早，於是就可以喺公司附近食一個靚早餐先再返工！於是就揀咗呢一間皇室冰廳啦，見到佢嘅早餐都非常抵食，所以就走咗入去叫咗呢一個雞扒公仔麵嘅特餐！呢一度嘅雞扒好好食，非常大塊，而且煎得好香口，咬入去嘅時候外皮好脆，而且入面都仲係好嫩滑！當然唔少得要配嘅係多士同埋炒蛋啦！呢度嘅炒蛋都好好食，好香好滑！多士亦都係啱啱好，連埋上面嘅牛油一齊食好脆好滋味！然後再配埋一杯凍咖啡，就係一餐非常完美同埋豐富嘅早餐啦！

前日遲咗收工，於是就諗住唔煮飯，係屋企附近搵嘢食！行吓行吓之後搵咗呢一間皇室冰廳，望落去款式都好多，而且價錢好平！於是就走咗入去試吓食香港風味嘅冰廳，我自己就好鍾意食焗飯系列，所以就叫咗呢一個焗咖喱雞扒飯！呢一個焗咖喱雞扒飯真係好好食，上面有好邪惡嘅芝士，而且入面嘅咖喱汁同埋呢個炒飯底非常配合！雞扒亦都好大件，好好食！另外仲叫咗呢一份椒鹽豬扒，椒鹽嘅風味令到成塊雞扒都非常香口，而且豬扒亦都好林，同埋椒鹽嘅香味令到非常好送飯！整體來講，呢間餐廳嘅性價比好高，食物質素同埋價錢係絕對成正比，下次可以試埋其他菜式！

今日又係自己一個人食晚飯嘅時候啦，自己一個人食嘢就可以揀一啲自己好想食嘅嘢，今日心血來潮地好想食有啲中菜嘅餐廳，於是就去咗呢一間皇室冰廳食晚飯！見到晚餐有好多唔同嘅餸菜可以選擇，我自己今次就叫咗呢一個魚香茄子煲！好耐都冇食過魚香茄子煲啦，一上枱嘅時候就已經聞到好香嘅魚香茄子煲味道！上面嘅茄子份量好多，同埋呢一個魚香嘅醬汁非常適合撈飯！另外，呢度嘅茄子做得好林，好有口感，再加埋上面真係沾滿晒魚香嘅味道，令到成個茄子都非常入味！整體來講，呢間餐廳好值得大家做飯堂，有好多唔同嘅選擇，如果唔想自己煮飯，又或者諗唔到食咩嘅話，都係一個非常好嘅選擇！

有時出街食飯，都會好想得閒食下一啲小菜，而且我自己對於香港嘅冰廳都有情有獨鍾嘅感覺，於是今日就同屋企人去食飯！喺OpenRice度搵咗一陣，最後都係揀咗呢一間喺荔枝角嘅皇室冰廳，呢一間皇室冰廳地方唔算好大，不過勝在人情味十足，而且性價比好高！一定要試嘅就係呢一個招牌焗鮮茄豬扒飯！我好鍾意呢度嘅鮮茄汁，真係甜甜酸酸咁，非常開胃！而且豬排都好大塊！另外就係呢一個焗咖喱雞扒飯！炒飯底嘅焗飯真係好正，而且上面嘅咖喱汁邪惡得來有好濃郁嘅味道，鍾意食咖喱嘅一定會好鍾意！仲叫咗兩個小菜，一個係魚香茄子，令一個係椒鹽豬扒！整體來講呢兩個小菜我自己都係喜歡，而且真係好抵食，咁大份！有時唔想煮飯嘅話，落嚟食飯都真係一個好好嘅選擇！

平時我自己一有時間都會搵吓一啲好食嘅餐廳，然後如果經過嗰度附近嘅話，就會去食飯！今次好早就已經出咗去長沙灣做嘢，做完嘢之後都仲有時間可以食一份早餐，於是就去咗呢一間皇室冰廳！叫咗呢一份即叫即炸深海吉列魚柳早晨全餐！呢一個早晨全餐真係非常豐富，有好好食嘅吉列魚柳，呢度嘅魚柳炸得啱啱好，而且入面嘅魚肉依然好滑好香嘅魚肉味道！而且呢個早餐亦都有好多唔同嘅配料，基本上30幾蚊來講真係非常豐富！再加上，呢度嘅多士亦都好好食，好香嘅外皮，而且上面加埋牛油一齊食，令到成個多士都好香好好味！朋友就叫咗呢一個真。蕃茄濃湯特餐！呢一個蕃茄濃湯真係好好食，我自己都試咗一啖，好香嘅蕃茄味道！鍾意食蕃茄嘅人一定會好鍾意呢一個早餐！

今日去咗呢一間喺荔枝角附近嘅皇室冰廳度食下午茶，本身之前都有聽過呢間餐廳好好食，今次都係第一次過到嚟呢間餐廳食飯！整體來講我自己都好喜歡😌😌首先叫做一份係傳統嘅港式冰廳入面好出名嘅菠蘿油！呢一度嘅菠蘿油亦都好好食，非常脆皮嘅菠蘿包！而且熱辣辣嘅時候真係好正，再加埋入面有好大塊嘅牛油！牛油嘅香味同埋呢個菠蘿包真係非常之配合！而且因為呢個菠蘿包係已經熱辣辣，所以令到呢個冰鎮嘅菠蘿油可以溶咗喺個包入面！另外就係呢一份吉列魚柳包，真係非常大塊嘅吉列魚柳！而且呢個吉列魚柳好好食，炸到外脆內軟！入面嘅魚柳亦都好香，而且仲要係好Juicy!

今日做嘢做到超級忙，食lunch時間都冇，於是下午茶嘅時候，就梗係要同同事落去放鬆一下啦！見到呢一間皇室冰廳好似都幾吸引咁，所以就走咗去試吓！呢度嘅下午茶款式都好多，而且全部都係香港風味嘅下午茶，所以都幾有特色！我自己今次就叫咗呢一個邪惡朱古力厚西多🤤一見到呢一個西多士擺咗上枱嘅時候就已經流晒口水，同事話好邪惡，不過冇辦法，真係太吸引！😌上面嘅朱古力醬好甜，但係甜得來一啲都唔會好漏，而且呢度嘅西多士切開左之後入面仲有滿滿嘅花生醬！加埋糖漿牛油一齊食，真係食得好滋味！

尋日返工好攰，所以就偷雞走咗落樓下食下午茶，我都食下午茶我自己就好鍾意去港式嘅茶餐廳入面食飯，因為可以又抵食又地道！於是就走咗入去呢一間皇室冰廳入面啦，下午茶嘅選擇都好多，我自己最後就揀咗呢一份芝士吉列魚柳包！大大件幾吉列魚柳包都只係$35 ，都算幾抵食！而且，呢塊吉列魚柳真係好好食，上面嘅吉列炸粉真係落得啱啱好！依然可以保持到外面金黃鬆脆，不過入面係好香好Juicy嘅魚柳！加埋少少黑椒，就係一個好好食嘅吉列魚柳啦！整體來講，我對呢間餐廳都幾滿意，食物質素幾好，而且好抵食，下次都要試吓其他唔同嘅菜式先得！

早排見到有人喺社交平台上面介紹過呢一間皇室冰廳，而且我知道呢一度主要都係平民價錢，不過食物質素好好，於是今日就同屋企人過咗嚟呢度食晚飯！果然，夜晚嘅時間都算好多人，不過唔駛等好耐就可以入座啦！叫咗一份我好鍾意食嘅椒鹽豬扒！呢一度嘅椒鹽豬扒亦都好好食，椒鹽嘅味道好香，而且呢個豬扒煎得啱啱好！同埋呢個椒鹽一齊食真係好正！少少辣辣地嘅味道，非常香口！另外就係呢一度嘅招牌菜，就係呢一個招牌焗鮮茄豬扒飯！呢一個焗飯係炒飯底，好正，而且上面嘅鮮茄味道好香，酸酸甜甜咁好醒神！

今日係一個好休閒舒適嘅一日，同男朋友冇乜特別搵行程，亦都冇特別搵餐廳食嘢，好隨心咁行到邊度就去邊度食嘢🤣於是就咁岩去到荔枝角附近，行吓行吓就走咗入去呢一間皇室冰廳度食飯啦！見到呢度重點推介嘅都係焗飯，所以同男朋友就各自叫咗一份試吓！焗鮮茄豬扒飯。呢一個先茄豬扒飯好好食，一上枱嘅時候就已經聞到好邪惡嘅芝士，溶咗入去豬扒上面！而且呢度嘅豬扒亦都好厚切，咬落去嘅時候亦都好林！係好好食嘅豬扒！用炒飯底做嘅焗飯係好出色嘅，加埋鮮茄嘅醬汁好足夠，所以非常美味！焗咖喱雞扒飯。呢個焗飯亦都好好食，我好鍾意食呢度嘅咖喱汁，咖喱汁嘅辣味啱啱好！整體來講，兩個焗飯我都好鍾意，就睇吓視乎鍾意食蕃茄汁定係鍾意食咖喱汁！