皇后飯店 (已結業)

幾個舊同事同其中一個要去一年美國的舊同事farewell, 主角揀了呢度.印象中呢度d tea 一般料, 未試過佢d dinner, 穩陣起見叫了個肉醬意粉. 質地唔會太腍, 硬硬0地的彈牙口感, 唔錯; 肉醬好香, 味濃仲甜甜0地咁(落了紅蘿蔔的關係?)... 加埋少少焗過的芝士, 味道好好. 幾驚喜的質素!一直覺得肉醬意粉係好普通的一個dish, 但要整得好食, 其實一d 都唔容易.環境唔錯, 靜靜0地咁, 裝潢感覺優雅; service 都ok 啦, 不過如果waiters 們多返少少笑容會好d.質素唔錯, 亦唔平的一餐... 不過0係又一城食0野想舒舒服服, 相信呢個價位已經算低!

滂沱大雨週末下午空著肚子見完阿頂後跟2位honhon下午茶聚,在又一城兜兜轉轉走到Queen's Cafe時已經餓得咕嚕咕嚕,排隊吧!坐在近玻璃窗的位置,景觀總比裡面開揚;下午茶餐牌共兩頁,其中一頁是蛋糕/甜品,雖然我是甜品怪,但還是喜歡先吃鹹的飽肚的才吃甜,最後選了美式熱狗+凍咖啡。飲品先到,一時手重鮮奶多加了,凍咖啡變了latte一樣,幸而咖啡味道雖不算很好,總算不是酸的淡的貨色,是ok的。除了一隻跟我外型一樣胖胖短短的熱狗之外,還有一小堆炸薯條和兩小盅生洋蔥粒/酸瓜+酸椰菜。熱狗包不知是自家製還是嘉頓貨色,但烘得熱熱又香脆,單單吃包也不錯;胖胖司華力腸也煎得皮脆可口,配合香熱麵包味道一定不俗!薯條新鮮炸好,當然不會太難吃。個人覺得最好吃反而是小盅內的酸椰菜絲,味道酸酸甜甜恰到好處,吃完肉感十足的熱狗後,可以消消膩滯,的確不錯!要是可以添吃的話更佳!!2位honhon選了不同的芝士蛋糕,樣子似乎有點一般,根據她們的評語,味道也不算太好,那又打消我在皇后餅店買蛋糕的念頭,還是買回著名懷舊西餅好了。

環境都幾舒服, 叫左個羊扒, 用料靚, 味道都幾好, 係大份左d, 根本食唔晒.但d侍應真係好唔掂, 都話晒又一城啊, "拿"高晒個衫袖show晒手上面3,4條大大水晶鏈出黎, 又搞到個頭鬼唔馬綠, 成個mk look咁. 態度串到死無d禮貌, 埋單到找錢至離開門口一句野都無講, 連幾錢都無講, 淨擺張單係臺等你自己望幾多錢...... 我都係第一次見*O*

難得老公放假同我行街睇戲食飯,結婚後都好耐無試過喇!!因為佢\平時放假都想喺屋企休息唔想出街,不過我都知佢\做野辛苦行完街睇完戲當然之後就係食飯,我本來想食板前的,我都未出聲,老公就提議食呢度,雖然唔多想,但當然就佢\啦老公睇左一下餐\牌就決定要T骨,我睇左好耐都唔知食咩好,最終叫左T骨5成黑椒汁~上枱時都有D嚇親,好大碟,我唔鍾意食牛扒無試,老公就話真係俾到5成,黑椒汁都唔錯,肉質OK,幾好,跟餐\的紅湯好傑下,味太濃,我就唔太喜歡,不過老公話好飲,包就幾軟熟焗豬扒飯~又係大大碟,一睇都知實食唔晒,OK啦,咪同大家樂D差不多,係份量多D,不過價錢差好遠,食左約一半,老公包底,佢\話唔錯,佢\一向都好刷得,但又唔見佢\肥,好羨慕自己就對呢度無咩興趣,不過老公就食得幾滿意,我都知我口味同佢\唔同,就得的咪就下囉!!

姑姐,姑丈來派利是俾我,順便坐低飲杯o野. 星期六,日又一城係超級多人,想搵位飲下午茶幾乎無可能. 所以最後只好去呢度.平時午飯都覺得佢食物同服務都好一般,都係因為無位先至勉強幫襯.下午茶餐由$55-$65不等,同午飯價錢接近.姑姐,姑丈叫一個燒牛肉三文治同蝦多士. 我就剛食飽所以只係飲杯咖啡.燒牛肉三文治入面塊酸瓜走去角落頭,重只係得半塊,媽乎得離譜. 牛肉就一般貨色. 伴住d酸到入唔到口o既椰菜同紅蘿蔔絲,重慘過家鄉雞.蝦多士炸到差不多要. 脆漿又好硬,又無芝麻. 雖然d蝦幾甜,但整體唔得.服務差唔使講. 叫佢換杯熱茶唔要冰水,都要講幾次,好似好難明咁. 老人家想換杯熱茶唔要冰水,有幾奇呀. 收得$55個下午茶餐都唔係平啦,咁o既服務係無地方先至要,只係貪佢好坐. 下次可能去Dan Ryan's會重好,況且我重有折.

睇完The Queen來Queen's Cafe, 真係諗番先知有咁“Q”!叫了一個茄汁燴牛脷, 一個白汁蝦球. 厚厚的醬汁,味道是一貫舊港式西餐的水準, 屬預料之內. 兩者份量都不少, 牛脷好似食極仲有, 要朋友出口先食得完. 另外點了士多啤梨梳打. 唔知點解, 之前覺得會係一杯紅色透明藥水味的東西(係咁我仲會叫o既? um…我勇丫麻^o^), 點知上檯先知, 原來係士多啤梨雪糕+ 梳打! 好靚的顏色, 好喜出望外呢! 飲之前手多多撩一撩, 岩漿爆發!! Oh no…嚇到好狼狽!! 浪費左少少成餐飯最滿意的東西@_@

好耐無幫襯平日晚上,比以前多人與旁邊的桌,相距不夠5公分,坐得好唔自在點了5成熟的串燒牛仔肉及7成熟的免翁牛肉竟然串燒牛仔比免翁牛肉還熟!!環境,服務和食物質都退步了!

以為可以飲到正宗的俄式羅宋湯，點知......(望一望個湯) 咦？咁橙嘅，唔對路！(飲一羹) 港式羅宋湯，正式學名為「茶餐廳式羅宋湯」！咁貴一客茶餐廳式羅宋湯？！(灰~~~~)好在食物質素不俗，環境亦不錯，算吧。

今日去完羅浮宮影相影到得番半條人命, 夜晚九點先離開羅浮宮, 即刻去又一城睇下有咩食, 因為我全日淨係九點幾食佐個早餐, 中間食佐三條百力滋就無食過其他野. 流沙包都唔好得我幾多, 佢雖然可以趁我轉妝時間食個杯面, 但係佢都只係食佐大半包百力滋同一條朱古力威化餅. 去到又一城度度都多人又要等位, 最後我地去佐皇后飯店. 我叫佐個大蝦豬扒餐, 流沙包要佐個玫瑰春雞餐. 今日剛剛影完相, 我仲唔大擦番餐先? 哈哈~~個大蝦豬扒餐好大份量, 蝦真係好大隻, 豬扒有兩大塊, 仲有舊蕃薯, 好飽食唔晒. 流沙包果個玫瑰春雞就有D取巧, 首先我以為係成隻春雞上, 點知原來係雞扒. 同埋我地以為咩野「玫瑰」春雞, 原來係個碟度加個玫瑰花裝飾...呢度既食物份量同質素都唔錯, 不過我覺得佢只不過係一間走高格調既花園餐廳囉... 勝在係度用AE簽帳有三倍積分, 同埋用學生証可以有9折~~

和女伴到又一城，我有我拍攝水晶聖誕樹燈飾，她有她在Marc Jacob 血拼。之後，一起到皇后吃下午茶，各自報告成果（我的相片和她的皮包和飾物）。改裝後，環境更見開揚和寬敞。著實不餓，只點了兩客茶餐，埋單$116，都貴貴地！選了「栗子蛋糕」和「香蕉班戟」，飲品點了「熱咖啡」和「熱檸水」。栗子蓉打得好靚，不會很creamy 但很是幼滑，蛋糕相當滑。香蕉班戟cream 比別家少，香蕉塊多，好好味。班戟皮有蛋奶香味。熱咖啡好味，唔酸，好順喉，凍左都仍然好味。咁先至叫正野！記得老媽曾經講過，當她還跟老爸拍拖時，老爸帶她到這兒吃cake 係當時的「高級消費」。但今時今日，我覺得都唔算平，但絕對係一個唔錯的拍拖談情的好地方。至少，餐桌間並不擠迫，侍者「識做」唔會打擾客人…。

同男友慶祝特別日子...意大利菜無哂位..男友話皇后幾好味去試下..我要左西冷..男友要肉眼...跟羅宋湯..湯的確好味..好多料..杰杰地..好少羅宋湯有CREAMY既感覺..不錯不錯..係我飲最好的羅宋湯..STEAK令人意外..以為皇后淨係得湯同蛋糕好味..點知STEAK都好得..煎得好靚..一格一格的..好多肉汁..夠味..我無點蒜蓉汁..仲原汁原味..幾好..個STEAK有個甜薯做SIDE DISHES..好好味..好軟好香..有四五舊..好好味..之後叫左件德國芝士餅同男友食..你一啖我一啖..好味..芝士好滑好香..個餅底亦好出色..真係好得...皇后雖然唔係STEAK HOUSE都做到咁既STEAK..我覺得要加分.....除左RUTH'S CHRIS STEAK HOUSE...食過最好既STEAK係佢..價錢仲係三分一......極推介!!

這店歷史悠久，是式鼓油西餐表表。午餐有4種選擇，包括牛柳、龍利柳、印度黃飯及漢堡牛扒。餐湯要羅宋湯，很杰因為落豆粉，餐包是甜豬仔包，幾懷舊。牛柳要7成熟，都基本做到，雖然有落梳打粉，但比起扒王之王、花園及金鳳等出色，較有肉味，個汁又濃又杰，當然唔似正宗西餐。印度黃飯並不辣，賣相及味道一般。最令人驚喜或驚嚇的是漢堡牛扒上有隻荷包旦，簡直是式鼓油西餐極品。較年青的食友可能會認為不知所謂，但年長的朋友或會欣賞這份懷舊情懷。要食正宗西餐，又一城有其他選擇，但想懷舊一下，這裡仍有存在價值。

跟朋友吃晚飯，約了在她家附近的又一城。來這裡，純因為外面看來比較舒適，又有大卡位，傾計不錯。晚餐由一百二十幾至一百八十幾，選擇不外乎豬/牛/雞/魚，結果都要了肉眼扒。先來的餐包不太熱，包的底部又濕濕地，一般；餐湯要了羅宋湯，酸過了火位，多一點肉香會較好；肉眼扒幾夠份量，要了medium rare，切開時是七成全熟，差不多沒有紅色，該是medium有多，火候差了一點。尤幸肉積幾鬆軟，一邊傾一邊吃，也吃清。餐後的熱咖啡，不過不失。侍應人雖多，招呼卻是麻麻。如說medium rare他會再問是不是四成熟，到兩份扒出來，又分不清那塊是幾熟，結果兩塊都過熟。埋單三百一十六蚊，不算很貴，但在這個商場，應該可以有更好的選擇。

週末的又一城非常旺場，本想吃EXP，但廿多人的人龍非常可怕，唯有轉移目標到皇后飯店。侍者快手快腳，等了十五分鐘左右即有位子。年多沒有來吃飯，環境依舊。午餐有四個選擇，我們二人行點了蛋煎龍俐柳天使麵和燴豬扒配飯。我的蛋煎龍俐柳天使麵味道不錯，魚柳用蛋煎封，是我最喜愛的吃法；　不過，上碟時一大團白汁淹沒了美麗的龍俐柳，天使麵在一旁卻顯得乾乾的，其實白汁放在天使麵上會比較好。

My girl griend and I went to this restaurant to have dinner yesterday night. My girl friend called a 70% cooked "Beef". So delicious... And my Rose Chicken is also quite OK... The soup and bread are not bad too... Better than most of the restaurants in my mind... So I highly recommended!