百份百餐廳 (大窩口商場)

营业中

休息中

老婆同 d 細路各有節目, 剩低我自己ㄧ個人食午餐, 聽聞附近有間餐廳都幾抵食, 就走去幫襯。餐廳位於屋邨商場內, 所以沒豪華裝修, 座位都算寬敞, 總算坐得舒服。叫咗份香煎雞扒米線, 我麻麻地鍾意食蕃茄, 所以改了要清湯底。送餐時間都好快, 唔使 10 分鐘就有得食。份餐送到嚟, 一眼望去, 隻煎蛋中間窩咗落去, 好似無咗個蛋黃咁, 都幾搞笑, 幸好碗米線味道 ok, 唔會太鹹, 米線個口感又唔會太淋, 塊雞扒都幾大, 煎到金黃色, 恰到好處, $40 都唔使, 抵食。

喺領匯商場下嘅食店, 呢間算抵食, 下午茶又多選擇, 今日試咗揚州炒飯, 用料充足, 包埋熱飲只係35蚊但係味道就一般, 食中式炒飯都係酒樓或者飯店好食啲.下次都係食返公司三文治

一直以來都相信屋村快餐店最緊要係方便, 就腳, 就算食物質質次一等, 亦都會多多支持,尤其是下雨天.自從领展管理之後, 好多屋邨商場都大洗牌,大裝修, 好多老字號茶餐廳、快餐店都被迫结業.今次到來光顧的是一間帶有現代裝修的連鎖式餐廳, 相信很多屋村亦有此分店.從裝修到服務, 大致滿意, 食物味道Ok,價錢公道, 唯一美中不足係所選用嘅餐肉同腸仔味道都麻麻

有日路過大窩口商場, 見天氣咁熱又有d肚餓, 就入去食個tea歇一歇...見d食評全部都好似唔太好, 都無抱太大期望...但結果性價比也不錯...唔算好平, 但以呢個價錢, 呢個環境, 我覺得幾合理...坐得幾舒服, 一個下午茶set都係大約$30-40, 好ok呀! 另外有個咖哩牛腩伊面都好好食, 奶茶亦好飲...其實以屋村茶餐廳呢個質素算很不錯! 

悶悶地到樓下食個午餐，叫左個招牌咖哩飯同台式肉燥飯咖哩飯的味道尚可，香辣易送飯。台式肉燥飯很多油，味道也過甜飲品叫左咖啡同檸茶 ，咖啡送上之時 還看到咖啡粉粒，需要再自行搞伴；檸茶普通

屋企冇煮飯，終於有機會試下新開嘅百分百。餐廳燈光好暗，好有「情調」...晚餐都幾貴，閒閒地都要五十零六十蚊，呢個魚香茄子煲就索價 $56，凍飲加 $3。一上嚟仲吱吱喳喳，幾有鑊氣。不過食落就鹹咗啲，啱晒送飯咁囉。