影片
招牌菜
登登登…父亲喜欢这里的杏汁白肺汤，极力推介，香，浓，滑又润.....通常是晚饭例汤，今天跟点心比美,一碢可分八至九碗。传统潮州酒家，有煎潮州韮菜棵做得有水准，其他点心一般的家常，没有卖弄精巧，实事求事。
继续阅读
庆祝嫲嫲生日往年嫲嫲生都系去上环澳门赛马会的今年黎呢度都几隐蔽平好多, 又有鲍鱼食但D野食都好食潮州野又有特色赛马会太普通喇芋茸香酥鸭好正最后食到好饱!! 正正正正
继续阅读
5月9日, 母亲节点都要同屋企人饮个茶~ 今日黎咗附近嘅百乐潮州, 好过去对面间难食嘅喜悦, 咁啱又唔驶等位~ 睇一睇点心纸, 虽然种类唔多但系都有晒我地想食嘅野~ 另外水吧仲有d特别d嘅潮州打冷添!::: 虾饺 :::饮茶必叫点心之一, 虾饺皮比较干身, 好易夹起不过黐住筷子, 扣咗少少分~ 不过味道尚算好味, 虾都几大只新鲜~::: 烧卖 :::饮茶必叫点心之二, 烧卖上嘅肥猪肉虽然太多, 但系要咁样先食到烧卖应有嘅精髓~ 好大粒啖啖肉, 绝无吝啬, 要弹嘅只系烧卖上面唔太新鲜嘅蟹子, 有点画蛇添足…::: 牛肉球 :::落足料, 又葱又马蹄, 都几香芫茜味, 唔算好特别, 中规中矩~::: 潮州粉粿 :::潮州茶楼当然要食潮州粉粿啦, 特别在佢冇乜韭菜, 所以颜色比较斋, 但系食落味道反而几香, 唔错~::: 小笼包 :::小笼包就失色, 一来皮唔够薄, 而且又系好干~ 二来冇乜肉汤, 里面嘅猪肉亦唔够味. 冻咗食仲衰添, 一旧粉咁…::: 叉烧肠 :::味道都唔错, 可惜粉皮太厚以致肠粉中间部份好淡… 叉烧唔算新鲜不过可以接受~::: 鸭脚扎 :::我地冇食到, 屋企人都食净咗, 睇卖相麻麻…::: 流沙包 :::流沙程度都ok, 唔可以话做得好出色, 入面奶黄有少少凝固咗, 都几香甜啦~::: 咸水角 :::入面嘅料好似俾人偷咗咁, 得好少, 又冻咗… 变到一咬落去好黐牙. 差差差~~~::: 鲜虾腐皮卷 :::反观呢一碟有惊喜, 虾都系好新鲜弹牙, 最重要竟然连腐皮都做到好脆口感~ 腐皮同虾夹埋好鲜, 又热辣辣, 呢个值得一赞~::: 萝卜糕 :::呢个都好好味~ 萝卜同粉份量平等, 最憎食到一口粉而又冇萝卜肉~ 煎嘅时间亦刚好, 外脆内软, 一流嘅咬口, 亦值得一赞~总括食物方面唔算系好出色, 不过总比喜悦好一大截~ 坐得都几舒服, 又唔系好嘈, 竟然母亲节都唔驶等位, 又唔会趁机加价, 我地决定咗父亲节再黎过~
继续阅读
3月16日晚, 一行十人走咗嚟呢间「百乐潮州酒家」食晚饭,坐底就有花生及咸酸两款小食, 不过只有各样两小碟, 十个人好似唔多够㖞...跟住系功夫茶, 正! 先嚟个「卤水拼盆」($98), 哗... 比佢吓一吓, 点解得咁少既...... 成旧水㖞.................... 不过都算几好味既! 「椒盐九肚鱼」($68), 呢个非常好味!! 「潮洲蚝烙」($72), 又系正嘢, 不过好贵呀....................「金银蛋浸苋菜煲」($68), 呢个就普通啦!「青瓜煮鱼镖」($98), 唔错, 不过份量超少啰....................「糖醋肉排骨」($78), 几好味, 但又系得几件.......................「柠檬蒸乌鱼」($68), 呢个我话要食既, 都几好味, 可惜, 又系份量少㖞.......「原笼糯米荷叶香鸡」($108), 好钟意食呢个, 因为有药材味! 不过个笼就大, 但加埋都系得四、五个碗仔既饭同𩠌咋... 离谱咗少少㖞.......「鱼蛋粉」($30), 284 特登叫咗呢个粉食,我冇食到, 佢话都OK, 但未算好好食。呢个系用东亚信用咭埋单就送既鱼肉饼, 衬热食又出奇地好好味架!! (汇丰/ 恒生/ DBS / 中银咭等都有得送)食晒所有嘢后, 真系有少少唔够饱, 见到职员将一大碟「糖醋伊面」送给房,就谂起我哋未食呢个咁好味既菜呀!! 不过我哋叫呢个系例牌, $88, 其实唔多够食, 但加大就计双倍, 唔抵㖞!所以最后每人都只系分到一个角仔食咋!餐牌上面仲有超多嘢食, 对呢度既食物质素都几满意,可惜, 呢度所有菜既份量都太细喇! 价钱又贵..............................最后埋单$100 位, 少少觉得唔抵食呢...........Ref : http://hk.myblog.yahoo.com/joycewai616/article?mid=6280
继续阅读
有亲人生日呢度摆番围。先冻蟹，一向唔喜欢将海鲜冻食，唔系好欣赏。再卤水并盘，味道唔错，最欣赏大肠，够晒入味。跟著菜式都系一般酒席菜，无乜特色，不过煲翅就唔错，好足料，除此之外，川椒炸子鸡同绦鱼都OK。最后整个大寿桃，大饱包细饱，好唔好食，唔系问题，最紧要系寿星钟意。埋单都几贵，唔系咁抵食。
继续阅读