皇室冰廳 (已結業)

位於長沙灣元州街482號金碧閣地下14號舖的皇室冰廳 (Royal Cafe)，主打港式茶餐廳食物。茶餐廳下午二時至六時提供下午茶，約三十多元一客，包一杯熱飲。點了一客揚州炒飯，炒飯即點即製，熱騰騰，味道頗為鹹香。配料有叉燒粒、蝦仁粒，炒飯份量充足，有不少附近上班的男士來吃午飯。點了一杯特飲 雪山特濃朱古力，賣相頗美觀，朱古力味道頗濃，份量十足。朋友則點了一個全日餐 B，包括有 特濃沙嗲牛肉麵 配煎雙蛋 及牛油厚多士。本身是配火腿奄列，朋友轉成了煎雙蛋。沙嗲牛肉味道濃郁，一點也不韌，公仔麵也不會煮得過軟。牛油厚多士外面脆，裡面軟熟。整體味道不錯。朋友點了一杯熱茶走，茶走即是熱茶加煉奶，茶味香濃。

附近開了一間新的冰室店內空間不算大，但店內的職員會與客人交談與街坊相當熟悉，頗有人情味晚飯小菜餐牌有16款選擇每款的價錢已包含熱飲、白飯及例湯凍飲+$3，特飲+$8相當經濟如需另加白飯+$10，另加例湯+$5例湯均不含味精的是日例湯是青紅蘿蔔海底椰排骨湯很少例湯會加入椰子，比較特別，又好飲沙拉豬扒 - $65酸酸甜甜的，相當開胃豬扒炸得恰到好處，不會太硬，又不油膩日式燒汁茄子牛肉煲 - $68煲類一般比較油膩，但這個例外牛肉也很軟熟，易嘴嚼，不韌烹調手法比較健康白飯的SIZE大概這樣，很大碗，不用另加白飯加了$8轉了兩杯特飲OREO特濃阿華田OREO特濃朱古力上面很多OREO餅碎底部有些已濕透沉澱的OREO餅碎味道真的十分濃烈—正！附上其他餐牌供大家參考

機緣巧合之下經過左長沙灣呢間「皇室冰廳」，望到門口個dinner menu見有湯有飯有主菜有野飲都係$60-70蚊， 都幾抵食所以一於試下。一坐低已經拎湯過黎比我地飲，呢晚係冬瓜薏米豬骨湯，好清，無咩油。平時好驚餐湯太鹹，呢碗個調味適中，真係可以飲晒落肚～一邊飲湯嘅同時再睇menu，發現除左每日有唔同餐之外，仲有好多小菜可以揀，款式比想像中多！最後我地揀左星期一E餐嘅椰香咖哩雞煲，仲有蒸土魷肉餅～ 野飲分別要左熱檸檬冬瓜茶同埋熱桂圓紅棗茶。1️⃣ 椰香咖哩雞煲一上檯就聞到好香！食落口都係好香，調味真係覺得岩岩好，有椰汁同咖哩嘅香味之餘，唔會辣唔會鹹🙆🏻‍♀️ 個汁撈飯食正😊 另外想讚個薯仔，夠淋之餘唔會過淋而爛晒👍🏻2️⃣ 蒸土魷肉餅目測唔少人都有嗌到肉餅😁 蒸得岩岩好，肉有咬口、無蒸過龍🙆🏻‍♀️ 本身土魷加上豉油調味，味道都係岩岩好，同飯食一流👍🏻我平時夜晚唔太食飯，但呢晚我KO晒成碗🤣🤣 2杯野飲都好足料，好夠濃，甜甜地，好飲☺️☺️同行屋企人平時對味精都比較sensitive，佢食完之後話無覺得口渴，相信皇室冰廳呢度嘅野食係無加到味精嘅！😊😊 整體好滿意，職員親切，野食好味，份量充足，價錢都合

皇室冰廳今日去開附件做野，見到有間冰室當然又係食個飯既時候啦番茄魚麵好濃的番茄味. 而且是有好好多番茄粒. 原來係用上魚麵，食落爽滑彈牙，魚麵佔魚肉嘅成份較多。炸吉列豬扒常餐我最鍾意食嘅炸豬扒！炸物水超高。炸豬扒肉質纖維較鬆散，咬落去Juicy得來又夠腍，入口即溶，又唔會食到你成口油

平時夜晚有時都會去茶餐廳嗌兩個小菜同朋友share食，唔係間間抵食，今次食嘅呢間有水準，值得推介！店員推薦我地食土魷蒸肉餅，我本身都鐘意食肉餅，二話不說就揀好一樣餸，即叫即蒸，所以都要等一陣～肉餅肉質有彈性，加上面頭嘅魷魚乾，更加有口感！份量剛好，好有家的味道，正～另一碟餸，沙拉豬扒，呢樣餸就難啲自己整，酸酸甜甜嘅醬汁好好送飯，沙拉醬同酸甜汁好夾，豬扒軟腍入味，肥瘦適中！跟餐嘅冬瓜湯清清地幾好飲～～

離開了工作後， 去大排檔機會少之又少，今日到長沙灣體育館打球後有點肚餓便走進了位於元洲街的《皇室冰廳》環境乾淨企理，地上乾爽，用具整潔，整體滿意，沒有痴立立 ～ 套餐也不少，不用每天都重複職員人數足夠，落單敏捷態度滿意價錢來說都划算，約50 元套餐連無味精湯，當天還要是滋潤的木瓜雪耳豬骨。但因小妹懷念以前日子，於是挑選了馬來炒貴刁 HKD 48 貴刁須雖然容易卻不是間間都好。 餐廳都有應客人要求加辣～ 而咖喱粉都覆蓋了麵條，均混而乾身，碟底只留有小許油份。內有叉燒、洋蔥等等材料，回味🙆🏻‍♀️雜果賓治 HKD 12 用橙汁作底，杯內也放了很多什果，又解渴又有果肉。立即降溫了 ！

似乎長沙灣家家戶戶都知道呢間茶餐廳健康好食，一到晚上7點30開始就全場滿坐，不停有客入黎食野。兩人簡單食左2個餐，老闆好好人咁送湯，又按照第一位客人睇緊既餐牌建議今晚既好菜，老闆娘招呼周到。68hkd 日式茄子牛肉煲 + 10hkd 白飯+8hkd 雪山特濃朱古力特飲 今日有湯送白飯滿滿的，茄子煲配料多， 菇類，洋蔥，青椒等等， 配料爆得好香， 牛肉夠油夠多，茄子不會太咸，夠入味， 雪山特濃朱古力好抵飲， 一路食住熱野一路飯，正。56hkd 茄汁焗豬扒飯呢個比大家樂唷好大塊既茄汁焗豬扒好食得多，用既飯唔係白飯，係炒香過既蛋炒飯香，茄味特濃，多汁，食到最好一口飯都仲有好多茄汁，對//茄汁控//感覺岩岩好。中湯夠濃，紅蘿蔔，排骨，陳皮等等， 雖然一碗份量唔多，但係老闆會主動問你，洗唔洗加多一碗，呢d就係食出人情味，下次會再黎，同多幾個朋友介紹冇味精，但有人情味既小本經營良心茶餐廳。

今日係附近間「皇室冷廳」食lunch，見個皇牌焗飯系列太吸引，仲有得揀豬扒、雞扒或魚柳，都可轉焗椰香咖哩。焗飯需要等10分鐘，亦都準時出餐俾我，焗完真係香噴噴，睇見面層個芝士焗得幾靚。豬扒超大塊，仲大過塊面，而且細心地切塊，再拎去焗，唔使刀已經好方便進食。豬扒厚薄適中，肉質嫩彈，易咬且多肉汁，但又唔會整濕個飯，加左芝士更滋味，新鮮蕃茄微酸帶甜，配埋多汁菠蘿，好開胃美味。最正係雞蛋炒飯底，焗飯先會更好味，焗完都會夠乾爽好咬，粒粒分明。整個飯份量足，食完夠飽肚，味道又好，配熱飲 +$5，熱奶茶好味，個茶底香濃有茶香，而且唔澀，奶又夠滑。當日lunch set太受歡迎，有d已售罄，要食真係要早少少去，見包埋靚湯，幾吸引。

放工個時去到荔枝角等朋友放工 跟住我地一路行一路搵食 朋友想話食小菜 結果係餐廳門口見到60蚊有小菜 飯 湯同野飲既餐覺得唔貴就入去試下兩個人睇睇個餐單都簡左好耐 除咗小菜仲有全日餐同埋意粉焗飯 真係好多選擇結果我地叫左三個小菜餐係大家都鐘意食既 首先上場既係今日例湯 粉葛湯完全冇加味精 我朋友一個人飲咗兩碗 趁熱飲會好味道d主菜上場 香煎芙蓉蛋角 （$62/餐）老闆娘好快手俾咗兩大碗白飯 芙蓉蛋角一上場見到d蛋 金黃色十分吸引 入面有洋蔥蝦仁 火腿 叉燒 芽菜 非常之足料 加咗芽菜嘅蛋10分爽口 鹹嘅程度都好適中 超好撈飯第二係 老闆娘極力推薦嘅椒鹽蒜香豬扒（$62/餐）用上炸過既蒜粒 基本上每一啖都充滿蒜香 豬排又唔會過多肥膏 好多肉食 最後 密椒薯仔炒牛肉 （$68/餐）牛肉唔會好韌 洋蔥吸曬黑椒同蜜糖既味道 仲有薯仔係煎到外面好脆 入面好腍 恰到好處 我就叫左杯熱檸水 朋友叫左杯凍檸茶 茶低唔澀 幾好飲總結：-60蚊左右 有足料小菜食 性價比算高-餐單多選擇 😍-老闆娘服務態度好 好親切-會再回頭光顧

本身系長沙灣行緊街，行下行下有d肚餓🐽，想食d港式小菜，行過見到衣間冰室幾靚，仲要寫住係皇室食架喎，就入去試下佢有無皇室既水準入到去坐低，非常之乾淨企理（因為本人十分害怕污漕既茶餐廳，食野都唔開胃~）系衣度食野完全唔洗擔心衛生問題，先俾一個讚俾d餐牌大家睇下先~寫住叫碟小菜跟餐有野飲、有湯、有飯，都只係要$60多d系翠華單點一個小菜都要$70以上。正如餐牌所寫，一個字《抵》第一樣里既係是日老火湯超級超級鮮甜平時要番工，番到夜晚9點，所以基本上好少飲到湯，仲要係高質老火湯，好感動丫唔洗多講，都可以見到佢有幾真材實料靜係為左個湯，我就已經想再里食過。如果我住系長沙灣，一定日日落里飲啖湯，補下身第二樣朱古力差唔多飲完碗湯，杯朱古力就里啦佢一里既時候，我surprise左一下，無諗過咁平既價錢叫一杯朱古力，會有咁多cream系上面架Cream + 朱古力 衣個組合真係無得輸飲落去嗰下，一如我所料，真係幾好味不過飲完衣一杯，細胃王既我表示已經飽飽地~主菜終於里啦，醬爆茄子脆魚柳煲一煲熱辣辣既魚香茄子，煙一直系度向上升，一定係岩岩煮起，唔係大家樂嗰d左夾右夾就一碟。本身真係飽飽地，但係咁香噴噴之

話說同個朋友出街揸車經過見到呢一間新開既冰室 見到門面光猛乾淨 就決定同朋友入去試一試 因為我哋兩個真係太肚餓啦所以我地兩個嗌左三樣野1: 大大隻生炸雞髀 雞髀炸得酥脆，唔油膩，夠多汁唔係嗰啲 炸到乾晒既雞髀本人表示雞髀真係滿分2:密椒薯仔牛柳粒 呢一道菜又係本人最喜愛之一牛肉夠淋，但唔係嗰啲嗱到淋晒，食落一pat野嗰啲，牛肉薯仔同洋蔥加埋一齊簡直係天堂既美食真係好好味呀3:蕃茄焗豬扒飯 呢個係朋友食既，當然為食既我都有整左幾啖黎食啦炒飯夠乾身，豬扒都夠淋，仲有我最愛既蕃茄大大粒所有套餐都有湯有野飲送，食物都夠大份所以都好抵食絕對可以一試，我同朋友仲諗住聽日再食過

夜晚同朋友一行三人係長沙灣搵食，見到間新既茶記，二話不說走入去試下，鋪頭地方唔算大，環境乾淨坐得ok舒服。我地總共叫左三個小菜，整體唔錯，份量適中。椒鹽豬扒，外面夠乾身香口，咬落入面仲有肉汁，唔會太乾。蜜椒薯仔牛柳粒，香甜有肉味，薯仔有咬口，有誠意之作！醬爆茄子炆魚腩煲，上枱既時候仲bulubulu咁滾緊，咸香味濃，食左好多飯順帶一提，佢個例湯都幾唔錯，不過我唔記得影相，我呢日飲晚既係西洋菜湯，飲落幾有媽媽 feel❤️

同fd 一齊收工行經長沙灣青山道，發現新開左間皇室冰廳。見到座位舒適、幾乾淨，所以入左去試下。等左一陣就有位la。我地叫左一個西冷大蝦會意粉，份量不少啊！而D 西冷又淋又juicy。大蝦都唔錯。另外，叫左個茄子魚柳煲同生炒骨，D 排骨同魚柳炸得剛剛好，外脆內軟。正最後，點左個沙律，沙律味道清新，正合胃口。呢間D 雪山特濃朱古力，面頭放咗好多朱古力粉，飲落啖啖濃郁朱古力值得一試。滿足的一餐

平時好中意食茶記，呢間真心正！食過一次下午茶，係沙嗲牛肉麵，好好味，之後我收工連食咗五日。晚餐啲湯好有家的感覺，無味精！六十幾蚊有湯有餸有飯有野飲，味道剛好，感覺廚師係真係有用心煮！另外老闆都好好人，一家人一齊開檔感覺好溫馨！

本身今日諗住落嚟探個老朋友，就搵咗啲嘢食咗先，其實平時都有喺附近食開野，不過今次就試吓呢一間新嘅冰室，本身我好鍾意食炸雞比，所以就叫咗下午茶餐招牌雞髀配沙律試吓，估唔到出乎意外好新鮮，雖然等左都大約15分鐘，但係因為職員話啲雞髀係生炸，即叫即炸，所以冇辦法啦為咗食好野，梗係需要時間等待，真心好好食，超好食🤗😊😍如果大家喺附近搵下午茶可以考慮試一試，有時食嘢唔係睇價錢，而真係視乎間餐廳有冇心整嘢食出嚟比客人😌呢間我會再黎！