影片
狗公园就系左近，叹个靓茶再慢慢行过去爽呀 ﹗竟然会系 133 号台，好有回忆，突闪过年青时在酒吧醉生梦死的生活，哈哈﹗有张四人台系最入面电视机底，真好无人骚扰，私人空间坐得舒服。望望点心纸，无咩特别，是但点几个。错字不算多，迷您珍珠鸡的迷你、上海菜肉饱的肉包，杨州炒饭？扬州先系架麻。XO 酱炒银针粉，都唔热既又无镬气，微温送上。淡荗荗油淋淋，有咩好食呢？无肉食，斋炒的吗？只见芽菜、生菜丝、甘笋丝，漏落 XO 酱还是少到完全感觉唔到？蒜蓉虾春卷，蒜味特强，质地黏黏的，真系非常溶，真头系蒜泥来的 ﹗食不到虾肉、食不出虾味，淋上大量喼汁，酸酸甜甜脆脆，食其香口。蜜汁叉烧肠，粉皮肉厚，质地粉粉带鞋，少少肥叉烧粒，不喜欢。豉汁蒸凤爪，甜甜蚝皇酱汁黏著炸爪，一啜骨肉𫟴离，重口味损损脚趾过足瘾，味道平凡。点心并盘，何解会系微暖的呢？不是即叫即蒸的吗？百乐门虾饺皇、鲜虾烧卖皇烟都唔烟下，翻热的吗？微温品尝，啖啖肉的烧卖多汁有肉香，肥猪肉太多，香口但油腻松散。虾饺皮厚虾爽甜，不过不失。上海菜肉包，特厚包皮有著一丁点肉碎，我只爱皮薄馅靓馅多多的包呢 ﹗潮式靓粉果，油皮成只跣落口，芫茜？芹菜？吓死朕咩 ﹗我最怕，幸好未至于反胃啫。脆皮鲜虾肠，仲谂住同大陆紫米肠一样修长幼细，点知巨形大大碌，鬼佬黎㖞 ﹗劲搞笑。肠粉卷响铃，一条肠两种质地、三种味道。香脆响铃、咽韧虾碎、黏湿粉皮、甜美豉油，并合在一起，蛮好的﹗绐终深圳东方园出品既最高质好味。卤水鹅掌翼，浓烈八角味道非常呛㖞，朋友劲钟意，但我不喜欢。沾上甜醋遮掩一下，暖暖的皮滑肉嫩，酸咪咪散发卤水味道，可口满意。安虾咸水角，什么是安虾？有虾的吗？先脆后咽韧，肉松腌味甜美，更多馅就更开心啦 ﹗微油不腻，没有讨厌的葱或芫茜，合格。雪山叉烧包，冻既？焗一焗翻热都懒。失望地塞入口，菠萝包外不松脆、内不干塾，叉烧酱不够湿润，赵感干干不香甜。上汤鲜竹卷，味道淡如水，一夹散晒不够结实。馅料太少，芹菜味霸道。鱼肚棉花鸡，麻麻地免强合格。汤汁不足，整体都有点干，干鱼肚、干鸡柳、干冬菇、干蟹柳。姜葱牛柏叶，Albert Yip 新鲜出炉热辣辣，被厚厚姜葱浓芡包到实一实，少少爽、少少韧，合格。鲍汁炆凤爪，迟迟都未到，已经卖晒吗？其他点心都已经食晒喇，临埋单终于到步。豉油花生浸鸡脚，刚刚急做？水汪汪淡荗荗，鸡脚甩皮甩骨，劣质。
继续阅读
一行5人去饮中午茶，入到去第一个感觉是：服务态度欠佳开左茶，填好点心纸想落单。揾个人帮忙简直难过登天侍应睇到都扮睇唔到，结果要亲自走去「请」他们帮忙落单点心：唔好食加水：又系难！叫极都无人会帮手整体感觉差到爆炸
继续阅读
流沙包大小不一 包皮仲有油抑味 啲蛋黄爆唒出尼搞到个包皮都系黄色 卖相超差 珍珠鸡D陷又爆唒出尼 D饭少到根本包唔住D陷 个陷又剩系得肉 完全冇虾米蛋黄个啲仲有d侍应服务态度超差 个个都求求奇奇是是但但咁 我叫左菜干廋肉粥 点知尼到系皮蛋瘦肉粥 问番先知原来张点心纸系旧既 早就冇唒菜干廋肉粥 得番皮蛋瘦肉粥一款 点解唔收起D旧既点心纸？仲可以唔同客人讲声就咁摆低碗粥就走左去？唔怪得午市都系得咁少人啦！冇下次！
继续阅读
晨早三个人饮茶，是日仲要系公众假期，想谂间间都会收正价，贵就贵喇!原来假期都有特价，叫左6个点心，炒米粉，柴鱼花生粥，凤爪排骨饭，梅菜肉饼饭，仲有贵价既鸭脚扎同烧卖，非常大件，梅菜肉饼用甜梅菜，多左一份香甜味，令肉饼咸度岩岩好，赞!烧卖虾肉爽口又大粒，食到饱饱埋单都系83蚊咋
继续阅读
星期六日最岩一家大细去饮茶架啦因为成日去饮荼所以好多荼楼都试过同埋惊其他荼楼好多人等位呢间tea时间比其他既酒楼少人排,所以试下呢间我觉得最好食系呢个三宝,萝白糕,红豆糕,腐皮卷,系tea个张纸到,价钱相宜同埋好好食个红豆糕虽然系甜食,但煎左之后香脆得黎又有红豆味,好过愈因为得牛肉肠有特价,所以就叫左呢个,冇乜特别,但个略微厚,如果薄番d就好另一亮点系个炒饭,因为只系10几蚊,以10几蚊黎讲个量都ok,但如果再热d就好再讲,甜品识食一定系食蛋散,因为一黎脆,二黎热,而且又唔系间间酒樱有如果再黎恬间食一 定会再叫呢个桂花芦荟糕,唔系话真系好好食,因为个质感mama因为呢间唔系话好多人帮衬,所以服务都ok,起码叫到人'针'水呢间酒楼会再帮衬的
继续阅读