發記腸粉粥品

营业中

休息中

This little shop is often packed with a queue, not too long, but you may need wait for 10 - 15 mins to get in ... so, I often do the take-away instead.  We get in the shop after 10 mins, and portion offered in the shop seems bigger than take away.  It's quite a good choice if you want something at night after dinner, not too full and you can still shop for some desserts across the road.  

平日晚上八時多，發記店外大排長龍，須等待約十五分鐘方可入內用餐。住在元朗多年，還是第一次來發記吃粥，便點了最馳名的雞粥，加豬潤($45)。雞粥用煲仔上，粥底又綿又滑，雞的甜味全都滲進粥裡，愈吃愈甜，非常好吃。雞件份量非常多，足足有十件，而且大部分是雞脾肉，。豬潤同樣是又大又厚，熟得剛剛好，很鮮味。$45有一煲如此足料的粥，實在是非常抵食。朋友的蠔仔粥($28)，每一粒蠔仔都肥美飽滿，鮮甜，沒有腥味。炸兩($16)，油炸鬼大大件，可惜腸粉過厚，吃起來有點滯。發記的雞粥真是一絕，難怪如此受歡迎，以後吃粥可以鎖定來發記了。

每次到元朗掃街，一定要去發記食豬潤腸！以前覺得深水埗維x既豬潤好好食，但而家變得愈黎愈鞋口，自從食過哩度既豬潤，就不能自拔！因為唔中意食粥，所以入去只叫左一碟豬潤腸，約二十蚊！講真，論腸粉，哩度既粉皮係唔合格，削過頭，一夾就散，亦有熔熔爛爛既部分，但係無阻豬潤既出色！又爽又滑既豬潤，有潤香，無豬臭腥味，而且豉油好味，偏甜，點豬潤好好味！店員態度都好好，同友人只分享一碟腸粉，都無黑面，仲好有禮貌

作為元朗人，見證發記從開業到旺場，雖然有感質素下降，價錢上升，但是日腸胃不太舒服，不願走遠，還是去了這個老地方。因為平日中午，餐廳不算多人，服務生姐姐亦不是太忙碌，尚算友善。我點了及第粥和蝦腸。及第粥主要有豬腰、粉腸和豬肉，豬腰厚薄適中，入口時十分爽口，正！粉腸都乾淨。不過，發記現在問題是粥身普通，雖然是杰身，但食落仍稀薄，沒有太多米飯去煲，不像是生滾粥。味精也比以往濃。而蝦腸都算可以，雖然只有兩條，但蝦仁大隻厚身和彈牙，腸粉亦香滑，配合來食仍是不錯。

在元朗食粥這間粥店是必然首選，因為人多的關係，買外賣的話最好先打電話去落order，可以不用等那麼久。滑牛粥這裡的賣點是粥底夠棉，堂食很不錯，外賣因為經過多次晃動自然是會棉度下降，不過還是不錯的。牛肉夠腍和滑，保持到牛味，而且份量也不少。鮮蝦腸粉腸粉是新鮮即製，皮是厚了點，不過很滑又不黏口，不會像是在吃一大團粉皮。餡料不知道是不是新鮮蝦，不過仍然爽口彈牙，能吃得出蝦味，加上腸粉鼓油更加好味。油炸鬼每次吃粥都不能不叫的油炸鬼，晚上吃也不會太腍身，保持到一點點脆口。油膩是必然的，但不會過份油，可接受。

粥是香港其中一種傳統飲食, 吃粥的歷史已有數千年之久, 據說經常食粥, 有防病保健, 延年益壽的作用。 因為粥的質地稀軟清爽,一來可減輕消化器官的負荷, 二來有利於營養成分的吸收, 具有低消耗, 生津潤燥, 易消化等優點。現今食粥不再是生病的時候才進食。 形形色色的粥品亦以不同姿態及配搭出現, 更發展至近來用粥來做蒸氣鍋底。 粥對於女生來說更是瘦身的好選擇。潮濕又悶熱的天氣, 胃口不算好, 吃粥是最好選擇。 搬進元朗後, 經常光顧的是“發記”。位於建業街的“發記腸粉粥品”是一間傳統粥麵店, 開設了多年, 主要提供地道粥品、炒麵和腸粉等。 其中以招牌煲仔粥最為馳名, 加上粥店用心做好每碗粥, 所以一路都深受食客歡迎, 經常都有不少食客於門外排隊等候。有段時間, 粥店外設有摺檯, 坐於街頭食粥別有一番風味。 不過基於食環的麻煩條例, 已通通搬回室內了, 剩下的只是供食客等候時的椅子。發記裝潢簡單, 切合一貫老字號的地道風格。 全店只有十多個位, 食客要坐到幾乎背對背, 幸好冷氣夠強勁, 不至食到汗流浹背。菜單全手寫, 每字都整齊公整, 貼於玻璃上。 說得出的粥品都有, 款式選擇配搭多。檯上

考完試來元朗食下野，而且想食清淡少少 食粥，之前聽人講二十幾蚊好大碗粥，現在同朋友一齊食下人。入到去啲啊姨見到我地一袋二袋野，即刻俾張椅俾我地擺野。粥又有好多款選擇。落咗order之後，唔洗好耐，一碗熱辣辣既粥來到了，差點倒瀉，由於碗粥太熱，所以食住炸兩先，啲炸兩都好食，然後嚐一啖粥，好好味啊，食到半碗已經覺得好飽啦，不過大食的我把它食曬。由於係同朋友食一碟炸兩，所以只係要俾三十二蚊卜，真係好抵啊👍

有時夜媽媽返到元朗,未食野但又唔想食得咁heavy,我都會選擇去發記食粥!用個鍋仔上,熱辣辣,份量又多~抵食!$18一鍋仔,又超多料!!!真係男士都夠飽囉,唔夠可以點多碟腸粉都好好味!間唔中男友都會點腸粉,腸粉皮幾滑!我個人推介雞雜粥!有雞心,雞腎,雞潤..唔會有唔新鮮內臟嘅血腥味雞雜粥好似唔係度度有得食,大家下次可以試下最好堂食,試過外賣,始終不及堂食咁好味!

啱啱出咗成8日差, 一返到元朗, 唸住第一時間要食返碗靚粥, 幾夜都要買外賣返去食, 買咗豬潤粥 & 蘿蔔糕.....唔知係咪外賣o既關係, 當我一食落口...有d 失望..雖然粥o既甜味仍然存在, 但豬潤明顯過熟了 , 而蘿蔔糕又少咗蘿蔔絲, 整体感覺好似粉多於蘿蔔..雖一最好係..蘿蔔糕一d都唔油..否則真係唔想食埋佢...下次要再去堂食一次, 睇下係咪因為外賣關係令出名o既豬潤變樣...

When we reached at 3pm plus, the shop was almost full but luckily we managed to find a table right to the end. We order pork meat & pork liver congee. It was served on a claypot, filled to the brim. It was just nice for 2 people having some light food. The meat was very tender and not over cooked. To our disappointment, steamed rice roll with prawn was not that nice even though this dish was one of the recommended dishes on Openrice. The skin was very thick, though the prawn was quite big in siz

之前已經聽過發記, 次次經過都好長龍, 點知甘岩今日好好彩等左一陣就入得,甘就入去試下.一試啲粥用沙鍋上枱, 好大碗, 夠兩位食, 我叫粉腸雞粥, 啲雞好夠味, 粥底好綿, 另外炸兩好正, 腸粉面夠滑, 完全值得排長龍再食過

好耐冇去發記食粥la, 呢幾日又唔係咁舒服, 冇乜胃口, 所以去咗發記食粥. 一問之下..今日居然有久違了o既魚鮫粥. 呢款粥係冇寫响餐單o既. 第一次食果院係遇然下試咗. 但唔係成日有, 今日比我遇返. 真係好味. 好滑, 中意食魚o既人會好中意, 但唔食魚o既人會覺得好腥. 雖然粥底冇以前咁綿.. 但味道仍然鮮甜. 回味中!

今晚突然有幸和另一名網絡作家到元朗找野食，我們邊走邊看找食店，最後見到這店竟然在晚市還是坐無虛席，才知係在地名店，當然要試試，幸好我們不用等太久就有位……他貼在牆上的餐牌很得意，因是一張紙摺好一格格，然後手寫的餐牌，十分傳統。……我見到有豬膶粥，當然要試…一上桌時我都有點驚訝，砂鍋上，份量超多，滿到瀉的粥配上足料的豬膶，食下去時豬膶爽，沒有太大血腥味，好耐沒有吃咁好的豬膶……另外點了蝦腸和炸兩，腸粉皮滑溜，而由於應該是即叫即整和流量快，所以油炸鬼很脆，蝦都算新鮮靚靚蘿蔔糕（餐牌上的名字）:係見到隔壁檯點了看來十分高質素，所以點了，他即叫即煎，蘿蔔絲算不少，可以一試。……在加上朋友點的粥，每人都不用50元，又抵食又大件，真的不錯。……題外話：這店的姐姐十分忙碌，但跟街坊熟客仍是有點閒話家常，有點意想不到。另外，見到有不少人外賣，但都自攜器皿裝粥，真的是街坊店才樂意做，但既環保又方便，何樂而不為呢？

在元朗走了一整天，皮膚被乾過又濕的汗水弄得黏糊糊，連胃口也不濟，晚餐宜選取一些清淡的口味較為適合！時間接近晚上七時，從川流不息的堂食客人和外賣數量來分析，「發記」該是元朗受觀迎的粥店之一，我們在門外等了約十分鐘，方可內進！摺檯跟摺凳，地道的街坊店子，桌上沒有餐牌，首訪的食客如我們可將視線轉移到玻璃上的字條，各式腸粉、粥品和炒麵等，就如揮春般貼著。若然能換上毛筆字，那便非常藝術的了！對牛脷酥有著掛念，已經一段時間沒嚐了，而且現在的粥店也較少製作，正好在「發記」給我們遇上，當然要一嚐。牛脷酥色澤淡薄，想不到味道也如色澤一樣，缺了牛脷酥一貫的細甜與酥香，質感更是韌韌的，嘴巴就像咬著泄了氣的皮球！一看擺放於廚房前的紙箱，內裡的油器似乎已放了好一段時間，因此不能期望太高了！以瓷鍋盛載的豬潤豬紅送來了，份量不少，光是我一人的話，應該吃不掉。粥底泛出米花朶朶，稀稠適中，略帶香氣。豬潤雖不是黃沙潤，入口有著化開的口感，相信生熟度控製恰好；豬紅扎實、新鮮，粥品要比油器來得稱心。即場觀察，除了粥品，各式腸粉和炒麵是較多食客點的食物，鄰座的食客則沒要來粥品，只是光嚐兩大碟腸粉，面上流露著滋味的神情！我的蝦米

好耐冇入元朗了，突然心血來潮就上咗巴士了 不過真係唔啱時候，因為天氣實在太熱了。。。禮拜日呀，條街感覺上都冇咩人 求其搵間購物中心行下都冇宜家咁辛苦 餓喇！就發記啦。坐咗冇幾耐我點嘅【蠔仔粥】就上檯喇，試試味道先。。。淡咗少少，加啲鹽先。。。都仲係淡，，再加啲胡椒粉，再加鹽。。。。。。。好清淡呀 天氣已經咁熱，啲粥又咁清淡，點算呀 都係老婆煲嘅粥好味啲 不過啲蠔都仲算有份量然後係【豬潤腸粉】。。。一樣咁健康，不過啲豬潤都仲算新鮮，煮得仲算嫩，切得都幾大件，就係淡啲囉 食到差唔多，見到坐隔離嘅阿叔，都叫咗豬潤腸粉。。。佢先問咗店員攞咗個碗仔，我想，一個人食粥，駛唔駛攞碗咁多餘呀。。。之後我見佢攞起支醬油就倒入個碗度，然後就夾起件豬潤擺入去了。。。。。。。。。明白了，學到野了 係時候走人了，不過應該冇下次了～