皇后餅店 (已結業)

尋日o係度買左3樣野當lunch：1) chocolate scone ($5)- 冇乜chocolate之餘又幾硬, 唔得！早之試chocolate muffin2) 蘑菇火雞包($6)- 幾好食，雖然火雞肉少但都幾特別。3) 朱古力小熊包($8)- 呢個真係好正，完全滿足晒我o既朱古力慾望，包入面係有ｄ好似chocolate mousse(但唔會太creamy太膩) 成日經過見到都想試，今次終於可以試下！以為賣相得意o既包就唔多好味，但我覺得好好味呀其實in general呢度o既麵包都幾好食，價錢同美心、東海堂相若，如果多ｄ分店就好喇~

香蕉切係香蕉旦糕..ok喎，唔係太甜..都好有香蕉味，大大舊都幾扺架

20061215最近它在蘭桂坊的和安裏開了分店，店面小小的，非常低調，走過時並不為意。今晚做瑜伽之前剛好路經，又腹中空空，便駐足留連片刻，買了一個比女孩子手掌還要小一圈的煙囪包。相信這一得名完全是由於它的外形，餅狀的包身，圓心部分高聳起一隻小圓柱，大拇指一般的直徑，可能只有迷你世界的聖誕老人才能嘗試鑽入：）包身外側有薄薄的一層糖粉，內裏有些像十字包的質地，淡淡的帶點麥香的甜味，煙囪與包身之間中空，填滿了滑滑的忌廉，三個部分甜度、質感都截然不同，咬在嘴裏十分趣致，不過總括來講還是太甜了些。平心而論，有特色的包種類不多，又貴過人。以後要再幫襯，也唯有對自己說這價錢中含有感情分與懷舊分了：）P.S.中環鋪的姐姐服務態度幾好，大家不妨試試。

咖喱雞包($5.5)-麵包好軟，咖喱味適中，雞肉又多，好味！

試過皇后飯店D 德國芝士餅咁好...特別日子買左個藍莓芝士餅慶祝下...仲好味過個德國芝士餅...芝士蛋糕超滑...又香芝士味..好正呀..餅底又香又實..唔會一切就散哂..上面D藍莓大大粒..一食就知好新鮮..好甜..一D都唔酸..配埋藍莓醬同少少糖粉...絕配..!!180蚊一個.係比美心, 聖安娜果D貴..但質素真係無得比!以後買蛋糕都會幫襯皇后餅店..GOOD!

有人生日, 朋友臨危授命, 負責買個birthday cake, 最後竟捨COVA而取皇后. Blueberry cheesecake賣相雖平平無奇, 但口感幼滑, 芝士味濃, 藍莓及醬的比例適中, 好味, 主角都幾滿意. $180個夠十幾人食, 抵.

其實呢度除左蛋糕,D蝴蝶酥都好好味架!甜度適中又鬆化,而且又平,值得推介架~

對喱間餅店感覺幾好,有D"車厘哥夫"feel.佢冇宜家D新式餅店o既花巧,以實力同味道取勝.最鐘意食佢D蛋糕同鬆餅,尤其喱個"什果切",用左好多什果乾(如提子)尼做,隱約食到有合桃成分,材料同蛋糕成分超過五五之數,落料非常重手,由於太過多料,佢o既唯一弱點係偏甜,請注意.

最近不想吃太多，於是早上經過這兒便入去買個包當午飯。有時買提子麥包，脹卜卜軟軟熟熟，沾花生醬吃都幾好味。麥西哥包則只屬一般，冇乜味。今日買了個火腿蛋包，味道太濃，清清地當減肥又幾好噃！下次想試吓個腸仔包！

每次經過皇后餅店都會心思思忍唔住買一件香蕉切。香蕉切其實即是厚切的香蕉蛋糕。我喜歡它厚實的質地，綿密濕糯的口感，不是鬆散乾固的蛋糕可比。且厚厚的一大件，捧在手和吃在口都很有滿足感。PS 無印良品的香蕉蛋糕也是我的心水之選，它的外表有點像印尼的千層糕，$12一件也很好吃。

我o黎過幾次, 都係態度好差, 黑面唔再講, 仲要找錢時將錢拋o係枱上, 勁悔氣! 同埋o的包又唔多值咁貴, 翻食吸引力大減囉。

一向都知這間皇后d售餅員出名- 態度差.昨晚26/12趕時間咪是是旦旦入左去買d麵包回家...可惜都係無改變- 態度勁差. 好心啦....christmas人地都係開開心心啦...何況人地入去買野之麻..唔使咁既態度啦, 以後幾趕時間都唔會入去買野.

最喜歡皇后餅店既煙囪餅.....面係用蛋糕做成內裡係cream底部係牛油皮包圍個餅...一個餅可以食到軟, 鬆加脆...正正.不過這間d店員就態度麻麻.....美中不足

因為要返學, 所以成日過左去個邊買麵包返學, 但d 麵包, 唔係幾得. 因為佢d麵包係交黎, 所以一d都唔熱, 仲要好凍, 又硬. d味道唔多得. d muffin仲唔掂!!! 我rather比$11去Mrs. Field度買muffin食好過, 人地起碼都足料.

憐憐所提及既呢款蛋糕我都食過,個名叫煙囪蛋糕,我諗係因為中間有塊凸起部分似煙囪,故有此名。雖然蛋糕唔太軟,我覺得味道都ok,咁我都唔係硬親都唔鍾意(例如我好鍾意硬既芝士蛋糕),只係雪芳/紙包等蛋糕唔可以太硬,而煙囪蛋糕其實又唔算完全蛋糕得晒,我當佢係撻咁食。不過我覺得美心既好味d !