百樂餅家

营业中

休息中

東涌逸東邨呢類舊款麵包舖啲食材算接受啦。繼之前有食客上載過蚊撻之後. 今日經開鋪眼見有新款拿破崙隻撻花邊（葡撻）又見佢燶燶哋咪膽粗粗試吓佢囉。有啲驚喜⋯⋯蛋濃酥脆仲微熱.$30 有4件算係咁,隔離撻王都唔止呢個價. 有小許進步還有改善空間。P.S 剛剛出爐應該會仲好食。

好嘢要推薦🥰😘😋👍🏻呢排中秋諗住去買餸食好d啦，經過街市入面嘅百樂麵包 (Pak Lok Bakery)，見到蛋撻幾平，咁就買嚟試下啦，估唔到第一次幫襯就中伏🚁🚁🚁蛋撻就 $17/4個，咁大個仔都未食過d蛋撻有咁多蛋水，簡直係深即見底，濃厚蛋水嘅厚度足足有三個港幣$1厚度，蛋水同蛋皮都可以做到咁薄，師父嘅功力真係唔簡單，起碼都食過四五十年夜粥先可以練到一手好功夫，搓皮夠薄，蛋水夠少，先可以令咀仔細細嘅女性更容易一口放入口中，師傅真係夠晒心思，完全考慮晒所有食客嘅飲食習慣👍🏻除此之外，師傅知道我今日未食早餐，送埋隻滿血小蚊俾我，令我吸收足夠蛋白質同鐵質，呢$17真係抵到爛👍🏻