皇后飯店

营业中

休息中

開業於1952年嘅皇后飯店朋友介紹下去試吓真係超級推介俾大家🤩🤩.餐廳內部裝修都好有歷史嘅俄式懷舊風但係keep得好簡約舒服☺️.午餐叫咗紐西蘭肉眼扒配白菌紅酒汁🍷$128🥩肉眼扒叫咗五成熟出邊好多西餐廳其實好多時候都會overcooked但係呢間係啱啱好五成熟🤩🤩👍🏻仲要係靚牛扒🤤食落非常幼嫩smooth入邊仍然keep到好Juicy🤩🤩牛味相當濃郁！食完係會即刻有衝動返嚟再食！😝😝.是日餐湯係魚茸香草🌿忌廉湯飲得出唔係出邊普通忌廉湯係特別烹調出嚟 有魚茸嘅鮮味🤤 幾特別😇

我一直有去此餐廳食嘢，可以算係街坊熟客。雖則價錢並不便宜，但食物質素還好。我巳在此餐廳吃過超過20次，每次都有要求薯條另上，因為唔想啲汁沾濕啲薯條。每次其他的女waitress都一樣如常給我安排薯條另上。所以我覺得在此店吃飯有份人情味，侍應會為客人安排額外要求。可惜，上星期日中午再去吃午餐時，向肥仔waiter落order,誰知道收到無理對待。佢一聽到我要求薯條另上，就即刻拒絕並黑面向我說我哋餐廳從不會有這樣的安排。但我同他講，我每次也是這樣要求的。接著他黑住面好像要搵我尋仇咁對我大聲講，我哋從來不會這樣做，今次只同你額外做一次，下不為例。不停同我理論。我屋企人叫他收聲，我哋只想靜靜地吃餐飯，為何肥仔咁囉嗦咁激，好似嗰客做錯左野，真痴線！😡😡一間食店要站得住腳，不緊要食物質素好，待應嘅服務態度也很重要。我同屋企人對肥仔嘅服務態度極不滿意，他似趕客多啲！👎👎👎👎👎👎咁啱得咁橋俾我我聽到，我隔離枱投訴佢見到有一個顧客要求換凍檸檬茶因為入邊有一隻蚊飛了進去；可是待應大過份，將此杯有蚊既凍檸檬茶俾其他枱既食客飲。🤮🤮🤮吾緊要，我同屋企人決定以後也不幫襯此餐廳。吾食呢間，還有好多其他選擇！

今日難得同屋企人食lunch，就帶佢地黎好耐冇食嘅皇后飯店啦。以前食皇后飯店喺太古城就有，可惜太古城店好多年前就冇搬左黎港運城。餐廳位於港運城嘅地下，算係自成一角。 午市餐牌都有好多種唔同嘅懷舊西餐可供選擇，包括牛扒、焗飯/意粉、咖哩、魚甚至沙律等等。價錢都比以前食貴左唔少，百物騰貴係咁上下啦。========================懷舊西餐落單時只會問客人要咩湯同食咩餐，餐飲通常都唔問住等客人食到七七八八先order。先黎嘅係餐包同餐湯，有我最期待嘅羅宋湯。以前皇后飯店嘅羅宋湯比較濃稠，今次飲味道都夠辣不過冇左以前果種濃稠。蒜茸新西蘭西冷牛扒 $125由於我同屋企人叫左同樣嘅餐，店員好細心咁詢問我地邊位想食瘦少少果塊，態度值得一讚。牛扒好大塊配薯菜都夠飽，煎得火喉岩岩好，外皮少少脆身，唔會過熟同生。蒜茸汁夠惹味，好食！食完配番杯凍檸茶岩岩好！ 皇后飯店📍北角丹拿道51-61號港運城地下G22號舖

今日去北角做野，同事話未食過皇后飯店，我自己就喺又一城食過一次，感覺幾好，今日再次試下北角呢間分店。午餐平均$100以上，叫個扒感覺好似抵食d😆我叫左一個美國牛肩肉配意粉，有餐湯，餐包，同餐飲，$125再加一。餐湯我叫左羅宋湯，ok，唔辣，我好怕d羅宋湯勁辣，所以呢個好味😋。餐包鬆軟，但我只食左一半，因為驚太飽食唔落個主菜😂主菜上左，好大碟，個牛肩肉好淋好好食，份量都好足，意粉份量偏少，但都足夠，仲有一d配菜，如脆肉瓜，車厘茄。食到尾真係好飽，食淨少許配菜，同行朋友都食唔晒。坐得舒服，傾左成個幾鐘都無趕我地走，滿意😊😊因為太肚餓，忘記影相😅

經過Queen’s cafe好多次，今日lunch hour就黎試試。Queen’s cafe歷史悠久，1952年開業到宜家，做嘅係港式西餐。餐廳裝修都算有格調，傾計食飯都好舒服，午飯時間有唔少lunch set選擇，百幾蚊唔算貴。Lunch set先來餐包同湯✅餐包夠熱夠軟，好食😉羅宋湯都唔錯，不過飲飲吓會有啲辣。唔食辣嘅未必啱飲。Main叫左個咖喱雞+意粉✅咖喱食落係港式，都幾好食，雞都好滑。😐意粉好乾，連咖喱汁食又唔算好入味，下次再食咖哩雞都係跟飯正d。連飲品$112+10%，ok丫

在北角臨時決定要吃午飯下，選了一間位於港運城內的Queen's Cafe !!聽說這是香港很早期的俄式西餐廳。裝潢頗有氣氛的，座位也滿舒服星期六都有Lunch Set，有10款可以選擇。而且每個餐都有餐湯+主食+飲品，大約$112起來到這裡當然要選擇羅宋湯吧！因為聽聞這餐廳傳承三代，羅宋湯做法依舊。微酸的番茄味中有帶甜的味道，當中還有西芹、椰菜等~配上軟熟的餐包吃剛好。我選的是 - 扒美國牛肩扒時菜 ($125)沒想到會有兩大塊的扒呢！而且口感很軟嫩，肉香也很濃厚喔！唯一不喜歡的是翠玉瓜 (我不吃的 Orz另外薯條雖然不是很香脆那種，但也不是軟爛的。朋友點的是 - 俄國串燒黑椒牛柳 ($125)醬汁少許辣的更添惹味～這牛柳雖沒前者那麼嫩，但就肉味來說會是再濃厚一點！最後餐飲是凍檸茶～糖漿是分開上的，這點不錯。我選的咖啡則是很香滑，奶也是分開上。

於北角港運城內一間俄式西餐，很久 遺忘一間餐廳 ，其實在家中搜查openrice 美食 ，決定今天去品嘗一下午餐選了本人喜歡吃豬扒點了蒜蓉豬扒薯菜餐湯也選了羅宋湯正宗的羅宋湯應該有肉、甜菜根、捲心菜、塊根類蔬菜、洋葱、番茄醬、醋和糖，而「烏克蘭」羅宋湯的食材則包括肉、捲心菜、土豆、甜菜根、番茄醬、胡蘿蔔、歐洲防風草、洋葱、培根、黃油、醋和大蒜，並以酸奶油和切碎的歐芹做裝飾。烏克蘭羅宋湯現被視為正宗羅宋湯的另一個版本，也是當今目前最出名的一種羅宋湯。這間店羅宋湯味感是非一般餐豬排2大塊，配菜有甘筍條，脆肉瓜，東菇，青豆，反茄仔，份量也適中，還有薯條豬扒厚度如果脆厚一點比較有口感，淹味一般，蒜蓉汁也清淡一點配薯菜份量很足夠，應該是即來即煮，味清淡而有各蔬菜甜味ok最後一杯餐熱咖啡，熱度濃度也剛好地址:北角丹拿道51-61號，港運城地下G22舖

Lunch set A黑椒牛柳Black peeper beef tenderloin ($125)配餐湯 麵包 加嘢飲蕃茄羅宋湯 俾咗好多嘅蔬菜 而且蕃茄味都好濃 黑椒牛柳牛柳叫咗medium 切開肉入面係淡粉紅色 睇得出肉質唔錯 而且食落幾軟又冇筋 都有牛味牛肉本身冇咩調味 所以配埋黑椒汁食就啱啱好意粉就係普通意粉 冇咩特別Lunch set唔算話好貴 有麵包餐湯加嘢飲 喺港島區來講 算係幾抵食

皇后飯店除左係一間黃店其實佢更係一間香港既老牌俄國菜西餐廳皇后飯店係北角港運城開左咁多年奶油包一家都只係路過多未試過入去幫襯佢反而其他地方既皇后飯店奶油包就有幫襯過好似以前係太古城既皇后飯店同埋係又一城既皇后飯店奶油包媽媽話咁耐冇坐低好好食餐西餐順便補祝奶油包生日(補祝3個月前生日既我)就決定去幫襯一下皇后飯店皇后飯店門面已經見到好有老牌西餐廳既感覺室內裝潢好古色古香仲有一個電話亭MENU方面就有10個Lunch Set奶油包一家分別叫左皇后什扒，紅酒燴牛尾同左香草忌廉汁煎魚柳講個Main Course之前一定要講講個餐湯比較正宗既俄國菜既羅宋湯好飲係常識皇后飯店呢間港式化左既俄國菜既羅宋湯都唔錯足料外仲好夠味反觀個忌廉湯真係好。難。飲又唔咸又冇味完全係錯誤既選擇個餐包就好鬆軟而且上枱前應該有熱一熱暖暖地好好食講完個湯就要講一講3個Main Course皇后什扒簡直係大份夾抵食牛扒，豬扒，雞扒，煙肉同蛋一個餐可以食到咁多樣肉真係好抵食而3樣肉入面最好食既竟然係豬扒唔會太鞋之外仲好入味雞扒就最失色而個牛扒就太多筋紅酒燴牛尾方面份量都係好多肉都好淋身蘿白都好入味感覺上比什扒更好食香草忌廉汁

同事小聚會🙆‍♀️揀左皇后餐廳 幾次想黎食lunch但walk in都冇位 今次終於book左黎試下😋Lunch menu價錢屬中上🧐.我地大部分人都叫左A餐牛扒 配羅宋湯👍可以選擇飯/意粉/薯菜睇過評論後我就決定左薯菜羅宋湯果然冇介紹錯 羅宋湯味道好濃 對於重口味既我剛剛好👍個湯亦非常足料 好有誠意有大大舊肉啊😍一般煲湯既肉會比較韌 但好有驚喜呢個羅宋湯味道濃郁之餘肉煮得都恰到好處😋推介推介👍👍👍.之後輪到我地既主角牛扒 本來以為會比我地選擇生熟程度 但一上碟就已經係well done😟呢方面可能有待改善不過佢夠膽一上黎就全熟可能都係對自己既牛肉非常有信心🧐真係好軟熟 亦有牛味我塊扒就較厚身所以食到中間就係大約7成熟🧐整體而言我覺得個黑椒汁稍咸友人就覺得剛剛好真係各花入各眼🤣但呢個價錢來說份量都非常足而且唔韌有牛味 我都覺得滿意了👍.友人點既三文魚扒味道都可以😉.環境都幾靚 有舊式西餐廳既感覺相信夜晚黎据扒都會幾好feel🧐唯一美中不足既係 可能我地位置對正廚房/後門(?)食飯途中聞到煙味 (但明明室外就好近)但整體都滿意~

話說早幾個月去左尖沙咀間祥x到試左個兩日兩夜羅送湯有dd失望，跟住就諗起呢間餐廳，佢既羅送湯最岩我胃口，反正同行友人未試過，咁岩係假日仲要過埋繁忙時間，咁就入去啦呢個環境，有一種雅緻，係窗邊仲透少少日光，正好平衡下平日繁忙既生活，坐係到好舒服~有個咁靚既景，食野都開胃d~ 呢個羅送湯我係會掛住既，湯底濃厚蕃茄帶少少酸加丁咁多辣，之後口腔仲有些少香草味，真係忍唔住一羹接一羹，蔬菜亦非常入味，正到不得了。個白湯好普通，無咩好講。而跟餐個包亦係普通餐飽，唔夠新鮮，裡面好乾身，好似平日放係屋企幾日既嘉頓餐包咁，搽晒盒牛油都救唔番個包。我叫左個牛尾，又係超推介。牛尾要煮到入味係最基本，呢個牛尾超有膠質，非常鬆化，個汁底同羅送湯唔同，充滿肉汁，撈幾碗飯都得，但因為我怕太飽，叫左薯菜，覺得浪費左個汁，因為個汁點薯菜掛唔到個汁上去，就咁飲又太濃，好後悔呀，叫呢個下次一一定跟個飯，最多要少飯，鐘意撈汁既朋友記得啊~友人食焗豬，佢聽講話好出名但未試過。佢話汁底一般，我都認同，佢唔會有令你想一口接一口既衝動。炒飯底即炒，夠獲氣，所以一上枱大家記得極速巢鬆個飯，如果唔係倒汗水會令個飯唔夠乾身。豬排ok, 夠淋

慶祝元旦，來到北角，當然要試皇后餐廳。這間餐廳，慶祝情人節也來過幾次，有情調，服務好，態度好，野食ok，上菜速度ok （喝完湯過一會便有主菜，一定唔會像某些餐廳有主菜才有湯）。不過可惜情人節有餐酒，但元旦反而沒有。牛尾骨菠菜麵，菠菜麵沒什麼味道，但牛尾簡直一流，肉淋而且佈滿汁。唔會分開汁還汁，肉還肉。至於蟹蓋也不錯，裏面包含各種肉和調味 （不過不知道有什麼肉，蟹肉一定有...），雞串也做得剛剛好，而且還有醬汁可以點，味道也合適。龍蝦湯也不錯，不少龍蝦肉，而羅宋湯也很多料每次去的氣氛很不錯，可惜今次遇到比較麻煩的鄰座客人，經常聽到她大聲說話，又要求多多... 只算是今次不好運

餐廳裝修簡單但雅致，木製嘅枱櫈、懷舊嘅枱燈、復古味重嘅金屬吊扇，仲有就係餐廳正中間有一個舊式電話亭，好鬼eye catching😆呢啲種種嘅裝飾及擺設令你好有置身係英國小餐館既感覺。餐湯我揀左雜菜湯，味道都幾香濃，而且湯里邊都幾多蔬菜等配料，唔會話好稀或者好淡味煎豬扒蘋果汁薯菜 $112豬扒係厚切，肉質彈牙有口感，而且豬肉味濃，食落唔會有油膩感。配埋伴碟嘅蘋果汁sauces，成個感覺仲變得好fresh

唔講大家都知，猴子其實係一隻窮鬼，百幾蚊鋸塊扒係一件好奢侈嘅事，不過今日為咗同公司嘅美少女同事慶祝生日，打腫塊面都要充吓闊佬，一齊走咗去皇后飯店鋸扒。猴子叫咗個蒜茸新西蘭西冷牛扒，配薯菜，唔少得嘅當然仲有餐包，羅宋湯，同埋凍飲。聽聞話地道啲嘅羅宋湯係有少少辣味，猴子平時喺其他餐廳飲開嘅都唔覺有辣味，今次終於喺皇后嘅羅宋湯品嚐到辣味，不過只係微辣，怕辣嘅朋友唔使太擔心。至於主角西冷扒，當然係肉汁四溢，加上撲鼻而來嘅蒜茸香味，話唔好味係假嘅，再加上成百幾蚊個餐，梗係要慢慢細切、一小塊一小塊咁食先抵得返條數。貴價餐廳另一個好處係唔駛同人爭位，中午食飯時間都依然大把位，不過猴子呢種窮鬼，冇乜特別喜慶都寧願同人逼吓好過。

北角周圍都唔安全, 想食個晚餐都要諗諗佢, 去番成日去既queen's cafe, 閒日晚上比較少人, 好舒服。友人叫左焗豬扒飯, 我叫左個grain fed rib eye全部野都保持得好好質素, 係個rib eye有D太lum推薦要試咖啡/奶茶~好香