百份百餐廳 (ac5)

营业中

休息中

今朝早來到香港仔中心百分百餐廳嘆個早餐 ～因為我有優惠時段～所以我揀咗份優惠早餐, 雪菜米+ 炒蛋及蒜蓉厚多士 + 一杯餐飲都只係35蚊! 餐廳內環境寬敞坐得舒適, 侍應有禮貌！ 嘆完個早餐出嚟～ 門口原來有賣它們出爐的麵包丶蛋撻等多種選擇！ 特別一讚係蒜蓉厚多士～ 新鮮出爐焗到黃金顏色超級好味

已經不是第一次光顧平日下午lunch 時段，一次比一次差， 服務員沒有禮貌，落order 與 帶位兩位都很差。 大大聲呼喝客人坐下，落order 又是大大聲回答。超冇禮貌，望快些結業。在香港仔區內最差。

想飲紅豆冰，於是叫了個扒餐，紅豆冰免費。扒餐的司華力腸和魚柳都好食，魚柳炸得脆而魚肉仍嫩滑，最重要是沒有腥味。可是塊小小的牛扒又韌又有筋。另外叫了蔥香雞扒飯加兩隻半焗流心蛋，好正。上枱見到好多蔥滿心歡喜，但又擔心咁大粒蔥食唔食到㗎？唔洗擔心，大粒嘅蔥又香又滑，配埋豉油可以撈一大碗飯，雞扒煎得香嫩，加兩隻蛋只需加＄5，雖然並沒有流心，但真係好抵。店舖人手不足，需要點耐性。離開時見到椅子後的牆上有隻小小強，原來一直陪伴在側。

招牌炒麵嘥彈藥 咖哩牛腩要暫別小店作風稱足料 星洲炒米情意結落單不夠五分鐘 米粉送來仍然熱雞蛋慷慨份量多 品質當然不差劣叉燒咬口亦容易 不是首鋼一塊鐵也有蝦仁五六隻 恐怕前年已經雪愛吃不吃沒所謂「何必有我」下一頁銀芽爽脆最可口 無味火腿勞口舌咖哩紅椒雙倍辣 洋蔥香氣是一絕服務友善說不上 見你唔到是新血餐後立即收碗筷 效率小區算前列。 午飯時段勁多人 四人同行要分裂

曾經多次在青衣長康邨的百分百餐廳吃麻辣牛肉炒飯，真的好好味；但估唔到同樣是百分百，在香港仔這間分店出品的麻辣牛肉炒飯會鹹得好嚴重，似食鹽一樣，同伙記講完，她將飯再攞入廚房加功，不久伙記便再攞碟飯出來，鹹度稍為好一點，但依然鹹，相信只加點糖炒炒，為免得罪那些廚房大師傅而在我碟飯做手腳，算了，不再作任何要求，故此食剩大半碟放棄，咁就60大元，半碟都食唔到...難怪一直有同事傳言香港仔百分百餐廳的師傅好唔掂...真的不再幫襯...

很久以前呢間連鎖茶記剛開張有食過佢既肉絲炒麵，一直係招牌菜之一，當時質素好高，肉多，汁亦唔係咁稀。今次再試，面散曬，好短好碎，汁無咩味，肉好少。服務唔係友善，環境髒亂，咁既質素差不多60蚊，除非改善下，否則唔會再食啦

未能品嚐味道已無興趣，更不會幫襯！中午吃個午飯，叫個炒飯，等了廿幾分鐘，唔對路問一問跟進，話比我聽要炒（我都知炒飯係要炒！！），跟住無人理，我再找第二個服務員跟進，等咗一陣話要5分鐘，再等了10分鐘都未嚟。佛都有火，出去問佢哋炒飯要再炒幾耐，咟住話比我聽炒唔到 —— 痴線！唔洗講，走！不知所謂的餐廳，永不光顧！

曾經驚豔，在鴨脷洲邨的哪一家。隨著時間，天上人間。不是不好吃，但這咖哩飯的從前，真是一吃難忘，畢竟是個得獎的名物。適度的辣；滿瀉的香。牛坑腩很軟腍，咖哩汁拌飯最難停口，只恨一個胃的人類，沒法和牛比較。每一回路過，便像是識途老馬，循着香氣上門幫襯。又每一回，力抗其他誘惑，點選這咖哩牛坑腩飯。事過境未遷，吃了情難弛。現在，在我家附近，也開了這麽一家百份百。幾次想去試，卻黃雨、打雷、加班、糧尾…「今次走唔甩!」這家餐廳佈局迂迴，我和同事被迫坐在視線死角。提高聲音喚來服務員，點的仍是咖喱牛坑腩飯，忘了提醒大家，百份百的服務水平，還是挺好的，職員年青、有活力，只是看不到你，視線關係。才幾分鐘便送到。嚐嚐…「啊！今天我們到天上看看王母啥模樣?」一字記之曰：得咖哩汁依然討喜，帶辣，濃稠度適中，牛坑腩份量甚多，有十件左右，軟熟，更有四塊薯仔和足量的伴碟菜…真是「從前信心返晒嚟，日日如此便乖乖」餐廳內有提醒大家抗疫的告示，亦有間隔社交距離的隔板，卻沒量體溫。而且好熱，因為天花吊頂有太多射燈。但這些都不重要，因為當初那麼好；回頭對了路。

失望的 餐廳. 沒什麼好說。 明明六點前提供的午餐 說現在五時已經不能提供。 就是屈你要付晚餐價錢。 香港仔 餐廳的 選擇不多 ， 在沒選擇之下唯有就範， 很是無奈。 公平地說食物質素可以， 做生意粉得就 需要 改善。