百份百餐廳 (鴨脷洲村) (已搬遷) 新店位置

黎過幾次，都係食下午茶，價錢唔算貴，大大份方塊西多士配煉奶 ($25)4大個方塊，新鮮炸，配上牛油同煉奶，咸咸地，甜甜地，好好味花生醬金𥖁西多士 配糖漿 ($25)西多入面有足夠嘅花生醬，食落幾香口其實同方塊西多好相似，只係多左花生醬同轉用糖漿吉列魚柳 配 脆脆薯條 ($29)魚柳唔乾，但薯條唔夠香脆公司三文治 ($37)好足料，有午餐肉，蛋，蕃茄，沙律醬同菜午餐肉唔係薄切，都算幾厚，同塊蛋一樣咁厚食一半已經夠飽麵包先烘底增加口感

星期日去咗海怡半島附近嘅玉桂山, 行到上去上面,成個南丫島一覽無遺,非常愉快, 落山之後,準備搭車走,見到有間餐廳,諗起突然間想食嘢,就入去食個下午茶 ,百分百餐廳, 係一間茶餐廳, 下午茶叫咗個沙爹牛肉 流心蛋 公仔麵, 只係三十蚊,話咁快就有得食, 沙爹牛肉份量算少, 個湯底冇味精, 流心蛋 係重點之一 蛋醬浸落去湯底一齊食, 特別滋味下午茶餐 除咗公仔麵之外, 連一杯凍飲, 只係需要加三蚊, 凍檸茶茶味不錯, 非常香濃, 最重要係 夠大杯, 33蚊 係依家香港嚟講, 算係不錯了

我原本想要叫外帶，但是他們沒有反應；而且又一直站在此處，好像不熟悉我一樣，我心想如果不想做就不要做，我想唸住叫一杯凍鴛鴦取走；但是收銀員都是憨憨居居及伙記都是一樣憨憨居居又慢速進入我處，希望給他們盡量改進開心及快樂的心情上班。

這個「至差海南雞」的雞又不滑，但去骨很好，不過，香茅雞油飯又不油又沒有香味，且飯不熱，飯又硬。個原盅燉湯，得個樣。其實即是高檔少少的例湯。我有飮一杯凍奶茶，好有茶味。各位不要試吃其海南雞。

琴日，我同我阿媽、阿爸仲有我兩個細佬去樓下果間百份百食下午茶，我哋叫左5碟餸，其中一碟係楊洲炒飯。然後，我哋等左大約一粒鐘，見到隔離枱遲過我哋叫嘅楊洲炒飯仲早過我哋上菜！跟住我阿爸就同個侍應講：「靚仔！我哋叫嘢食叫左成一粒鐘啦喎，點解D嘢食仲未嚟架！」「係，我幫你check吓啊。」 過左一陣之後，個侍應同我哋講：「唔好意思，我地未落單。」呢個時候，我阿爸把鬼火，即刻攞嘢，之後話：「我哋走啦！返屋企煮公仔麵食啊！」跟住果個侍應話：「唔好意思啊。」之後就走左去同其他客人落單，扮到好似唔關佢事咁樣！

這裡是港島區的舊區，食過附近的平價食堂，今日因為時間已經比較晚，所以很多平價食堂都已經關門，所以今日就試一試，這裡的百份百，雖然都有心理準備唔會平。我點了拉麵，因為唔想吃太飽，其實佢落力sale海南雞，但因為未試過，又唔平，所以放棄試食。這個就是那碗拉麵，佢一送來，我就超失望。已經唔大的碗，裝著唔大的麵，唔緊要，我都唔係太大胃口，試食完後，更失望，蕃茄只係落茄膏，根本零難道，還要搞的意欲都無，湯底又鹹，同茄膏唔夾，又鹹又酸，唔知點形容。麵身都還可以，不過食落似煮公仔麵，快速煮似的，其實佢係咪想煮，還是想搞熟就算。下次再有機會都係試海南雞飯，唔夠錢就不如唔食這間餐廳。

去了海怡半島看電影便打算去鴨脷洲邨隨便找間餐廳吃飯，看到百分百餐廳門面好像不錯，正正常常，便打算光顧。怎料又中伏了！當晚點了鱆魚皇蒸肉餅及鹹魚雞粒豆腐煲加一個中湯及西湯。侍應說蒸肉餅要等蠻久，我們說無所謂，怎料，不夠五分鐘，例湯也未到，肉餅便上枱了，懷疑是之前有人下錯order剩下來。吃了一口，頓時覺得沒有什麼味，肉質較硬實，奇怪的是我們滿口吃到的碎粒並不像馬蹄，而是像芋頭那樣諗身的碎粒，完全不爽口。肉餅不好吃也算了，最恐怖的是一碗簡簡單單的白飯，竟然也充滿「驚喜」--- 就是吃飯途中，我們發現白飯多了幾條約3-5cm像綿繩的東西！ 吃了差不多25分鐘，不好吃的肉餅也因為我們肚餓而快要給我們吃掉，但那個雞煲仍未到，催了一次仍未到，最終要說我們趕時間要取消，他們卻說有了有了。其實我看到他們永遠出的也是那些例牌炒粉麵飯，小菜卻無人處理，不是我們催了那麼多次，我想可能要等到它在沒有任何炒粉麵單才煮我們的煲！至於味道只可說不過不失，但絕不是有鹹香味的雞粒豆腐煲。 至於服務也是十分麻麻，當晚客人不多，但那些侍應也是稀稀落落散落餐廳每個角落，趕收工，不太理用膳的客人，服務也是很慢，叫了個

這間茶餐廳新開時, 第一次幫襯, 看到餐牌有款食品叫 "犀飛利脆脆麵", 便叫來試吓有幾 "犀飛利" , 原來係將整個麵放在油中炸, 我和老公, 都覺得超唔好食, d麵很乾同"銀"口, 又多油, 得過"脆"字, 決定將此款食品列入黑名單, 不會再叫~早幾天和老公在此食肆午餐時, 選了 #4959 忌廉白汁鮮菌燴豬扒飯及 #4956 野菌雞柳炒麵 ~豬扒飯不久來了, 差不多吃完, 才來炒麵 ...... 吓 ....... 圖一的是炒麵 ???問侍應生 ...... 我叫的是 #4956 炒麵, 不是 #4955 脆脆麵 ...... 回覆是無錯 ...... 兩款都是炸的 ...... 吓 .. 唔係嘩 ...... 唉 .. "廢事" 同佢爭論 ...... 食咗算...... 以後係呢間茶餐廳食野, 一定唔食麵 !睇番圖二的餐牌 ...... 食家們, 你地話係咪誤導吖...... 

其實佢啲早餐同小炒套餐係ok ge, 唔好嗌啲唔係茶餐廳嘅野，唔好嗌啲太潮嘅野就穩陣。我食晚餐嗌左，1) 甜酸五味魚柳客飯等左10分鐘到先上魚柳，後上客飯加所謂老火湯。魚好味因為真係熱上，唔會太多粉，汁好味，好開胃，撈飯一流。老火湯係霸王花湯，一個字: 咸!2) 叉燒讚畸烏冬及餃子一客- 很「咸」嗰碟餃子一上枱，我以為係湯渣，所有餃子炸到stick埋一舊，乾爭爭，硬掘掘，無厘味道。個湯話係濃豬骨湯，仲係白色，但唔係奶白，個湯底淨係得個咸字。什麼讚畸烏冬，無咬口，同普通包裝烏冬無分別。叉燒想當然又係普通以下水準啦，但已係全碗最擺得入口嘅野。所以話唔嗌錯野就得啦。

榨菜肉絲銀針粉, 味道差肉絲少粉糊口湯味道鹹, 吾得. 蕃茄肉碎通粉, 份量少通粉糊湯無味.蒜蓉多士, 劣! 多士細蒜蓉味道欠奉. 奶油多, 找不到奶油. 奶茶很淡. 服務員態度很差, 一直強逼顧客搭檯坐.

同朋友叫左下午茶，叫左3個一樣既下午茶，叫雞翼酸辣米線，但一啲都唔酸唔辣，得個麻字，得雞翼食得，附送既野飯分別係熱奶茶同鴛鴦，仲有奶茶紅豆冰，鴛鴦很苦，感覺被騙了

咁啱去開海怡半島Shopping， 先去了附近的鴨脷洲邨食嗰早餐先， 依間裝修都幾靚，卡位座得都好舒服，我order了榨菜肉絲銀針粉$25 配熱奶茶，因市面上較少有銀針粉做早餐，等了10 分鐘，食物送到，銀針粉湯底偏咸，味精很重，肉絲很少，依個價錢真係算貴，奶茶陣奶味好怪，一d都唔好飲，茶味偏淡！

早前因為學車的關係，常常要在鴨脷洲搵食。某天，在駕駛學院連續上了幾小時的理論課後，肚子餓得很，於是信步走到鴨脷洲邨，打算吃點東西。突然發現一間新開張的茶餐廳，非常旺場，於是就試試新店，看它質素如何。　這間百份百餐廳算幾大間，憑它帶點時尚感的金碧裝修，就知道價格偏貴，走類似太興茶餐廳的中檔路線。看看名字，總覺得有些眼熟。突然記起很久前曾光顧另一間分店，印象普普通通。　　這個時間，已經是下午兩點多。打開茶餐餐牌，選擇相當豐富，有升級選項。價錢方面，亦如預期般，略略偏高。今次決定要一客炸雞中翼配薯條，配熱奶茶。　　炸雞中翼配薯條－－這份茶餐的份量很細，包三隻炸雞中翼，薯條實際上是薯角，只得幾條。雞中翼味道尚可，中規中矩，但薯條就得個「硬」字，無脆可言。這時，我該慶幸好份量不多，否則會浪費。　總括來說，這份茶餐只是普普通通。　　而杯奶茶亦只是一般貨色，味道偏淡。　　個人覺得，依據食物質素和份量去評價，這間茶餐廳的食物味道一般、價格偏高。看來是因為新開張、裝修靚，所以比較多人幫襯吧？不過，對比附近其他食店，不能否認這裡會坐得舒服得多。但如果這餐廳想走太興的連鎖式中檔茶記路線，食物方面似乎要給多點

環境衛生差，待應態度差，上菜超慢，叫份早餐，落單後20分鐘抬面依然空空如也，連水都冇杯，吹下佢，話嚟緊，等咗25分鐘，終於有杯奶茶，再等多10分鐘，上埋碗蕃茄肉碎通粉，不過一上抬我重以為碗通粉比人食過嚟，份量少，通粉發到淋patpat,見到都唔開胃，等咗45分鐘，終於上埋件多士，難為呢個屋村得嗰一兩間餐廳，不過真係寧願行遠少少食好過！

在一條老村開一間新餐廳當然要試啦!! 新開張~排隊人數很多很多, 結果過了幾天既week day就試到了! 相信第一次亦是最後一次 !!! 門口帶位沒有人便直入, 而且有很多位的, 但有位男侍應就硬要我和媽媽搭枱.....已經覺得奇怪因有一邊的座位是沒有開放的!!!他表示4人卡位一定要坐4人!!! 我們堅持自己坐, 他的態度表現奇差地說 : 坐啦坐啦, 一陣有人入都係會搭你張枱架 !!! ok~已減一半分!! 細看餐牌早餐很多選擇也相當吸引~就叫了"早晨全餐" ................. 先來上餐的面包~侍應把十多份面包迫迫的放在餐盆上, 面包疊碟底, 碟底又疊上面包......邊個想吃面包貼實碟底的一片呢 ???再來咖啡~暖暖的只是, 相信一定落了冰凍的花奶呢 !!! 等了約10mins的"早晨全餐"來到了................黑色的"鮮奶滑蛋" ????冰凍腸仔+餐肉.........焗蕃茄????黃金粟米粒粒?????無言了.....................有圖有真相!!