百份百餐廳 (翠屏(北)商場)

营业中

休息中

因為家中有小朋友、所以經常會叫外賣、百份百是其中一間店舖。可惜這店舖經常漏餸，有一次叫了一份蕃茄牛肉豆腐湯加藜麥飯、竟然漏放了牛肉！今次再給機會、同樣叫了一份蕃茄牛肉豆腐湯加藜麥飯、卻漏了飯！真令人無法忍受…

今日同一班同事去咗觀塘一間百分百茶餐廳食午餐，發現裏面嘅成晚都係經濟實惠，快捷方便，首選一定係百分百餐廳，去到餐廳，好快就有位，地方整潔衛生，最緊要乾淨，侍應服務都很好，有笑容有招呼，會主動問客人想食咩，會主動第餐跟茶水，很有親切咁，食物茶餐廳都算多選擇，有下午茶，午餐早餐，常餐，如果怕太飽，又可以揀一啲輕食嘅食物，所以我覺得百分百係多選擇，同埋可以適合好多唔同嘅人食，我好快就叫咗個雞髀薯條，做下午茶，佢嘅食物係即叫即炸，所以叫咗個薯條，是熱呼呼的，很趣口很香，簡直是滿足同飽足，仲有我哋叫咗個雙拼公仔麵，個餐肉超級厚，我都覺得個公仔麵好好食，很香的麻油味，所以我覺得百分百餐廳的食物很有質素，下次叫朋友嚟都會食呢一間，又經濟又實惠，最緊要方便快捷！

連鎖式快餐店。內部裝修一般，牆身有一些佈置，大部份的座位是卡位，冷氣足夠。梅菜蒸鯇魚跟白飯57元。鯇魚被蒸得過熟，肉硬欠魚味難食。梅菜份量足夠，味道正常。有三件豆腐卜墊底，豆腐卜味道美。加3元可轉凍飲，凍好立克味道正常。總結：蒸鯇魚難食

今日外賣了銀芽肉絲脆麵,熱奶茶($54) 1點22分叫，2點先有得拎，啲餸得圖入面既芽菜, 芽菜, 芽菜, 蔥, 紅蘿蔔, 肉碎，只有少量肉碎，大舊少少既肉都無，更唔好講肉絲；一整個羹一啲味都無，要講味道就只有草青味，我諗係來自芽菜。本來個麵要時間製作我明，但我等左8個字先有得拎，重要俾份咁既野我食，真係好嬲。

～ 午餐．墨西哥瘋狂辣肉醬焗豬扒意粉連凍檸茶 ～🥩 豬扒 👉🏼 兩塊大豬扒份量啱啱好覆蓋成碟，肉厚，juicy，豬扒面鋪滿芝士，好滿足。🍝 辣肉醬意粉 👉🏼 肉醬微辣唔榎口，意粉焗到啱啱好，al dente口感，碟底無水汪汪，唔錯。🍹 凍檸茶 👉🏼 直接加左檸檬汁同肉碎係飲品入面，所以唔駛篤檸檬，第一次飲會覺得怪怪地，但之後愈飲愈上癮。㊙️ 個人評價 👉🏼 試過第二間分店完全兩回事，成碟好似無焗過重要水汪汪💸 埋單免加一 👉🏼 ＄55🏡 地址 👉🏼 觀塘翠屏道19號翠屏北邨翠柳樓地下3號舖☕️ 一個人的餐桌 一個人的孤獨 請我飲杯咖啡 瀏覽下網誌 謝謝

平時買開外賣，食物係幾好味，但有時俾錯飲品我都算,今次外賣拎返屋企蔥香豬扒飯的豬扒好似俾人切左一角，點解會咁？有冇合理解釋？返左屋企又唔想又行返去換，決定寫我第一篇食評！真係唔開心！

入到去同服务员讲一位 竟然唔理我 然后我自己行入去稳位 再问另一位企系我隔离噶服务员 呢个仲离谱 我问一位有冇 距望左我一下 继续同人倾计 我真系无语了 然后去了隔离茶餐厅 以后再也不会去百分百

今日響OpenRice 叫咗外賣自取，又漏咗多士冇比，之前就好多次漏茄汁豆，打電話去分店又冇人聽，OpenRice 早餐又經常不能加麥皮，去到拎餐時再加又要等一段時間

今次點左3個餐先講下佢地呢個咖哩牛坑腩聽聞佢地嘅咖哩係攞過獎仲要幾出名牛腩煮得不夠淋份量以一人分來說只係剛剛好如果你本身係食肉獸的話都幾相信你會唔夠食但係咖哩來講係幾惹味面頭浮住一層辣油如果唔食得辣嘅朋友要自己小心食因為咖哩係香辣，並唔帶有甜味加上有一層辣油，會增左一份刺激感街邊乾炒牛河河粉係幼身，牛肉尚算可以但係獲氣就真係無茶餐廳咁夠味道中上，唔會太咸咖哩豬扒拼魚柳飯呢一款咖哩同上面牛坑腩嘅咖哩係唔同的所以又可以試到另一個咖哩味道反而比較喜歡呢一款，因為佢帶少少甜比較近似日式咖哩豬扒同埋魚柳都係大塊其實都好夠食如果大家係飲奶茶嘅朋友我會建議大家點熱奶茶百分百都係一樣熱奶茶好飲過凍，所以加錢轉凍飲其實可以慳返

唔係講笑，個麻辣炒飯食咁多次都係咁好味個飯夠乾身，粒粒分明同埋沾上咗辣油同麻辣香料😎 一上枱已經惹火到爆想成碟0秒KO咗佢有啲麻辣菜式啲辣椒會好辣，但係呢碟唔會，同平時一樣我連辣椒都食埋。加埋啲生蔥同牛肉粒，啖啖都好滿足，加埋杯紅豆冰解辣啱啱好😉

百份百既午餐已經唔係多選擇叫爽口魚片湯米線,話冇米線得米粉朋友叫蘿蔔牛腩米線又係轉米粉落完單,隔幾分鐘先話冇魚片頭咁簡左個穀飼牛肉炒讚岐手打烏冬又係落單個陣冇講明要等半個鐘我朋友碗米粉都食完 我野飲都飲完先上個烏冬,問佢拎辣椒油店員竟然同我講冇晒辣椒油？真心理解唔到連辣椒油都可以預唔到貨系咩一回事？

今日要去翠屏北邨做野 一早嚟到梗係食返個早餐啦 嚟到呢頭人生路不熟 今次揀左百分百餐廳 原因係佢比較多人 咁多人食應該唔會中伏嘅 餐廳座位比較窄早餐款式都多我點左份野菌鮮奶炒滑蛋配左一份多蒜蓉牛油多士 一碗細火腿通 味道唔錯 炒蛋炒得夠滑香煎牛扒餐 $41朋友點左牛扒 還可以都係傳統茶記早餐好食d

今日食下午茶，諗住食過肉醬意粉，不過佢講可以轉飯，肚餓嘅我一定轉一轉飯啦，佢話呢個有兩個辣椒🌶️，咁我叫左多啲辣。上枱後有賣相一流，好多芝士😋😋本人好鍾意食，整體上都不錯，如果可加多少少辣就更加好了

今日同男神去開觀塘做野經過見到🌟百份百餐廳🌟就去嘆番個靚早餐😆。因為圈圈⭕️平時好鐘意食通粉做早餐今日都吾例外一於試下個🔺素鮑魚絲火腿濃湯通粉配蒜香牛油多士素鮑魚切成絲口感鮮嫩彈牙忌廉湯底濃通粉好有咬感、幾彈牙多士咬落有啖啖既蒜香味而且好脆又香口成個早餐加埋杯熱飲都係33蚊份量又多 都真係幾抵食😆😆‼️

咖喱牛坑腩飯 $53牛坑腩睇落份量唔多，不過都夠送飯👌🏻煮得軟淋、唔韌無咩肥膏，食落啖啖肉~可惜牛味唔重，而且切得較細舊，如果大舊啲會更滿足 咖喱汁質地較稀，屬於用香料煮成既咖喱，唔係加入椰奶、東南亞式甜味較重既果種。咖喱味道易入口，辣勁後上，唔算太辣，個人認為再辣少少會更惹味🤔 薯仔薯仔連皮，有三舊。烹煮時間足夠，質地粉糯，淋上咖喱汁一齊食，好澱粉控好愛 以連鎖快餐店黎講，食物質素、味道同份量都合格以上頹食又有新選擇了