發記甜品 (已結業)

同朋友係旺角食完晚飯想返屋企之前食少少甜野就嚟咗呢間發記甜品呢度款式多食飽飯求其至在坐下休息一下。所以叫咗心太軟 等左大約十零分鐘我哋兩個人分享一個甜品呢個朱古力心太軟切開裏邊朱古力唔會流出來而且朱古力味道都幾香濃碟側邊配一小球雲呢拿雪糕 ....最可惜是晚沒有朱古力雪糕因為我地最喜歡朱古力....味道一般,雪糕本身亦欠軟滑,但是以呢個價錢來講 仲有又唔使加一都算抵食呢度仲有幾款心太軟好想試試不過太飽，下次會嚟嘅

同朋友食完晚餐後繼續下場食糖水，大家都唔想諗就搵附近嘅糖水嚟食。呢間發記連鎖店都好出名㗎啦，基本上都穩陣唔會好伏。可能係因為開喺旺角啦個感覺裝修到好有香港嘅特色。講返甜品都係不過不失啦個燉奶都幾香奶味，木瓜雪耳糖水都係OK啦，無話特別超級impressive, 只係不過價錢有少少貴，性價比唔算太高。發記嘅可取之處係選擇比較多，中式西式糖水都有任君選擇。地點就腳啱晒我哋呢啲食完lunch仲想繼續下場傾多陣嘅一大班人。

成班同事成日都嗌食糖水，今晚食完飯一行人一於去發記食個甜品。呢間位置方便，就係旺角雅蘭中心對面。今次我哋叫左木瓜燉雪耳、榴槤pancake、榴槤綿花冰、榴槤飄香芋圓同楊枝金露小丸子。木瓜燉雪耳不會很甜，夠清潤。楊枝金露小丸子甜甜地，又有少少西柚既苦，小丸子夠彈牙，不會好淋，口感豐富。成班榴槤怪喺咁嗌榴槤，搞到成張枱都係榴槤味。不過個榴槤飄香係咁多款入面榴槤味最濃，再加埋芋圓一齊食，感覺好特別。下次食糖水都會揀返雅蘭中心對面呢間發記食！

So i was there recently and tried their 楊枝甘露. The desert was unacceptable, the number of mangos are limited and the whole desert only given a sense of sweetness and nothing else. Overall I would definitely not recommend this shop, since you are paying more than usual and getting some low quality product.

唔係繁忙時間去鋪頭入面冇咩客人，但一入到去冇人理。2人自己搵位坐 自己本身拎住d野諗住見冇咩人所以想搵張4人枱放下野。侍應過黎問都冇問一聲不響拉走左隔離張枱，之後又話2個人只可以坐2人枱。睇餐牌野食偏貴，叫左個$60既三色芋圓榴槤飄香，但黎到唔係想像中咁既樣，賣相差，味道差 賣相睇落係楊枝甘露，覺得佢應該要叫改名做榴槤甘露 因為聽個名唔會覺得佢係楊枝甘露咁既樣。芋圓整得又唔好味，西米好細粒似煮到爛哂咁，西柚都係得幾條，亦冇榴槤肉係入面 完全唔值呢個價。

同朋友去食呢間之前，真係冇留意食評極差😠，仲食到一肚氣😤事原我地一入坐睇menu既時候，一位瘦削帶眼鏡上左中年男人既侍應過來問我地要咩，我地話睇吓先，佢都唔肯走繼續講俾我地知有某幾款需要時間烹調之類，最後我地暫落住pancake先，冇幾耐再叫蛋白燉蛋同2碗芝麻糊，問題就開始黎喇，2碗芝麻糊到左，我地就發現冇左各3粒湯圓就問番個位侍應，點知佢仲怪我地冇講話要😒（個餐係有包湯圓/芋圓），咁樣叫service咩，最後佢未死死地補番俾我地，故事仲未完，到pancake上桌喇，又發覺其中兩件係完全唔熟就俾我地食🤢，我地同舖職員講，佢地既答案係「可能時間爭d，再整過俾你地，需要再等20分鐘」，我地為有再等，在等既過程，我朋友聽到態度差侍應同自己同事對話：「趕四人走比7人入坐」，嘩！😟我地先開始覺得入左一間X店😫我地等梗既同時，條友走埋來收我地d碗🥣，我地同佢講，仲要食其他野，點知條友即刻黑面兼妙咀俾我地睇，仲要係好X樣衰果隻，咩料呀！😠我地係冇必要受呢條友氣，最後決定取消單兼埋單走人

🍨楊枝甘露（$43）（🤤3/10）🔽呢碗應該係我食過最貴既一碗楊枝甘露，細細地一碗得果三四粒芒果肉 而且係偏酸既芒果，楊枝甘露裹面有柚子既果肉 不過都係唔甜既 柚子肉既苦同澀味好勁 令呢個甜品變得好難食。西米露同個糖水底都係無咩特別味 只係帶甜 ，呢個價錢 真係差到唔咁相信。🔽🍧芒果益力多棉花冰（$68）（🤤6.5/10）🔽呢個棉花冰係兩種味既棉花冰放埋一齊，芒果味果邊就比較普通 正正常常 偏假既芒果味，而益力多味真係好濃下 就好似飲緊益力多咁，將佢放入口 溶化之後個味好益力多。呢個甜品仲配埋個小丸子既 就咁咬就無咩味 要加埋個椰漿食先會幾好食 煙韌得黎帶少少甜。🔽總結呢間鋪頭咁甜品真係幾貴下 而且質素麻麻 對唔住佢個價，所以唔會再試。🔽📍發記甜品📍旺角山東街38號地鋪

發記甜品 (旺角)•可能冬天快到來，無時無刻也很想吃東西。男友說很久沒光顧過發記，便去嘗一嘗。•1️⃣ 朱古力心太軟 $68 🍫👍 一切開便有滿滿的巧克力🍫醬流出來。😋-朱古力味偏甘苦，不會太甜。不過吃到有微微的燒焦味🤨。-🤩 曲奇味雪糕中有很多Oreo 碎，不知道是那一個品牌的雪糕呢？🧐•2️⃣ 楊枝甘露小丸子 $55😟店員向我們推介，說楊枝甘露是招牌，便點了試試。誰知一試.......而我不知為何它是招牌？😧-👎🏼 非常的稀。 西柚肉和西米的份量少得可憐。-小丸子數量尚算多，但小丸子烹煮過度，太稀爛（太淋），做到入口即溶的效果😨。-🤑 $55 一碗這樣質素的楊枝甘露，也太貴了吧？回頭指數：2/10 (又貴又不好吃）

《空氣感🆙 疏乎厘pancake😼》據說 女人有兩個胃🌞食一餐係唔夠仲要食埋甜品🍮🤩.焦糖香蕉疏乎厘班戟 $82發記都有出疏乎厘pancake😼個pancake一上來暖笠笠😼食落軟綿綿好空氣感，個口感真係好淋好creamy，鐘唔鍾意就真係個人喜好啦食落都幾香濃蛋味🥚💖我就覺得水準不錯嘅，不過質感可以再實返少少👍🏻份量都幾多下 2-3個人share絕對得🙈另外有雪糕同香蕉作配搭，揀咗雲呢拿味，口感都smooth其實都幾令我驚喜，係比想像中好食，不輸依家d熱店🌞.

試一次已足夠經過呢次沒下次其實甜品不差！不錯的價錢貴得沒問題但付出價錢應該就給一些好態度食左不少甜品店第一次覺得此地不已久留感覺又不是多客！入左去坐下沒幾分鐘就急不及待地問我地食咩其實我地個餐單都味睇得切！男朋友禮貌同他說等等先！俾我地睇下先然後好快又過來大聲今問我地食咩😥我地個下嚇左一跳！語氣變到粗魯對待然後到算了！之後食物來左無幾耐好像想我們快點離開今係今望住我們幾時食完！唉！想食個甜品都要好急今我男朋友剛剛好食完放下餐具！個個男人即刻衝上前收哂佢既他既碟個堆！個刻呆左！那麼急入來坐到沒有十幾分鐘！真係食得也不愉快難怪那麼多位剩下！

同朋友坐低，已經見到職員對隔離枱嘅普通話人態度好差，「我咪話左囉」咁既語氣。我地叫左一個榴槤飄香同一杯士多啤梨奶。$58嘅榴槤飄香，榴槤味極淡，質感也一般；只能用失望形容。個士多啤梨奶，奶味重，士多啤梨味欠奉，反而有啲紅豆味，仲要暖暖地。真係飲唔落，唯有向職員反映，職員話士多啤梨奶係咁，來回幾轉，最後職員好勉強黑晒面先幫我地換杯西瓜汁。臨走比$101找錢，個職員好大力撻張$20落個找盤。我都好想問佢乜嘢意思... 不過都唔想再同啲咁嘅職員霎氣，因為過程已經一肚氣！食完呢餐，上OpenRice 睇返d post原來都好多人投訴，早知一定唔會去！

是日做完body check中間有時間係附近食個lunch本來係openrice已經搵左隔離街想食嘅嘢點知行過發記，見到個lunch menu又幾抵，忍唔住就入左去。（當期時仲未醒起「發記」就係之前係西貢食過超難食甜品個間野）我叫左個牛油海蜆意粉+凍蛋白燉鮮奶個陣其實無咩人，除左我一個之外、得兩台客（加埋都無10人）點完餐之後，一杯水都無，問左侍應比杯水。好正，得1/3杯而且出哂煙，點飲？問個侍應可唔可以加d凍水，佢答我得呢d（滾水），你攤凍佢啦ok fine. 問佢咁可唔可以比大杯d？比返我嗰陣係半杯，多謝哂可能廚房得一個人，雖然得幾個客，都要等15分鐘先上個凍燉奶，係，你無睇錯，係上左個甜品先而且咩都唔洗做， 拿碗嘢出來都要等15分鐘。無奈唯有食左甜品先。個燉奶都ok滑，但係鮮奶味唔夠濃，不過不失，唔算難食，但唔係特別好食等多5分鐘左右就來個意粉叫硯肉意粉好大個伏位就係餸太少，呢個都ok有7粒硯可惜有砂意粉都爽身，如果係蒜辣會好味d，而家牛油蒜蓉有d淡口。侍應好正，比得隻叉我，點撩d硯肉出來啊？！用手？而且提供正餐，紙巾都無張（有賣$5包），好心唔好咁縮皮。總體味道唔算差，唔算好，

一排無黎旺角，想食甜品，就去左發記，一睇個餐牌已經嘩左，價錢提升甘多，但入左黎就叫下啦，我叫左個凍綠豆沙加小丸子，綠豆沙水多個綠豆，味道又好普通，甘就36蚊，真係唔抵！我朋友叫嘅雪花冰仲貴，差不多60蚊，下次唔會再去啦！

同一行朋友去食完飯,意猶未盡, 就搵糖水鋪食甜品...講真,可一不可再先係鋪頭入面,同檯肩並肩不在話下啦..同隔離檯空間可以大少少呱我唔食榴槤,亦覺得唔鐘意榴槤果陣氣味既朋友唔好入去..一大陣榴槤不停係鼻腔湧入..真係冇晒胃口唔係講笑。你以為唔食榴槤就冇事喇咩,叫左個芋丸食, 好有口感,, 咬到牙都軟朋友叫左個pancake食, 佢應該都效法而家好hit既空氣感半熟感覺..叉左入口一啖,嗯。我真係唔識欣賞唯一可以讚既係個pancake真係新鮮整既, 因為我地成檯6個有5個食完果個pancake都未到。

今日行過朗豪坊見到有滿記就入去試下. 點知個 芝麻糊睇見都唔開胃, 個芝麻糊望落去入面有氣泡 肯定傑撻撻. 食落去有芝麻味但係唔香同好漿口, 一撻撻粉都未攪勻就畀人食. 口感真係差到無倫. 點解而家香港食物水準咁鬼差 唔怪之得呢間野咁多負評 最後埋單嗰陣時同收錢講碗芝麻糊好差, 佢話唔好意思我哋會留意下希望真係㗎啦. 盛惠37蚊