百份百餐廳 (荃薈)

营业中

休息中

百分百集團餐廳愈開愈多，僅有一間係你左近。 我相信一般市民都應該已經食過。今日因巧合經過下光顧在荃灣荃薈地下的百分百餐廳。座位算是寛闊，不會感到逼窄既感覺。可能是地鋪關係，比其他百份百是較光猛。款式也是大眾化及多，咖喱，茄汁，粉麵飯都有提供。我見到午市有藜麥飯？！咁健康既野就一於試一試佢 結果幻想同現實永遠有誤差，現實是相當骨感。先說蛋及蝦仁份量是足夠的，保持濕潤不會太乾。只是所謂藜麥飯同白飯無異，多幾粒小顆點。Anyway, better than nothing and no price different 就隨意啦

午市口水雞套餐連熱飲$61。因為疫情，一個人都佔要四人枱，所以座位寬敞。首先，我愛食口水雞多過海南雞，但是本人不太接受真正的辣。店員很好，我問會否很辣，許多時候hea的店員都會話辣度因人而異、很難答、怕辣食海南雞。。。但這店員聽我問後，便主動話幫我汁另上，可以試下。一送來，感覺別緻，配菜細細碟，但對於女士已很足夠。拍青瓜及雲耳味道一般，不屬好味，而且切得太細小。雞算幾滑，又嫩，很有誠意，因為雞皮是特意冰凍，才感爽口。我覺得滿意啊！

本人同友人6月20號下午4時15分專程光顧，野飲都未飲完，職員係完全無問過既情況下，就將我地既台移比左邊人客用（原因：左邊2人變3人），又將本人既2杯野飲搬去右邊4人空台。最終，本人同友人變左坐係通度中間。重點1: 當時店內仍有大量空位（店主可查CCTV)。理應叫有需要既顧客自己掉台。為何要將用緊既台合拼 ，人客都未走，飲野又未飲完，令人客變成坐係通道一樣。重點2: 職員完全無問過，就將台移走，完全無問人客同意與否，極度不尊重。重點3: 最可笑，本人既右手邊已經有一張4人空台，左邊有需要既人客行一步，問題已經可以解決。一間餐廳最重要係食物同態度，食物都唔太好食既情況下，仲要比錢受氣，待客之道？

無論午市、晚市或下午茶都有好多選擇，咖哩、炒粉麵、蒸肉餅、湯飯、米缐、三文治、西多士，應有盡有，試過好幾樣，大多在水準之上。特別是咖哩牛腩飯，好邪惡，食過成日都想去食，佢連薯仔都好好食，我平時唔食薯仔，但呢度嘅薯仔我都會食哂。另外試過海南雞飯都不俗。炒粉麵味道都可以，但太油了。飲品方面，奶茶都唔錯，但凍檸茶就不太好，不是一片片的檸檬，而是用檸檬蓉，飯落味道似雀巢檸檬茶，有啲酸，not my cup of tea。呢度附近有質素的食肆不多，現在有這間茶餐廳，無疑是多了很多選擇。

今天跟同事外出午餐，發現這間食店，點了個麻酸辣朱扒米線，看名子就怕它很辣，所以跟職員說要小辣。經解釋後，餐牌菜名旁只有1隻小辣椒的圖案是小辣意思，我就叫了這個。不要看相中一遍紅油，我個人是還能接受，而且真的不得不讚呢，因為它很對本人口味。但是，如果點點辣也不能接受的，大概也不要叫這個了。有4塊軟硬適中的豬扒放在麵上，很入味，麵上還有一堆炸得脆脆的波波球，我第一次見，很有趣。雖然吃後會有點想喝飲料，但真心推介並且覺得會再吃。另外叫了個紅豆涼粉冰，忘了拍照，也不錯，只是紅豆是有點過甜吧，待冰融化後，淡了點就可以了。

2020年5月3日 (星期日) 3:20pm 31°C 環境光亮整潔，餐具乾淨。 人數：4 人 不用等位 皇牌公司三文治 - 竟然以木製器具盛載，實在太出人意表啦 ！！！餡料豐富，脹卜卜，賣相十分吸引。滑蛋金黃，午餐肉煎得微燶，夠香口。火腿永遠跟芝士片是絕配，蕃茄多汁，只是西生菜和沙律醬份量太少。本人要求麵包 " 飛邊 " ，在烘底的情況下，更覺美味。整體來說，份量充足，是一個豐富的下午茶。【推介之選】❤❤❤ 熱杏仁霜 - 杏仁香味撲鼻，甜美養顏，本人至愛！【推介之選】❤❤❤