影片
工人姐姐放假，「无饭食」，试吓呢间，睇吓晚饭小炒得唔得。 拣咗～头抽干炒牛河，姜葱枝竹鱼云煲，马拉盏炒时蔬（通菜），冻柠茶同啡。无谂住写呢度，所以呢张相嘅份量系「笔」咗二碗仔之后嘅份量，镬气系够，牛肉都淋有咬口，但虽然系头抽，但味道偏啖口。$56算ok.真系好耐无叫过呢道菜～姜葱枝竹鱼云煲，因为好多系炸定先，一系就唔新鲜，呢个一放完睇得出，食材系新鲜整出嚟，包括腐竹，鱼云炸得刚好，脆口但唔油腻，如果味道再『重』小小，就完美.$148马拉盏炒通菜～放低「啫啫」向，有啫啫通菜feel, 因为佢嘅「身价」之高，所以我特别认真去食，第一啖有咸香味，菜梗食落「脆」口，唔硬，系几好食，我同女友咁讲，佢拧晒头话，系咪因为个「价钱」，你要咁样『安慰』自己，笔竟承惠$128，佢话街市买十几廿蚊食到你⋯⋯🤣谂住悭悭地一餐，承惠$343非一般茶记系指⋯⋯回头度：6/10
继续阅读
一开始叫咗个西多，等咗20分钟都未有， 追单𠮶阵佢话冇油冇得炸西多，要转 order 😅 咁之后就转咗叫豉油王炒面， 佢又上咗个干炒牛河😅 前前后后搞咗差唔多40分钟。。。 平时其实都会间唔中嚟食因为都ok， 不过经过今次之后唔会再过嚟🙏
继续阅读
知道有间新嘢 走去试下下午茶 茶餐 葱油猪扒捞丁+ 火腿奄列+ 丹麦牛油烘多士 一上枱见到个猪扒好似好干 谂住应该唔好食 点知咬落去个猪扒系脆边 中间完全唔干 同埋个猪扒唔似出面餐厅成张纸咁几厚， 出乎意料好食 食得出 腌得好够味。 佢跟过丹麦牛油多士 好过出面食白面包𠮶D 几好食， 奄列就一般般啦 个蛋比较熟咗少少 算系有心机嘅餐厅， 杯柠檬茶大杯我钟意！另外叫咗 厚餐肉蛋治 正正常常 冇乜特别重点见到隔离 有两三台叫咗干炒牛河 望到啲河粉几靓 河粉唔系好粗好厚身𠮶种 炒得好似几有镬气 下次会试下.啲阿姐服务态度几好 环境算企理ok
继续阅读