百份百餐廳 (已結業)

今天嘗試了很多的第一次, 其中一項係幫襯呢間餐廳.晚上大約 7:30, 店內的入座率有一半.看看餐牌, 點了咖哩牛坑腩飯套餐, $46有湯 (要了中湯 - 老黃瓜煲豬骨, 餐廳內大大張 poster 寫明不含味精)* 因為當天太大的運動量, 飲咗好多好多水, 不能分辨係身體機能需要定味精作怪, 所以不予置評, 但味道的確不錯有餐飲 (要了熱華田, 熱華田與罐裝汽水同樣價錢, 但飲罐裝汽水要加 $4, 可惡)數分鐘後, 咖哩牛坑腩飯上枱, 賣相唔差, 香味也不錯試一口咖哩汁撈飯先, 味道都幾好, 辣度適中, 但略嫌咖哩味不夠再來一口咖哩牛坑腩, 是否坑腩就不知道了, 但炆得幾淋又入味試埋舊咖哩薯仔, 味道都十分不錯, 好食* 飯邊的配菜就唔得嘞, 硬掘掘, 好似用熱水拖咗兩三秒就上碟總括嚟講色香味都合格或以上, 但可惜份量偏少牛腩與薯仔的份量比例係 1:1, 都係得五舊 (而且每舊的 size 都係細碼)如果餐廳可以闊佬啲會更好此餐廳不收加一, 而且更可以用八達通找數, Good.

我從未試過叫外賣要等足15分鐘我系門口出面等外賣的期間,我見到佢地廚房系咁出餐但全部都系堂食我想知點解堂食就咁快,外賣就咁耐吾只得我一個等咁耐,我前面仲有兩個人都等超過15分鐘,我走時佢地都未走.如果你地搞吾"店"外賣就吾好搞外賣服務啦

同老公屋企人求其食個lunch，就嚟咗呢間。集團式嘅茶餐廳，亦係集團式嘅態度問題。我食咗海南雞飯，好味，雞雖然唔多，但夠滑，亦唔會好雪味，而且我好鍾意個汁，酸酸哋，油飯亦香，唔算太多油。老公話佢個熱狗普通啦。其餘奶奶、家姐叫粉食，味道普通，但價錢真係唔平。原本都算滿意.....但最激氣係佢哋計錯數.....我哋叫咗四個餐，兩杯珍珠奶奶，每杯加五蚊，一個菜蜜，又係加五蚊，其餘熱奶茶唔駛加錢。唔知點解張單計極都唔啱，最初計多十蚊，同個侍應講，個侍應仲話……電腦計嘅，唔會錯喎……攞過張重新計過嘅單嚟，但都仲係多咗五蚊，再叫侍應，侍應又話，無理由喎……電腦計架。咁我就問，唔係電腦錯，咁係咪我錯呢？侍應’睥’咗我一下，好悔氣話’唔係’，然後拎走張單。第三次，原本講果五蚊減咗兩蚊??? 我真係唔明究竟攪乜。終於忍唔住話搵個最大嘅，有個副經理走埋嚟，最後第四次張單終於啱收。可惜，攪咗咁耐，一句對唔住同唔好意思都無……最後，珍珠奶茶嘅珍珠未煮熟，咬唔到，要退回……又要扣十蚊~~所以唔好以為電腦出單唔會錯…….係……電腦當然唔會計錯數，但入單果個’人’會錯嘛~~

這間餐廳上星期五才開張,一直都很多人,或者是新開張個個想試下卦,今天是平日少人很多.剛剛點了食品,就聽到一男一女,很大聲嘈著話落了單有半小時還未有食物來,後來他們憤怒離去.有四名侍應(3女1男),但服務就差些,叫拿清水都沒有拿來,最後都是自己去取早餐是沙嗲牛肉米線配煎蛋十熱奶茶$23價錢貴過樓下的大x活,又貴過隔離村的x記很多,食物一般,份量少些坐位很迫,枱高度矮了些,我個子不高,但都要彎著腰吃東西,真是辛苦