百悅軒

营业中

休息中

這間位於車公廟站附近的百悅軒，晚市主打雞煲、烤魚、刺身、片皮鴨及火鍋放題，$288/位任飲啤酒汽水等等，比旺角平一大截。先送上的刺身拼盤十分豐富，有三文魚、希靈魚、北寄貝及甜蝦等，刺身都幾新鮮，味道鮮甜。片皮鴨皮脆脂肪不算多，配上青瓜及京葱等可減輕油膩感。麻辣雞煲加了洋葱爆香，小辣都幾辣，雞肉吸收了麻辣香味，十分惹味。湯底款式都很多，我們就揀了豬骨湯底，有豬手、蘿蔔及粟米，豬手皮有彈性。火鍋方面，有美國Prime肥牛、上肩胛肉，澳洲手切牛肉及西班牙黑毛豬，另有30多款的火鍋配料，十分豐富。牛肉味道濃郁，而且又不會太肥，肉質嫩腍。水餃真材實料，大大隻爽口蝦仁。廣島蠔、海蝦十分新鮮，肉質爽甜。

Peking duck,sashimi,lamb/chicken casserole,spicy fish,hotpot all you can eat@Tai WaiMy families and I went to a restaurant called“Pak Yuet Hin” （百悅軒）located in Shop 17A, G/F, Chun Shek Commercial Complex, 1 Shing Tin Street, Tai Wai大圍盛田街1號秦石商場地下17A號舖We chose the all you can eat dinner set that can enjoy Peking duck,sashimi,lamb/chicken casserole,spicy fish,hotpot which costs HKD$288 per adultWe ordered lamb casserole (羊腩煲),the lamb is tender,soft,juicy with mushroom,tufu skin,water chestnut!suit

秦石商場舍街市裝修左之後都未去過，見到呢間打邊爐任食好抵呀!!佢仲有燒味味，入去食小菜都得嘅。呢度係HK$288全部任食。有冇大胃王挑戰呀!!揀左羊腩煲，肉超大粒又厚肉。味濃有好多枝竹添。再黎有魚生，質素一般啦~三文魚都可以encore的。再黎仲有片皮鴨，勁大片皮，又脆又香。終於到打邊爐，點左椰子雞，點知成碟雞送黎~配菜叫鯇魚，蝦滑，鴨血，豬潤。豬潤好大片，蝦都OK，肉質都實正。再點牛肉同豬肉，比較冰未解得曬凍。肉類都肉質可以，不過肉味就冇咁濃。仲有菜盤，食到好飽。總括呢個價食咁多野真係好痴線，如果唔係好大食其實可以叫平少少個餐。

店子主打雞煲及火鍋放題，推出任吃雞煲烤魚及火鍋放題 招牌雞煲沒有吃，選擇烤魚，不錯！放題有多款火鍋配料、時令蔬菜外，任吃肥牛、更有日式刺身、海鮮及餐前小食。火鍋放題來說，不錯～這次火鍋放題，也吃得飽 店子烤魚，是特色烤魚正宗重慶烤魚 打邊爐選椰皇水養生滋補鍋，今天吃了胡椒豬肚湯，味道也特別，當然還有無限任食牛肩胛、肥牛、西班牙黑毛豬、走地雞及各式伕飲品等。只要在一個價，任吃。 店內的豆腐及鴨血，好特別的～鴨血少見，口感彈牙。 打邊爐暖暖身～店子提供超過配料小吃、汽水等。店內大蝦、牛肉是值得點～原條蟹聊也不錯，相當豐富，絕對能滿足不同口味。約埋朋友去吃，棒！ 雞煲加火鍋晚市放題優惠，任吃雞煲及多款火鍋配料，日式刺身新鮮，而廣島蠔這海鮮也算棒！湯底有很多鍋等供選擇。

Happy Friday約咗朋友食雞煲、刺身、片皮鴨、火鍋放題， 一次過滿足晒我哋幾個願望。刺身拼盤刺身包括三文魚、甜蝦、希靈魚、赤貝同北寄貝，質素都幾好幾新鮮，三文魚有魚油香，赤貝口感爽脆，北寄貝同甜蝦頗鮮甜。王子片皮鴨配麼麼皮麼麼皮透薄鬆軟，口感煙韌有咬口，片皮鴨外皮幾脆，肥瘦適中。配埋青瓜、京蔥同甜麵醬，更添滋味。 即炒麻辣雞煲雞煲一上枱非常之香，皮滑肉嫩，而且幾入味，麻辣嘅比例啱啱好，非常惹味食完雞煲就可以揀湯底打邊爐，湯底都有多款選擇，我哋就揀咗沙嗲湯，沙嗲同花生味唔算好重，反而椰奶味道更加出，別有一番風味。火鍋配料方面Prime 上肩胛肉色澤幾靚，肉質比較結實有咬口，牛味幾重。Prime 美國肥牛肥牛肥瘦均勻，有d雪花，肥肉位置爽口，唔會好油膩西班牙黑毛豬我同朋友一致都覺得黑毛豬有驚喜，肉質偏瘦得來嫩口，而且肉味濃郁新鮮𠝹花魷魚片同生蠔都新鮮，魷魚片爽口，生蠔滑溜。個人最鍾意陳皮魚蛋同埋自家製餃子，魚蛋陳皮味濃郁，口感彈牙。餃子皮薄，餡料有蝦、同木耳，好足料。蔬菜拼盤蔬菜新鮮，南瓜同粟米好甜、生菜同金菇爽口食沙嗲湯底邊少得叫出前一丁，係最佳嘅配搭飲品係自助形式，客人可以喺雪

沙田踩完單車，去埋車公廟求個福，順便睇下有咩食，朋友話想食火鍋，見到呢間任食，又近馬鐵就去試下。有兩款選擇，一種係$228，一種係$288，任食兩個鐘。$228只可以叫一次麻辣雞煲/麻辣烤魚，仲有五品刺身拼盤/皇子片皮鴨，而$288就任叫，仲可以叫澳洲手切牛肉👍🏻👍🏻👍🏻做完運動要對自己好啲，就試左貴小小嘅，食完酸菜魚，仲可以再揀唔同湯底打邊爐👍🏻👍🏻👍🏻食到超級飽👍🏻🍣片鴨同魚生都係任叫👍🏻🐟酸菜魚十分足料，魚肉鮮甜，一啲都唔腥，仲有芽菜、寬粉、豆卜等配菜👍🏻👍🏻叫左椰子🥥雞湯，有成半隻雞，椰汁好香好濃，雞件淥到啱啱好，好滑😋😋😋🐮 澳洲手切牛肉非常濃牛味👍🏻👍🏻脂肪比例剛剛好，一啲都唔靭👍🏻👍🏻👍🏻🦐仲有手打蝦滑都好值得推薦👍🏻蔬菜拼盤有生菜、西蘭花、粟米、蓮藕同菜心，非常健康🥗野飲都算多選擇，有茶、汽水同啤酒任飲👍🏻啱晒成班人打邊😋侍應叔叔都幾好傾👍🏻上菜速度好快👍🏻

格局室內大排檔。伙記年紀唔輕，但睇番食評，開業一年多小菜唔錯，不收加一有食評寫叉燒媲美酒店。我未試過在酒店食叉燒。不過呢間叉燒唔錯，有質感!晚飯送糖水下次想試下飲茶，點心唔貴

秦石邨街市重建後，第一次幫襯呢間屋邨酒樓， 雖然裝修簡陋，但食物值得一讚，我叫左上湯魚肚蒸鮮竹卷，蝦餃皇，蒜香蝦春卷，燒汁炸茄子。全部份量非常大件，而且非常美味，價錢大眾化，茶位仲$6

今晚第一次幫襯，叫了叉燒，椒鹽豬排，黃金蝦球及蒜蓉炒菜心。叉燒媲美酒店，肥瘦適中梅頭夠林又入味，蜜味夠香。其餘三個菜夠味夠鑊氣。椒鹽豬排夠林又香口。黃金蝦球蛋黃夠香，蝦夠彈牙。取價合理，茶錢飯錢經濟又冇加一。水滾茶靚，室內又夠冷氣。上菜夠快。超讚！

曾在「百悅軒」吃過晚餐覺得尚不錯，現在晚飯沒有堂食，也一嘗午飯茶市。$38鳳爪排骨煲仔飯很抵食，可分三碗飯，米飯軟綿夠熱，可惜冇飯焦欠焦香。一流的黃金流沙包，真係勁流甘香黃金流沙，所以要小心進食。鯪魚球有鮮味又彈牙，且算大顆的！芋絲炸春卷非常香脆但比較油膩，附上的香醋又可解膩。肉絲炒麵尚算不錯。茶茗$6一位，是大茶包的包裝，可避免飲到茶葉，相信清理更方便。沒有加一小費之下，價錢相對較廉宜，是街坊食堂。

最近在秦石邨 見到一間酒樓 頗多人幫襯 行入去見到佢哋嘅點心大大件 一於試下先全部點心 都係落單後即刻整 上枱時熱辣辣蜜汁叉燒腸 每一件都充滿叉燒 肉也不柴 正蟹籽燒賣王 大大粒 肉質爽彈鮮甜黑松露賽螃鮮蝦餃 蝦肉夾甜 加上黑松露醬同吃 增加鮮甜度上湯鮮竹卷 都好足料 腐竹吸收晒啲上湯同吃 好滋味鮮蝦腐皮卷 都熱辣辣有水準 外脆內軟 唔會食落成口油七彩炒米粉 對我黎講米粉就有小小硬 調味適中 不過質地唔會似食緊橡筋啲叔叔姐姐又落單到送食物都好快手 下次再嚟試多啲點心小炒先！

我今晚做無飯煮婦，出外用膳。今個晚飯吃這些，味菜鮮魷炒麵、紅燒豆腐與菠蘿咕嚕肉。味菜鮮魷炒麵，味菜很爽脆略鹹，鮮魷爽脆但乏鮮味，炒麵有脆口，則不錯。紅燒豆腐，獻汁清淡也配合紅燒豆腐，清爽口感頗好，有家庭菜餚感覺。菠蘿咕嚕肉，甜甜酸酸很開胃又好下飯，於是立刻要來一碗白飯，但菠蘿很祇得兩粒，有少少失望，咕嚕肉外微脆、肉軟滑，口感不錯。免費奉送糖水，南瓜西米露很清甜呵！街坊食肆沒有加一小費，人均消費$81。

屋邨新開張食肆「百悅軒」，今晚我們使用消費券用膳。上湯龍蝦伊麵、菠蘿咕嚕肉、蜜椒薯仔牛柳粒、白飯，沒有小費埋單$552。上湯龍蝦伊麵味道不錯，龍蝦新鮮肉爽脆，上湯較少，伊麵顯得略乾了！吃畢龍蝦，侍應送上一碗茶讓我們洗洗手，我很久沒有遇上這個服務，洗手這碗茶過去曾發生笑話，相信大家都聽過了！蜜椒薯仔牛柳粒頗冶味，牛柳粒有肉味，可口的！菠蘿咕嚕肉甜甜酸酸好下飯。飯後奉送陳皮紅豆沙糖水，綿密香甜。人均消費$184

啱啱行過見到有新酒樓入去試下價錢都不是太貴剛啱撞正下午茶時段我們叫了鮑汁雞腳鹹水角雞絲粉包干蒸牛肉味道非常不錯鹹水角即炸夠熱雞絲粉皮不厚這裏茶錢三元正又不用加一炒粉麵飯有十分之經濟五十元左右非常超值下次我會再光臨食小菜

味道可以，而且侍應都幾好，好有禮貌，服務都唔錯，如果有電話或者網上訂枱服務就更好啦個龍蝦超好食，就比預期略貴，其他嘅嘢食都系78-98呢個range，所以都系可以接受嘅